رواية شيخه عراقيه كويتية الفصل الثامن بقلم جمانه السعيدي
رحيم...خصصت خط يوصل بدريه للدوام ويرجعه
كنا نرجع للبيت نفس الوقت
احاول اساعدها بشغل البيت لان حامل ودوام خطيه
ماتكدر وحدها
علاقتنا كانت تكبر بوم بعد يوم
حسيت نفسي احبه وتعلقت بيه وهي هم تحبني
وتحاول تقربلي
خصوصا اهله مايزورونها الا نادرا
يعني اني الي كباله طول الوقت
ماابالغ اذا كلت كلش تعلقت بيه
صحيح حكمت بت عمي وتحبني واني هم احبه
بس حب بدريه غير
وجودها بحياتي بهاي المرحله بالذات غير من نفسيتي هواي
وهي الصراحه تنحب
اخريوم من رجعت للبيت بعد امتحانات اخير السنه
سنة ٨٧ بس رجعت كانت حاسه باالم الولاده
من طلعت من الكليه اجتني بمكان عملي
بس شفته حسيت اكو شي
رحيم...هااا خير شصاير
بدريه...يمكن اليوم بولد بطني وظهري بتعورني
رحيم..خير انشاء الله خل اسئذن واطلع
بدريه...ابي امي تروح معاي
رحيم...صار
طلعنا اجرت تكسي ورحنا البيتهم
اخوانه ثنيبنهم كانو موجودين دكيت الباب طلع الحارس
راسا اخوها شافني
اجا عليه بعصبيه
اخو بدريه...انت شتبي خير انا مو كايل مأشوف وبهك هني
رحيم...اني ماجاي هنا ضيف اني جاي اريد امك بدريه
تطلك وتريدها
اخو بدريه....اذلف انت وبدريه لا بارك الله فيكم ثنيينكم
جمانه السعيدي
رحيم دخل اخوها وطبك الباب وماقبل يسمعني
رجعت عليه وكتله اني اروح وياج
طلعنا للمستشفى وهي بلطريق تبجي
رحيم...ليش تبجين اني وياج
بدريه...خايفه خايفه اموت
رحيم...شنو تموتين انتي لا اول ولا اخر وحده اجيب
خليت راسه على كتفي ومسحت دموعها
بسته من راسه
اني مراح اعوفج ابد
بدريه...ابني اصويك في
رحيم...هو وأمه بعيوني
وصلنا للمستشفى دخلوها غرفة الولاده
اتاخرت عليه حيل وماكو احد اسئله عنه
بعد نص ساعه اجت امه وابوها ورانا للمستشفى
طلعت الدكتوره وكالت ولا ده متعسره لازم عمليه
كلش خفت عليه حسيته راح اضيع مني
وقعت على العمليه دخلوها الصالة العمليات واني عبالك كاعد على نار
عمليته استغرقت تقريبا ٤٥ دقيقه
من طلعت الدكتور كان شكله ضايجه
الدكتوره...اسفه ماتوقعت يصير نزيف أثناء الولاده وكان لازم اجازف واشيل الرحم او اخسر حياة المريضه
الله يعوضكم اجتكم بنيه
رحيم...ساعته مدري افرح بدريه طلعت سالمه
مدري ازعل لان اني محروم من الأطفال وكنت أتمنى يصير عندي اطفال هاي زواجتي الثانيه
مستحيل اكدر ازوج بعد
اني مامكتوبلي يصير عندي اطفال طول عمري
شعور الحزن سيطر عليه اكثر
طلعو بدريه من العمليات وماكان على السانه وهي تحت تأثير البنج غير اسمي
رحيم لا تتركني رحيم بموت لا تتركني
جمانه السعيدي
شويه وجابو ابنيه زغيره تخبل الممرضه كالت مبروك وخلته
بحضني
باوعت عليه فتحت عيونه رفعت ايدها زغيرونه ولزمت اصبعي الزغير
هاي العيون والايد الزغيره اخذت روحي
حسيت نفسي احبه من زمان ومنتضره عمر
حبيته بشكل مو معقول
اخذتها مني ام بدريه
واني رحت للغرفه اشوف بدريه
كانت بعدها تحت تأثير البنج وماكو على السانه غير اسمي
بقيت كاعد يمه ومنتضر تفتح عيونه
ويرجع اله وعيها
تقريبا ساعه اله شويه فتحت عيونه بس شافتني
نزلن دموعها وكالت رحيم
رحيم...مسحت دموعها هاا حبيبتي
بدريه...ابني وين ابني
رحيم..جبتي بنيه تخبل واني راح اسميه شيخه
هله باام شيخه
بدريه... بلمهلي
ماكدرت احجيله كلشي صار وياها ولا شلون شالو الرحم
وهي مستحيل بعد تحمل مره ثانيه
كنت أحاول اخفف عنه الالم
واني روحي جاي تنعصر بسبب الي صار وياي
بقينا يومين بلمستشفى
وام بدريه وابوها يرحون ويرجعون علينا
ثالث يوم طلعنا للبيت
اخذت اجازه وكعدت اداريه بلبيت
وشيخه اخذت روحي وعقلي كل اليل واني كاعد علمودها
اخاف عليه شلون تبجي
من اسمعها تبجي بس اقرب عليه واكول هااا باباتي
هااا حياتي هااا عيوني
راسا تسكت على صوتي
رغم هي عمرها ايام
بس اقرب اشيله تلزم اصبعي الزغير بكامل ايدها
وتبقى لازمته حيل
كل نضره منه وكل صوت ياخذ روحي يمكن لان اني محروم من نعمة الاطفال
تعلقت بيه بشكل مومعقول
جمانه السعيدي
ام بدريه تجي كل يوم بلنهار ساعه وتروح
واني اطبخ وانظف واعتني بلطفله
واساعد بدريه تروح الحمام
يوم السابع صارت بدريه شويه احسن
ساعدته توصل للحمام تسبح وغيرت الجرجف وعطرت الغرفه
من طلعت رجعت للغرفه
بدريه...فيك تساعدني امشط شعري
رحيم...اكيد بس خاف مااعرف لان شعرج طويل
بدريه...لا فيك تمشطه
كعدت على الجربايه نشفت شعرها ومشطته
كانت ريحته كلش حلوه
التفتت عليه وحضنتني وباستني
اني هم حضنته حيل لان مشتاقله وكنت خايف اقرب عليه
لان تعبت بلحمل حيل وشكله كله تغير
بدريه...الحين فينا نكون زوج وزجه
رحيم...بسته من شعرها وهي نايمه على صدري
تقبلين تزوجيني
بدريه...انا مافيني اعيش من دونك
رحيم...يعني هلمره انتي موافقه مو غصب عنج
بدريه...انا احبك انت اهلي وكل ناسي
وابي يكون عندي منك عيال
لا صح انتا جم تبي عيال
رحيم...انت عيالي انت وشيخه ومااريد غيركم
بدريه...لا صج احجي انت كم تبي عيال انا ابي ولد منك يشبهك بكل شي
رحيم....كان صعب عليه افاتحه بلحقيقه بهاي اللحظه
خطيه توها جابت خاف تتعب بسبب هذا الخبر
جمانه السعيدي
بدريه...وين رحت بتكلم معاك
رحيم...الله كريم بس تصيرين احسن نزوج زواج جديد وبعقد جديد
وبعد ماكو كل واحد ينام بمكان
اني وياج وشيخه نام بنفس المكان
بدريه...انا عندي اعتراض انا بنام جنبك وشيخه تنام
هني بسريره
رحيم..اهم شي تكون قريبا علينا
بعد شهر من ولادة بدريه جبت شيخ للبيت وعقدلنا من جديد والشهود صديقي وبعد واحد
كانت حفله بسيطه وحلوه
احلى ليله مرت عليه من يوم دخلت للكويت لليوم
اخذت بدريه بحضني واني مامصدك
وهي من السعاده ماكدرت تسيطر على مشاعرها كانت حاضنتي
وحتى من سمعت شيخه تبجي ماتقبل تعوفني اروح اله
اسعد ايام حياتي
والي كمل هاي السعاده تخرج بدريه من الكليه
احلى ايام حياتي كانت هاي الايام
من اطلع للشغل يبقى فكري يم شيخه ودي كل شويه اروح اشوفه وارجع
لو يصير جان اخذته وياي للشغل
بس ادخل للبيت واحجي تبقى ادور على صوتي
بس اقرب عليه حتلو كانت تبجي راسا تضحك
حسيته بنتي
مشاعري اتجاها غريبه مشاعر تعلق على خوف على حب
كنت انتضر تكبر يوم يوم
ماانسى اول يوم كالت بابا
كالت كلمة بابا قبل ماما
بس ادخل للشقه واصيح شيخه تجي تزحف للباب
وماتقبل تكعد اله بحضني
فرحان بيه عوضتني عن احساس الحرمان الي كنت عايش بي
بعد سنه من ولاته قررت بدريه تريد تحبل
بدريه...اني ابي احمل منك ممكن تاخذني للدكتوره
رحيم...ضجت حيل من سمعته تحجي هيج
بدريه...بتكلم معاك انت سامعني
رحيم...اجلي الموضوع هسه خلي شيخه تكبر
بدريه...اني اكدر اعتني فيهم ابي يصير عندي ياهل منك
رحيم...لا لمن تكبر شيخه
بدريه...انت ماتبي ياهل مني لو خايف من المصاريف
رحيم...لا عدنا خير من الله
بدريه...عيل شفيك ليش ماتبي ياهل
شكرا لزيارتكم عالم روايات سكيرهوم
