رواية ليله واحده لا تكفى الفصل السادس والخمسون 56 بقلم ايلا ابراهيم

اسر كان مقرر يروح لايهم ويبلغه في أسباب زواج لبنى وسراج وازاي سراج استغله وسجنه عشان يتزوجها .. مش عايز يسيبهم يتهنو مع بعض قربهم يسمونه كل يوم.

وقف عربيته قدام محل ايهم ونزل و اتفاچأ لما شاف هنا ماسك فرح من شعرها وأيهم بيحاول يبعدهم عن بعض مش عارف..

 اللي فهمه اسر من انفعال هنا أن فرح بتحب ايهم وهنا بتتغير عليه..

اتدخل اسر وبصعوبه بعدهم عن بعض وأيهم طلب منه ياخد فرح ويمشي وفعلا عمل كده ..

اما ايهم شد هنا من أيدها وهو متعصب ومش شايفه قدامه وطلع بيها شقه أهلها ووقف عند الباب وقال بجديه حاولت احافظ عالجوازه دي كتتير لكن انتي مش راضيه تستوعب ده انتي احرجتيني في شغلي وقدام الناس كلها.. بقولك كفايه ولا كأني بتكلم ولا كأني جوزك وبكلمك...قللتي من احترامي جدا عشان كده احنا مينفعش نكمل في الجوازه دي ..

هنا مسحت دموعها بكمها : يعني ايه ..

ايهم بجديه وغضب : انتي طالق ياهنا..

ايهم قال كلامه ونزل بسرعه وهو تعصب اول مره حد يقلل منه. كده مراته ضغطت عليه جامد

عند اسر وفرح

كان سايق العربيه وفرح جمبه بتعيط ..

وايديها ووشها متخربش وشعرها منكوش .

وقف العربيه في مكان هادي..

اسر : ممكن اعرف ايه اللي بيحصل معاكم .. انتي بجد بتحبي ايهم

فرح بتعيط..

اسر : على فكره انتو الاتنين بعيدين عن بعض جدا ايه اللي يخليكي تحبيه كده وانت مش شبه بعض ابدا ... وسأل بتوجس : هو استغلك. او وعدك بحاجه .

فرح هزت رأسها بلأ.

اسر: اومال ايه اللي يخليك تعملي كده دي مراته كانت هتاكلك..

فرح بحرقه : ربنا ياخدها 

اسر صعبت عليه وهي بتعيط وقال : ليه كده انت بنت جميله وصغيره ولسا العمر قدامك ليه بتفكري في راجل متزوج وكمان بيحب مراته

فرح بوقاحه : متقول الكلام ده لنفسك مش انت اللي ماشي عشان تفركش جوازت اخوك ومرته

اسر بهدوء : انا مختلف عن وضعك انا بحب لبنى قبل ما سراج يعرفها اساسا..

 لكن سراج عشان متجوزهاش راح اتجوزها وكل ده تخطيط من امي إنما انتي ليه تعملي كده.في نفسك...

فرح بتعيط: عشان حبيته .. حبيت اهتمامه وحبه لامرأته. حبيت خوفه عليها. حبيت حبه ليها. انا ولا مره حد خاف عليا كده حتى امي اهم حاجه عندما العيب وكلام الناس بابا الله يرحمه كان طول الليل سكران وفي النهار خناق وضرب في ماما. انا نفسي احب واتحب. نفسي ايهم يحبني زي ما بيحب مراته كده بالضبط.

اسر : بس انتي بكده مش بتحبيه انتي بتحبي حبه لامرأته بس... لكن فكري يافرح لو ايهم طاوعك وساب مراته عشانك هتفضلي تشوفيه زي ما انتي شيفاه دلوقتي

فرح بقهر :. مش عارفه مش عارفه .وغطت وشها بكفها وبدأت تعيط..

انما اسر اتنهد ونزل من العربيه جاب حاجه سقعه وهداها وفضل يلف بيها العربيه لحد ما هديت..

**********

لبنى راحت على هنا فورا اول ما اتصلت بيها وهي تعيط : ايه اللي بيحصل وأيهم طلقك ليه

هنا بتعيط : كله من اخت جوزك هي السبب .

لبنى مصدومه ومش فاهمه ايه اللي حصل ..

*********

سراج شاف اسر راجع مع فرح اتجنن وكان خايف على اخته من اسر.. وقف قدامها وقال : كنتي فين

فرح بصت ناحيته وكانت مخنوقه وطلعت اوضتها بسرعه بتعيط..

سراج مسك اسر من هدومه وقال بتحذير: طلع جنانك عليا زي منتا عاوز إنما اختي مش هسامحك يااسر صدقني هقتلك..

اسر...

سراج...

شكرا لزيارتكم عالم روايات سكيرهوم