رواية حب مابعد عداوه الفصل الرابع 4 بقلم نورينا

العسكري بخوف 

: واقعه ع الأرض غرقانه ف دم.ها البنت انت.حرت ! 

أنيس بخوف 

: اتصل بالمستشفي فوراً تيجي تاخدها 

العسكري 

: امرك يفندم 

بيجري أنيس وسامر لعند أسيل وبيقول 

: يخربيتك احنا هنفضل كل شويه نجري بيكي كدا 

سامر بسرعه 

= بسرعه اي قماشه نربط بيها ايديها 

بيمسك أنيس أيدها وبيربط أيدها وشويه بيوصل الإسعاف بينقلوها للمستشفي بس المره دي بيكون أنيس وسامر معاها 

بيقول الدكتور 

: يفندم البنت دي لو دخلت السجن هتحاول تموت نفسها تاني 

سامر بعمليه 

: احنا هنتصرف شوف شغلك انت 

أنيس بأستغراب 

: مفيش اي الآه حاده نهائي ف الحجز قدرت تعمل كدا ازاي 

سامر باستغراب 

: فعلا دا الي مستغربه  

أنيس 

: تمم خليك انا داخل اتكلم معاها 

بيدخل أنيس بيلاقيها قاعده ع السرير وساكته قرب منها أنيس وقعد ع الكرسي جنبها وقال

أنيس 

: احنا كل شويه نجري بيكي كدا 

أسيل بجمود 

: ونا مطلبتش من حد يلحقني 

أنيس بعصبيه 

: مكفايه بقا دور البريئه الي عايشه فيه دا 

أسيل وهيا بتبصله بجمود 

: يعني برضو مصمم أن انا مش بريئه 

أنيس بسخريه 

: لو فاكره الشويتين دول دخلو عليا ف تبقي غلطانه انا شوفت زيك كتير ومش متفاجيئ بس انتي الصراحه مش راضيه تعترفي أنك خلاص ربنا رفع عنك ستره كفايه بقا الدور الي انتي عايشه فيه دا 

أسيل بسخريه 

: معتش متطره ابرر اي شيئ نهائي واللهِ بقا عايز تصدقني صدق مش عايز براحتك انا كدا كدا معتش يفرق معايا اي حد وخلاص زي م انت شايف مش باقيه ع الدنيا 

أنيس بسخريه

: بس انا علا فكره بعت الصور لشخص بيفهم ف الحجات دي وقالي أن الصور حقيقيه من قبل أما تيجي اصلا وتديني المرشح بتاعك دا 

أسيل بأستغراب 

: ازاي يعني مستحيل اصلا دا يحصل دا غير بقا أن لو احمد هوا اتواصل مع الراجل دا وخلاه يقولك كدا 

أستغرب أنيس من ثقتها ف نفسها وقال 

: مستحيل دا يحصل دا بيشتغل للحكومه يعني اي غدر منه هيروح ورا الشمس 

أسيل بتنهيده 

: معرفش كل الي اعرفه ان دا مش حقيقي ومحصلش اساسا هوا اجه وهددني قبل أما تقبضو عليا وقالي أن هوا زور الصور دي عشان اتجوزو لأن مكنتش موافقه ف هوا عمل كدا عشان اوافق بس ميعرفش بقا أن بابا هيبلغ عني وكدا خطتو فشلت ومتأكده أنه مش هيسكت 

أنيس بأستغراب 

: وانتي لي رافضه تتجوزيه 

أسيل بسخريه 

: عشان خاني مع صحبتي الي المفروض صحبه عمري خاني معاها وهيا طبعا غدرت بيا وارتبطت بيه واعترفتلي بدا وانا لما عرفت فشكلت معاه بس حاول يرجعلي تاني وانا موافقتش وماما رغم أنها عارفه بس أجبرتني أن ارجعلو وانا طبعا تعبت من كل دا ف حاولت انتحر بس لحقوني بس هعمل اي قررت تجوزني احمد غصب عني وانا مرضتش نزلت قعدت ع البحر وجه هوا وقتها وهددني 

أنيس بتفكير 

: يعني انتي مكنتيش عايزاه امممم طب انا عايز اسم المستشفي الي نقلوكي عليها يومها يمكن يكون دا دليل كويس 

أسيل بلا مبالاة 

: مستشفى ...... روح واسأل وانت هتتأكد 

بيقوم أنيس بتعجب من بردها وبيشك أن في حاجه فعلا غلط 

بيقف سامر قدام الباب وبيشوف أنيس وهوا خارج وبيقول 

: ها عملت اي 

أنيس بتفكير 

: زي م انت قولت في حاجه غلط ولازم افهم في اي 

سامر 

: مش قولتلك اكيد في حاجه غلط 

أنيس 

: ابعت واحد يمر علا جيرانها يعرفلي موضوع احمد دا وهل فعلا هيا كانت رفضاه أو لا واعرفلي كل حاجه تمم 

سامر 

: خلاص ماشي سيبها عليا 

أنيس 

: تمم خليك هنا لما العساكر توصل عشان متهربش وانا رايح مشوار ف السريع 

سامر 

: ماشي 

بعد وقت بيوصل أنيس للمستشفى وبيقول للاستقبال وهوا بيطلع الكارنيه بتاعه 

: أنيس صلاح الدين ظابط وعايز اشوف السجل 

السكيرتيره بعمليه 

: تمم يفندم اتفضل 

بيدور أنيس ع الاسم بيتفاجئ بوجود اسمها فعلا ف السجل وبيمشي وهوا مستغرب اكتر بيرجع تاني للمستشفي وبيشوف هناك اماني 

ـــــــــــــــــــــــــــــــــــــــــــــــــــــــــــــــــــــــــــــــــــ

عند أسر بيكون قاعد مع والدته 

كوثر بحزن 

: بن عمك السبب رجع من السفر وقتها واتطريت ابين وقتها انها مي.ته 

أسر بصدمه 

: هوا رجع من السفر امتا .. و لي تعملي كدا اصلا 

كوثر بحزن 

: هقولك كل حاجه اتهندت وقالت 

عمك مرضاش يكتب لابنه الشركات قبل أما يموت والشركات بتاعته نقلها بأسمك انت واختك نص ليك ونص ليها ويادوبك سابلو مبلغ مكان الشركات لأن هوا مكنش وقتها مسؤل وكان طايش وعمك حاول كتير قبل كدا يدخلو ف مجال الشغل بس مكنش بيرضي كان عايز بس ياخد فلوس ع الجاهز ف عمك قال هكتبله بدل الشركات فلوس وبدل أما اكتبله الشركات ويضيع تعب سنين تعبت عمره وكدا يكتبهالكم انتو عشان عارف انكم هتحافظو ع الامانه بس بن عمك لما عرف قلب الدنيا واتخانق مع عمك بس عمك خاف منه اكتر ومرضاش يكتبها ليه ف هوا حلف أن لما ينزل من امريكا هيقتلكم وحاول يعمل كدا دا حتا أبوه لما جاله شلل بسبب تصرفات ابنه رماه ف دار مسنين انتقاماً ليه امال هيعمل فيكم اي ويبني بعد موت ابوك انا خوفت اكتر عليكم خصوصاً أن اختك كانت لسه بيبي صغيره خوفت يعمل فيها حاجه انت كان عندك 12 سنه وقتها سيبتك مع جدك وخليته هوا يربيك لو فضلت معايا مكنتش هعرف احميك منه ومن شره ويومها يبني الخدامه سمعت مرات عمك وهيا بتتكلم ف التلفون مع بن عمك وبيتفقو أنهم يقتلو اختك وياخدو ورثها واجت حكتلي بس خوفت اقول لأن انت عارف أن هما مكنوش حابين وجودي اصلا لان ف عيله ابوك ممنوع حد فيهم يتجوز من شخص برا العيله وأبوك وقتها خالف القواعد دي واتجوزني يعني لو كنت قولت حاجه زي كدا مكنش حد هيصدقني ابوك الوحيد الي كان هيصدقني ووقتها ربنا كان استعاد امانته قولت الحاجه الوحيده الي اقدر اعملها أن أقول إن اختك ما.تت عشان يبعدو عنها ووقتها عملت التمثيليه الي شوفتها اديتها حقنه تبين أنها ما.تت بس مرات عمك شافتني وانا بديها الحقنه وفضحت الدنيا وطلعت أن انا الي حاولت اموتها لما الدكتور اجه وكشف علا اختك قال انها ما.تت انت مرضتش تسمع مني وكرهتني زيهم وطردتوني برا البيت مكنتش عارفه اروح بيها فين وللاسف وانا ماشيه هجمو عليا عصابه خطفوها مني وكنت كل يوم بموت وانا معرفش هيا فين بس بعدها بسنه روحت دورت ف ملجأ وسألت هناك ولقيت بنت بنفس المواصفات ووروني صوره ليها وتأكدت انها هيا بس للاسف كان في ناس اتبنتها واخدوها ومعرفش هيا فين لحد دلوقتي بس الي اعرفه انها لسه عايشه ومن يومها وانا كل يوم ف بلد شكل علا امل الاقيها واعرف هيا فين بس يبني دا كل الي حصل 

قعد أسر بصدمه من الي بيسمعه وعينه بتدمع بزهول 

: يعني اي يعني اختي كل دا عايشه وانا معرفش وانا كنت ظالمك وكمل بفحيح الافعي بن عمي السبب قولتيلي وربي م هسيبك يك.لب وربي لأخد روحك بأيدي 

كوثر بعياط 

: عشان خاطري يبني لا متضيعش نفسك عشان خاطر حد انا بس عايزه اعرف بنتي فين ونبعد عنهم 

أسر بدموع وهوا بيقرب منها وبيقول 

: اسف اسف حقك عليا حقك علا راسي يحبيبه قلبي صدقيني الغضب كان عميني انتي متعرفيش انا كنت بموت ازاي ف بعدكم عني بس خلاص احنا هنرجع زي الاول وهدور علا اختي وهلاقيها ومش هنبعد تاني ابدا عن بعض 

كوثر بعياط 

: مسمحاك يحبيبي مسمحاك بس عشان خاطري متوسخش ايدك بدمه 

أسر بهدوء مزيف 

: حاضر يحبيبتي.. قولتيلي عمي ف دار مسنين اي هبعت رجالتي يجيبوه هنا واديني اسم الملجئ الي كانت فيه اختي ليان 

أعطته كوثر العنوان وبينده ع الداده وبيقول 

: جهزي احسن جناحين ف القصر لعمي وامي تمم 

الداده 

: تمم ي أسر بيه 

 بيخرج أسر من البيت وبيروح الشركه بيطلع الطابق الخاص به وبيدخل عليه صاحبه 

: أسررر أسرر أسرررررررر

أسر بعصبيه 

: مش اطرش علا فكره بسمع هااا 

: خلاص يعم متتحمقش كدا المهم يعم اخيرا شركتي الي ف دبي خلاص فتحتها 

أسر بأبتسامه 

: الف مبروك يصحبي 

: الله يبارك فيك بس مالك حاسس فيك حاجه 

أثر بحزن 

: طلعت عايشه ي مالك طلعت عايشه ومماتش 

مالك بأستغراب 

: قصدك مين اوعي يكون قصدك ع..

قاطعه أسر والدموع متحجره ف عينه 

: اختي طلعت عايشه ومش بس كدا انا كمان طلعت ظالم امي 

مالك بأستغراب اكبر 

: لا دا انت تفهمني بقا في اي 

بعد ما قاله أسر كل الي حصل 

مالك بزهول 

: مش مصدق بجد أن في ناس كدا طب وانتا هتعمل اي هنلاقي اختك ازاي وانت متعرفش شكلها عامل ازاي دلوقتي 

أسر بحزن 

: دا الي خنقني مش عارف ادور عليها ازاي وانا معرفش هيا فين شكلها عامل اي وهل لسه بأسمها ليان أو ليها اسم تاني 

حاوط وشه بكفوف ايده بحزن شديد 

بصله مالك بحزن علا حالته وقال 

: هنلاقيها أن شاء الله نقلب الدنيا كلها بس هنلاقيها يصحبي انا هبعت ناس تروح الملجئ تفصصو حته حته ويطلعولي بأي معلومه منه  

أسر بحزن 

: لو وصلت لأي حاجه عرفني 

مالك بحزن 

: حاضر يصحبي 

بيسيبو مالك وبيخرج وبيقعد أسر ع المكتب بحزن وبتيحي السكرتيره وبتقول 

: أسر فيه في ميتينج كمان ساعه 

أسر بحزن 

: اجلي كل حاجه مش عايز اي حاجه النهارده 

السكرتيره باستغراب 

: امرك يفندم 

ــــــــــــــــــــــــــــــــــــــــــــــــــــــــــــــــــــــــــــــــــــــــ

بيدور أنيس ع الاسم بيتفاجئ بوجود اسمها فعلا ف السجل وبيمشي وهوا مستغرب اكتر بيرجع تاني للمستشفي وبيشوف هناك اماني 

أنيس 

: انتي بتعملي اي هنا ممنوع الزياره 

اماني بعياط 

: ارجوك يحضره الظابط سيبني ادخلها ارجوك 

أنيس 

: لا مش مسموح 

اماني بعياط 

 : مش هتأخر بالله والله اطمن عليها 

أنيس 

: تمم اتفضلي 

بتدخل اماني بحزن شديد وبتقرب من اسيل وبتقول 

: الف سلامه عليكي يحبيبتي انا كنت هموت لما اتصلت ع القسم اطمن عليكي ولقيتهم بيقولو انك ف المستشفي 

اسيل بحزن 

: عايزاني اعمل اي اعيش لمين وانا مليش حد هنا 

اماني بتوتر 

: انتي لازم تعرفي الحقيقه الي مخبينها عليكي 

اسيل بأستغراب 

: حقيقه ! حقيقه اي 

اماني بتوتر 

: انك مش .. بتسكت اماني بتردد وهيا بتفتكر تهديد فوزيه ليها وبتقول بدموع .. سامحيني مش هقدر اتكلم 

اسيل باستغراب اكبر 

: في اي ي اماني حقيقه اي الي مخبينها عليا 

اماني بحزن 

: مش هقدر اقول وسامحيني أن فضلت ساكته ومتكلمتش 

اسيل بغضب 

: في اي ي اماني قولي 

اماني بحزن 

: مش هقدر 

أسيل بجمود 

: لو مقولتيش دلوقتي حالا لا تبقي اختي ولا اعرفك 

بتبصلها اماني بحزن وصدمه 

: قدرتي تقوليها ي اسيل 

أسيل بجمود 

: اه لما تبقي مخبيه عني حاجه وتسكتي يبقي اه .. قولتي اي بقا 

اماني بتوتر وحزن 

: انتي مش اختي ولا امي وأبويا اهلك 

أسيل بصدمه 

: ايه ! 

الفصل الخامس من هنا 

شكرا لزيارتكم عالم روايات سكيرهوم