رواية ليلي والذئب الفصل الرابع بقلم جمانه السعيدي
ليلى...كنت اضغط على نفسي حيل
حتى ارضي ميمون واكون مسيطره على حياتي الزوجيه
بس مرات تفلت الأشياء من ايدي
لان هذا الشي فوك طاقتي
بس كنت احاول ارضي كد مااكدر
حتلو هذا الشي على حساب صحتي ووقتي
المهم علاقتنا اني ميمون مارجعت مثل قبل
اغلب الاوقات من نلتقي بلبيت نتعارك
على اتفه الأسباب تصيرمشكله بينا
اني هم صرت عصبيه بسبب الضغوطات الي جاي تصير وياي
شغلي مو سهل لازم اكعد ادرس القضيايا
وافتهمها حتى اكدر الكا حل واكون مسيطره
ومااخسر شغلي
يمكن لو ميمون موضف نص نهار ويرجع للبيت
جان حاولت اقلص شغلي اكثر واخلي ساعات عملي
اقل
بس لان هو يرجع بليل الساعه ١١ مرات اكثر
اكول حرامات اعوف شغلي واكعد بلبيت وهو اصلا ماموجود
ويمكن اني انغريت بسبب نجاحي بشغلي
المهم المسافه بيني وبين ميمون جاي تكبر
بعد ما تعاركنا الف مره بسبب الشغل
المشكله ماكو حل اني مجاي اكدر اتوصل الاي حل
وشغلي جاي يتوسع اكثر
اني مراح اضحي بشغلي وامعد بلبيت
جمانه السعيدي
ميمون بعد كل عركه اني وياا يبتعد اكثر عني
الحد ما صار يغيب عن البيت اكثر واكثر
اني بلبدايه كنت اسئل واهتم الغيابه بس بعدين تعبت
ليش بس اني الي احاول أصلح هاي العلاقه
ليش هو ما يحاول وياي
ليش جاي اضغط على نفسي ترا تعبت ولله تعبت
خلي براحته
مراح اسئل وادور ورا ووين يروح لازم يرجع البيته
كمت ارجع للبيت اخلص شغلي وابقى منتضرته للساعه
١٢ اتصل علي
مرات يكول عندي بضاعه
مرات يكول جماعتي عازميني
مرات يكول جاي ارتب بلبضاعه
لو عندي شغل نامي لا تنتظريني
اطفي الاضويه وانام
الصراحه كنت مرتاحه الهذا الوضع لان ميمون تغير مو مثل البدايه
كلما يرجع للبيت ويشوفني يخلق مشكله من جوه الكاع
واني ماعندي خلق للحجي
وتعبت واني اطيب خاطره
وتعبانه بلشغل والبيت
كنت كلما اتصل ويكول مشغول اطفي الضوه وانام
الصبح اذا لكيته راجع للبيت
اكعده ونتيرك سوه واذا ماراجع للبيت اطلع للشغل واحاول اتواصل وياا من الشغل
يمكن لو ماعندي هذا العمل وكاعده بلبيت جان اهتميت اكثر
وحاولت ادور علي
بس اني شغلي ماخذ كل وقتي
المفروض يفرحلي ويساعدني لان وصلت الهذا النجاح
مااعرف ليش العلاقه بينا وصلت الهاي الدرجه
رغم احنا بداية زواجنا كنا متفاهمين حيل
والناس تحسدنا على التفاهم بينا
جمانه السعيدي
مره من المرات غاب يومين عن البيت
اتصلت علي حتى اطمن
ليلى...ميمون وينك صار يومين ماكووو
ميمون...ولد صديقي مريض وماعنده احد واني كاعد ويا بلمستشفى بس يطلع ارجع للبيت
ليلى.... البارحه اتصلت عليك وماترد
واليوم اتصلت يطلع تليفونك مشغول
ميمون....هو تحقيق كتلج من يطلع صديقي ارجع للبيت
بدا يتغيب عن البيت والمسواك يوم اكووو وعشره ماكووو
اني طبعا عندي فلوس خير من الله
واصلا ما محتاجه مسواكه
فما كنت ادقق حيل
من بعدها طلب مني فلوس كم مره بحجت
يريد يجيب بضاعه للمحل وفلوسه ناقصات
كنت انطي بس مايرجعهن اليه
ليلى...انت عندك مشكله بلعمل
ميمون...ليش تسئلين
ليلى...لان ما جاي تتسوك مثل قبل وعلى طول غايب عن البيت
ميمون....يعني انشاء الله بأقرب فرصه احل كل مشاكلي
ليلى...سكتت
ميمون.. ناقصكم شي
ليلى...لا ما ناقصنا شي
المشكله مو بس بلمسواك المشكله بطل يهتم باي شي
لا بلبيت ولا بيه
ولا يتعارك وياي بسب الاهمال
يدخل للبيت ياكل وينام والصبح يطلع
اني بلنسبه اليه هذا الوضع حيل مريح
لان تخلصت من ضغوطات عليه ومجاي نتعارك مثل قبل
وحتى كلام ماكو بينا على كد سواله على ملابسه
او على شغله يريدها
بعد ٣ سنوات زواج بينا ٣ سنوات بلضبط
بيوم طلعت للمكتب كملت شغلي المغرب رجعت بيت اهلي جبت علوش ورجعت للبيت
بديت احضر بلعشى
اتصلت على ميمون مارد عليه
عشيت ابني ونومته واني بقيت منتظره ميمون يرجع
من الشغل
اتصل علي الجهاز مغلق
اتوقعت خلص جهازه شحن بقيت منتظرته
الساعه ١١ ونص بلضبط
اجاني اتصال من ولد محامي يشتغل ويانا بلمحكمه
حازم...الو شلونج ست ليلى
ليلى...اهلا وسهلا انت شلونك
حازم...الحمد لله اريد اكولج شغله بس مااعرف شلون احجيها اللج
ليلى...كول خير محتاج شي
حازم...مااعرف
ليلى...اذا محتاج شي كول ليش تستحي
حازم...لا مامحتاج شي سلامتج
ليلى...لعد احجي جمانه السعيدي
حازم...زوجج قبضت علي الشرطه
ليلى...زوجي ميمون ليش
حازم...متهم بقتل زوجته
ليلى....زوجته منو زوجته اني زوجته كلشي مابيه
ايجوز انت مشتبه
حازم.. لا ما مشتبه زوجج قتل زوجته والشرطه لزمته
هو الي بلغ على مقتل زوجته
ليلى...وكع التليفون من ايدي
حازم.. الووو الووو ست ليلى
ليلى...كمت ارجف كلني حتى مااكدر ادنك واشيل التليفون
من الكاع
ميمون مزوج وحده غيري ميمون مو غيره
لحضات تاه مني عقلي حسيت نفسي مااكدر افكر
فقدت السيطره
بين مصدكه وما مصدكه
شلون ميمون مزوج عليه وليش
كمت وكفت مااعرف وين اروح لو شلون اتصرف
مااعرف شنو الخطوه الي لازم اخطيها
اروح للمركز اتأكد لو ابقى بيتي
لا خاف هذا متوهم مو ميمون شلت التليفون واتصلت على ابوي
ليلى...بابا الحك عليه ميمون طلع مزوج
بابا..... بسم الله الرحمن الرحيم انتي نايمه شنو تتحلمين
لا مانايمه تعال بسرعه اريد اروح للمركز اتأكد وأريدك تجي وياي
بابا انتي منو كالج
ليلى...ولد محامي اتصل عليه تعال بسرعه بعدين نتفاهم
ركضت غيرت ملابسي وشلت ابني نايم بحضني
وطلعت من الشقه وقفلت الباب حتى قبل لا يوصل بابا
مجاي اكدر انتظر طلعت برا
امشي وصلت الراس الشارع
طبكت عليه سياره أجره جاي ببها بابا
جمانه السعيدي
بابا...تعاي اصعدي بسرعه
ليلى.. اريد اخذ علاوي اخلي يم امي لان نايم
بابا...من رخصتك رجعنا للشارع الي اجينا منا بسرعه
ليلى.....رجعنا السايق البيت اهلي وصلنا البيتنا نزلت علاوي انطيته الامي ورجعت صعدت بلسياره
ابوي... اذا مزوج شعنده بمركز الشرطه
ليلى...قتل زوجته
ابوي.. الله يستر شنو قتل زوجته
ليلى...هسه نوصل ونفتهم كلشي
وصلنا للمركز
دخلت اني اعرف الضباط والشرطه بلمركز بحكم عملي وياهم
دخلت لكيتهم جاي يحققون ويا ميمون
خالين ادي بلكلبجه وكاعد ووجها ينطي اللوان
ليلى...شلونك حضرت الضابط
الضابط.. اهلا ست ليلى
بس شافني ميمون دخلت للغرفه كام يبجي
ميمون...دخيلج ليلى ساعديني اني ما قتلتها
ليلى..من رخصتك حضرت الضابط ممكن نحجي وحدنا
طلع الضابط من الغرفه بقينا اني وميمون وابوي بلغرفه
ليلى...التفت علي بس عيوني كلهن حقد
شصاير ممكن افهم
ميمون...اني ما قتلتها اني دخلت عليها للشقه لكيتها نقتوله
ليلى...خليت ادي وحده على الثانيه وكتله منو هي
راسا دنك وكام يبجي
ليلى.. ماجاوبتني منو هاي الي قتلتها
ميمون. ما قتلتها صدكيني ما قتلتها اني الكيتها مقتوله
ليلى.. منو احجي منو احجي واني فاتحه عيوني علي لان متعجبه منه
ميمون... سمر
ليلى... بعصبيه سمر منو
ميمون.. اعذريني اني غلطان هاي حوبتج
انتي ما تستاهلين يصير بيج هيج بسبي غلطه ولله غلطه
وبعد ما تتكرر جمانه السعيدي
اني غبي عندي جوهره مثلج وفكرت ازوج عليح
ليلى...صار شكد مزوج عليه
ميمون...تقريبا سنه
ليلى...ليش ازوجت
ميمون.. مو وكت هذا الحجي لازم تساعديني
واطلع منا واني اوعدج هذا الشي مراح يتكرر ابد
فدوه ليلى ساعديني الخاطر علاوي
اني غلطت واعترف بغلطي
ساعديني راح يضيع مستقبلي
ليلى...اي احجيلي شلون تعرفت عليها شلون ازوجتها
شلون كنت تستغفلني وتروح الها
جم عذر طلعت وكنت اتكذب عليه حتى تروح
تنام وياها صدك عود اني تزوج عليه
ميمون.. عوفي هذا الموضوع بعدين نحجي بي اهم شي هسه اتساعديني اني ما قتلتها
اني رجعت من الشغل لكيتها مقتوله
ليلى.. مستحيل اساعدك اني اريدك تنعدم
تستاهل الإعدام لان انت واحد ناقض اني تزوج عليه
اني ليلى تضحك عليه ضار سنه
وتكول شغل وانت ماخذ وحده وعايش وياها
وعايفني اركض هيج وارجع هيج
اني اريدهم يعدمونك
حتلو كنت مو أنت القاتل هم اريدهم يعدمونك
انت تستاهل كلشي يصير وياك
واحد زايح نعمته بايده
يله بابا امشينا نطلع
ميمون....ليلى لازم تساعديني تقبلين انعدم على تهمه اني بريئ منها
فكري بعلاوي شراح تكوليله من يكبر
تكولين اني ماساعدت ابوك واني اعرف كلش زين هو بريئ
اني ما قتلت اي احد
ساعديني ليلى بس هلمره واعدج اني
هاي الغلط مراح تنعاد ابد
ليلى.. امشي بابا امشي
خل نطلع منا هذا المكان يخنكني
مجرد طلعت من غرفة الضابط واني دموعي نزلن عبالك شلال
كميه الحزن والخذلان الي جاي احسها مو طبيعيه
اني ميمون يزوج عليه
شلون شلون فكر مجرد تفكير يزوج عليه
حسيت نفسي اكرها اي اكرها نسيت كل الحب الي جان بينا
شلون جان يضحك عليه
شلون ازوج عليه
انتظرونا. قصه مشوقه
هذا بارت باجر يعني باجر انشر بليل بارت واحد فقط
شكرا لزيارتكم عالم روايات سكيرهوم
