رواية شيخه عراقيه كويتية الفصل السادس بقلم جمانه السعيدي
رحيم....اني كنت واثق منه ومن تصرفاته بس كلام صديقي
خلاني اشك
طلعت من الشغل قبل ساعه وبقيت اراقب البيت
بس كلشي ماكو
وبيوم عطلتي طلعت وبقيت اراقب البيت الباب اصلا مانفتحت
اتعوذت من الشيطان بدريه زينه مامعقول يطلع منه هيج شي
بس الشي الي سوته مو هين يخلي الشك براسي
مايروح
قررت اختبره اخر اختبار اني مو طبعي الشك
بس كلام صديقي دخل الشك النفسي
جربت ارجع وادك الباب
بدريه...منو في الباب
رحيم.غيرت صوتي وكلت اني صديق رحيم
بدريه...رحيم مو هني طالع
رحيم...ممكن تنتضره
بدريه..تحشم يخوي الرجال طالع و انا الوحدي بلبيت
رحيم...بس اني جاي من بعيد واريد اشوفه
بدريه...اهلا وسهلا فيك بس انا مااكدر ادخلك للبيت
لمن يرد صاحب البيت
فيك ترد علينا مره ثانيه
رحيم...مو طريقي طويل
بدريه....انت ماتعرف الاصول بس الحريم بلبيت
انت منو انا اكول الرحيم عنك
رحيم...شتكولين
بدريه...اكول اجاك ضيف من بعيد
رحيم...لا موضروري اني ارجع علي
جمانه السعيدي
عافتني وبعد ماحجت وياي كلت بكلبي الله يلعنك
البنيه ماعدها سوالف موزينه ليش تشككني بيه
ربع ساعه ورجعت للبيت فتحت الباب بلمفتاح ودخلت
بدريه... هله
رحيم..اهلا
قربت اخذت مني الجاكيت عطرها كان كلش طيب
بدريه...في واحد اجا من ربعك وكال بيرجع مره ثانيه
رحيم...تمام
كعدنا ناكل كعدت كبالي تاكل على كيف والشال ماينزل من راسه اكلت شويه وكامت
اني بديت اتعود على وجودها بحياتي
لطيفه ورقيقه عبالك نسمة هوا
بدت فكرت ان زواجنا يكون حقيقي تدخل عقلي
ليش لا هي زوجتي وعلى سنة الله ورسوله
ليش هذا الزواج مايكون حقيقتي
عيوني كانت تراقبه طول الوقت
كنت اعشق وجودها بلبيت
خصوصا واني ارجع الكه كلشي حاضر وهي واكفه الخدمتي
رغم هي تكدر تعاملني بتكبر وخصوصا اني كنت استغل عدهم
تكدر تنفصل عني وتعيش حياته
بعد هي ازوجت وعدها ورقه تثبت هذا الزواج
بس هي جاي تعاملني احسن معامله
قررت هذا الزواج لازم يكون حقيقي اني شمنتضر مثلا
زوجتي وحلالي وقريبه عليه
واني نفسي يصير عندي طفل يحمل اسمي بعدين العمر جاي يمشي اني شمنتضر
قررت اقرب عليه بعد اسبوعين من زواجنا
دخلت للغرفه كانت ترتب بلكنتور
اكيد هيج مواضيع محتاجه تمهيد خصوصا احنا زواجنا صار بسرعه
وهذا الزواج بلاساس انوجد حتى يحل مشكله
يعني مو زواج متفقين علي
دخلت للغرفه
جانت شامره الشال على الجربايه وشعرها مفتوح اسود
سرح نازل على ضهرها
والعطر بلغرفه يخبل
هي راسا دنكت تاخذ الشال
رحيم...انتي ليش تخلين الشال على راسج ترا اني زوجج يعني حلالج
بدريه..الاحترام والحيا واجب
رحيم...كعدت واشرتله تكعدي بصفي
كعدت بس بعيد عليه
رحيم...تعودتي عليه
بدريه... انت انسان طيب وكلك حنيه ودفو
انا ماشفت منك شي شين علشان مااتعود عليك
انت رحيم واسمك عليك
جمانه السعيدي
رحيم..قربت عليه وسحبت الشال شمرته
...شعرج حلو
بدريه...خجلت من كلامه وحسيت هو يريد يقرب علي
من حقه اني زوجته ومسجله على اسمه
وهو بيشتغل ويصرف عليه
بعد اني لازم اكون تحت امره
اكبر فضل عليه بحياتي فضله نقذني من الموت
وهو يعرف مصيبتي وسترني
رحيم..قربت عليه اريد ابوسه راسا بعدت راسه ونفسه لعبت عافتني وطلعت للحمام
اني بقيت مستغرب شنو اني ريحتي موطيبه
شميت نفسي ريحتي طيبه
ونضيف طلعت وراها لكيته قافله باب الحمام عليه
رحيم...بدريه شخيرج
بدريه...مافيني شي بس انا من الصبح وعندي دوار
وراسي مصدع
رحيم...ليش ماكلتي من اجيت
بدريه..مافيني شي اطمن الحين بكون زينه
رحيم...رجعت للغرفه انتضرها طلعت وجه اصفر وحالته حاله
شويه ورجعت للحمام مره ثانبه
رحيم...لا انتي حالتج مااطمن ابد يله بدلي اخذج للمستشفى
بدريه...مافيني شي
رحيم...بدلي يله اسمعي الكلام
دخلت للغرفه وطلعت لابسه رداء اسود وشال من طلعنا خلت طرف الشال على وجها
اجرنا تكسي وطلعنا للمستسفى
بس وصلنا دخلنا على الدكتوره النسائيه وطلبت مجموعه تحاليل
بقينا ننتضر بلممر وهي على كعدتها حتى وجها ماكشفته
طلعت التحاليل دخلنا على الدكتوره
بس شافت التحاليل صدمتنا من كالت مبروك المدام حامل
راسا بدريه وهي واكفه كعدت على الكراسي من الصدمه
واني عبالك واحد وطعني بكلبي
شنو حامل حامل من حبيبه واني شنو موقفي
يعني بدريه تحرم عليه
ومااكدر اقرب عليه منا لمن تولد وتكوم بلسلامه
يعني هذا الزواج محكوم علي بلانتضار
ليش ليش هيج يصير وياي هذا الطفل لازم يكون مني اني
حسيت نفسي انهاريت
كرهت نفسي وكرهت بدريه بذيج اللحظه
عفته بغرفة الدكتور وطلعت بدون مااحجي اي كلام
جمانه السعيدي
شويه واجت وراي وهي تبجي
بدريه...اني اطلب منك السموحه ماكنت ادري اني حامل
كنت اضن مجرد مغص عادي
اترجاك لا تزعل مني اني بدخل الحين للدكتوره تنزل هذا الياهل
اهيي اهيي انا مكتوب عليه المصايب
كنت اضن هاي صفحه ونطوت
وانت الصفحه الجديده بحياتي
رحيم...يله نرجع للبيت
بدريه..باتفك مع الدكتور انزل الياهل
رحيم...لا حرام هذا الطفل شنو ذنبه هاي روح حرام نقتله
بدريه...بس
رحيم... ارجعي للدكتور تكتبلج شي علمود لعبان النفس
واني منتضرج
رجعت وهي تمشي وتمسح بدموعه
واني راسي راح ينفجر من هذا الخبر هذا الطفل راح يبقى يذكرني بماضي بدريه طول العمر
كنت ناوي افتح صفحه جديده
بس القدر كاتبلي ابقه اتعذب طول عمري
رجعنا للبيت هي دخلت الغرفته
واني تمددت بفراشي بلهول
بدريه... رحيم انسان طيب وكنت مستعده اسلمه نفسي
بس مابيدي شي القدر اكبر مني ومنه
ياريتني عرفته من زمان
رحيم..اول يومين فاتن بعد ماعرفت بدريه حامل كارها وكاره نفسي وحتى مااباوع بوجه
ولا احجي وياها
رغم اني اسمعه شلون تتقايئ وتعبانه
بس ماكنت اريد اشوفه بهذا الحال كنت متمني هذا الطفل يكون ابني
بعد اسبوع واني ادخل ساكت واطلع ساكت
وهي كلش متقبله الموضوع وخادمتني احسن خدمه
مااعرف ليش كنت زعلان منه
طبيعي بعد الشي الي صار ببته وبين ابن الكلب هذا
احتمال يصير حمل
شكد ناقص هذا وبلا ضمير
رجعت احجي شي قليل وياها
اكثر شي كسرت خاطري لان اهله مايجونه ولا يسئلون عنه
بس ابو صكر يجينا كل أسبوعين أو اتلاثه مره يكعد ساعه ويطلع
وهي لا تطلع من البيت ولا عدها اي طلبات
فترت الحمل صعبه ايجوز تشتهي اكل معين
رحيم...اذا تشتهين شي كولي لا تطلعين الطفل مشوه
بدريه...سلامتك
رحيم...احجي لا تسكتين
بدريه...مابي شي من هاي الدنيا بس رب العالمين يحفظك
ويتمم الخير عليك
رحيم...طلعت واشتريت كلشي فواكه من هاي النادره
وكرزات وحلويات
رجعت للبيت دخلت وخليتهن بغرفته
خطيه ايجوز تستحي مني
او يمكن تحس بتأنيب الضمير بسبب الحمل
ومتطلب مني شي
احاول اتقبل هذا الموضوع اني من البدايه تبرعت
احميه
لازم اساعدها للنهايه
بلبدايه ضمينا موضوع الحمل ومحد يعرف بس صديقي عرف لان شافني اشتري فواكه وادور انواع معينه
اضطريت اكول بدريه حامل
اكيد الشغله معروفه مستحيل تكون حامل مني لان
صار فتره قليله من ازوجنا
رجع يلوم عليه
ليش سكتت وقبلت بهذا الموضوع
بعد مايفيد الحجي لازم اكمل الشي الي بديته للنهايه
بعد شهرين من زواجنا
وصلنا خبر العمي ابو صكر بحمل بدريه
بس متوقع الطفل الجاي ابني
هذا السر بقا بينا اني وبدريه بس صديقي يعرف بي
واني حذرته مايحجي لأي أحد بهذا الموضوع
شكرا لزيارتكم عالم روايات سكيرهوم
