رواية الفصلية الفصل العاشر بقلم زينب نور
الشيخ يوسف:صراحه مادري ليش ضجت عبني مشفت ميار من رجعت مادري شني الشعور الي بداخلي شعور كلش متناقض انه بحد ذاتي ماكدر افسرة والله احس مثل المرض بده ينتشر بيه هذه الشعور ....... المهم خل اكوم اسبح واغير هدمي وانامن عندي كعده من الصبح وتحظيرات الخطوبه ووو كومه تحظيرات ........طلعت من الحمام وتمددت عل فراش ضليت ادكلب بحدود النص ساعه وراها حسيت بعطش كمت دورت بلثلاجه الي بلغرفه ملكيت وطلعت من الجناح نزلت جوة للمطبخ اخذت بطل مي شربت وسديت البطل وطلعت انه وداصعد الدرج صارت كدامي غرفه ميار مادري شلون اخذني رجليه للغرفه جانت الباب مردودة مو مسدودة كلهه عاد شويه دفعت الباب لكيتهه نايمه وشعرهه واكع من عله المخدة وتك ايد صايرة جوة خدهه والثانيه حاطته عله خصرهه ونايمه صفح من جهه الباب يعني وجهه عليه وﻻمه رجليهه شويه باوعت عليهه وباوعت عل غرفه شلون مرتبتهه المهم ضليت اباوع عليهه خمس دقايق وراها طلعت وسديت الباب زين خفت لتروح تكعد وتشوفني وبذاك الوكت شنو الحجه الي راح اكولهه ههه والله وكت الشيخ يوسف يخاف ومن مني من طفله ههههه احسن شي اروح انام
.................
أمل:طبعاً محد ميعرفني بس راح يكون الي دور مهم بلقصه المهم خل اعرفكم عني اسمي أمل عمري 17سنه طالبه خامس علمي عبن الشيخ يريدني اكمل دراستي ويحبون المرة المثقفه والواعيه طبعاً انه عايشه بيت الشيخ والسبب ....جان عمري 5سنين بكتهه جنه جاين خطار لبيت الشيخ فانه ردت ابقه هين لين اهلي رادو يروحون لبغداد يئدون واجب لكرايبنه فانه ماردت اروحن اخذو اخوي الاكبر مني بسنتين اسمه حازم وراحو وبطريق الرجعه صار وياهم حادث ومحد منجه منه كلهم ماتو اثر الحادث عبن جانت جايه لوري حمل ووالدي الله يرحمه مسيطر عل سيارة ونكلبت بيهم وراحو لدار حقهم واني ضليت هين بيت الشيخ طبعاً مرت علي ايام ماتمناها لعدويني ﻻ ليلي ليل وﻻ نهاري نهار بذاك الوكت تمرضت مرضه كلش قويه والله يخلي الشيخ يوسف والشيخ عمران الله يرحمه يلوجون بيه عل أطباء لحد ماصرت زينه ومن ذاك الوكت انه اضحك وماحب ابين حزني ﻻحد مع انو مرات انقهر من جنت اشوف معاملتهم لملاك بس همه صح مقصرو ويايه بس ايضل اكو نقص بنفسي وفراغ فراغ الاهل فراغ الام والاب والاخ فراغ الحب العائلي والدفو والحنان المهم الحمدلله على كل حال ﻻ اعتراض عله حكمه اتربيت بيناتهم ناس كلش زينين وابد محسسوني انو انه بيت عمي ﻻ والله حسسوني انو انه بيتنه و ضلو يدارون بيه لحد اليوم وانه هم ما مقصره وياهم بشي انه بنيه ملتزمه بصلاتي ودراستي واحب الكل ومستحيل اسكت عن الظلم وشويه لساني طويل واحبب احشش ماعندي صديقات عبن انه ماريدن اريدن بس التهي بدراستي واطلع معدل عالي من اجت ميار كلش حبيتهه وحسيتهه وحيده فحبيت اتقرب منه ونجحت بهذه الشي وصارت صديقتي المقربه ... خل اوصفلكم شكلي(اني حنطيه وعيوني كبار صفر رموشي طوال حلكي وسط خشمي شوي طويل حاد شعري لنص ضهري طولي 165)..وبس وبلبارتات الجايه تتعرفون اكثر عليه
...............
ميار:كعدت الصبح ساعه4ونص كمت غسلت وتوضيت واجيت اصلي الصبح كملت ولبست الشال مالتي وطلعت لكيت أمل واكفه باب الثلاجه
ميار:صباح الخير ...
أمل:صباح النور والسرور والزعتر والزيت والبيض والجبن والزيتون
ميار:يولي شبيج جنج مفجوعه
أمل:رجاءً لتدخلين بيني وبين بطني هذه نقاش خاص
ميار:بله بس سؤال الاكل الي تاكلي وين يروحن اشو جنج عودة ماسحه وراح تنكطمين من الضعف
أمل:وانتي شكو تغارين من جسمي الرشيق عود من أكل من جدرج تعاي حاسبيني
ميار:استغفر الله لج مني محاسبج المهم انتي حظري الريوك وانه طالعه اخبز
أمل:اوك ياحلو انته
ميار:هههه متصيرلج جارة بلعباس
أمل:اجل ياختي في الاسلام مستحيل تصيرلي جارة استغفر الله أستغفر الله
ميار:ههههه.. بركاتج سيدنه انه طالعه اخبز
أمل:اوك
................
الشيخ يوسف:كعدت ب6وربع كمت سبحت وتوضيت واجيت أصلي ومن كملت دالبس هدمي جان اشتم ريحه الخبز الحار عاينت من شباك الغرفه يطل عل حديقه الخلفيه الي بيهه التنور لكيت ميار متبوشه بلشيله وجاي تخبز ضليت اعاين شلون تحط الخبز بلتنور وشلون تشلعه وتحطه عله صفحه وتغطي جا حته ﻻ يبرد ...... انزل انه جا حته اتريك من هل خبز الحار واطلع الشغلي
.........
ميار:خلصت خبز ودخلت للمطبخ لكيت ام محمد
ام محمد:كوة بنيتي
ميار:يكويج خاله هذه الخبز
أمل:اي وأخيراً اجه الخبز يله نروح نتريك
ميار:اخذي ام بطن انه راح اتريك هين حته بسرعه وراها نبلش بلشغل عدنه كومممه
أمل:غدي اي والله اله تسدين نفسي وتذكريني بسالفه الشغل
ميار:اي نعم ﻻزم ويله روحي ودي الخبز ﻻتخليني اكربج من هسه
أمل:ﻻﻻﻻ ..ﻻ رايحه(وﻻ يوجد خلفها الا الغبار......هههههه)
ام محمد:بنيتي عاشت ايدج يله هاج هذه الجاي شربي واكلي كوي نفسج
ميار:يله خاله مدي ايدج واكلي وياي
ام محمد:اي يله بسم الله
ميار:بسم الله
.................
بلستقبال:·
رامي:الله الله شني هل ريحه خلت عصافير بطني تزقزق
افنان:اي متكعد وتاكل
رامي:شي اكيد هوة اكو احسن من الاكل .... (وهمس بصوت بس هيه تسمعه)عداج انتي طبعاً
افنان:احمرت من الخجل وكالتله بهمس ..اكل احسلك
أمل:احم احم ليش تتهامسون
رامي:وانتي شكو بنص
أمل:هيج جا
رامي:اي هيج
الشيخ يوسف:صباح الخير جميعاً
الكل:صباح النور شيخ
الشيخ يوسف:شبيكم انته وياها تتناكرون قبل صياح الديج
رامي:ﻻ هيج شيخ مجرد مداهره بين الاخ والاخت مو هيج أمل(بخبث)
أمل:اي طبعاً شيخ هيج(بﻻ مبﻻة)
الشيخ يوسف:الله يهديكم يله مدو ايدكم بسم الله
الكل:بسم الله
الشيخه:اكول أمل جا ميار ليش ماجت تاكل ويانه انه مو كلت البارحه بعد تاكل ويانه
أمل:اي شيخه بس هيه كالت حته تتريك بسرعه وتبده شغل لين عدنه كومه شغل وغير انو اليوم مرت عمي وبناته راح يجون علمود يأخذون مﻻك للسوك فﻻزم نحظر غده
الشيخه:امم تمام يله كملي اكلج
....................في مكان اخر................
..ادري شنو شايف نفسه هذه الزلمه عود جي صار شيخ معناها يهيني بهاي الطريقه
...اهدء يخوي اهدء الي جاي تحجي عنه الشيخ يوسف يعني اقوة شيوخ العشيره بلمحافظه الشيخ الي ميخاف من احد
..ادري انته واكف وياي لو ويا (بزمخ)
...انه واكف وياك صدكني يخوي بس احنه نريدن ناخذهه بلعقل خلنه نفكر بطريقه نئذي بيهه اليوسف هذا بدون ما احد يشك بينه
..اممم كﻻمك صكد ﻻزم نفكر وبسرع وكت ﻻزم(ضحك بخبث)
......................نرجع لبيت الشيخ................
ميار:كملنه ريوك وبدينه نشتغل ورة ماجو عيال مﻻك اخذوهه وراحت وياهم الشيخه والزلم طلعو لشغلهم بقينه بس انه وأمل و ام محمد وافنان انه وأمل استلمنه التنظيف من السطح ليجوة وام محمد وافنان استلمو المطبخ وبدو يحظرون للغده ....بعد تلث ساعات....
أمل:اوييييييييلي يابويه ضهري صار نصين اخخخخخخ(وكعدت بلكاع)
ميار:جا يله الي يشوفج يكول منظفه البيت الابيض هوة بيت عادي
أمل:لج ميار ﻻ تجلطيني هذه بيت هذه قصر يعادل بيوت المنطقه كلهه(بزمخ)
ميار:يله يله صكد كﻻمج هسه كومي سبحي وانه هم علما يئذن الضهر نصلي عبنهم عله جيه
أمل:اي تمام بس ساعديني اكوم
ميار:يله جيبي ايدج
أمل:هاج (وكامت)
ميار:يله كدامي بسرعه
أمل:اي مو شايفتني مشكله ماطور ياباني
ميار:ههههه ﻻ ماطور صيني
أمل:هه هه هه متضحك
...............
الشيخ يوسف:مادري ليش حسيت بفرحه من عرفت انو ميار هتاكل ويانه بعد ..كملنه ريوك وطلعت لشغلي كملته وطلعت افتريت عله الاراضي والفلاحين وصار وكت الاذان رجعت للبيت سلمت وسئلت أم محمد
الشيخ يوسف:اكول أم محمد شني لساعهم مارجعو
ام محمد:ﻻ والله يشيخ لساعهم
الشيخ:جا زين من يجون حضرو الغدة وصبو
ام محمد:تأمر أمر شيخ
الشيخ:مايؤمر عليج ظالم ان شاء الله
..............
ميار:سبحت وطلعت شفته توه وذن الاذان عاد فرشت السجادة ولبست الجادر وكبرت ووكفت اصلي ....بعد مدة.....
كملت صﻻة ووكفت امشط شعري جان تدخل أمل
أمل:هلو
ميار:هلوات
أمل:(تمددت عله فراش ميار)يله كملي حته نطلع نصب غده الزلم رجعو بقن بس النسوان لساعهم بلسوك يسفن
ميار:ماتصلتو بيهن
أمل:بلي رامي اتصل وكالوله بعد نص ساعه يجون
ميار:تمام يله كومي
أمل:يله جا
...........
بلمطبخ
ام محمد:يله يبنات مبقه شي ويرجعن النساوين من السوك خفن ايديجن
ميار:حاضر خاله
أمل:اوك خالتو
افنان:ميار طلعيلي سيت الماعين مناك والجدح همين
ميار:صار
أمل:احم اعتقد وصلو صوت نسوان
افنان:اي هسه اروح اشوفن
أمل:اوك وانه راح اجيبن المي
افنان:تمام
.............
بلستقبال
الشيخه:السلام عليكم
افنان:وعليكم السلام كوه شيخه
الشيخه:يكويج بنيتي
مﻻك:فنون فدوة اريدن مي
افنان:اي هسه راح تجيب أمل
زوجه العم (علوان):اشلونج حبوبه زلمتج شلونه ابنج
افنان :تمام
نورس و رانيا:اشلونج احوالج مشتاقيلج
افنان:اني الاشوق
أمل:السلام عليكم
الكل:عليكم السلام والرحمه
أمل(صبيت كﻻص مي)تفضلي شيخه
الشيخه:تسلمين يمه
أمل:(انطيت مي للكل وحطيت السراحيه علطبله
الشيخه:اكول رجعو الزلم
افنان:اي شيخه رجعو من زمان
الشيخه:لعد صبن الغده
زوجه العم علوان:ﻻ شيخه احنه عذرينه ﻻزم نروحن
الشيخه:والله ماتطلهن بدون غده واسويهه زعله اذا طلعتن
زوجه العم:بس شيخه
الشيخه:ﻻ بس وﻻ شي يله يمه افنان كولي للبنوات يزهبن الغده
افنان:تأمرين شيخه
الشيخ يوسف :................................
........................................
منو تتوقعون الي يريد اذيه الشيخ؟؟
وبشنو راح يئذو؟؟
.........................
