رواية اختفاء امي الفصل الرابع بقلم جمانه السعيدي
ماسه....ابوي رجع بس مو ابوي واحد ثاني
مااعرفه عصبي ومايتفاهم ابد
مايشوفني بعينه اني واخوي
كان متغير تغير جذري
كلما احاول أقرب منه اني وعلاوي يصدنا ويبتعد عنا
حتى موضوع زواجه كان مامهتم اله كلش
بس عمي يلح علي
عمي متوقع اذا ازوج ينسى الي صار ويرجع الحياته الطبيعيه
بس ابوي بلحقيقه انكسر يحس امي خذلته
خانت ثقته وضيعت تعبه
رغم هو جان يحبه ومقدره ومامتوقع منه هيج شي ابد
جمانه السعيدي
راح هو وعمي وخطب نضال وفعلا كلشي ماطلبو علي
يجهز بلي يكدر علي
كانت حنان فرحانه بهذا المشروع الجديد
اخته تصير وياها بنفس البيت
ويسيطرن على كلشي ثنيينهن
دزلهم ابوي مبلغ بسيط وعمي كمل الفلوس واخذهن حتى نضال اجهز نفسه
ماكو اسبوع وكالو خلاص هي جاهز تعالو اخذوها
وكانما ماصدكت
شلون جهزت بااسبوع ماادري
راح بابا وعمي والشيخ عقدلهم وجابه بابا واجا
كانت لابسه فستان اوف وايث تول مخصر على جسمه
والمكياج عبالك الساحره بفلام كارتون
دخلت للغرفه هي وبابا
وحنان دزتلهم العشى يتعشون
طلعو الصينيه وبعد ماشفنا بابا ماطلع من الغرفه
ثاني بوم كعدتني حنان من الصبح حتى انضف وارتب البيت
والعرسان كعدو الساعه بلعشره
تريكو وبابا طلع والعروسة سبحت ورتبت غرفته
وكعدن يسولفن ويضحكن هي وحنان
واني اشتغل وانضف بلبيت
بابا بقه ٣ ايام ورجع البغداد رجع الشغله
وهم عافني اني واخوي بيد ذني الي مايرحمن
وعاف النا مصرف يم العروسه باعتباره هي المسوله عنا
كانت تاخذ المصرف تشتري ملابس ومكياج
واحنا ماتنطينا اي شي
بس عمي يذكرنا وياا جهاله من يشتريلهم حلويات لو ملابس
حنان ونضال سيطرن على كلشي
كل النهار لو نابمات لو طالعات لو كاعدات على التلفزيون
واني كل شغل البيت على راسي
ومااكدر احجي لو افتح حلكي بكلمه
راسا تتصل على ابوي وتحجيله
اذا طلعنا بالصدفه اني واخوي كل الناس تسئلنا
وين امكم صدك انهزمت وياا حبيبه هم تعرفون مكانه
هذا الكلام وصل للناس عن طريق حنان
الي تحجي عن امي كدام الرايح والجاي
وتتبهى ابوي اخذ اخته
وعاف امي الخاينه
سمعت امي السيئه انتشرت بلمنطقه
والناس كامت تسمعنا كلام وتعيرنا باامي
حتى علاوي من يطلع الجهال تحاول تضربه وتاذي
ويعيرون باامي
امي الي مانعرف شنو صار وياها
الناس حكمت عليه بلعار بدون ماتعرف شنو ضروفه
اني الوحيده الي كنت اعرف امي مستحيل تخون ابوي
امي شريفه وهذا العار مو ثوبه ابد
كنت من اطلع اباوع بلوجوه بلكت اشوفه
بلكت عيني تلمحه
ايجوز تعرضت الحادث وفقدت الذاكره
اكيد اذا تشوفني راح تعرفني وترجعله ذاكرته
جمانه السعيدي
بلبدايه بابا ينزل كل شهر اربع ايام بعدين بدا يتاخر
كل شهرين مره
وبدت تصير مشاكل بينه وبين نضال بسبب الغياب
المستمر عن البيت
ونضال غياره كانت تغار من حنان لان عمي موجود بلبيت
وبابا ماموجود
كانت دائما تتعارك وياي اني واخوي
وتكول قسمه سوده لو ادري هيج ماازوجت
اني شايفه من ابوكم عايفني وحدي
رجعت المدارس وبابا دز فلوس العمي وعمي أخذنا اشترينا
ملابس مدرسه وملابس شتويه
واحذيه يعني تجهيزات كامله
من رجعنا اني حجيت وياا عمو
ماسه...عمووو اريد اكلك شي بس لاتكول الخاله حنان ونضال
عموو..اي كولي
ماسه...عمو خلي المصرف دوم عندك من تاخذه خاله نضال ماتنطينا واني دوم احتاج شغلات
بناتيه واقلام ودفاتر للمدرسه وهي ماتنطيني
عمو..مو تدللين بس هاي سهله يوميه اني انطبج مصرف
واذا تحتاجين شي كولي واني اشتريلج
ماسه..تمام عموووو
ماسه..بعد شغله ثانيه اني عليه كل شغل البيت مامتعاجزه منه بس اريد بليل اقرا حتى أنجح واقري علاوي
يعني اشتغل بالنهار وبليل اقرا اريد توصي خاله حنان
عليه
عمي...الله يحرك حنان شكد ضالمه خاله الشغل عليج
الله لا يوفقه ولا يرضا عليه
تمام عمو مالج شغل
فعلا عمو بليل مايقبل حنان تصخرني لأي شي
يكول روحي اقري هي تشتغل
واذا العصر بلبيت هم مايقبل اشتغل يكول اقري اهتمي
بمستقبلج وبس
واني ماكان عندي شي يخلصني من الوضع الي عايشه بي
غير اركز على دراستي
وانجح اريد امي من ترجع تحبها بيه
وكنت اعلم علاوي على الصح من الغلط
واحاول أدير بالي علي كل الوقت
واقري واغسل ملابسه واعتني بي لان امي وصتني علي
من رجعت للمدرسه هواي بنات من صديقاتي ابتعدن عني بسبب سمعت امي الي انتشرت بلمنطقه
كنت اضوج حيل وانقهر مو لان ابتعدن عني
لا لان الناس كله جاي تشك باامي وتحجي عليه
الله كريم لازم امي ترجع وببين الحق
جمانه السعيدي
هاي السنه نضال ماحبلت وكانت تتعارك وياا ابوي دائما
تكول اني ماحبلت لان هو غايب عن البيت على طووول
اجا بابا هلمره صادف رمضان وكعد شهر كامل بلبيت
بس هم ماحملت نضال
رغم حجته بطلت وابوي موجود يمها بلبيت
وبدت تراجع تريد جهال
اكتشفت هي ماتحمل لان عدها رحم طفولي وصعب تحمل
بس ماكالت هذا الكلام
كانت تشمر الصوج على بابا بسبب تأخر الحمل
اني سمعته بالصدفه تحجي هي وحنان
نضال...طلعت التحاليل والدكتوره تكول صعب يصير حمل
حنان...هو بكيف الدكتوره
نضال.. مو هاي رابع دكتوره نفس الكلام
حنان...اسكتي لا تكولين اي واحد يسئلج كولي تحاليلي سليمه ومابي شي الصوج من زوجي
فهمتي لو لا
فعلا نضال ضمت هذا الخبر على بابا وماكالت ابد
بس زادت عصبيه عن قبل
وحتى تضربني اني واخوي اطلع قهرها بينا
وبسبب غياب ابوي محد يدافع عنا
وعمي مرات يجي تعبان وينام ومرات عندا خفاره
كمت اعرف طبعه واجنبه وابتعد اني وعلاوي عنه
اضوج منه اكرها
استمرا هذا الحال منا لمن خلصت سادس اعدادي
ونجحت انقبلت كليه تربيه قسم اداب
هنا كبرت وصرت احلى من قبل الف مره رغم كل الضروف الصعبه الي مرت عليه
بس شكلي حلووو كلما اكبر اصير اشبه امي اكثر
جسمي كله انوثه وشعري طولان النهاية ضهري
صار ست سنوات على غياب امي
وبعمري مافقدت الأمل ترجع النا بيوم من الايام
نضال كلما تسمع حنان تكوول ماسه تشبه امه صايره حلوه تحقد عليه اكثر
وتخبث عليه حتى مره تريد تكص شعري واني ماقبلت
انهزمت منه
هنا اجرئت وطلبت من بابا فلوس حتى اشتري ملابس حلوه للكليه لان بعد كبرت والكليه عالم ثاني
مو مثل المتوسطه والاعداديه
كنت قبل البس الملابس عادي سنتين وتلاثه
بس هسه مااكدر ملابسي حيل تعبانه
وملابس الاعداديه مو مثل الكليه
بهاي المرحله ابوي رجع من بغداد وقرر يفتح مشروع
ويكعد يمنا كدر يجمع كم فلس بهاي الفتره
وفعلا فتح محل يبيع أدوات احتياطيه مال سيارات
اني فرحت واخيرا بابا راح يكون يمنا
حتى يدير باله علينا ويراعينا
اني مااعتبر نفسي عشت حياتي حالي حال البنات وخصوصا من اختفت امي لليوم
بس شخصيتي صارت قويه بسبب الضروف الصعبه الي مرت بيه بهاي الفتره
اخذني بابا واشتريت ملابس كلش حلوات للدوام
هسه اني مستعده ادوام بالكليه
شكرا لزيارتكم عالم روايات سكيرهوم
