رواية زواج في ظروف خاصة الفصل السادس عشر
– فهد : انا عاوز اقولك علي حاجة يا جدي … انا فرحي الخميس الجاي
– شهد بصدمة و دموع : انت بتقول ايه هتتجوز عليا
– الجد بعصبية : انت بتقول ايه هتتجوز علي بنت عمك يا فهد
شهد ما استحملتش و اغمي عليها … بسرعة حملها فهد و توجه بها الي غرفتهم و رفض دخول اي شخص فاقت شهد علي ذراع فهد و نظرت اليه بدموع : ابعد عني يا خاين
– فهد : بقي انا خاين
– شهد ببكاء و هي تضربه بضعف : أيوة طول عمرك … انت واحد ما تعرفش تحب يا فهد انت …
– فهد ببرود صحيح ما سألتنيش مين العروسة
بقلم نوران وليد
– شهد بغضب شدته : انت مستفز يا راجل انت … طلقني طلقني يا فهد
– فهد و هو يجذبها لترتطم في صدره العريض : في عروسة تبقي متعصبة كده
– شهد بعدم فهم : عروسة
– فهد و هو يرجع خصلات شعرها الي الوراء : أيوة احلي عروسة كمان
– شهد : انا مش فاهمة حاجة
– فهد : هفهمك … انا في الشهر ده عرفت ان قد ايه مش بعرف ابعد عنك لحظة واحده … و عرفت انا قد ايه بحبك
– شهد بتوتر : ايه بتحبني
– فهد : أيوة و بعشقك كمان هعملك احلي فرح كمان
– شهد بعدم تصديق : بس يعني … ليه
– فهد و هو يضمها الي صدره : علشان المرة دي الفرح هيختلف علشان هيبقي بارداتنا يا قلبي … بس عاوز أسألك سؤال … انتي بتحبيني
– شهد بكسوف : ..أيوة يا فهد و حاسه نفسي اني بحلم
بقلم نوران وليد
فهد : لا مش بتحلمي انتي حياتك الجاية كلها هتبقي فرح و سعادة و هنبدء من اول و جديد
_______
في الأسفل
الجد : يعني متأكد ان فهد قصده علي شهد يا زين يا ابني
– زين بابتسامة: أيوة يا جدي بس كان عاوز يخضها علشان يعرف غلاوته عندها
– الجد : ربنا يديم فرحتكم يا ولادي … اطلع شوف مراتك يا ابني
– زين بابتسامة طيب عن اذنك يا جدي
________
في غرفة نور و زين
– نور بعدم تصديق و هي تحدث نفسها : لا مش مصدقة … مش مصدقة انا بجد حامل اكيد زين هيفرح اوووي
هنا فتح زين باب الغرفة هرولت اليه نور و احتضنته بقوة و لكن الغريب انه لم يعيرها اي اهتمام
– نور و هي تخرج من حضنه و تنظر اليه: في ايه يا زين مالك
– زين بدموع : ايه معني الرسالة دي يا نور
– نظرت نور الي الرسالة و انهارت من البكاء دون اي مقدمات
فكركم ايه الرسالة و الناس البتقول شهد و فهد يرجعوا … رجعتهم اهو😂♥️
