رواية غاليتي الفصل الثامن
المنجي : مش من حقي يعني نعرف كم مقاس حبيبتي
غاليه سكتت
المنجي شايرلها ع الدروج هياا نركبو
غالية فنصت فيه : كنك تبي لينا 😡
المنجي ساكت ويضحك
__________________
هناء اتحط في التشتاش في التورته : تمام كل حاجه واتيه يابنات
صفاء اتصور سناب
مروه : قلبي يدق كإن انا صاحبة العيدميلاد
سندس صاحبتهن : نفتح عليها الزينه اول ماتخش يابنات ؟ ادير جو راهو
صفاء مسكت البخاخ : وانا انبخ الرغوه ابتاع التلج
هناء : لالا انتي مهمتك اتصوري كل حاجه
مروه كرت منها البخاخ : معناها انا انبخ
هناء تليفونها رن : حي المنجي دارلي رنه استعدن هيا
__
غالية فنصت فيه : على من رنيت ؟ 😡
المنجي ضحك : تي كنك انتي توا امتى شفتيني رنيت
غاليه : شفتك رنيت عيوني مايكذبنش
المنجي ضحك : لا اله الا الله
غاليه تنهدت : محمد رسول الله
المنجي : عليه الصلاة والسلام .. توا كنك انتي
غاليه كشرت : عليش راكب فوق
المنجي بصوت واطي : اششش الناس يبحتو فينا
غاليه سكتت ومتضايقه
المنجي : باهي انوصلك فم الدروج بس كان شفتيني خشيت ولا بحتت فيها بحق
غاليه ساكته واتبحت فيه
المنجي حركلها راسه بمعنى هيا : وراس عيوني ماتقلبيها لنا نكد قاعدين جونا سمح
غاليه مصبيه ع الدروج وساكته والمنجي وراها
غاليه : كان شفتها هانتزل دغري راهو ! انا قتلك
من توا
المنجي هز راسه بمعنى له
غاليه : لان كان بحتت فيها والله يامنجي اخر يوم بينا المنجي يضحك : حاااضر كان شفت لينا فوق اخر يوم بينا
غاليه : معش تقول اسمها 😡
المنجي يضحك
غاليه : كنك تضحك ؟ 😡 طبعاً فرحان
المنجي عض فمه : الناس يبحتو ياشهداره
__
وصلو فوق المنجي ماشي وهي احداه
غاليه رافعه راسها اتبحت فيه : انشوف فيهن عيونك وين يبحتن 😒
وقعدت اتبحت في الطاولات : وينهن البنات
المنجي شايرلها جوا : غادي
غاليه تعصبت : وعارف مكانهن اخرى ؟؟ طبعا اكيد قالتلك هي اركب انا جوا 😑
المنجي مبتسم وساكت
غاليه : بطل استفزاز ماتقعدش تضحك وانا دمي محروق 😡
المنجي ابتسم : توا نقعد هنا وعدي بروحك اقهريهن قوليلهن حبيبي مايشوفش في غيري
غاليه كشرت وجها وعدت
هناء شافتها جايا : جت جت .. هيا 1 2 3
صبت يعيطن ويبخن عليها في الزينه
غاليه مصدومه وتضحك حاطه ايديها على وجها
هناء تضبط فيها : كل سنة وانتي طيبه
غاليه تبكي : ياحيوااااانه انحبببببك بككككل
صفاء اتصور : هياا عشان انطفو الشمعه غاليه بحتي فيا
غاليه بحتت في التورته مكتوب عليها ( عيد سعيد غاليتي ) ❤
قعدت اتبحت وراها : وين منجي
هناء تضحك : كله هو الي داره نحنا نظمنا الطاوله بس راهو
غاليه : وانا تعاركت معاه يقولي هيا نركبو انقوله اكيده تبي اتشوف لينا
هناء تضحك بصوت عالي : عاطك الخير
سندس : سلمي علينا بس
غاليه تضبط في صاحباتها
هناء : شفتي المفاجأة البنات كم لنا ماشفناهن
غاليه : امتى درتوه هذا كله بس
سندس : رنت علينا هنيوه امس وعارفتينا نحنا ديما مادين وجنا في المول مش كيفكن ممنوع تطلعن برواحكن
هناء ضحكت : خلاص انا ختشيبي فرررري توا هانقعد ديما ماده وجي معاكن 😂
غاليه برمت بحتت في المنجي شايرتله بيدها بمعنى تعال
المنجي هزلها راسها بمعنى لالا
غاليه فنصت فيه : تي تعااال
جا ويبحت فيها ويضحك
غاليه عيونها دمعن
المنجي قرب منها : كل سنه وانتي غاليتي
غاليه : ربي يخليك ليا حبيبي شكراً واجد
المنجي يبحت فيها : توا عليش الدموع هذينا كلهن
غاليه : فرحانه بكل ومش مصدقه
المنجي ابتسملها : ان شاء الله ديما فرحانه
غاليه : سلم ع البنات باهي
المنجي كشر حواجبه : فكيني مانحبش
سندس : هضا هو خوكي الي يبيها ؟
هناء ضحكت : اها هو هضا المنجي
سندس ضحكت : ووووه كشري بكل
هناء وبحتت فيهم : هياا انطفو الشمعه
المنجي بحت في غاليه : حبيبي انتن بنات ماتجيش انا في وسطكن
غاليه هزت راسها : طفي معايا الشمعه وانزل وراسي
المنجي باهي خليني هنا توا نقعد مصبي وراك
وبدن يغنن وماسكات التشتاش
(( هابي بيرث داي تو يو
هابي بيرث داي تو يو
هابي بيرث داي تو لولي
هابي بيرث داي تو يو
سنة حلوه ياجميل ؛ سنه حلوه ياجميل
سنه حلوه يالولي سنه حلوه ياجميل )) ❤👏🏼👏🏼
غاليه برمت بحتت في المنجي وتضحك
منجي : طفي الشمعه هيا
غاليه طفت الشمعه
و وخرت قربت منه : صفاء تعالي صورينا
صفاء جت تجري واتصور فيهم
المنجي طلع تليفونه يصور معاها في سيلفي
وحط التليفون في جيبه : اوكي انا حبيبي
غاليه : تبي اتعدي ؟
منجي : لالا قاعد لوطا لما اتكملن رنن عليا نركب عشان انزلكن
غاليه هزت راسها بمعنى به
المنجي نزل ...
هناء اتقص في التورته : مروه التبسي هذا ناقصته بيتزا حطي طرف مالباكو
مروه : سندوتشات الممتاز كيف انحطهن مع التباسي ولا ياخدن برواحهن
هناء : لالا خليهن برواحهن ياخدن انحطو تورته وبيتزا بس
صفاء : مزال تبسيين بس عطيتهن كلهن البنات
هناء ضحكت : من كثرتهن يعني هن كلهن 3 بنات وغاليه
___________
المنجي حط الشكاره في كرسي السياره القدامي
وركب في السياره و ولع دخان
__________________
مختار مقمعز في الكروسه : رن علياا خويا عبدالقادر
سعاد اتزلط في حمص : ويش خطر عليه
مختار : سألني على غاليه قالي نا من زمان قتلك ماتعطيهاش برا نبيها لمصطفى
سعاد : عطيها لهم عيال عبدالقادر مسقمين خيرت عيال خوتك مع ان امهم مانقبلها بس الحمل الي يخف يخف البنات يكبرن ونحنا مانا حمل مصاريف
مختار : قالي توا يرن عليا في الليل لما يرن توا نسأله
سعاد : ان شاء الله ربي يقعدلها نصيبها هناء انخطبت وصاحباتها نصهن عطوهن كنت شايله هم هالبنت قلت بسبب خوتها و وجيجهم توا ماحد ياخذها
مختار بحت فيها : ردي بالك تدويلها توا خليها تعرف بعدين بعد انتموا الموضوع
_____________
غاليه تفتح في الهدايا وماسكه شمعدان في يدها : شكرا ياابتهال يهبل بكل والله
ومسكت باكو وفتحاته : خياااال الطقم 😍 هذا من من ٓ ؟
هناء ضحكت : مني 🙋🏻 كل سنه وانتي طيبه
غاليه باستها : نونتي ياعمري 😘😘
غاليه متحشمه : شكرا بكل يابنات والله احرجتني ربي يخليكن ليا
هناء مدت يدها تحت الطاوله
وطلعت باكو كبير وتضحك : هذا اخر حاجه خويا الرومانسي
غاليه انصدمت : شنووو هذا كله ؟؟
سندس اتعيط : ناعليااا رومانسي العطيب افتحيه توا وراس لولي
ابتهال : عادي انصورها سناب فتحت الهديه ؟
غاليه ضحكت : عادي بس ماطلعش وجهي
صفاء اتصور : بسرعه افتحي
غاليه ترفع في المغطه ومزالت ماشافت
هناء بحتت : عطر شانيل تشانص يالولي 😍
غالية تضحك و رفعاته وبحتت تحته
صفاء ومروه عيطن : ايفوووووون 😱😱😫😍
غاليه تضحك ومش مصدقه : كذااابااات !!!
ومدت وجها في الباكو شافاته : يااااربي مش مصدقه 🙈😭
سندس كرت منها العطر والتليفون : هاتي انصوروهن
ابتهال تضحك : كان نا منك ننزل نجوزه توا
هناء تضحك : في عينها تجوز قبلي
صفاء : تعطيني انصورو بيه سناب ياما عطيتك تليفوني اتكلمي مني 😍😏
غاليه تضحك : غير اصبري نين نفتحه توا كيف قلنا ياهادي
___________________
المنجي في السياره تليفونه رن لقاها هناء
فتح الخط : ايوه
غاليه : حبيبي شنو هضا كله ؟
المنجي : مش قدرك يابيبي كان عليا انجيبلك الدنيا كلها
غاليه : بس واجد هكي وانت وراك شقه مزال
المنجي ضحك : فلوس الدنيا كلهن مش خساره فيك بعدين شن مزال نشري الاثاث بس ؛
غاليه ساكته وتسمع فيه
المنجي : المهم عجباتك الهديه ؟
غاليه : اكيد عجبتني ربي يخليك لياا
المنجي : ويخليك لياا كم عندي غاليه انا
غاليه تضحك : 10
المنجي ضحك : خلاص كملتن ؟
غالية : البنات نزلن توا روحن ونحنا انلموا في الحاجات ونازلين
المنجي : مش قلت انجي انزلكن
غاليه : وراس حبيبي ماتعب روحك خليك تحت توا ننزلو
المنجي تأفأف : ماهو نبي محل سوا الي فوق انقصلك الشفره قاعده معايا
غالية استغربت : ليش انت تبي اتغيرلي رقمي ؟ 😳 المنجي : ها تبي الراجل ابتاع الخبزه يرن اخرى و نقتله نرتكب فيه جريمه
غاليه : وشن انقول قدام هلي ؟
المنجي يمشي وخش للمول : خالد يوم المشكله كسر الشفره ساهله يعني ؛ خلاص انا خشيت توا نحكو فوق
غاليه : به ... وسكرت الخط
___________________________
8:30 م
احمد ماشي يروح بأميره جاه مسج من تليفونه البيله
(( يااطلقها وتاخدني يا انا نعرف كيف انخليها تطلق بروحها منك ))
احمد مسك التليفون ورن عليها
هبه : ايوه
احمد : انتي اتهددي فياا انا ؟؟؟
هبه متعصبه : انت الي جبتها لروحها
احمد : اصلا انا فـ ...... الي عرفت وحده .......
هبه انصدمت : احترم نفسك ياحقير ياقليل الادب
احمد : تي عدي .......
وسكر في وجها يفكر شن يدير وكيف يصرّف
هبه اترن عليه احمد يصكر عليها بالحمره
رن على اميره بتليفونه الاخر
اميره : الو
احمد متضايق : انا برا ..... وسكر
جاه مسج في البيله
(( مش انا الي ينضحك علياا !! نهايتك قرييييبه يااحمد ))
كتبلها رساله (( عدي .... واعلى مافي خيلك اركبيه ))
وشاف اميره جايا حط التليفون تحت الكرسي
اميره فتحت الباب ومبتسمه : طولت عليك
احمد حرق العجل وساكت ماردش عليها ..
____________________
صفاء : وصلنا واخيراً عليك تعب اليوم حصلناه في جرة غاليه
المنجي يبحت في غاليه في المرايا ويضحك
غاليه ماسكه التليفون واتبربش فيه : يعني انحط صبعي يفتح ؟
المنجي بحت فيها : اها بالبصمه مش درتلك بصمتك امبدري !
غاليه ماسكه التليفون واتحط في صبعها : اها
المنجي : خلاص اول ماتحطي صبعك يفتح طول ؛ وتقدري اديري اكثر من بصمه
غاليه بحتت فيه : انديرو حتى بصمتك يعني عادي ؟
المنجي هز راسه ويبحت في الطريق : اها عادي توا انديروها
هناء بحتت في حوشهم : منجي نزلني انا قبل وراس امك نبي الحمام
المنجي يضحك ودرس : حتى انا منزلك اصلا
هناء فتحت الباب وبحتت في غاليه : لولي بعدين انرن عليك ع الرقم الجديد
غاليه ضحكت : خلاص به
المنجي بحت في غاليه في المرايا : انزلي تعالي مكانها
غاليه : عليش ؟
المنجي : تعالي نبيك
غاليه نزلت وركبت قدام احداه
المنجي لف وخش شارعهم ودرس قدام الحوش
صفاء فتحت الباب ونزلت : باي يامانجا
المنجي ضحك : باي ياصقع
غاليه برمت بحتت فيهن : مادقنش ع الباب لعند انجي
مروه اتلم في الشكاير : باهي تم .... وسكرت الباب
المنجي برم عالجنب و بحت فيها وابتسم : شنو حبيبي
غاليه ضحكت : شنو
المنجي : مبسوطه ؟
غاليه هزت راسها بمعنى اها
المنجي مسك يدها : تحبيني ؟
غاليه قلبها يدق ونزلت راسها
منجي يبحت فيها : قوليلي تحبيني ؟
غاليه : اها
المنجي : اها شنو
غاليه بصوت واطي : نحبك
المنجي قرب منها : عطيني احبيبه باه
غاليه فنصت فيه : منجي 😠
المنجي ضحك : لازم اتخربي اللقطه
غاليه ضحكت : وانت لازم اتقل ادبك
المنجي رفع يدها وباسها في كف يدها من جوا : انحبك نعنشكلك
غاليه وجها انحمر وكرت يدها : خلاص عاد بطل البنات مصبيات خليني ننزل
المنجي برم بحت في البنات ورد : اصبري قبل ماتنزلي
ومد يده تحت كرعيها
غاليه : شن ادير 🙄
المنجي مسك شكاره : كل سنه وانتي طيبه
غاليه استغربت : شنو هذي ؟؟؟
المنجي ضحك : افتحيها
غاليه فتحتها وشهقت : القفطان ابتاع المول 😱
المنجي : تلبسيه بالهناء حبيبي نبي انشوفه عليك را
غاليه اضايقت : يابيبي معقوله هكي شن حكينا امبدري
وساد جايبلي تليفون وعطر
المنجي : مادخلش هدية عيدميلادك في هضا
غاليه : انا نضايق لما حد يعطيني حاجه بلا سبب
المنجي بحت فيها : عارفك تزعلي لما حد يجيبلك حاجه ؛ لكن تزعلي يوم يومين وترضي المهم مانخليش في خاطرك
غاليه بحتت فيه : والله ماعرفت مانقولك ربي يخليك لياا
المنجي ابتسملها : ولا يحرمني منك
غاليه بحتت في البنات : خلاص انا ننزل هذينا يفنصن
المنجي : ما تبي شي حبيبي ؟
غاليه مسكت التليفون وفتحت الكاميره : نبي اول صوره في التليفون صورتنا مع بعضنا
المنجي سقم قمعيزته وبحت في الكاميره
غاليه ضحكت و صورت
غاليه دايره وجها للباب والمنجي وراها
غاليه اتقرب واتبعد في الصوره : شفت كيف سمحه جت
المنجي حط وجه عند كتفها ويبحت فيها
قرب اخرى وبصوت واطي : حبيبي
غاليه ردت وهي اتبحت في التليفون : نعم
المنجي قرب من خدها وباسها
غاليه تلخبطت😳 : منجي 😡
المنجي ضحك وبصوت واطي : تي شن فيها احبيبه في خدك
غاليه نزلت وسكرت الباب : سامط ماهو
المنجي : يضحك
___________________
احمد مدرس قدام الحوش ويعيط : انا صدددعتووو امي الخلطه ال ...... الي خشيت فيها
اميره تبكي : توا انا شن درتلك عشان اتهزبني بلا سبب
احمد : انا لاعاد نبي زيزه لا عاد نبي عيال خاااطوووني
اميره مصدومه وتبكي : ليش خديتني مالاول مادام معش تبيني
احمد يعيط : خلااااص سكري فمك
اميره تبكي : والي بينا كله كذب يعني ؟
احمد مد يده وفتحلها الباب : انزززززلي
المنجي فتح باب سيارته ونزل
اميره بحتت فيه تبكي
المنجي بحت في احمد : كنكم شن في ؟
احمد : ماحد يدوي معايا اطلع منها ✋🏼
المنجي فنص فيه : ماحد يدوي معاك هضا لما اتخش حوشك واتسكر بابك واتعيط في شقتك لكن اتشهد علينا الجيران لا
اميره مصبيه تبكي
المنجي فتحلها الباب : خشي وسكري الباب
و رد لأحمد يهزب فيه : كنك انت شن في
احمد يعيط : خطااني يامنجي مانبش انتعارك معاك
______________
امينه طلعت مفجوعه : كنكم
اميره تبكي واضبطتها
امينه : شن دارلك المرزي
وخششتها للصاله
هناء طلعت تجري : كنهااا ؟؟؟؟؟
امينه اتبحت في هناء : رعشها المراه حامل
هناء : ماشاءالله اميره حامل ؟
امينه اتبحت في اميره : قمعزي ع الكنبه راك اتنزلي العيل حالك ماحال رعايش
المنجي خش داهش
امينه متعصبه : كنه الحيوان ؟
المنجي : جاته الحاله فوتيه
اميره تبكي : والله ياعميمه بروحه ماجيت شوره غير الطريق كلها يحرق في العجل قتله كنك ادويلي
امينه : باهي
اميره : عيط في وجهي وقال كلام اول مره يطلع منه
هناء مدتلها اميه : هاكي اشربي ماترعشش روحك
اميره بحتت في منجي : شيلني لهلي اعصابي معش ايتحملن نقعد معاه في حوش واحد اليوم
امينه : اسس را يسمعك عمك ديما يقول ماعندناش صبايا يحرجن
اميره اتهز في راسها : مش هانقدر نقعد معاه اليوم في حوش واحد
هناء : خلاص باتي معايا اليوم
امينه : ايوه اقعدي مع اهنيوه في دارها اليوم وتوا انقول لعمك يديرلك فيه نهار اسود ماعليك فيه
__________________
10:30 ص
المنجي راقد تليفونه يرن
يادوب فتح عيونه بحت لقاه مكتوب #غاليتي
فتح الخط وبصوت نعسان : صباح الخير حبيبي
غاليه : صباح النور ياعيوني
المنجي تقلب على ظهره : وين نايضه بدري
غاليه : الساعه 9 وعيت مابيتش انوضك
المنجي ساكت وايتكسل
غاليه : انخليك اتكمل نومك ؟
المنجي : لالا نضت ؛ اصلا نبي نمشي انصورلك اطقم الحمامات
غاليه : بلكي مزال بدري
المنجي : تي وين بدري انا كان نلقى انكملها اليوم وناخدك بكرا
غاليه : وانت ديما مستعجل
المنجي تنهد : ااااه وخلاص
