رواية رغبة ملوثة الفصل السابع بقلم دلال عماد
"سليل"
گاعديـن اﻧـي وامي ونـورا وحالتـنا يرثى لـها نبچي ومانعرف شـنسوي، نتصل مـحد يجاوبنا اخـر شي امي اتصلت على عمي وجاوبها
اني ونـورا ركضنا وگفنا يمها نسمع شيگول
ايات ببچي: ابو عمر الله يخليك گول شصار وياكم
ابو عمر: لا تخافين ماكو شي ان شاء الله
ايات : اساامةة شبيي
ابو عمر: تصاوب بأيده واخذنا للـمستشفى
ايات بصياح: يما اسم الله ابني
ابو عمر: لتخافين اصابة خفيفة والأطباء طلعو الطلقة مــن كتفه وهسا صار احسن الحمدلله
ايات بخوف: وهسة شونه عفية
ابو عمر: لا الحمد لله صار زين بس يصحه ان شاء الله اخلي يحاجيچ
ايات: اي عفية الله يخليك،
بس شصار وياكم؟
..
واگفة يم ماما واسمع عمي يحچي واني ابچي ومقهورة كُلش خطيه اسامة تصاوب وبسببي حبيبيي كون بيـا ولا بيي
الـي افتهمـنا مـن عمـي انـو واگفيـن ع الباب ومتعاركين اسامة وحسـام وتضـاربو بالسـلاح بأثنـاء ما اسـامة اتصـل بـينا هوَ ودايحچي ضـرب حسام طلقة بكتفه وحسـام رجع ضاربـه هم بكـتفه واخـذوهم ثنينهـم للـمستشفى واتفقـو على كعـدة بيـن العشيرتيـن واليـوم راح يبقون لحد ما يتحسن اسـامة ويرجعـون
..
بقينا اني وامي ونورا وحـدة مگابلة الثانية وگاعدة همـا ما حچـو كلمـة بـس انـي اعـرف همـا ضايجين منـي هـوااي وحقـهم والله حقهـم
بقينا على هالحـال لحـد ثانـي يـوم خايفين عليهم كلش رغم عمي طمنا على صحة اسامة بس نبقـى خايفين دقايق وخابـر ابـويا على امي وگاللها وصلـنا امي جتني وگالت
ايات: سليل انتِ هسة روحي بغرفتچ ابقي ولتطلعين منها خوش
سليل: لعد ماما شوكت اعتذر منهم
ايات: مو هسة خلي يهدأ الوضع شويه واگعد احچي وياهم
سليل: ماشي
رجعت صعدت فوگ على غرفتي او بالأحرى على البقعة السوداء، صرت اسميها هيچ شكد ما كرهت الگعدة بيـها
شويه وسمعت صـوت عمي وابويا وامي يحچـون عرفت اجـو گلبي صار يوجعني خايفة من بابا كلش لكن بقيت خانسـة وبـس استمـع الههـم واسمـع ابـويا واسـامـة يسبـون بيـهم ويغلطـون وعمـي يهديهم
طبعًا هذا عمي اسمه رضوان كلش مسالم وميحب المشاكل وهادئ حيل عكس ابويا عصبي ومايهمه شي وعمامي البقية متوسطين، وما اجو على بيتنا بوجههم من الأنبار رجعو لبيوتهم بس عمي رضوان اجا ويا ابويا واسامة
بقيت استمع لكلامهم حتى اعرف شنو صـار
والـي عرفته انـو الگـعدة راح تصيـر يـوم الجمعة الجايـة واليـوم ثـلاثـاء يعـني بـعد يومين اووف شراح يصيـر يـا تـرى راح يگدرون يحلوهـا بـدون مشـاكل لـو شلـون
چنت اريـد بس يـوم الگعدة يجي حتى اعرف شنو راح يصير... مچنت اعرف هـذا اليـوم راح يدمـر مستقبلـي
مشـت هـاي الـيومين بـأعجوبة حرفيًا تعبـت كلش وتعبـت نفسيتي محبوسة بيـن اربـع حيـطان بس اصفـن ووقت الأكـل نـورا تجيبلي الأكـل وتطلع حتـى متگعد وياي، امي حاولت تحچي وي ابـويا حتى انزل اعتذر من عنده لكن ابويا رفض رفض قاطع حرفيًا اتحطمت وادمرت نفسيتي حسيت انو ابويا واسامة بعمرهم مراح يسامحوني وراح يكرهوني طول عمرهم
انقهرت كلش وساءت حالتي... اسامة اتحسن الحمدلله صار يگدر يگوم ويمشي واجـا الوقت الي لازم يروحون بي ع الأنبـار طلعوو من الصبح حتى يروحون ويرجعون على وقـت
والي عرفته انو اخو حسام هوَ شيخ عشيرتهم واحنا ابويا واسامة اخذو عمامي وشيخ عشيرتنه وشيوخ ماعرف شنو بعد وراح تصير الگعدة
بعـد ماطلعـوو انـي نزلت شافتني امي گالت
ايات: تعاي تريگي
سليل: ماشتهي
ايات: بنتي لا يصيرلچ شي تعاي
سليل: والله ماشتهي... شصار وياهم
ايات: بعد هسة راحـوو ان شاء الله خير
سليل: ان شاء الله
بهالأثـناء نزلت نـورا وگعدت تتريـك شويه وحچت
نـورا: راحـو للأنبـار مو
ايات: اي يما
نـورا: خيـر ان شاء الله
ايات: ان شاء الله
طبعًا اني ماحچي وي نـورا ولا هـيَ تحاچيني، كمـلوو ريـوگ وماما رادت تلم الصحـون ماخليـتها گمت اني لميت وغسلتهم ورحت انظـف البيـت ع الأقـل الگـه شـي التهـي بـي
بديت اعزل واغسل بالبيت من فوگ لجـوه طلعت ضوجتي وقهري كله بالبيـت
"" "" "" ""
فـي مـكان اخـر...
"الأنبـار بـيت الشـيخ شـهم"
حسـام"
من بعـد الـي صـار بسبب هـاي الجاهلة سليلل اجـو اهلهـا وهـدو علينا وصـارو يـرمون واحـنا طلعـنا وصـارت بيـنا مجادلة بالكـلام واخر شي اتكـاونه، وبيـن ما چنت احچي ويا ابوها گام اخوهـا طلع سلاحـو وضـربني بأيدي عاد اني بسـاع رفعت سلاحـي وضربتـو ووگعـنا ثنينـا اخر شي شفتو اخوي شهم يركض عليي وبعد ماعـرف شنـوو صـار
گعـدت شفـت روحـي بالمسـتشفى واخوي وعمي وولد عمي يمي سـألتهـم عـن الصـار وحچـولي اتعصبت حيل واتذكرت هذا النذل من ضربني وعـرفت انو اتفقـو على گعـدة يـوم الجمعـة
حلفـت اطـيح حظهم واطلـع الصـار من خشمهم هيـن انـي الكـمم
ثاني يوم اتحسنـت حالتـي وطلـعت مـن المستشـفى گـاعد بغرفتي ادخـن وافـكر شـنوو اسـوي بيهـم لذولـة اجـت فكـرة على بالـي ابتسـمت وانـي اخـطط
الها...
گاعد وانتظـر يـوم الجمعـة يجي على احـر من الجمـر واني على اتـم الأستعـداد الهـم
مشـت الأيـام بسـرعة واجـا اليـوم الـي اخـذ بـي حقـي منهـم
"يـوم الجـمعة"
اجـو اهـل سليل وشيوخ وياهـم واجـو شيوخ من غير عشيرة يمنـا حتى يصيرون محظـر خيـر بيـن العشيـرتين ومتصـير مشـاكل هه والله لو يجيبـون عشـاير الدنيـا كلـها الفكـرة الـي براسـي اسـويها يعني اسـويها
ابو معن: حيـاكم عمي اتفضلوو نورتـو
شـيخ عشـيرة مروان: الله محييـك ابو معن تسلم
شيـخ العشيـرة الثانية: تسلـم ابو معن البيـت منـور بأهله
فـاتو الكـل وكعـدو وتهليـنا بيـههم بس اهـل سليل چنـت احاچيـهم من راس خشمـي وهمـا كذلك لان لا انـي طايقـهم ولا همـا، وبـدأ شيـخ عشيـرتهم يحچي
شيـخ عشيـرة مروان: الله بالخـير عليكـم عمـي
- الله بالخيـر
حچه شيخ العشيرة الثانية
- بويا مانطولها عليكم ولا نلف وندور احنـا اليـوم جايين ان شاء الله حتـى نحل المشـكلة الـي صـارت بـينكـم، لان الي صار مو قليل شغلة عرض واندس، بس احنا مانريـد تكبر وتصير بيـن
العشيرتين مشاكل وزعل ودم
الشيخ شهم: كل الهـلا عمـي بيـكم ومنورين بيتي وديواني وكلكم على راسي بدون استثناء، بس الشـي الي سواه ابـو اسامة واخوانـو ماينسكت عليه
مروان بإستهزاء: لعـد الي سواه ابنكم ينسكت علي
ابو معن: احنـا نريـد نفهـم شسـوى ابنا حتى نعرف شنتصرف
حسـام بعصـبية: عمي شمسوي قابل
اسامة بحدة: سوييت ونص
ابو معن: بوية على كيفكم خلي نفتهم
مروان: شوف عيني شيخ ابو معن راح احچيلكم السالفة من البداية وانت والشيوخ الگاعدين احكموو
ابو معن: كول اخوي
الشيخ شهم: اتفضل ابو اسامة
مروان: بوية كل الساالفة ومابيها ابنكم حسـام مقشمر بنتي على مواقع التواصل الأجتماعي بحجة انو يحبها وهي بعدها طفلة ومراهقة متفهم الدنيا شبيها وشمابيها، وللأسف چانت فريسة سهلة لأبنكم المصون الي استغلها وضحك عليها، اني ماگلك بنتي ما غلطت لا غلطت ونص واخذت عقابها بس الدور على حسام الي عود ع اساس ضابط وچبير وواعي ويفتهـم وگاعد يسويلي سوالف مال مراهقين مو عيب بويا؟
حسام بعصـبية: عمي اوزن كلامـك خوش وثانيًا اني ماضحكـت على احـد ولا جبرتها تحاچيني، اذا اني غلطان وماخوش ادمي هي شكو ترد على واحد غريب؟
مروان بعصبية: انتت قشمررت جااهلة
الشيـخ شهـم بصدمة: صحيح هالكلام حسـام
حسـام ببرود: اي صحيح
ابو معن بعصبية: لا بارك الله بيك على هالسوايية
الشيخ شهم بعصبية: حساام شلون تسوي هيچ كل عقلك انت!!
ولكك مو عندك اختت متخافف الله يطلع حق البنية بيها شگلت لروحك من سويت هيچ
اني الشيخ شهم على تالي عمري يطلع واحد من اخواني نسونچي
ويضحك على بنات الناس هسة حتى شيحچون لا اكدر ادافع عنك ولا عني نزلت راسي بين الشيوخ لا بارك الله بيك
حسـام ببرود: عمـي واخوي من رخصـتكم اني ما أقبل احد يحاچيني بهذا الأسلوب لو منو چان واني اعرف حيل زين الي گاعد اسوي وثاني شي گلت الف مرة ماجابرهـا تحچي وياي اني اصلًا عفتها بس هي بقـت تحچي وتراسل شسويلها
الشيخ شهم بحدة: حسسام
حسـام: لا حسـام ولا غيـرو اني صدگ سويت هيچ ابد ما انكر لان ما خايف من شي، بس بنفس الوقت هي هم غلطانة واجـا اخـوها وضربني وهاي السالفة عليهها فصل وانيي راح اخذ هاي البنية امبدال الفلوس
الشيخ شهم :حساام وين عايشييين احنا بيا عصرر؟؟؟ حتى تأخذ فصليةة هاي سوالف جاهليين مع احترامي للگاعدين
مروان بحـدة: لووو تموووت مانطططي بنتتيي فصللية افتهمتتت
حسام بإستهزاء: منو گال اخذها فصلية؟ انتو مو تگولون اني غلطان ههه انطوني البنية احسن ما تكبر المشكلة لان هدتكم قبل يومين ما ينسكت عليها واذا بقانون العشائر ما تحاسبتو القانون موجود
مروان: شنو انتَ تهددد؟؟؟
اساامة بعصبية: على هالحچي انت هم ضاربني لعد اني هم اخذ اختك وحدة بوحدة
الشيخ شهم بعصبية: هوووب يمعوديننن شنو وحدة بوحدة النسوان شجاابهم بالنص؟ وين احنا عايشين
حسـام بعصبية: ايي موو هياا بكييفك اسويها دم والله
اسامة ببرود: اي ميخاالف سوييها لعد بس انتو عدكم خوات وتخافون عليهن
شيخ عشيرة سليل: لعد بس انت تريد تاخذ بنية وانت العايل وضاربه وضاحك على اخته
ابو معن: ياابا عووفو النسوان على صفحة شبيكمم
شيخ العشيرة الثانية: يابا استهدوا بالرحمن، گولو يالله وصلوا على مُحمد
- يالله اللهم صلِ وسلم على محمد وآل محمد
شيخ العشيرة الثانية: بويا اني عندي حل يرضي الطرفيـن واتمنى ثنينكم ماتعارضون يا اما تلغون سالفة الفصل وتحلوها بهدوء بدون فصل ومشاكل
- وهـوَ؟
- حسام ياخذ بنت ابو اسامة واسامة ياخذ بنية من بيت الشيخ شهم لفترة زمنية حتى يوگفون المشاكل بين العشيرتين
الشيخ شهم: مع كل احترامي لفكرتك بس البنات مالهم ذنب بالصار شيخ
شيخ العشيرة الثانية: اي ادري بس هي لفتـرة محـددة حتى توگف المشـكلة وبعدين كلمن ترجع لأهلهـا شتكولون
شيخ عشيرة سليل: فكـرة حلـوة
حسـام بصياح: والله مانطي اختي لا والله
اسامة: لعد بس تريدني انطي اختي اني هم مانططي اختيي لو يگطعون راسك
الشيـخ شهـم: يا عمي افهموني مانگدر نظلم البنـتين كل وحدة الها حياتها ودراستها
شيخ العشيرة الثانية: البنتين يكملون دراستهم وحياتهم مثل ما يعجبهم على نفس العادات الي اتعودو عليها عند اهلهم محد يتدخل بيهم ولا يحكمهم ويگعدهم بالبيت والي عدها وظيفة تنقلوها لفترة واتوقع انتو الطرفين واسطاتكم قوية، ومصرف كل أسبوع بيدهم وشنو يحتاجون تلبولهم المهم ما تخلوهم يحسون بشي كأنو زواج عادي واذا حبيتو تسوون عرس هم بعد احسن
ابو معن: اذا لفـترة محـددة فموافقيـن والمُدة تكون سنتين
حسـام بعصبية: بسس عمي
ابو معن بحدة: حسسام
الشيخ شهـم: خلاص الـي يكوله عمـي يتنفـذ حسـام،
وهاي اني گدامك ابو سليل وگدام هاي الوجوه الطيبة كلها اعتذرر منكم عن الي سواه حسام اعتبروها أخر مشكلة الكم ولغيركم وهذا شاربي اذا كرر مثل هاي السالفة ازينو واعوف الشيخة كلها
مروان: حشاك من القصور شيخ تسلم
من عرفت موافقين انو ينطون اختي وهذوك وافقوو ينطون سليل عفتت الديوان كلو وطلعت بدون حتى ما اگول مع السلامة چنت متعصبب حيلل وضايج على اختي وفوگاها الشيخ انطى قوانين لازم نمشي عليها، هه عادي شكلهم ناسين اكو شي اسمو "حرب نفسية"
هين يا سليل هين، اني بنية تخليني بهيچ موقف
بالديوان! إذا ما تفلتچ دم ما يطلع اسمي حسام.
شكرا لزيارتكم عالم روايات سكيرهوم
