رواية معاناة ارملة الفصل السادس بقلم مجهول
علينا أن نعلم أنه لا شيء يتم في كون الله مصادفة ، بل كل شيء بقدر💜🍂
“كما تدين تُدان، وكما تُعين تُعان، وكما تَرحم تُرحم وكما تَزرع تحصُد.”
خبِّئ هذا النص في رفوف غفلتك للأيام القادمة
وسيخبرك الزمن عنها لا محالة 🌺
*******************************
بعد ما راحت فاطمه رحنا لغرفتها وشفنا شكد فلوس عدها ضامتهم وذهب
ف اتفقنا احنا الإخوان نتقاسمهن بيناتنا وكل واحد أخذ حصته
$$$$$$
كاظم....بعد ما طردنا فاطمه وتخلصنه منها وخاصه أنه محد حجا عليه أو عرف اني المذنب
طغيت اكثر واكثر صرت مدمن مخدرات وشرب
وحتئ الذهب ولفلوس الي لگيناهم بغرفه فاطمه اخذناهن وتقاسمناهن اني واخواني
لان حلال اخوي واحنا اولئ بيه من هاي الحقيره
وصرت بيهن اشتري شرب ومخدرات وطلعات وكولشي سويت .....فلوس ومحد يحاسبني العب براحتي
حتي الامتحانات النهأئيه بلشت واني ما متحنت لاهي بحياه الترف الي اني بيها
محمد...هذه فاطمه الحقيره ليش ما قبلت بيه بشنو اعذبها بعد حتي تنجبر وتوافق عليه ....
والفلوس الي اخذتهن منها نطيتهن لزوجتي تشتري بيهن ملابس وذهب وهي والجهال
رهف...امي هم راحت مثل ما راح أبوي
اني انقهر من اشوف جهال عمامي يلعبون ويطلعون وي امهم وابوهم واني محد يطلعني أو يلعبني
ومن اريد شي حسره عليه احجي وكالو بت الساقطه شنو تحجين شنو تريدين
سدي حلگج واكعدي
وبس يصرخن عليه. يغلطن نسوان عمامي
بس اني تعلمت من امي ما ابجي كدام أي أحد
لا ...اكعد لوحدي بالليل وابجي لرب العالمين
بيبتي تنومني يمها وهي خطيه تعبانه ومحد الها أو يوكف وياها مثل ما ماما جانت الها
هم يصيحن عليها من تحاجيهن
....
ام جاسم...بعد ما راحت فاطمه اني تبهذلت محد الي ذن نسوان ولدي من اصيح ةلهن يحجن عليه ما يهتمن بيه او ينطني دواي بوقته حسب مزاجهم شوكت ما يعجبهن يجن
وهم بس يجن يمي يحجن ع فاطمة واني ما ارضئ واحد يحجي عليها ادري بيها بنيه مؤدبه وخلوق مستحيل تسوي هيج ادري بأبني طايح حظه بس محد يسمعني من احجي مصدكين هي مو زينه
وهن شلون ادافع عليها ما يرضن عليه من هيج يكرهني
اووف يا يمه فطومه وين وداج الوكت وين هسه انتي بيا مكان سودة عليه ماكدر اكوم واروح ادور عليج ...يمه جاسم ادري هسه ودك تطر الگبر وتكوم لمرتك وبنتك وامك شسوا بينا الوگت خلافك
يا يمه ونيت والون كتلني
عگبك يا جاسم محد سأل عني
دكيت باب اخيك ولنه طردني
يمه باعوني برخص بزر بطني
طر الكبر يمه وتعـــال لحظني
بنيتك جاسم يمه هلتون يمي
تسألني أبوي وين وليش فاركني
شجاوبها يمه واني اريدك انت تجاوبني.
عفتنه ومشيت وخذت المحنه وياك
ويا محنه عگبك تگدر. تعوضني
مريتك يمه شمروها والدنية ليل
محد رحم بيها وكأل هاي مثل اختي
التمو عليها وحوش وجلاب
من عرفوا راح ومشئ حاميها
.......
اخ يا يمه فاطمه كسرتي گلبي
...... فاطمة ....مرت الأيام واني بعدني عد الشيخ مايقبل اطلع منهم
والمحامي يكمل بقضيتي وقدملي شكوئ ع حمويني
.....بتهمه سرق حقوقي وحقوق زوجي
وأيضا طالبت بحظانه بنتي
واني غ تواصل وي المحامي ...
....المحامي سيف..بديت ااتواصل وي فاطمه بس سبحان الله هاي البنيه دخلت گلبي باخلاقها واحترامها لغيرها وعاهدت نفسي لازم ارجع كيانها وارجع حياتها مثل ما جانت واحسن
قدمنا شكوئ ع محمد وكاظم لان هم أكثر اشخاص اذووها
فاطمة ..كدر المحامي يطلعلي جزء من حقوق زوجي من الدوله ف هي الي عوضتني ونطتني فلوس
وبما انه ما عندي بيت فقررت اجر
حتي لو غرفه لان احس نفسي ثقيله صرت ع بيت الشيخ
بس هم ابد ما حسسووني بأي شي والله والنعم منهم. ما قصروا وياي
وطلبت من المحامي اذا يكدر يشوفلي بيت للايجار
وفعلا حصلي بيت جوارينهم منتقلين لغير منطقه وبيتهم يردونه ايجار
والحمدلله بيت مرتب وصغير وقريب ع بيت المحامي
محمد ....اكثر من مرة اجاني تبليغ من المحكمه بسبب شكوئ مقدمته فاطمه علينه تريد حقها من البيت. وتاهمتنا بسىرقه فلوسها وذهبها وبنتها
هاي من شوكت تعرف هيج تسوي ومن شوكت طلعلها لسان وتروح تشتكي علينه
اكيد واحد لاعب براسها ويريد يأخذ حلال اخوي
بس مستحيل اخليها تأخذ شي منه فقررت اروح للمحكمه ورحت
ف شفتها واكفه برا بالمحكمه لوحدها
ف اجيت يمها
شوفي فاطمه من الأخير انطيج كلمه اذا تردين بنتج عدله ما بيها شي سحبي شكوتج واني ارجعلج بنتج سالمه بس اذا حاولتي تشتكين علينه احسبي بنتج ميته
لك شكد حقير شلون الك گلب تاذي بنت صغيره واللي هي بت اخوك شكد حقير انت ونذل
اسكتي لا اطيح حظج
صايره شريفه من تالي
احترم نفسك اني اشرف منكم
المهم كافي لغوة اسحبي شكوتج وتأدبي واذا حجتي أو كلتي اني حاجيتج أو كتلج هيج احسبي بنتج ميته
هاج رقمي خابريني اذا تردين بنتج سالمه
اختاري
بنتج لو الفلوس
شوي وإجا المحامي.....فاطمه أستاذ اني اسحب شكوتي ماريد أي شي عفت المحكمه وطلعت برا
سيف ...رحت لمكتبي كملت شكم شغله ورجعت لفاطمه علمود ندخل للقاضي
لكيتها تبجي
شبيج فاطمه لا تخافين كل حقوقج راح ترجعلج وبنتج همين بس لاتخافين اني وياج وما اعوفج
تعاي طالبي بحقوقج
شو هاي بقت تبجي وطلعت
استاذ ممكن تسحب الشكوئ اني ما اريد بعد أي شي اريد بس بنتي
شبيج فاطمه شنو اسحب الشكوئ انتي صدك تحجين غير حقج هذا
لا أستاذ ما ريد شي بعد مدام عندي راتب والله اكرم عليه واجرت بيت ما محتاجه بعد لا فلوس ولا ذهب اريد بس بنتي
امشي خل اوصلج وبعدين نحجي بهذا الموضوع
صعدنا بالسياره واني عيني ع فاطمة وشلون تبجي ما تقبل تكولي شبيها وليش تريد تسحب الشكوئ
فاطمه ليكون محمد هددج
احجي حتي اجرجره بالسجون والمحاكم
لا لا ابد حتي ما شفته
بس اني فكرت عدل وقررت وهذا هو
....وصلنه لبيتها فاطمه در بالج ع نفسج ولا تضوجين كولشي ينحل
ان شاء الله شكرا أستاذ
سيف..
رحت واني تفكيري يمها خطيه مالها احد وبعدها تخاف تحجي
فاطمة...وصلت للبيت واني افكر معقوله راح ياذون بنتي
ذول بلا رحمه اكيد يسوون بيها شي
اني شلي بالفلوس والذهب اني اريد بس بنتي
وخابرت ع محمد
الو محمد اني فاطمه...اني سحبت الشكوئ واي شي ماريد بس ترجعلي بنتي
وشنو الي يأكد انتي ما تضحكين عليه
تاخذين بنتج وترجعين تقدمين مرة ثانيه
لا والله والقران ما ريد أي شي وروح باجر وتاكد بنفسك من المحكمه
اني شكوتي يم رب العالمين هو اريده يأخذ حقي منكم
اووو. سوت روحها كلش
يله ولي باجر اروح تاكد من المحكمه واخابرج تجين تاخذين بنتج
اوك
خابرت ع أستاذ سيف فدووة أستاذ اسحب الشكوئ
براحتج فاطمه تدللين
........
واني منتظرة باجر ع نار شوكت تجي بنتي شوكت ترجعلي
وصار الصبح وخابرت ع محمد وطلعت انتظره برأس الشارع علمود يجيبلي بنتي
وانتظرتهم شكد يله اجو
وشفت رهوفه صدك هاي بنتي
رهوفه هاي
واركض عليها واحظنها وابوسها واني ابجي وهي تبجي
وج ماما مشتاقتلج
اني اكثر يا بعد گلبي
انتي سالمه ما بيج شي
ايي ماما زينه اني
بس ليش عفتيتي فدوة ماما بعد لا تعوفيني
مستحيل ماما اعوف روحي وما عوفج
محمد هاي بنتج وعندج
بس اذا تريدين ترتاحين دوم فكري بالعرض الي سبق وكتلج بيه
محمد ...روح وخلصني من شركم
فكري عدل لان راح ابقئ وراج وراج
دووولي بعد وين تلگاني .....
وخذت رهوفه ورحنا للبيت
وسيف اجانا العصر للبيت سلم علينه
وكعد يمنا وهو وأطفاله
ياالله مو اطفال طيور ذهب يخبلون وهادئين
سيف .... يله راح نروح
فاطمه..فدوة بقي الاطفال يم رهوفه خل يلعبون
سيف...اخاف يضايقونكم
لا بالعكس والله
وصاروا الاطفال يحبون فاطمه ورهف ويوميه يبجون يريدون يرحون يمهم
ومرت ايام وأشهر ..........
شكرا لزيارتكم عالم روايات سكيرهوم
