رواية شيخه عراقيه كويتية الفصل الرابع بقلم جمانه السعيدي
رحيم...بقيت محتار وماكدرت ارد على ابو صكر
اني بموقف انحسد علي
بين ارفض واخسر عملي الي جاي احصل منه خير من الله
بالاضافه إلى السكن
والمعامله الحلوه
وبين اقبل وازوج بدريه واستر عليه وانقذه من ايد اخوانه
الي ناوين يذبحوها ويخلصون منه ومن عارها
ابو صكر....اذا بتوافك على هاي الزواجه بتنقذ هاي الشيبه
من العار وتسعد كلبي
الله يوفكك يولدي وافك وانا اكون حافظ هذا الجميل
الك طول عمري
بعدا ابو صكر يحجي وياي ويحاول يقنعني
طفر اخوها الجبير
...انت ليش تتوسل فيه انا اذبحه وخلاص
اخوها الثاني...انا معك ناخذه للبر ونخلص منه
رحيم...حسيت اذا رفضت راح تصير جريمه وهاي المسكينه تروح بلرجلين
رحيم..اني موافق
ابو صكر...هاا وافك هذا الزلمه نشمي وابن رجال
كنت عارف انه مراح يكول لا
الحين ماكو مكتب شيخ مفتوح الدنيا صارت ليل
باجر بااذن الله تملجون
جمانه السعيدي
اتشكر مني ابو صكر رجعت الغرفة الحارس بس ماكدرت انام
فكرت بحكمت شلون اذا عرفت
احجيله الحقيقه وهذا الزواج نفرض عليه لو اكول ازوجت وخلاص
اكيد راح تزعل
بس لازم تعرف اذا مو من عندي لازم تعرف من غيري
لازم اوصله خبر
خليه تعرف مني بلكت اتقدر موقفي
هاي السالفه محد يعرف بيه بس ولد صديقي من العراق اجينا انا وياا سوا
حجيتله كلشي بلتفاصيل
لان كنت محتاج شخص احجي وياا وافضفض
طبعا مو عرف بنفس اليوم لا عرف بعد يومين اني رحت وحجيتله كلشي صار وياي
لان ضجت من خسرت عملي ورحت حتى نفكر اني وياا
شراح اشتغل بعد ماخسرت عملي
هسه نرجع لليوم الي عقدنا بي
الصبح اجا ابو صكر وكال تعال للديوانية علمود تملج
طلعت ويااا
كعدت لكيت الشيخ كاعد
سلمت عليهم اخوها دخل هو وياها لابسه رداء اسود عريض وخاله الشال على وجه كلشي مامبين منه
عقدلنا الشيخ هي دخلت جوا وإخوانها طلعو وياا الشيخ
جمانه السعيدي
بس ابو صكر باركلي
ابو صكر...الف مبروك يولدي بدريه بنتي الوحيده
ولله يعلم انا شكد اعزها وغلاته بكلبي جبيره
لو ما اعزها جان أمرت خوانها يذبحوها
خلي بالك منه
حضر جطنتك وزهب حالك لجل ترحون للسكن
رحيم توقعت الزواج حبر على ورق يعني مجرد ورقه وبس هي تبقى عد اهله واني ابقه بشغلي
تفاجئت من ابوها كال حضر نفسك
رحت الغرفة الحارس جمعت ملابسي وغراضي واجيت
طلعت بدريه شايله جنطته ومغطيه وجهه
طلع اخوها الجبير صعد بلسياره اشرلي اصعد
صعدت وبدريه اجت صعدت ورا
شغل السياره وطلع بينا بدون كلام
مشينا هواي تقريبا ٣٥ دقيقه
نزلنا منطقه كله عمارات بس قيد البناء يعني اكو عمارات كامله واكو لا
نزل واشرلي تعال
مشيت شفت بدريه تتعثر التفتت عليه وأخذت الجنطه منه
كمت امشي كدامه وهي تمشي وراي
طلع مفتاح وفتح باب شقه ماثثه بلطابق الثالث
يعني زينه مرتبه
اخو بدريه....هاي الشكه سكنكم اليديد انتم بتسكنون
هني وانا اشوفلك شغل يم جماعه ربعي
وانت ووياها ماابي اشوف وجهكم مره ثانيه
شوف اذا تموت بدريه ادفنه بالصحرا ولا تجي وتكول بتكم ماتت
جمانه السعيدي
حنا ماعدنا بنت بدريه ماتت فهمت ولا لا
انا راح اكدملك مساعده اوصي الربع حتى تحصل الجنسيه الكويتيه
عشان تشتغل وتعيش
ومن هاي الدكيكه لا تورينا ويهك ولا ويه بدريه لا انت ولا هي
انا كنت بذبحه واطم عارها
لو لا ابوي الله يسلمه
رحيم...عافني وطلع كل الي صار اني مامتوقعه ابد
كنت متوقع زواجنا حبر على ورق
فتره وطلكه وابقه على شغلي
ماتوقعت راح يطردوني اني وياها
اني شسويت بنفسي كنت عايش واشتغل خير من الله
هاي شلون راح اكدر على عيشته
اني شكد غبي لو منهزم بجلدي احسن
كعدت وكمت افرك بايدي هي نزلت الشال من وجه
مو وجه عبالك خارطه صاير
كله ازرك وعيونه وارمه وحلكه مجروح
حالته بلويل
بدريه...اهيي اهيي اهيي انا اسفه انت انت مالك دخل بلي صار الغلطه غلطتي انا
رحيم...دنكت وكلت استغفر الله
بدريه...انت نقذتني وانا مراح انسالك هذا الجميل طول عمري
رحيم...هسه شلون راح نعيش
قبل وحدي اشتغل وادز الاهلي مصرف هسه خسرت شغلي وصرنا ثنيين
بدريه...لا تخاف ابوي ببحصلك شغل
رحيم....اني ورطت نفسي
بدريه...اعرف انك ندمان بس كل الأبواب تسكرت بويهي
وانت الوحيد الي ساعدتني وانا بكون معاك
وبساعدك كد مااكدر
رحيم...وهذا الشفيه الي غلطتي وياا وين صار انشاء الله
بدريه...الله لا يوفكه النذل تركني وسافر
ماطلبت منه غير يعكد علي حتى ماتصير فضيحه
بس هو كان حيوان اتخلى عني وهرب وتركني وحيده
رحيم....اخذي راحتج اروح اجيب اكل واجي
بس حبيت اكلج شي قبل لا أنسى اني مزوج بت عمي بلعراق واكيد راح ارجع يوم للعراق
بدريه...الله يوفكك انا مراح اثكل عليك وان كنت تبي ترد للعراك الله معاك
انت حميتني من الموت
جمانه السعيدي
رحيم...طلعت اجيب اكل اول شي رحت الصديقي الي اجا ويأي من العراق وحجيتله كلشي
كنت حاس بندم فضيع
لان مصيري مجهول اني هسه بدون عمل
صديقي...انت مخبل شلون تقبل تزوج وحده غلطت هيج غلطه وياا غيرك
رحيم...خطيه كانو يردون يقتلوها
صديقي..وانت شنو دخلك واذا قتلوها انت جاي تشتغل وبس
بعدين مافكرت بزوجتك شلون شراح تكول
رحيم...اني اقنعه
صديقي..جان انهزمت بليل من ببتهم
رحيم...توقعت زواجنا حبر على ورق ماتوقعت يطلعوني من ببتهم اني وياها
عبالي ينطوني مكافئه لان ازوجته وخلصتهم من عارها
تالي انطردنا اني وياها من البيت
صديقي...تعال ارجع اشتغل بسوك الخضار ويانا ورزقنا ورزقك على الله
رحيم...اشوف اريد انتضر ابوها وعدني بشغل بلكت يوفي بوعده
شكرا لزيارتكم عالم روايات سكيرهوم
