رواية اختفاء امي الفصل الثامن بقلم جمانه السعيدي
ماسه...بس سمعته كالت جثة الهام
فقدت التركيز رجعت ليوره ردت اوكع علاوي لزمني
ماسه...صحت شنو جثه امي ميته يمته ماتت مو اني اجيت اشوفه
راسا عمي سمع بلخير واجا ورانا لان هو يداوم بغير مركز
الضابط.... الهام مقتوله قبل ثمن سنوات بلضبط
بابا...مقتوله شنو مقتوله ومنو قتله بكلبي كلت ايجوز هذا صاحبه اخذ الفلوس وقتله
الضابط...اكعدووو واني هسه راح احجيلكم كلشي
قبل أربع أيام اجانا واحد يبلغ على جثه
هي مو جثه وإنما عضام بس الملابس الي عليه واضحات
ملابس مره مو رجال
واكو جنطه نسائيه بايدها مدفونه وياها بيه كل المعلومات عنه
هذا الرجال مشتري بيت قديم قبل خمس سنوات من واحد سايق اسمه كرم
وكان ساكن بهذا البيت
مقدم على قرض يريد يبني بيته لمن طلع القرض هد البيت حتى يبني علي بناء جديد
أثناء الحفر طلعت جثة الهام
الي تعرفنا عليها من المستمسكات الي بلجنطه وتليفونه
بعد فحص الجثه تبين ان المدعوه الهام انقتلت قبل ثمن سنوات
وهذا الرجل وياا عقد يثبت ان اشترا البيت قبل خمس سنوات
بعد بحث وصلنا للسايق أكرم الي باع البيت على هذا الرجال
جبنا هنا وبدينا نحقق ويااا لان هو كان ساكن هذا البيت لمدة عشر سنوات يعني الجثه اندفنت بلوقت الي هو كان ساكن البيت
جمانه السعيدي
بلبدايه نكر ان اله علاقه بهذا الموصوع بس احنا حجزنا بلمركز وبدينا نحقق بلمنطقه ونسئل كل الجوارين والاقارب
عن وضعه سابقا وحاليا
وكل المعلومات اثبتت ان أكرم بعد مقتل الهام تغير حاله
من تحت الصفر
الي مستوى مختلف فلوس وصرف وحياة ثانيه
واجهنا بهاي الحقيقه وضغطنا علي الحد مااعترف
اني كرم عمري ٣٥ اشتغل سايق عد الناس عندي ٣ اطفال
والعيشة كلش صعبه مرات احصل شي قليل ومرات كلشي
مااحصل
زوجتي كانت تتعارك وياي ليل نهار علمود المصرف واني وين مااخليه تنسد بوجهي تعبت من هاي الحياة الصعبه
بيوم رجعت للبيت وماعدنا مسواك والجهال يردون مصرف
ماعندي اي فلوس
وحتى اتقرضت كم مره والناس ملت مني محد يقبل يقرضني لان مااكدر ارجع الفلوس الي تقرضته
المهم بهذا اليوم تعاركنا عركه قويه وحتى ضربته اخذت الجهال وطلعت من البيت
واني صعدت السياره وطلعت والدنيا كله طافره من عيني
امشي بلشوارع ومااعرف شنو الحل
ووين اروح شلون راح اكدر اغير هذا الوضع جهالي شنو ذنبهم حتى زوجتي ماالوم عليه حقه كلشي مااكدر اوفرله
راسا وكفتي الهام وكالت للكراج كانت شايله جنطه
وحاضنته بقوه اول ماصعدت اجاها اتصال اعتقد من زوجه
ردت علي وكالتله اي جبت الفلوس بس تليفوني خلص شحن لا تخاف اني جايه
جمانه السعيدي
بهاي اللحظه الشيطان لعب بعقلي مره وحدها ومبينه شايله مبلغ زين راسا قفلت السياره وطلعت بيه
منطقه فارغه وكفت وهي سئلتني ليش وكفت
نزلت وأخذت حديده من الجنطه ورجعت عليه هي خافت
كامت تصيح لا فدوه عندي جهال
لا هذا تعب زوجي الله يخليك عوفني الله يرزقك رزق حلال انشاء الله
ماسمعت كلامه راسا ضربته على راسه وهي تحاول تدفعني وتتوسل بيه لمن سكتت خلاص
اخذت الجنطه فتحته لكيته متروسه فلوس فرحت بلفلوس وعيوني انعمن على الجريمه الي سويته اخذت الفلوس بس شلون بلجثه وين اوديها
لا عندي شي احفر بي وادفنه بقيت كاعد بلسياره وافكر
شلون اتخلص من الجثه
جمانه السعيدي
بقيت كاعد بلسياره منا لمن صارت الدنيا ليل واني خال جنطة الفلوس بحضني هاي الفلوس هي الي راح تحل كل مشاكلي بليل رجعت البيتي
طبكت السياره وغطيت الجثه بشوية غراض طلعتهن من الجنطه خاف واحد يشوفه
وقررت ادفنه بيتي هذا اامن مكان مستحيل احد يلكاها
هنا لو يفكر يدور عليه بيتي
اخذت كرك وحفرت بلحديفه حفره جبيره وانتضرت لمن الناس انكطعت من الشارع ورحت جبته دفنته هي وملابسه وجنطته خفت اشمر شي من غراضه وانكشف
بعدين طلعت غسلت السياره من الدم ورجعته مثل ماجانت
رتبت مكان للفلوس بلبيت بحيث زوجتي ماتعرف مكانهن
ثاني بوم كعدت وتاكدت كلشي تمام
رحت اسوكت مسواك زين وشتريت ملابس الجهالي والزوجتي ورحت صالحته وكتله لكيت شغل يخبل وبعد
مانحتاج اي شي
بعد كم يوم رجعت السياره الصاحبه واشتريت سياره خاصه بيه وكمت اشتغل بيه
شغلي احسن من قبل ووضعي المادي تحسن بعد ٣ سنوات قررت ابيع البيت واشتري بيت احسن وانتقل من هاي المنطقه نسيت الجثه الي دفنته
صار ٣ سنوات من انتقلت بعد هاي المده مافكرت ان الجثه تطلع والجنطه والاوراق الي بيه راح تكشف جريمتي
ماسه...من اول مابدا الضابط كلامه واني دموعي تنزل
ماتوقعت امي ميته لا مو ميته مقتوله
اني كل هذا الوقت انتضره ترجع واشوفه وهذا النذل قتله برود دم ومافكر بينا ابد لو ماخذ الفلوس ومخليه راجعه علينا هواي احسن
رحنا نسلتم بقيا جثة امي كوم عضام وثوبه الي طلعت بي من البيت وجنطته
اباوع هاي امي معقوله كوم عضام امي الحلوه هيج صاير بيه لزمت ملابسه وكمت اشم بيهن
ماسه...يمه حبيبتي شوفي اني كبرت ودخلت جامعه
شوفي علاوي كبر وصار رجال ويخاف عليه
اني جنت منتضرتج وكل يوم اكول اليوم ترجع امي
باجر تجي الحنينه ابد ماجنت متوقعه هذا الضالم قتلج
سوده عليه خفتي وجعج وهو يضربج شكلتي وانتي تغمضين عيونج يمه ولله بعد اليه نفس بيج ماشبعت
منج حبيبتي كل وحده تحجي عن امه كدامي كلبي ينعصر لو ادري ببج تموتين ماعفتج اطلعين من البيت ابد
جان باقين كاعدين بيتنا هذا طول العمر ولا تعوفينا
استلم ابوي باقي عضام امي وهو حزين وندمان لان ضلمه
وشك بيه وهي بريئه رجعنا للبيت اني حاضنه ملابس امي وابجي اني وعلاوي وأبوي شايل باقي عضامه لافهن بوصله بيضه
بس دخل كام يصيح على حنان
الله ياخذج ياضالمه شككتني بزوجتي وين ترحين من الله
عمي...راسا ضربه راشدي ولزمه من شعرها ليش كلتي انهزمت وياا صاحبه ولج طلعت مقتوله
حنان...عوفني وجعتني اي اني كلت انهزمت حتى لا تدورون عليه اني اكرها وماردته ترجع للبيت
طلعت عليه هاي الاشاعه حتى تكرهونه وبعد ما تدورون عليه ابد هي اصلا ميته بوقته ومستحيل تلكوها
ماسه...والعار الي عيشتيني بي طول عمري وسمعتنا الي
صارت على كل السان ماقصرتي بيه
فكرتي بس تخلصين منه مااكول بس حسبي الله ونعم
الوكيل عليج عسى حوبته تطلع بيج وماتتهنيبن بحياتي ابد
أخذنا العضام ورحنا اشترينا كبر ودفناها بلنجف
وهنا انتهت رحلة انتضاري الامي الي دامت ثمن سنوات
انتهت بدمعه وكبر
كل المنطقه عرفت الحقيقه واني اخذت تقرير الوفاه ودزبته الكرار مو حتى يرجعلي لا حتى يعرف اني كلامي كله عن امي حقيقي
حاول يعتذر مني بس ماقبلت ابد هاي صفحه وطويته
ومااربد افتحه مره ثانيه
عمي هجر حنان بعد هاي المصببه وزوج وحدا ثانيه
وأبوي انفصل عن نضال ورجعت البيت اهله
اني اتخرجت ومنتضره التعيين وانخطبت الولد جيرانه
محقق جنائي ساعدنا بموضوع امي وتعرفنا على بعض
وعلاوي يدرس كليه
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
