رواية كبرياء شيخ الفصل الرابع 4 بقلم زينب

احمد: سمعت الكلام الي داربين امي وفهيمه امي شلون تصرف هيج بأي حق ًحتٍٍٍـــى لو هي امي المفروض تأخذ موافقتي كلش تعصبت وصحت يمممممه بأعلى صوت هي اندارت علي

الشيخه: وي تزين راسج يشيخه 

احمد: منو طلب منج تخطبيلي هاااا 

الشيخه ظلت ساكته

احمد: لا تسكتين جاوبيني 

الشيخه: لاما راح اسكت لأن لو تظل عليك توصل للخمسين وما تقبل 

احمد: حتى لو هاي حياتي محد الا دخل بيها تردون تخلوني كدام الامر الواقع مستحيل اقبل فهمتوا لو لا 

الشيخه: احمد لا تكسر كلب امك الي بعمرك هسه عدهم درزن جهال يمه لحد من تظل بس كلي من تشوف جماعتك كلمن عده طفل طفلين ما تنقهر

احمد: لا ما انقهر ولا راح انقهر وما اريد احد يدخل بزواجي لا انتي ولا ابوي ولا اخوتي فاهمين لو لا 

الشيخه: شلون تحجي وياي هيج وتعلي صوتك عليه ولك انه امك هيج علمتك المدارس والجامعات هاااا جاوبني

احمد: يمه انه اسف بس ٲℓانــتيہ شعوطتي كلبي

الشيخه: شوف يا احمد والله وكفيلك محمد بعد ما يطخ لساني بلسانك منا لحد ما اسمع موافقتك

احمد: يمه هيج كلبج ينطيج ما تحاجيني

الشيخه: انت الي وصلتنا لهل مواصيل 

احمد: براحتج يمه 

طلعت من البيت فايزركضت على العنود ركبتها ومشينا احس هي الوحيده الي تفهمني ظليت افتر بالزرع مثل المخبل رايح وراد يمكن درت المزارع ٣مرات لحد ما شافني شداد

شداد: شعلامك ياشيخ شبيك تفتر جنك تايه 

احمد :اسكت شداد والي يسلمك روحي طالعه عساها ساعة السوده يوم الرديت هنا ردت ﺂﭑ͜ࢪﭼـِٰ̲ـ؏، حتى ارتاح لكيت المشاكل كدامي

شداد : الله يعينك يا شيخ • ﺂنٰ شۨـِﺂءۙ ﺂللـِه۫ہ ٰ محلوله

احمد: تركني شداد وراح نزلت من الفرس كعدت على صخره وانه افكر بكلام امي شلون بعد ما تحجي وياي بس كلت لا اكيد ما تكدر تقاوم وبهل الاثناء رجع تفكيري بكمره شلون رفضتني ضحكت عبالها تستفزني بس لازم اشوفها واحجي وياها وافهمها هاي خطط امي 

كمره: طلعت خالتي من عدنا وانه كلبي يلوب كلت معقوله هل الشيخ يفكر يتزوجني جنت واكفه يم امي وهي تخبز وانه اساعدها وصفنه تاخذني وصفنه تجيبني جنت رايحه بغير عالم لحد ما انتبهت علي 

ام كمره: لو اعرف شبيج من امس لليوم مستكه وجهج اصفر عبالك بايكتلج بوكه وخايفه تنكضين

كمره: يمه ماكو شي ٲℓانــتيہ توهوسين 

ام كمره: والله يا يمه ما ادري ياخبر اليوم بفلوس باجر بلاش

احمد: بعدني كاعد دك تلفوني اخوي عادل كتله الو

عادل: وينك يخوي وين اختفيت • تـٰ؏ـﺂﺂل للبيت بسرعه

احمد: ليش شصاير

عادل: تعال للمضيف عدنا طلابه جديده ولازم تحله بعد صرت انت الشيخ

احمد: • ﺂنٰ شۨـِﺂءۙ ﺂللـِه۫ہ ٰهسه شوي واجي وسديته وكلت بدت رحمة الله 

رجعت للبيت دخلت بالمظيف لكيت العالم كاعدين من الطرفين جانت طلابه بسيطه نحلت بسرعه بدون مشاكل طبعا بمساعدة الشيخ لأن انه قليل خبره بهل الامور وتالي ترخصت ودخلت للبيت كلت ادخل اصالح آٱآمــي الصراحه ما اكدر على زعلها سألت عليه كالوا بغرفتها صعدت ودكيت الباب 

الشيخه: تفضل

احمد: دخلت وكتله زاد فضلج وبست راسها يمه لا تزعلين مني الي ترديه اسوي بس انطيني مجال

الشيخه: .....

احمد: يعني سويتيها صدك ما تحجين ها

الشيخه:.....

احمد: ماشي يمه انه طالع فتره وهم ارجعلج وأظل احاول لحد ما تحجين ادري بيج كلبج طيب ما تتحملين

الشيخه:.....

بعد ما طلع احمد كوة سكتت عنه هذا ابني اول فرحتي بس ماكو غير هل طريقه ياله اكدر اضغط عليه بيها اتحمل بلكي الله يغير رايه

احمد: صار وكت الغدا الكل اجى ابوي وإخوتي بس امي ماكو سألت عليها هديه وين امي مو من عوايدها ما تكعد ويانا على السفره الكل استغرب واولهم ابوي

هديه: والله ياشيخ صعدت أصيح الها كالت تعبانه ما تشتهي تاكل

الشيخ ابو احمد: اهاااا خير كون مريضه

هديه: لا شيخ لا تخاف تكول راسي يوجعني

احمد: بويه لا تخاف الشيخه متقصده ما تنزل

الشيخ ابو احمد: شصاير غير تفهمني

احمد : امي تضغط على على سالفة الزواج 

الشيخ ابو احمد : حكها بويه وانه هم راح اتبعا واشارك بالأضراب لحد ما يرجع عقلك لراسك

احمد: بويه الله يخليك خلينا ناكل بهني انه روحي طالعه 

الشيخ: يصير خير بويه 

كمره : وانه كاعده بغرفتي حسبه تاخذني وحسبه تجيبني دخلت عليه خالتي فهيمه 

فهيمه: خايبه يكمره • ﺷَـٰﯠرطتي روحج 

كمره: جنت صافنه فززتني خالتي كلت بِسْم الله خير خاله شصاير

فهيمه: هو الي يشوف وجهج يشوف الخير ديري بالج منا وهيج من الشيخه ترى ظلت تتوعد انه ما علي

كمره: شتريد تسوي خل تسوي قابل راح تكص راسي

فهيمه: خايبه تصخم راسج ذوله بيت الشيخ مو ياهو الجان 

كمره: حتى لو بيت الشيخ ما الهم شي عدنا 

فهيمه: خيبه شو ما تنطوني عصاة اكرمع بيها رجليج جا هاي الكاع الي يشتغل بيه ابوج واخوتج مو كاع الشيخ 

كمره: وشنو يعني هما ما تعبوا بيها ابوي وإخوتي هاي الهم سنين يشتغلون بيها جانت كاع بور صارت مزرعه تخبل 

فهيمه: اي يا مصخمه بحجايه وحده من الشيخ يطلعون منها وظلو آكلو هوا

كمره: ما يسويها الشيخ هو كلبه طيب لو يريد من زمان اخذها

فهيمه: يا مكموعه الشيخ تبدل وصار ابنه الشيخ احمد الي انتي رفضتي والشيخ من ينرفض تنهان كرامته وشلون ينتقم الله اعلم

كمره: اهوووو خاله بدلي السالفه الله يخليج وهسه الشيخ من يسمع انه رافضته صدكي يفرح لجن هو ما يطيقني اخذيها مني حجايه

فهيمه: والله يا كميره راح تصير سوده مصخمه برأسج وكولي خالتي ما كالت شو اليوم كاعده ما تسرحين بالحلال

كمره: لا يا خاله مالي خلك امي سرحت بيهن 

فهيمه: انه رايحه اجيت انبهج عشتوا بس انتي راسج يابس شسويلج 

كمره: كون تركدين يا خاله شوي يم جهالج تتعرفين عليهن يمكن ًحتٍٍٍـــىَ🌚⚡️"̯ء. نسيتي شكولهم 

فهيمه: هاي علي يا مصخمه

كمره:هههههههه لا خاله اتشاقى وياج 

فهيمه: اي ضحكي اشوفج بعد يومين هم تضحكين هيج

كمره: الكاتبه ربج يصير

فهيمه: ونعمه باللله يله خاله انه رايحه سلمي على امج

كمره: الله وياج خاله

احمد: ظليت افكر شلون احاجي كمره فكرت بهذا الوقت تطلع تسرح بالحلال وطلعت بالفرس نفس المكان الي هو قريب على الكاع الي يشتغل بيها ابوها ماكو شفت امها بمكانها تسرح تقدمت شويه عليهم شافني ابوها صاح يا هلا بالشيخ ومرحبا استحيت منه كلت لازم انزل اسلم نزلت هلا ببو صلاح وسلمت على الولد عيوني تدورها ما شفتها رجعت كلت غـ໋̲ﮩ໋͡ـــيـٰٰٰٰٰٰٰٖٖـہر يوم وظليت على هذا المنوال تقريبا اسبوع وبهذا الاسبوع امي ما تحجي واي. ابد وقليل اشوفها الصراحه استسلمت كلت خل اتزوج وشيصير خل يصير بس مستحيل كمره لان هي رفضتني وانه كرامتي تمنعني ارجع اخطبها حتى لو جانت امي تريدها كلت احاجي امي تدورلي اي وحده بس كون بت عالم وناس واهم شي مثقفه حتى تفهمني ولو انه كلبي ميت ما اصدك تجي وحده تخلي ينبض من جديد قررت قرار نهائي بالليل احجي وياها وانهى الخصومه بيناتنا ضجت من البيت والمضيف الصراحه ما يفض من الزلم والطلايب الما تخلص كلت خل اروح لشداد وكت العصريه قبل لا تصير الصلاة شداد اكثر وكته يكضي بين الكيعان يفتر هو ابوي موكله هيج رحت قبل لا اوصله شفت كمره من بعيد ما اعرف ليش شدت انتباهي من بعـٌــد اسبوع هاي اول مره اشوفها طالعه كلت خل استغل الفرصه وتقدمت عليها جانت ما منتبه علي صوت الحلال ما يخليها تنتبه صحت عليها كمره

كمره: بعد اسبوع من خطبة الشيخ الي الصراحه جنت خايفه من ردت فعل الشيخه علي وانه اتصنع الكوه كدام خالتي بس ًوٌَيــِْ♡̷̴̬̩̃ ـِْن كله جذب انه خايفه ازيد من خالتي ما خفت من الشيخ ادري بي ما يهواني وفكرت انو امه هي ضغطت عليه بس من فات اسبوع أمنت كلت هاي هي خلصت خل اطلع طكت روحي من البيت بس وين اطلع وين اولي ماكو غير الحلال اسرح بي بين الزرع المهم اكو هوا اشمه اختنكت من البيت سرحت بالحلال وانه بينهم ما اسمع الا صوت من وراي اجاني كمره خفت ما درت بسع اعرف صوته وكال اسمي بنبرة عصبيه جفلت بمكاني كلت خل ادور شيريد يسوي يـ؏ـنـي درت وانه اكول بِسْم الله شيخ فززتني 

احمد: مو قصدي اخوفج بس ما سمعتي من صوت الحلال

كمره: بكلبي لا سمعتك بس غلست كتله ها شيخ رايد مني شي طبعا وانه مدنكه لان مقرره بعد ما اباوع بوجهه

احمد: اي رايد افهمج على شغله بس شلون وانتي مدنكه لا تخافين ما ناكل بشر

كمره: مو قصدي شيخ بس انه ما مستعده احجي وياك والصراحه كلامك يجرح 

احمد: مستعده ما مستعده هاي مشكلتج غصبن عليج تسمعيني

كمره: لا يا شيخ ماكو شي بالغصب عفته وردت اروح ما حسيت الا ايدي انسحبت بقوه وخلاها ورى ظهري حسيتها رادت تنخلع توجعت حيل محد مسوي وياي هيج اهلي مدلليني بس هذا الشيخ المغرور وقربني على صدره واباوع لوجه كلش معصب وعيونه تجدح نار بس كلت خل اصير قويه وأخلي عيني بعينه هي فاتحه وخسرانه 

احمد: سمعته حجت هيج وانه فار الدم بعروكي فقدت وسحبتها قوي من ايديها وقربتها على كلش عبالي تخاف اشو هاي فتحت عيونه اويلي عليهن مو عيون عبالك عيون غزال تهت بيهن ردتها تنزلهن ماكو شلون الواحد يتحداك كلتلها انتي منو وتحجين هيج وياي بعصبيه نسيتي روحج انه الشيخ احمد 

كمره: ادري بيك انت الشيخ واعرفك زين مغرور ومتكبر وما عاجبك العجب ولا صيام رجب وشتريد تسوي سوي انه ما خايفه منك عبالك نـﹻــૡـﹻۧـسـﹻۧيتـہ الكلام الي حجيته وياي بغرفة الشيخه لا ياشيخ بعده منسوخ براسي كلمه كلمه

احمد: فورت دمي بكلامها وحسيت بيها تتحداني احجي بعد طلعي كل الحقد الي بكلبج شوراي اليوم لو انه لو انتي واضغطت على ايده قوي حسيته توجعت كلش عفت ايده ٲℓانــتيہ على شنو منغره وهل قوه منين جايبتها لا على بالج انه خطبتج صدك ترى هاي امي بحدها قررت 

كمره:من سمع كلامي حسيته شاط بالزايد وضغط على ايدي قوي حسيت روحي شاغت من الوجع وجهي انكلب احمر وطبع اصابيعه على ايدي كلت خل اقوي • رﯛحـ̲ٓۛـي عليمن خايفه 

اسمع يا شيخ انه اعرف كلش زين انت ما تكبلني ولا تطيقني واعرف كلش زين امك هي الي خطبتني جنت متأكده انت رافضني ولهذا السبب انه رفضت لأن المايريدني ما اريده ًحتٍٍٍـــى لو جان شيخ الشيوخ ولو فكرت أزوج بيوم من الايام اخذ واحد من ثوبي مستحيل اباوع على الاعلى مني 

ما انكر انه يمكن هذا الحجي لو جان قبل ما تسمعني قبل مده حجيك الي كله سم يجوز يمكن يرف كلبي بس صدك بوكتها كرهتك وكرهت روحي .ﻭ୭يَــۧـَﺂڪہٰۧ 

احمد: انه اسمعها شـْ◌ـّـْ﴿💜﴾ـّْـ◌ّـْلـّوْنّ تحجي بدون خوف وانه كوه مسيطر على روحي والله لو الي سلطه عليها املخها تملخ ومنو يفكها من ايدي انه احمد تحجي هيج وحده وياي 

سمعي يا بت سليم والله لو احطج براسي قسما بذات الله لو مو اهلج يوكفون بوجهي لو الشيخ ابوي يوكف بوجهي هم محد يفكج مني فاهمه لو لا ولو ردتج اخذج غصبن ما عليج واريد اشوف منو يوكف بوجهي 

كمره: بعده ما عايش الي يكدر ياخذني غصبن عني 

احمد: تتحديني يا كمره

كمره: لا يا شيخ انه وين اكدرلك بس انت الدكتور احمد مستحيل تنزل روحك لمستواي وانت كلتها قبل شوي ٲℓانــتيہ منو وانه منو فمن الاخير ياشيخ خلك بحالك وانه بحالي 

احمد: شنوف ياكمره الما خليتج تجيہٰٰے͛͡ۦː♱ تتوسلين بيه ما اطلع انه الشيخ احمد 

كمره: على شنو اتوسل ليش هو الخلقك ما خلق غيرك 

احمد: وانه اوعدج ياكمره هين بس اصبريلي ان ما خليتج خدامه وهذا خشمج اليابس اكره ما اطلع انه احمد 

كمره: اعلى ما بخيلك اركبه ......

شكرا لزيارتكم عالم روايات سكيرهوم