اسكريبت حفلة الشيطان ( كامله) بقلم أمنه محمد

اسكريبت حفلة الشيطان كامله بقلم أمنة محمد

عارفين حفلة الهرم المشهورة اللي كانت من كام يوم.. الحفلة دي اللي إسمها any*a. 

واللي بتقوم بيها فرقة مشهورة عالمية.. أنا بقى حضرت الحفلة دي واللي شوفته هناك كان شيء مش عادي. 

من كام يوم صاحبي في الشغل عرض عليا نروح حفلة هتتعمل عند الهرم في أجواء عالمية.. أنا بطبعي مليش في الحفلات اللي من النوع ده ولا الحفلات عمومًا ولكن هو اقنعني 

وفي نفس الوقت قولت مفيش مانع من شوية تغيير ولكني صعقت من سعر التذكرة اللي تخطى الثلاث ألاف جنيه.  

بس قولت وماله.. ما هي فعلا حفلة على مستوى.. 

الحفلة بدأت بشعاع كبير خرج من رأس الهرم الأكبر وبعدهو إنقسم لسبعة آخرين ومع اندماجهم من جديد بدأت الموسيقى 

الموسيقى كانت غريبة أول مرة اسمع زيها حماسية بشكل سلبي يعني تحس وأنت بتسمعها أنك عايز تتحرك عايز تجري تكسر تزعق تعمل حاجات مجنونة .. 

وبالفعل مع الموسيقى.. بدأ الجمهور يزداد صياح وحماس بشكل جنوني 

 ظهر مجسم ضوئي كبير ثلاثي الأبعاد لتمثال شكله غريب.. بني آدم عادي ولكن جسمه كله مليان عيون بشرية صغيرة 

وبدأ يرقص بحركات غريبة على ايقاع الموسيقى اللي رجع من تاني بشكل أكثر جنونًا

الأجواء من حواليا أصبحت مثلجة فجأة والناس اتجننت.. وتحول لون الجو للون الاحمر وهنا بدأت أتأكد أنه فيه حاجة غلط

خاصة لما بدأت أشوف أشكال مش بشرية بترقص بين الناس.. وبشر عادي ولكن وجوههم وجوه حيوانات 

دا غير الكائنات الصغيرة اللي كانت بتجري بين أقدام الناس بسرعة كبيرة 

كائنات مشعرة بقها واسع بأسنان حادة وعيونها مظلمة وعندها قرون صغيرة وذيول طويلة

وعلى مقربة مني كان فيه حاجة غلط بتحصل.. كان فيه مجموعات كاملة بتضر.ب في بعض وكأنهم مغيبين 

والكل بيتفرج، محدش مهتم يحوش.. دا غير المشاهد الثانية غير اللائقة.. ازاي الجنون ده بيحصل كده 

لحد ما فجأة المجسم وقف رقص ونظر عن قرب لكل الحضور اللي ظهروا اسفل منه بشكل صغير وقال كلمة واحدة.. 

"ب_فو_ميت" 

قالها متقطعة وكأنها لغز.. بس أنا فهمت مش أنا بس أنا وناس معايا تاني وفجأة اختفى المجسم وظهر مكانه تمثال بشع لشيطان برأس ماعز جالس على عرش 

وفي لحظة وكأنها من الخيال كل اللي حوالينا ركعوا بس أحنا مركعناش أنا وبعض القلة القليلة واللي شوفنا بعضنا من بعيد لما ده حصل 

ركعوا وكأنهم مسحورين وكأنهم مسحورين. 

كنت بطل لصاحبي بصدمة وهو بيركع.. هزيته جامد.. حاولت أفوقه بطل لعيونه كانت بيضاء تمامًا خالية من أي سواد 

وفجأة صرخ المجسم من تاني بصوت مرعب ومخيف وهو بيظهر علشان يرجع كل اللي في الحفلة لطبيعتهم من تاني ويكملوا رقص عادي

وقتها مقدرتش أكمل.. سبت صاحبي وجريت وجسمي كله بيتنفض وبيرتعش وحاسس أن فيه جبل كامل على قلبي 

روحت البيت فضلت حوالي يومين محموم وبخترف من الفزعة. 

حاسس كأن حاجة فيا اتغيرت.. حاجة مش عارفه إيه هيا كانت بتروح مع ذكر ربنا بس... 

لما بحثت بعدها عن إسم الفرقة اللي كانت في الحفلة.. عرفت كل البلاوي اللي وراهم والحفلات المشبوهة اللي بيعملوها

في الحقيقة الناس دي وش بيدعموا الشيطان واللي حصل في الحفلة ومسجلتوش الكاميرات بيحصل كل يوم من سيطرة على عقول الأجيال اللي طالعة بوسائل كثير 

واحدة منها هو الذبذبات الموسيقية واللي العلم أثبت إنها بتأثر في طاقة الجسم وردات فعله واشاراته العصبية 

وسائل مختلفة بتغيبهم وتخليهم يركعوا للشيطان بدون وعي.. سواء كانت موضة تكنولوجيا أو حتى أسلوب حياة وأنظمة غذائية ضارة 

كلها أفكار مسمو. مة هدفها تغيير المعايير والقيم وتبديل الحقائق 

الشيطان اللي في الواقع واللي بيحاول يخلي كل أبناء آدم يسجدوا له 

إنتقامًا من أبوهم آدم اللي لما ربنا أمره في الجنه أنه يسجد له رفض وعصى أمر ربنا وخرج من الجنة بعصيانه وعناده.. 

نفس اللي حصل في الحفلة... شياطين بتجلب شياطين... 

من وقتها بطلت أروح حفلات وبطلت أسمع موسيقى بالأساس.. 

لمتابعه روايات سكيرهوم زورو موقعنا علي التلجرام من هنا