رواية الامل الفصل الثالث والعشرون 23 بقلم سلمي عبد الجليل

سكت وعلامات الحزن بانت ع وشه مره تانيه

والكل عمال يبص لبعضه ودموعهم بتنزل

هاني ابتدى يكمل كلامه

قبل م اتجوز جهاد كان في واحد عرض عليا شغل ووافقت وكان مخدرات قولت اهي سبوبة اكسب منها وبدات واحده واحده اكبر وسطهم ، لكن بعد م اتجوزت جهاد وجابتلي تميم حسيت انه مينفعش أأكل ابني بفلوس حرام لكن شيطاني كان اقوى مني وكملت لحد م جالي سامر نور عينيا الي كان سبب ف هدايتي آن الاوان تعرف مامتك سابتك ليه ، وتسنيم ف الشهر الخامس كانت بتخوني مع زميلها ف الشغل ولما عرفت سيبتها لحد م ولدت وطلقتها قولتلها مش هتشوفي ابنك تاني وهي وافقت وراحت اتجوزت زميلها ، بقيت مش عارف اعمل اي ، هروح لمراتي الاولى اقولها خدي ربي ابن دُرتك !!! ولا اسيبك لتسنيم ويا عالم هتعمل فيك اي ، قعدت اعيط زي العيل الصغير كانت اول مره ادخل فيها المسجد بعد حوالي ٥ سنين بُعد عن ربنا قابلني الشيخ بتاع المسجد وحكيتله كل حاجه وقالي اني لازم ابعد عن الي انا فيه دا وان جهاد اصيله مستحيل تتاخر عني او عن ابني ، سمعت كلامه وجهاد حطتك ي سامر ف عينيها واعتبرتك ابنها التاني من غير م تسالني عن الي حصل مع تسنيم

ر جعت لربنا واترجيته يسامحني بقيت اشتغل عامل ف مصنع ولما سالوني بعمل كدا ليه قولتلهم تمويه عشان محدش يسال انا بجيب الفلوس منين وهما صدقوني ، بس انا مكنتش عاوز اصرف عليكم فلوس حرام كنت عاوز اربيكوا بشقايا وتعبي والفلوس تكون حلال عشان ربنا يبارك فيكم وف صحتك وف تعليمكم ، فضلت كدا ١٠ سنين لحد م جمعت مبلغ وكان عندي كذا ارض وارثها من ابويا الله يرحمه بِعت كام حته منهم وسبت المساحه الي عاوزها وبنيت المصنع ولميت فيه كل شباب المنطقة بتاعنا وبق الشغل بتاعه كل يوم بيزيد ولما سالوني عن الي بعمله قولتلهم ان الي حواليا بداو يشكوا فيا ولازم اعمل كدا وهما صدقوني ، روحت لعميد صاحبي وحكيتله حكايتي ولما حاول يساعدني قتلوه وقتلوا بنته ف سكت ، بقيت بحاول ابعد نفسي وملوثش ايدي بدم صحابي وبدم ناس ابرياء ملهمش ذنب ف حاجه

انا بحبكم بحبكم اكتر من اي حاجه ف الدنيا ، وبالنسبه لمعاملتي القاسية ف دي كانت اوامر منهم لانهم حاطينلي اجهزة تسنط عشان يعرفوا عني كل حاجه ، وبالنسبه لبياتي بره البيت ف دا عشان كانو بييجوا يعملوا زي دوريات مراقبة عليا ، وبالنسبه لحسنات ف دي بنت اجبروني اتجوزها عشان تظبط امور الشغل و هي كمان ملهاش ذنب بس هي قتلت واحده اسمها سماح ف معتقدش انها هيتغفرلها الي عملته بس انا كنت سبب ف ظلمها هي كمان، حاول تسامح مامتك ي سامر هي جت واترجتني ترجعلك بس بعد اي بعد م كنت انت كبرت ومكنش ينفع اي حاجه من دي تحصل وهي قالتلي ان اليوم الي انا هموت فيه هتجيلك عشان تشوفك وانا هروح المكان الي انا رايحة دا وعارف اني مش راجع وهي هتنفذ كلامها وهتيجي حاول تسامحها ي ابني دي امك ف كل الاحوال ، انا اسف انا عارف ان دي اخر مره هتشوفوني فيها ، انا فخور بيك ي تميم انت واخوك انا محبتش ف حياتي حد اد م حبيتكم ، سامحوني ي ولاد

الفيديو انتهى وعياطهم زاد كانو كلهم بيعيطوا زي الاطفال من اكبر حد فيهم لاصغر حد كان بيبكي مقدروش يسيطروا ع نفسهم ومحدش قادر يهدي التاني وحسام مش قادر حتى انه يسيطر ع الوضع لانه كان بيحب هاني جدا

فات حوالي ساعه وسط عياط وحزن مش بينتهي كل واحد بيفتكر ذكرياته مع هاني ومختار وسُمية بيفتكروا ذكرياتهم الاليمه مع المعلمه

قطع وصلة العياط دي صوت حسام

حسام : سامر اهدى كدا هتتعب اوي

وكان كلام حسام كأنه بنزين واتحطت ع نار سامر ، سامر عياطه زاد وابتدى يخرف بالكلام حط ايديه ع قلبه بتعب والكل ابتدى يتحرك ناحيته عشان يشوفوه في اي فضلوا يحاولوا يساعدوه عشان ياخد نفسه بانتظام ويهدى وبعد شوية ابتدى يهدى

جهاد حضنته بدموع : اهدى ي حبيبي اهدى بابا برئ ، برئ ي سامر وبيحبك وفخور بيك ، انت كنت اكتر واحد فاهمه وحاسس بيه وعارف انه برئ ، دي حاجه تخليك كويس ، خليك كويس عشانه وعشانا ، عشان خاطر ماما جهاد فوق ي سامر

سامر اتمسك بحضنها جامد وصوت عياطه ابتدى يزيد اكتر : انا ودعته بطريقة وحشه اوي ي ماما انا انا رفعت سلاحي ف وشه ، ك ك ك كنت بهدده ودعته بطريقة بتإذيني كل م بفتكرها ، هو هو كان بيحاول يحميني وانا كنت بقبض عليه

الكل التف حوالين سامر وابتدى يهديه ويواسيه بكلام مريح نوعا ما

قطع وصلة الحزن رن الجرس

حسام دخل غسل وشه وفتح الباب بتاع الريسيبشن

حسام بصدمه : اي دا