 |
اسكريبت رحيم وحنين كامل بقلم حبيبه المصري
"يا جوزي".
- يا حبيب قلب جوزك.
- كفاك تغزلاً يا فتى، أنت تخجلني.
ضحك وقال :
- اقلبي سبيستون اللي فتحت في وشي دي لوسمحتي.
لاعبت حواحبي وأنا بقول :
- يكفي تتغزل فيا يا رِحِيم، أنت عم تخجلني كتير.
ضرب كف على كف وهو بيقول :
- رِحِيم؟
دي زي مراد بيك لا تتركني هيك؟.
ضحكت وقولت :
- منيح أنك تعرف.
فقال :
- اقلبي دبلجة التركي دي الله يكرمك.
- ماني عارفة ليش ما عم تذوب ذوب كذه مثل السكر في الشاي.
- حـنـيــن.
قالها وهو بيبرق زي توم، فقولت بغيظ :
- رحيـــم.
- يا عيونه.
- لَك يؤبروني عيونك يا بيك.
- مش هنكر إني اتثبت، بس برضو هتعمليلي شاي.
- يعني أنا بقلبلك سوري على فصحى وفي الآخر تقولي شاي؟.
خسئت أنت و أشباهك الأربعون يا رحيم.
- طب قومي بقى بدل ما أخسئك أنتِ وأشباهِكِ الأربعون
- معاملة غير حنونة عامة.
- غير ايه؟
حنونة!
اومال مين ياختي اللي بيحط مُكرّهًا ماسكات معاكِ، أنا ولا خيالي؟؟.
- أنتَ، بس برضو بتقولي أخسئك، ينفع كده؟.
شدني وباس راسي وهو بيقول :
- آدي راسك ابوسها، حقك علي دماغي يا ست الكل، اعمليلي شاي بقى الله يكرمِك.
- لا بلاش شاي.
- يابنتي هو أنا اللي هشرب ولا أنتِ؟.
- يعني أنت متصاب في ايدك الشمال، و أيدك اليمين متبهدلة جروح، وعايز تشرب شاي!.
- ناقص تقوليلي يا بجاحتك يا رحيم.
قالها وهو بيضحك، فقولت :
- لا يا جدع عيب، أنت جوزي برضو.
- يارب صبرني عليها.
- كاكاو ولا كاكاو؟.
- دول خيارين لا ثالث لهما صح؟.
- يبقى موز بلبن.
جابني من هدومي زي حرامي الغسيل وقال بغيظ :
- أنتِ شاربة أيه على المسا يا بت؟
ايه الدماغ العالية دي؟.
- سيبني بس خلينا نتفاهم زي أي اتنين عاقلين.
- هتعمليلي شاي؟.
- موز بلبن أحلى صح؟.
- كاكاو؟.
- شاي بلبن و بسكوت؟.
قولتها باقتراح فقال بترحيب :
- حلو اوي، هاتي بقى معاهم كحكتين.
سلمت عليه وقولت بثقة :
- متفقين يا حضرة ظابط.
ضحك بسخرية وقال :
- حضرة الظابط؟
فوقي يا ماما أنا على أيدك بقيت ظابط إيقاع.
- ماتقولش كده، أنت قد الدنيا يا عمهم.
- بتثبتيني؟.
- بالطبع.
- صبرني عليها يا رب.
~~~~~~~~~~~~~~~
تمت
