رواية كبرياء شيخ الفصل الثاني والخمسون بقلم زينب
في غيابك اشتاق لك
وفي حضورك اعشقك صمتا
وما بين عشقك وصمتي اليك
اتنفسك حبا
:::::::::::::::::::::::::::::::::::::::::::::::::::::::::::::::::::::::::
احمد:ماكو شي كتلج صعدي بسرعه
كمره:ما اصعد اريد اعرف شنو اكيد الموضوع يخصني
كمره:ما اصعد اريد اعرف شنو اكيد الموضوع يخصني
ابو مرتضى:عمي ٲℓانــتيہ تدرين لو لا بعد ما يصير عندج بزر
كمره:شكلت
جنت كاضه ابني بين ايدي من سمعت هيج انصدمت معقوله الي جاي اسمعه
درت على احمد وكلت
شجاي يحجي عمك
احمد:كتلج صعدي صعدي يا بت الناس أنتي ليش ما تاخذين حجي
وانت يا عمي كتلك سد الموضوع الا تكللها هيج
كمره:احس كلبي بوكته انمرد مرد ليش ما يصير بعد عندي حسيت بوجع قوي ما خفت على روحي خفت على ابني الي بين ايدي
ما كمت اشوف كدامي شي جان احمد واكف كبالي واشوف صورته تروح من عيني شوي شوي لحد ما فقدت
احمد:شفته شلون رادت توكع بسرعه ركضت عليها وكضيتها هي وابنها صحت على امي بسرعه اخذي الولد منها
الشيخه:يمه بتي شصار الها
احمد:كمره ..كمره ولج اصحي لا تخوفيني كمره
اجى عمار بسرعه كض نبض ايده
عمار:احمد الحك عليها نبضها ضعيف بسرعه يرادلها مستشفى
احمد:ما كدرت اسوي شي ظليت خالها بحضني ومصدوم لا يا ربي ما صدكت صحت انوب تروح مني
الشيخ:ولك بويه اخذها بسرعه لا تموت البت
عادل:احمد شبيك خويه ...احمد شو وخر عنها انه اشيلها
الشيخه:دخيلك ربي ولك يمه خلي اخوك ياخذها انت شبيك تصنمت
عادل:جريتها منه وأخذتها بسرعه للسياره لحكني عمار وسام واحمد اصلا فقد وصلناها للمستشفى للطوارئ سئلنا على دكتورها همزين لكينا موجود
بسرعه سعفها
الدكتور:ليش وصلت لهل الحاله
عادل:والله شكلك دكتور عرفت بعد ما يصير عدها اطفال بعد
الدكتور:شهل حجي منو يكول ما يصير عدها بعد
والدكتور احمد وين
عادل:عباله ماتت وفقد ما كام يشوف شي
الدكتور:الله يساعده
انطوه خبر خل يجي
عمار:دكتور ما بيها شي
الدكتور:همزين لحكتوها لو متأخرين نص ساعه بس جان فقدتوها
عادل:الف الحمدلله دكتور لو صار بيها شي اخوي يلحكها
دكيت على احمد ما يشيله وعمار يدك وسام هم وهو ماكو اخر شي دكينا على امي
الشيخه:هااا يمه بشروا
عادل:لحكناها يمه بس احمد وين
الشيخه:الف الحمدلله ربي اخوك طلع وراكم يمكن اجاكم
عادل:من شوكت طلع
الشيخه:بس طلعتوا
عادل:ندك علي ما يشيله وين راح بهل الليل
الشيخه:شمدريني انوب منا الولد مات من البجي
الله لا ينطي الي جان السبب
عادل:خليني ارجع ادك علي بلكي يشيله
رجعت دكيت علي مره ومرتين ياله شاله
احمد:الووو عادل لا تكلي صارلها شي
عادل:الحمدلله ربي ما صارلها شي بس انت وين همت
احمد:ما كدرت عادل اشوفها هيج عبالي ماتت
عادل:تعال للمستشفى الدكتور يريدك
احمد:الله ﻋﻠﻴﻚ ما بيها شي
عادل:وداعة ابوي وامي ما بيها شي
احمد:سديت منه وبسرعه ركبت السياره وكبل للمستشفى
شفت وسام واكفلي باب المستشفى
وسام:احمد هاي دكه تسويها بينا
احمد:لا تسألني شي وسام ما كدرت من شفتها صار وجها ازرك كلت بعد ما تطلع منها
وسام:لا الحمدلله عدت سلامات والدكتور يريد يحجي وياك
احمد:رحت وياه للطوارى لكيتها نايمه والدكتور يمه
الدكتور:هااا شرفت دكتور احمد انه شكتلك
مو كلت تبتعد عن الضغوطات النفسيه على الاقل لحد ما نبدي علاجها الفعلي بعدين شلون تكلولها ما يصير عندج اطفال بعد
اكيد ما تتحمل هيج خبر حقها تطيح وتفقد وزين ما ماتت
احمد:كله صوجي دكتور انه ما كدرت احافظ عليها
وهسه شلونها
الدكتور : الحمدلله زينه
وبعد يومين تجيبها الي للعياده حتى نبلش بعلاجها وأريدك تصير قوي على مودها ترى هواي راح تتعرض لنوبات مثل هاي واكثر مو تنهزم من اول نوبه
احمد:صار دكتور وهسه نكدر نطلعها
الدكتور:خل تصحى وترتاح شوي
احمد:دكتور اريدك تفهمها على وضعها هسه اكيد ما راح تسمع مني وما راح تصدكني بعد لأن عبالها ضميت عليها هذا الخبر
الدكتور:خل يرجع وعيها وانه افهمها انت لا تخاف هي مبينه مثقفه واعيه
احمد:بس عنيده دكتور منو يكول تسمع منك
الدكتور:هههههههه لا • ﺂنٰ شۨـِﺂءۙ ﺂللـِه۫ہ ٰتسمع مني
احمد:وسام تروح تجيب الها عبايه بسرعه وتجي
وسام:صار
احمد:ظليت مكابلها وكاعد لحد ما صحت بس شافتني بجت
ما كدرت اسويلها شي لان احنا بالطوارئ وانه من شفتها صحت نزلت دمعتي كضيت ايدها وسكتت ما حجيت شي
كمره:احمد ﻋﻠﻴﻚ بداعة ابنك هذا الخبر صدك
احمد:لا يا عمري والله مو صدك عمي فاهم الموضوع غلط
كمره:بس انت ليش ردت تصعدني وما تريد تخليني اسمع شي
احمد:هسه مو وكت هذا الحجي
الدكتور راح يجي ويفهمج كلشي ٲℓانــتيہ بس ارتاحي على ما نطلع
ما تردين ترجعين لأبنج ما اشتاقيتيله
كمره:اكلك اخاف وكع مني بس لا صارله شي
احمد:لا تخافين لحكت عليكم وهو هسه يم امي بس اكيد محتاجج
كمره:خل نطلع بسرعه اكيد هسه يبجي
احمد:خل يجي الدكتور وديت عادل ينطي خبر وعلى ما يجي وسام ويجيبلج العبايه شلون تطلعين هيج
كمره:انتظرنا شوي اجى الدكتور وشافني وضحك وكال
الدكتور:ٲℓانــتيہ شلون بيج
كمره:دكتور اريد اطلع مناك ابني فدوه
الدكتور:• ﺂنٰ شۨـِﺂءۙ ﺂللـِه۫ہ ٰتطلعين بس اريد اكلج شغله
الي سمعتي غلط ٲℓانــتيہ مو ما يصير عندج اطفال لا يصير
بس حملج بي خطوره على حياتج بالوقت الراهن
نريدج تنتظرين سنتين لحد ما تصيرين احسن وتتعافين وبعدها بيج خير وادللي
كمره:واذا ما تعافيت
الدكتوره :انه الدكتور واكلج تتعافين ويصير كلبج اصحى مني
بس انطي لروحج صبر
كمره:اكيد دكتور
الدكتور:شايفتلج دكتور يجذب على مريضته
كمره:اكيد لا
الدكتور:اريدج ترتاحين حتى نبدي بعلاجج واهم شي الحاله النفسيه انه كلتها قبل وارجع اعيد وأكرر ابتعدي عن الضغوطات النفسيه
ترى الحاله النفسيه نص العلاج
كمره:• ﺂنٰ شۨـِﺂءۙ ﺂللـِه۫ہ ٰ دكتور
تالي اجى وسام جابلي العبايه لبستها وطلعنا رجعنا للبيت تلكتنا عمتي وابني بأيدها لكيته مفرفح من البجي اخذه منها احمد وكال انه اصعده الج ٲℓانــتيہ ما تكدرين هسه صعدت وأخذته منه وبديت ارضعه لحد ما نام
تالي اجى احمد كعد يمي وكض ايدي الي بيها الكانونه بقت لازم اكمل الإبر وكال
احمد: كمره انه اسف
كمره:ليش ما كتلي
احمد:خفت لا يصير بيج مثل اليوم
والي جنت خايف منه صار
كمره:بس هاي حالتي المفروض انه اول وحده اعرفها ليش تخليني اسمع من غيرك
احمد:والله خفت عليج
كمره:عمك بشنو يريد يقنعني
احمد:معليج بعمي انه لازم احطله حد وما اخلي يدخل بيني وبينج بعد
كمره:خليني اسمع منك
احمد:ما تتحملين كمره وما عندي استعداد ارجعج بعد للمستشفى هسه
خلي الليله تعدي على خير وانه اوعدج اكلج بكل شي
وهسه نامي وارتاحي
شفتها نامت وظليت كاعد يمها خفت لا ترجع تتخربط
الولد كعد وظل يبجي ما هان علي اكعدها اخذته ونزلت بي لأمي
لكيتها بعدها ما نايمه كتلها
يمه ادري جاي نتعبج ويانا بس اتحملينه بس هل ليله
الشيخه:جيبه يمه شهل ااحجي هذا ما اريد اسمعه منك ابد ولك هذا عندي اعز منك
احمد:افاااا هسه صار اعز مني
الشيخه:سامع المثل الي يكول اعز من الولد ولد الولد
احمد:هههههههه
الشيخه:شلون صارت مرتك
احمد: على حالها وخايف عليها
الشيخه:شراح ترد على عمك
احمد:باجر ارد علي انطي لأبوي خبر خلي يخابره
صدكيني يمه ما راح أفوتله هذا السواه اليوم
الشيخه:بس هذا عمك بمقام ابوك دير بالك تجاوز علي
احمد:لا يمه مو انه الاجاوز على عمي بس لازم احطله حد انه اليوم سكتت وتندمت بس بعد ما اسكت
عمي شافني ساكت عباله قابل بته ما يدري بيه مااشتهي حتى اباوع لوجها
مو تنسين يمه انطي خبر
الشيخه:• ﺂنٰ شۨـِﺂءۙ ﺂللـِه۫ہ ٰ
وانت ارجع لمرتك وابنك خلوه يمي الليله منا لباجر بلكي تصير امه احسن
احمد:رجعت يمها وتمددت بطولها وأخذتها لحضني بس ما غفت عيني كلما اغفى واكعد أتحسس نفسها عبالي صايرلها شي لحد ما صارت الساعه سته وانه كاعد لازم تضرب الابره كعدتها
كمره ...كمره...كمره...
كمره:هااااا
احمد:شبيج ماكو شي صار وكت الابره هاج الشال لبسي على ما اروح اصيح لعمار
كمره:كعدت ولبست الشال هو راح صاحله واجى مبين علي خطيه جان نايم
كتله
ابتليت بيه
عمار:شل قصه مرت اخوي ٲℓانــتيہ بس صيري زينه كلشي ما نريد
كمره:جاي اتعبك وياي
عمار:تعبج راحه اذا مو لخاطرج لخاطر احمد لا تنسين هذا الغالي
احمد:ما تقصر ابو ياسر يوم الازفك بيدي
عمار:لا خويه بعد وكت
كمره:ضربني الابره وشال الكانونه وراح بعد ما اجالي نوم وافتقدت ابني ماكو
احمد:وديته لأمي
كمره:روح جيبه هسه اكيد مخبلها
احمد:خلي يمها اخاف ما تكدرين علي
كمره:لا احمد جيبه شنو ذنبها هي هم مره جبيره وتريد ترتاح
بعدين صرت زينه
احمد:ماشي نازل اجيبه
كمره:نزل احمد جاب الولد وانطانياه جكد انقهرت علي هذا الطفل علعلته وياي هم شنو ذنبه جاي احس روحي صرت هم عليهم وجاي أتعبهم وياي
يوميه مهبطتهم هبطه رضعته وحللته وظل كاعد خليته على الجربايه يم احمد الي نام خطيه مبين سهران وياي الليل كله
دخلت سبحت وطلعت لكيت احمد مخلي الولد على صدره ونايم منظرهم سوى يخبل ظليت صافنه عليهم وحبيت اخذ الهم صوره وانه اخذه كعد احمد وشافني وكال
احمد:شجاي تسوين
كمره:منظركم حلو هيج حبيت أوثق اللحظه
احمد:تعاي اخذي ما دام نام وانتي تعاي يمي
كمره:اخذته منه وخليته بمكانه وكتله
احمد انت تعبان نام
احمد:منظرج وانتي طالعه من الحمام مغري والريحه تخبل وتدوخ تجين برجليج لا اجيبج بطريقتي
كمره:خل عاد البس ملابس
احمد:ظلي بالمنشفه احلى هيج
كمره:لا احمد فدوه ابرد
احمد:تعاي كلت انه ادفيج معليج ٲℓانــتيہ
كمره:استسلمت ورحت يمه فتح اللحاف وجاي انام على ايده بسرعه سحب المنشفة وشمرها وانه نشغت
شسويت
احمد:اششش ما اريد اسمع صوتج خليها عاد بس نظري بطلنا العملي
كمره:هههههههه
احمد:اريدج دائما تضحكين هيج وهسه خليني انام على ريحتج لا يكعد ابنج وياخذج مني
كمره:نمت على صدره حسيته اخذ نفس مني ونام بس انه ما اجالي نوم خليته لحد ما غفى سحبت روحي وكمت لبست ملابسي ورجعت تمددت يمه وظليت صافنه علي وحسيت روحي جكد مقصره وياه وجكد أذيته وجكد تحملني ما لازم اصير انانيه وياه وما لازم احرمه من حقه واذا قرر بيوم من الايام يتزوج ابد ما راح اوكف بوجها ما اريد احرمه من الأطفال
صح احجيها مو من كلبي واحس كلبي يتفطر من احجيها بس لازم أضحي
عفتهم نايمين ونزلت جوا يم عمتي وهديه لكيتهم مخبوصين
الشيخه:شلون صرتي اليوم عمه
كمره:زينه الحمدلله ليش مخبوصين
الشيخه:احمد وده على عمه يريده بشغله وراح يجون فد شويه
كمره:الشغله تخصني
الشيخه:لا عمه ٲℓانــتيہ شعليج بس تخص احمد بعدين تعرفين كلشي
كمره:ظليت كاعده يمهم ما خلتني عمتي اسوي شي
شويه وسمعنا السياره دخلت للكراج اجو بيت عمهم ودخلوا رحنا انه وعمتي سلمنا عليهم واشوفلك سلمى الضحك مالتها شاك حلكها وفرحانه ما اعرف ليش بوكتها نغزني كلبي
اكيد هاي جيتهم وراها سالفه ومو سالفه هينه
ابو مرتضى:عمي الحمدلله على السلامه ما عرفناج هيج رجيجه
كمره:الله يسلمك عمي حجيت بكلبي هو طكها بوجهي طك ويعرف كلش زين انه مريضه بس صدك لو كالوا عين صلفه يحجي وياي ولا كأنو مسوي شي امس
سلمت عليهم وصعدت كعدت احمد
احمد:من شوكت اجو
كمره:قبل شوي
احمد:كمره بس تتغدين تصعدين ما اريدج تنزلين ابد
كمره:ليش
احمد:ما اريدج تسمعين حجايه لا على البال ولا على الخاطر وتالي الكاج بالمستشفى
كمره:ماشي
نزلنا تغدينا الولد وحد واحنا النسوان وحد تالي اجى وسام كال بسرعه جهزوا الجاي شفت هديه ما تلحك وحدها وعمتي يم مرت عمهم كاعده
كتلها انه اسوي عنج جهزته وكملته وجاي اصيح لوسام يجي ياخذه واجت سلمى تضحك بوجهي وكالت
سلمى:تذكرين شكتلج امس
كمره:اي اذكر بس ليش فرحانه معقوله الكلتي راح يصير صدك
سلمى:انتظري شوي وتسمعين بنفسج الاخبار الزينه الي ترد الروح يا شريجتي
كمره:مااصدكج احمد ما يسويها
سلمى:واثقه بأحمد ٲℓانــتيہ
كمره:اكيد
سلمى:اي اشوفه اتزوج عليج هند
كمره:وخري من وجهي لا اسوي بيج سوايه اخليج فرجه للرايح والجاي
ٲℓانــتيہ ما توبين مني
سلمى:لا لان اكرهج اموت منج حاقده عليج حقد بس الله الي يعرف بي
كمره:شعور متبادل وهسه وخري عن طريقي
سلمى:تردين تعرفين ابوي شطلب من احمد امس وما رادج تعرفين
كلنا نعرف بس ٲℓانــتيہ لا
كمره:لا وما اريد اعرف
سلمى:بس انه راح اكلج
احب هاي اللحظه من اشوفج تكضين كلبج العايب وتالي تطيحين بلكي وحده من طيحاتج تموتين ونخلص منج
احمد:سسسسسلللللللمىىىىىىى
سلمى:هااا شيخ
كمره:جان احمد واكف قريب علينا وسمع حجيها علي اجى فرها علي
وجابها براجدي خلاها صافنه انه من يمي احس خدي وجعني
وتالي صاح بيها صوت خلاها ترجف رجف
احمد:ترحين بوجهج للصاله بسرعه وخلقتج ما اريد المحها يمها فاهمه
سلمى:اي شيخ فاهمة
الشيخه:شبيك يمه عليمن صحت
احمد:على هاي الطايحة الحظ
انه مو كتلج بس تتغدين تصعدين شكو ظاله هنا بعد
كمره:كملت الجاي وجاي اصيح لوسام وهي اجت
احمد:انعل ابو الجاي ماكو احد غيرج يسوي بسرعه صعدي وهسه كدامي
الشيخه:هسه تصعد لا تصيح عليها
احمد:يمه ما سمعتي حجيها عليها
كمره مو قصدي اصيح عليج بس اخاف عليج لخاطري صعدي ما اريد يصير بيج مثل امس
كمره:خلص صاعده
الشيخه:شوكت تحجي ويه عمك
احمد:الغدا وخلص هذا احسن وكت
رجعنا للصاله انه وامي تلكاني عمي
ابو مرتضى:عمي هاي ما مرجيه منك تجيني بتي طبع اصابيعك بخدها
ما خليت حرمه لجيتنا جا حسبتنا خطار حالنا حال الغريب وقدرتنا
احمد:بتك ما خلت حرمه ولا مستحه لمرتي
وهي تدري كلش زين مريضه وما يصير تحجي وياها وامس ما تحملت وكدامكم طاحت
ابو مرتضى:جا عمي كول تدوس علينا كلنا على حساب مرتك
احمد:عمي مرتي لا يمكم ولا بكرباكم ولا جايبه طاريكم بشي ولا فد يوم مستكم بحجايه ليش هذا الكره والحقد عليها ما اعرف
ابو مرتضى:مو قصة كره بس لأن فضلتها على بتي
المفروض بتي مرتك لو جنت تعرف بالأصول بس رحت ركضت للغريبه وعفت بت عمك
ويا ريت تستاهل اشو مره ناقصه ومو كامله وبيها ستين مرض
الشيخ:ابو مرتضى ما اسمحلك لهنا وكافي كمره بنيه كامله ومعدله
ابو مرتضى:والله وغاسله دماغكم هل كمره هاي
احمد:اجى يحجي ابوي وسكته وكتله
عمي مخصم الحجي لوين تريد توصل
ابو مرتضى:اريد اسمع ردك
احمد:وانه راح اكلك ردي
كمت وكفت وحجيت بعلو صوتي
عمي هديتك مرفوضه ومرتي ما أبدلها بنسوان العالم كلها
ولو تصوغلي بتك ذهب هم ما اخذها
ابو مرتضى:هذا اخر حجي عندك يا شيخ يا محترم
هيج علمتك الأصول ترد الهديه لا ومنو بت عمك وبت شيوخ
احمد:مرتي ما ناقصه حتى اخذ عليها مره حتى لو جانت شيخة الشيوخ
ابو مرتضى:توكف بوجهي على مود حرمه
احمد:لا عمي ما اوكف بوجهك انت عمي على عيني وراسي
بس مرتي احبها وأريدها وما مخليتني بعازه وكامله من كلشي واذا على مرضها سبحان الما يتمرض انه واحد من الناس عندي ضغط ولو صعد يكتل صاحبه
ويجي يوم وتتشاقى وتخلص من مرضها
وما اتسمى الشيخ احمد اذا ما خليتها تطيب انه من اخلي شي براسي اسوي
ابومرتضى:وانت يا ابوه شو ساكت ما تحجي
الشيخ:هو حر يتزوج لا يطلك هاي حياته وهو اعرف بمصلحته
وانه ما اكدر اجبره على شي
ابومرتضى:جا بويه امشونا جيتنا هنا حتى ننهان
الشيخ:خويه ما عاش الي يهينك بس انت ردت شي وما صار
ابو مرتضى:لا خويه هاي اكبر اهانه الي ولبتي ومن منو بيت اخوي وابن اخوي
احمد:زعل عمي وطلع هو وعياله درت على ابوي وكلته
يابه اعذرني بس عمي لازم يوكف عد حده
الشيخ:لا بويه زين سويت بي عمك متبدل موش ذاك عمك الأولي
بته ومرته يحشن براسه
الشيخه:تلام الحجيه من تسميها المسمومه
طلعت صدك مسمومه
كمره:عباله احمد صعدت فوك للغرفه ما يدري انه واكفه بنص الدرج وسمعت كلشي صار بينهم صح ضجت من عيروا احمد بمرضي
بس فرحت من احمد وكف بصفي ودافعي هو وعمي الشيخ والباقين ما تدخلوا عرفت هما جكد يحبوني تالي سمعت صوت ابني بجى صعدت اركض اله شهرني وراح يفضحني
دخلت للغرفه جاي اسكت بي ودخل احمد بس شفته خليت ابني على الجربايه ورحت لأحمد شبكته وبسته من شفته حيل وكتله
الله يخليك الي حبيبي وتاج راسي وروحي من الدنيا انت
احمد:سمعتي كلشي مو
كمره:شلون افوتها ادري الموضوع يخصني وسلمى من اجت وهي بس تلمحلي
احمد:هسه خلصتي من سلمى
كمره:وانت هم أخلصت منها
احمد:شوكت تطلعين الأربعين
كمره:هههههههه
احمد:شو تضحكين ترى انه ميت ما اتحمل بعد
كمره:ما ظل شي بعد خمس ايام
احمد:الج بس خمس ايام يا كمره والله اذا طلعتيلي سالفه جديده
كمره :هههههههه
احمد:كافي لا تضكين
كمره:نسيت امس شلون ضحكت علي قشمرتني
احمد:هههههههه
بس تستاهلين وهسه البوسه الما بستها امس اريدها
كمره:سقط حقك بعد
احمد:ايباخ منو يكول
كمره:انه
احمد:واذا اخذها هسه وغصبن عليج
كمره:تدلل
احمد:تقربت منها اخذت شفايفها بكل لهفه وهدوء هل مره ما قسيت عليها
اخاف عليها وهي غمضت عيونها عبالك اول مره ابوس شفايفها مشتاق الها وهي بين ايدي ونزلت على ركبتها وهي بحضني احس كلما ألمسها كأن اول مره احساس حلو وغريب
اباوع عليها ذابت والعيون ذبلانه ردت اجرأ اكثر اتذكرت ما لازم اتقربلها هسه عفتها وكلت
ولج موتيني شيجيب يوم الأربعين
كمره:هههههههه هاي شجاك
احمد:والله محروم كدامي كل هذا الحسن والجمال ولازم أصوم الله يرضاها
كمره:هههههههه
احمد:ولج لا تضحكين تشعليني بالزايد
وعمي يكلي مو كامله هو انه من اشوفج كياني كله يتخربط
كمره:تحمل ما ظل شي
احمد:هو انه مأكل نعل ومتحمل
كمره:حشاك حبيبي
احمد:انوب تكلي حبيبي ولج اسكتي رحمي حالي وحالج
كمره:مبين ساكت
احمد:اششش كافي خليني اشبع من هاي العيون
بستها بعيونها واخذت بوسه خفيفه من شفتها ونزلت عنها لان صدك لو ابقى يمها ما اسيطر على روحي ولا اعرف أربعين ولا خمسين
كمره:ثاني يوم اخذني احمد للدكتور حتى يتابع حالتي وبلش بالفحوصات والتحاليل وكلشي وطمن احمد وطمني وكلي تقاريرج تبشر بخير صح بعدنا بالبدايه بس البدايه حلوه
كله احمد اذا تحتاج نسفرها للخارج نعالجها الدكتور رفض كله ما يحتاج انه كتلك من قبل مرضها مو تعجيزي واذا استعصى كلش انه بنفسي اكلك سفرها للخارج واقترح ﻋﻠﻴﻚ البلد والدكتور
وعدت الايام واجى يوم العقد وهو نفس اليوم الي اخلص من الأربعين
جنت بالغرفه اجهز بروحي لبست بدله مارونيه الصدر فضيحه والضهر كله طالع وهي حوريه وبيها فتحه توصل فوك الركبه شعري من النوع الما يصير بي اي تسريحه بس شسورته وخليته مفتوح وخليت مكياج خفيف
وحضرت البوشيه وجاي البسها ودخل احمد حتى هو يبدل بس شافني كال
احمد:ولج هي شنو
كمره:شنو رأيك
احمد:ما تطلعين كمره
كمره:ليش
احمد:مخبل واخليج تطلعين هيج
كمره:راح البس بوشيه وعبايه وهناك انزع
احمد:حتى لو ما تطلعين هيج
كمره:لا احمد فدوه خليني فرحانه لا تنغصها علي
احمد:ما اكدر لا تلحين بدلي ولبسي اي شي مستور
كمره:اي غير اعرف ليش
احمد:شنو ليش هو شنو الما طالع لو نازعه ورايحه بدون بدله احسن
كمره:كل البنات هيج يلبسن
احمد:البنات خل يلبسن بس انه مرتي ما اريدها تلبس هيج شنو انه مكرن واخليج هيج تلبسين روحي بدلي بسرعه
كمره:خلص ما اروح روحوا انتم
احمد:كمره لا تعاندين أنتي شايفه روحج شطالعه والله اخاف عليج
ما اريد احد يلمحج
كمره:ما اخلي احد يشوفني اصلا ما اتحرك واظل كله يم اهلي لان راح يجون
احمد:اشتعلوا اهلج مثل ما شعلتيني هسه
كمره:هااا هسه حباب خليني لابسته
احمد:ظلي بي بس والله يا كمره اذا سمعت احد لامحج ما تلومين الا نفسج
واحسبي حسابج اليوم نعقد من جديد حالنا حال العرايس
هذا الجمال اليوم ابد ما افوته
كمره:الله يستر منك حاسبهن
احمد:خمس ايام حسبتهن يوم يوم
كمره:احمد ما خلاني انزل وكمل تبديل هو ياله لبست البوشيه والصايه وتأكد ما طالع مني شي ياله نزلنا سوى صعدني يمه بالسياره هل مره لأن امه وابوه صعدوا ويه عادل وبيت عمهم ما اجوا زعلوا بس الولد اجو
دخلنا لبيت خالهم وبدوا طقوس المهر سمر طالعه تجنن تحفه هي اصلا حلوه وعادل من النوع الي يستحي دخلوه كوه لبسها الذهب وتالي طلع بسرعه ما طول وكملنا كلشي ورجعنا للبيت
بس صعدت للغرفه اجى احمد وكال ابنج اليوم شوفيله صرفه لو تنزلي يم امي لان انه اليوم ما اهدج
ساعه كامله وانه انيم بي وأريده ينام وهو ماكو فاتح عيونه ويباوع علينا واحمد كل ساع يسبه سبه وانه ميته ضحك علي اخر شي استسلم ونام وراد ينزله جوا وما خليته كتله خطيه يكعد يريد يرضع نص الليل
جاي اكوم واحمد جرني من ايدي وكال
احمد:وين شارده
كمره:ابدل ملابسي
احمد:ماكو داعي كلشي راح ينذب
كمره:تقرب من شفايفي وبدى يبوس بيه وانه حيلي باد همس يم ذاني بصوت خدران
احمد:اموت عليج مدمن بيج انه
كمره:كلامه وحده يخليك ما تسيطر على روحك احس كلبي راح وياه
شالني ورجعني للجربايه أول مره ما قبلت تالي كال اليوم احنا عرسان
احمد:احجي كمره لا تسكتين اريد اسمع صوتج
كمره:شتريد تعرف
احمد:تحبيني
كمره:اموت بيك واذوب عليك
احمد:اليوم اكلج اكل بعد ما عندجً كل حجه
كمره:رحنا انه وياه بعالم ثاني ونمنا بحضن بعض للصبح جانت هاي الليله من احلى الليالي الي مرت بحياتي
احمد احسه بالنسبه الي دنيا بحالها
مو بس زوح وحبيب
لا اخ وآب وصديق وأستاذ وكلشي حلو بحياتي
ومرت علينا انه واحمد ايام احلى من العسل خلصنا من المشاكل كلها
وبدت صحتي تتحسن شهر عن شهر وابني بدى يكبر حبيب كلبي يخبل
وسوالفه احلى منه وعمامه يموتون علي بحيث ما احس بوجوده بالبيت ابد وخصوصا انه من بلشت اداوم بالكليه المرحله الثانيه
وعادل تزوج سمر وهسه هي حامل بيها بنوته واحمد اكثر واحد فرحان حتى ازيد من عادل وفرح مرت اخوي جابت توم ولد وشداد واخيرا قرر يتزوج هبه بعد معاناة ويه حبه لكمره وهبه ابد ما استسلمت وجانت مصره علي حتى وهو رافضها
هاا ونسيت اكلكم هديه خطبها حسين اخوي الظاهر جانت بيناتهم علاقة ومحد يدري بيهم طلعت هديه مو هينه انه صاحبتها ضمت علي ويه منو ويه اخوي
يله الله يهنيهم ويسعدهم يا رب
هاي جانت قصتي حبيت انقلها الكم
المغزى منها
صح انه انجبرت اتزوج غصبن عني بس عشت ويه احمد احلى قصة حب
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
