 |
اسكريبت ورد وكريم كامل بقلم ريا مهلل
_رقم مين ده ي كريم ؟!
قالتها مراتي ورد لما دخلت اخذ دش طلعت علي صوتها وانا بمسح وشي ب الفوطه وقولت بحده
_واحده زميلتي في الشغل
=واحده زميلتك في الشغل رقمها بيعمل اي عندك وبترن عليك في نص الليل ازاي ؟؟!!!
_زميلتي في الشغل طبيعي يكون رقمها عندي
=وباعته ليك رساله هتقولك نتقابل بكره ده تبع الشغل برضوا ؟
_ايوه ي ورد علشان المدير مكلفني انا وهي نعمل شغل
عيوني دمعت غصب عني وقولت ب صوت مخنوق
=وانت بتشتغل مع ستات ليه؟فيه رجاله اشتغل معاهم
_يووه بقا متقرفنيش انا جاي مخنوق لوحدي وعايز انام
زقني بعيد عنهُ ودخل نام
_________________________________
قومت قبله الصبح حضرتله الفطار وقولت بصوت هادي ولكن ممزوج ب خنقه
_اتفضل الفطار اهو
=تمام
_محتاج حاجه تاني؟
=اه اتمني انك تنضفي الزريبه دي وشاور علي الشقه
_انت شايفاها زريبه؟
=اه واي لعب عيالك المرمريه في كل حته دي فين النظام
قولتله مستغربه من طريقه كلامه
_عيالي؟؟؟
=اه عيالك
_هو انا جايبهم معايا ولا اي دول عيالك برضوا
قام من علي السفره وقال
_ عيشه زفت الواحد بيكون متزوج علشان يتهني وانتِ نكد نكد ارحميني كلها نسوان حلوه وانتِ معرفش مالك
دموعي نزلت غصب عني وقولتله
_نسوان حلوه؟؟؟
فين كلامك الرومانسي بتاع الخطوبه وانك أجمل ست في حياتي وانتِ في نظري بيهم وبعدين انا ست معايا تلات عيال ودول عيالك برضوا يعني لازم شكلي يتغير
زقني وقال
=وسعي كدا دي مبقتش عيشه
قولتله وهو ماشي بصوت اشبه ب البكاء
_انا هروح عند اهلي ي كريم لحد م ابقا زي النسوان الحلوه
بص وراه وقال
الباب يفوت جمل وقفل الباب وخرج
________________________________
لبست العيال واخذتهم معايا المفروض كنت اسيبهم ولكن مهانش عليا لأنهم صغيرين وملهمش ذنب
وصلت عند امي اللي اتفاجأت بيا وقالت
_مالك ي حبيبتي بتعيطي ليه
كنت متوتره احكيلها او لا بس قولت لو مش قولتلها هقعد هنا ب انهي عين
=ماما انا تعبانه هرتاح شويه وابقا احكيلك دخلت نمت وسبت العيال مع اهلي بره
وعدي يجي شهر ونص لا رن عليا ولا اطمن علي عياله
دخلت عليا امي وقالت =شايفه اختيارك ي ورد مش ده ي بنتي اللي قولتي هيكون احسن اب ل عيالي
دمعت غصب عني امي كلامها صح انا مكنتش راضيه بحد الا بيه ووافقت عليه رغم اهلي مكنوش موافقين عليه
_كل حاجه هتكون كويسه ي ماما واسفه متقله عليكم ب العيال
=حضنتني امي وقالت متقوليش كدا ي عبيطه ده بيتك وبيت عيالك وانتِ هنا في بيتك وابوكي لما عرف قال بنتي مش هتطلع تاني
عيطت وقولتلها =ليه ي ماما قولتي لبابا هو زوجي ودي مشاكل م بينا بابا اكيد هيزعل منهُ وم هيخليني ارجع تاني
امي حضنتني وقالت خايفه علي سمعته بعد اللي عمله فيكِ وبقاله شهر ونص لا كلمك ولا رن يطمن علي عياله
دموعي نزلت وقولت =مقدرش اكرهُ ده مهما كان ابو عيالي
سابتني وخرجت لكن انا من جوايا بغلي ومش طايقاه انا بقول كدا علشان نظرته في عين اهلي م اكتر لكن من جوايا حاجه بتقولي اكيد اتزوج وحب عليكِ ده مكنش طايقاك
بعد نص ساعه لقيت يزن ابني
بيقول بابا بابا
بصيت من طرف الباب لقيته بره اي ده معقول لسه فاكر؟؟؟
لبست وخرجت وبابا كان قاعد مضايق منهُ
قال وهو منزل رأسه =انا اسف ي عمي حقك عليا انا والله غلطان انا استاهل اي عقاب تطلبهُ مني انا كنت مخنوق وحاسس اني هقدر اعيش من غيرها لكن طلعت كذاب هي حياتي وعيالي م قادر ابعد عنهم كل الفتره اللي فاتت كنت بشوف (يوسف ابني )وهو رايح المدرسه
بابا بصلهُ وقاله =انا مش هتكلم ي كريم ورد عندك اهي لو وافقت تيجي معاك انت زوجها وابو عيالها م وافقت بيتنا ي ابني مرحب بيها وب عيالها وانا اقدر اخليك تتطلقها دلوقتي بس طالما عرفت غلطك ف الرد عندها برضوا
قرب مني وسط اهلي وقالي= حقك عليا وعلي راسي وعيني ي ام يوسف سامحيني انا غلطان مفيش واحده أجمل منك في عيني والله اسف وانا مكنتش بكلم حد اقسم بالله بتعامل بحدود بس كنت مضايق وزهقان
رديت عليه وانا بعيط وقولتله =انت فاكر لما قولتلي كل النسوان حلوه
وطي رأسه لتحت وقالي اه فاكر وحضني ولكن بعدت عنهُ بسرعه وقولتله وانا كمان فاكره ومش هنسي
_ارجعيلي وقدام اهلك لو حصل مني موقف تاني اعملي اللي عايزاه واقسم بالله م هيحصل حاجه مني تاني
=بعد الترجي اللي كان منو رجعت بس لسه زعلانه منهُ رجعت علشان عيالي
جه ب الليل وقالي
_لسه زعلانه؟
=حصل خير كل بني ادمن بيغلط
_قام باس ايدي وراسي =حقك عليا والله انا ضايع من بعدك مفيش واحده هتملي عيني غيرك انتِ حبي الاول والاخير والله وعمري م بصيت لواحده غيرك وانتِ عارفه كدا
عيطت جامد =بس انا هونت عليك ي كريم شهر ونص
=والله العظيم الشهر ونص دول انا كنت بتعذب من بعدك
_واي م خلاك تيجي تاخذني
=الفتره دي كنت مضغوط في الشغل وكنت عارف لو جبتك هتحصل مشاكل تانيه حقك عليا وحضني
_وانا كمان حضنته ولقيت عيالي بيقولوا واحنا زحلانين كمان ي بابا
حضنا كلنا وقال انتوا حياتي وروحي ومن غيركم مقدرش اعيش
ردينا في صوت واحد وقولنا وانت حياتنا كمان ♡
