رواية الحب المخفي الفصل الاول
محمد : صدقوني و الله كان في بنت هناك و بتعيط صدقوني
رد عليا زياد في ايه يا محمد انت تعبان يا بابا في ايه مالك 🤔
يوسف : في اي يا محمد انت بتقول ايه
اه نسيت اعرفكم بنفسي انا محمد و دول صحابي الاتنين زياد و يوسف صحابي و اخواتي من زمان و احنا طلبه في كليه الهندسه و آخر سنه لينا السنه دي ♥️ عايش لوحدي في شقه عشان الجامعه وبروح أزور اهلي في الإجازات ♥️
و انا دلوقتي بقلهم علي اللي حصلي امبارح بعد ماسبتهم و هما مش مصدقين هحكلكوا ايه اللي حصل ❤️😊❤️
قلتلهم انا امبارح بعد ما سبتكوا و كنت مروح سمعت صوت جي من الجنينه اللي جنبنا كان صوت حد بيعيط دخلت الجنينه و قلت ياللي بتعيط في اي مساعده ممكن اقدمهالك و شفت من بعيد بنت قعده علي كرسي الجنينه بتعيط بس لما قربت منها ملقتش حد 😐
رد عليا زياد :و هو مش قادر يمسك نفسه من الضحك 🤣
انت بتقول ايه يا عم انت و كمان عاوز تقنعني انك رحت لاء و كمان دخلت الجنينه اللي جنبكوا 😂😂جنينه ايه ياعم دي كمان ينفع يتقال عليها غابه انت مش شايف الشجر اللي فيها عامل ازاي انت بتهظر يا عم يلا روح نام عندنا بكره كليه انت شكلك كنت بتحلم قال دخل الجنينه و كمان لقه بنت و بتعيط و قرب منها و اختفت سبحان الله 😂😐
و كمل يوسف و قال :تعالا بس كده و حط ايده علي دماغي و قال ما انت مش سخن امال ايه يا عم لا الصراحه مقلب المره دي مش حلو منك ياعم لما تعوز بعد كده تعمل مقلب فكر في حاجه تتصدق ماشي🤣
و خد زياد و روحوا وانا متكلمتش خالص و كنت متأكد ان هما مش هيصدقوا كلامي بس انا متأكد من اللي شفته انا عارف ان الجنينه اللي جنبنا صعب أن حد يخشها بليل بس اعمل ايه سمعت الصوت قلت اساعد و روحت يوميها وانا مضايق من كلام صحابي بس انا عارف ان هما عندهم حق بس قلت اقول لهم يمكن يصدقوني😔 بس وانا مروح سمعت نفس الصوت تاني بردوا قلت لاء المره دي انا متأكد من الصوت و طلعت تليفوني و صورت فديو عشان يصدقوني و دخلت براحه بس المره دي معملتش صوت و فعلا لقيت البنت تاني و بردوا قاعده علي الكرسي و ضهرها ليا و اول ما قربت منها............................
(يتبع)
بقلم الاء خالد
