رواية صراع القاسم الفصل الخامس والثلاثون
اما لطفي ها هو قد وصل الي منزلها ليجد المأذون وصابرين ف انتظاره وقد احضر المأذون اتنين من الشهود.
لطفي: بتمثيل الفرحه والسرور اخيرا حلمي اتحقق وهتجوز ست البنات، بس بعد اذنكم انا عايز عروستي عشان هتكلم معاها.
صابرين: عن اذنكم، تعالي يا عريسي نخشو المكتب نتكلمو.
لتدخل صابرين غرفة المكتب ومعها لطفي
لطفي: انا الفرحه مش سيعاني النهارده، بس للأسف مش هنعرف نكتب الكتاب.
صابرين: ليه طيب؟
لطفي: لاءني لازم اجيبلك شبكه تليق بيكي واديكي مهرك قدام المأذون والشهود، وانا ظروفي حاليا متسمحش. ممكن نتجوز بعد كام سنه اكون كونت نفسي.
صابرين: له هنتجوز دلوك وانا هديك الدهبات تلبسهملي جدامهم وكمان هديك الفلوسات وتجوللي مهرك اهو.
لطفي: بخبث لاء طبعا، شبكتك ومهرك لازم يكونو من تعبي وشقايا. هو انتي أي واحده؟ ده انتي ست الكل.
صابرين: وفيها ايه مالي مالك؟ اصبر خليك هنا علي ما اروح اجيبهم.
لطفي: لاء طبعا انا مستحيل اوافق، كمان معنديش بيت اتجوزك فيه وعمري ما هعيش ف بيت مش باءسمي.
صابرين: انا هكتبلك البيت وكل ما املك باءسمك، المهم اتجوزك.
لطفي: لاء طبعا، بيتك وحاجتك لازم يكونو من تعبي وشقايا.
صابرين: عشان خاطري وافج.
لطفي: عشان خاطرك اعمل أي حاجه ف الدنيا، ده انا روحي فداكي.
صابرين: خلاص بجا نكتبوا الكتاب وبكره اسجلك كل حاجه باسمك.
لطفي: طاب ما انتي ممكن تعملي تنازل علي ورقه بيضا وبكره نروح نكتب العقود.
صابرين: موافجه، استني اطلعلك ورجه.
وبالفعل تتنازل صابرين للطفي عن كل أملاكها
صابرين: هاه مبسوط دلوك؟
لطفي: أنا كل اللي يهمني انك تحبيني زي ما بحبك.
صابرين: بتحبني جوي علي كده؟
لطفي: ده انا بموت ف تراب رجليكي.
صابرين: بفرحه ها اروح اجيب الدهبات والفلوس عشان عوجنا علي المأذون.
لطفي: اخيرا هتبقي مراتي.
لتضحك صابرين وتخرج من المكتب
لطفي: اه يا بنت الهبله مخدتش ف ايدي غلوه.
—
قاسم: اما هو فها هو قد اشتري القصر الكبير ليذهب الي عصام.
انا كده وضبت كل حاجه، مناجصش بس غير العروسه تنور حياتي.
عصام: خلاص الخميس الجاي نجوزكم كلكم مع بعض.
وهنا يدخل عليهم حمزه
عصام: ابن حلال، فرحك الخميس الجاي.
حمزه: بفرحه اظاهر الاخبار الحلوه بتيجي مع بعضها.
عصام: خير.
حمزه: اتحكم علي الرجاله كلهم بالمؤبد.
قاسم: الحمدلله خلصنا من شرهم.
حمزه: ها اروح افرح نواره.
عصام: اخوك فين؟
حمزه: مش عارف.
عصام: طاب روح شوفه فين وابعتهولي.
حمزه: حاضر.
—
ليتركهم حمزه ليساءل والدته
حمزه: هو حازم فين يا ماما؟
ناديه: ف اوضته فوق.
حمزه: خلاص هروح افرحه، فرحنا يوم الخميس.
لتدخل عليهم فاتن
فاتن: الف مبروك عليكم حمزه، ومبروك ليكي انتي كمان.
حمزه: له انا مش هتجوز، حازم خلاص بيجول هيتجوز واحده من مصر.
حمزه: ازاي ده؟ تعالي معايا.
لتصعد فاتن مع حمزه
حمزه: ولا يا حازم.
حازم: ادخل يا حمزه.
حمزه: طاب انا معايا فاتن.
حازم: ادخلو عادي.
ليدخل حمزه ومعه فاتن
حازم: فيه حاجه؟
حمزه: اه فرحنا يوم الخميس، وخالك عايزك عشان كذا.
حازم: هشوف العروسه يناسبها وله لاء.
حمزه: ما اهي العروسه قدامك اهيه.
حازم: لاء، عروستي اللي ف مصر.
حمزه: انته مجنون يا ابني.
حازم: ليه يعني؟
حمزه: مش كنت هتتجنن علي فاتن؟
حازم: كنت وخلاص، حبيت واحده تانيه.
لتبكي فاتن بحرقه
فاتن: عن اذنكم انا نازله.
لينظر اليها حازم بحزن علي حالها
حازم: كنت عايز اربيكي شويه، بس اعمل ايه؟ قلبي ابن الجزمه مش هاين عليه يشوفك زعلانه.
فاتن: يعني ايه؟
حازم: حبيت اوجعك زي ما وجعتيني، بس مقدرتش.
حمزه: عيل حيوان خليتها تبكي.
حازم: وانا اقدر برده ازعل عروستي؟
فاتن: يعني هتتجوزني؟
حازم: انتي غبيه يا بنتي؟ طبعا هتجوزك، تعالو ننزل نفرح العيله كلها.
حمزه: كلهم عارفين وفرحانين، روح انته بس شوف خالك.
حازم: مش فاضي انا عريس ولازم اجهز.
حمزه: لم دورك بدل ميرجع ف كلامه.
حازم: اه صح هروح اشوفه.
حمزه: وانا كمان اروح اشوف عروستي.
ليذهب حمزه الي غرفه نواره ليجدها جالسه مع دهب.
حمزه: مبروك يا عرايس فرحنا يوم الخميس.
نواره: (بفرحه)
دهب: (تزغرت) لولو لي.
حمزه: يخربيتك هتفضحينا.
دهب: اه صح، هيجولو مسروعه علي الجواز.
حمزه: طاب خلي عندك ذوق وسيبيني مع عروستي ياله.
دهب: زقي عجلك. وانا كمان هروح اشوف عريسي حضره العمده.
حمزه: روحي يا اختي.
وتمر الايام واليوم هو الخميس يوم الافراح. وهنا نجد حمزه وحازم وقاسم يرتدو ملابس صعيديه، والعرايس الثلاثه كانو مثل البدر ف تمامه.
نواره: حمزه خايل جوي ف اللبس الصعيدي.
فاتن: له يا اختي ده حازم اللي عامل زي الفارس ف الصعيدي.
دهب: بس يا بت منك ليها، الصعيدي الصح هو جلبي وروحي.
جاسم: طالع الله اكبر خيال وانا مهرته.
ليبدء الفرح، وليلي تجلس بجانب عصام.
عصام: الف مبروك يا لولا بنتنا عروسه.
ليلي: (بدموع) الحمدلله اني عيشت وشوفت اليوم ده.
ناديه: بتبكي ليه انتي؟ احنا ف فرح ولادنا.
عصام: قوليلها ناديه.
ناديه: ما انا بقولها اهو.
عصام: الولاد كلهم طالعين يجننو، ربنا يجعل حياتهم كلها افراح.
ناديه: بقولكم ايه، احنا هناخد ولاد قاسم يعيشو معانا لغيت مايرجعو من شهر العسل.
عصام: ومين قالك أنهم هيسافرو؟ انتي ناسيه أن قاسم بقا عمده البلد. لما يظبط حاله يبقو بسافرو.
ناديه: يعني حمزه وحازم هما اللى هيسافرو مع عرايسهم.
عصام: لاء برده، قاسم حكم عليهم بعد ما المشروع الجديد يخلص، وكمان حمزه لسه مترقي يعني لازم يبقو موجودين.
ليلي: احسن خليهم جاعدين، بتي هتوحشني.
عصام: لاء انا عايزك تفضيلي انا بس، بنتك خلاص اتجوزت.
اما صابرين فكانت تجلس مع لطفي في غرفه النوم.
صابرين: (بفرحه) ده انا كاني أول مره اتجوز يا ولاد.
لطفي: ده انا هعيشك ف سعاده طول عمرك يا قلبي.
صابرين: مبسوط مني عشان كتبتلك كل حاجه باءسمك وسجلتها ف الشهر العجاري؟
لطفي: انتي حبيبتي من غير اي حاجه.
ليسَمعو صوت طرق علي الباب.
لطفي: مين؟
كريمه: انا كريمه.
لطفي: خشي تعالي.
كريمه: صباحيه مباركه، الجماعه جم تحت.
لطفي: حمدالله على سلامتهم.
صابرين: جماعه مين؟
لطفي: امي وابويا واخواتي، أصلهم هيعشو معانا هنا.
صابرين: ازاي يعني؟
لطفي: له طبعا يا حبيبتي، عشان يخدموكي. وبعدين هما جم خلاص، ايه عايزاني اطرد اهلي؟ كده برده؟
صابرين: خلاص ماشي، لطىاحتفي، تعالي ننزل نسلم عليهم.
صابرين: روح وانا هغير وانزل وراك.
لطفي: علي راحتك بس متتاءخريش عشان بتوحشيني.
صابرين: (بفرحه) حاضر.
لينزل لطفي ليرحب بعاءلته.
ام لطفي: ايه الجمال ده كله، البيت ده كله بتاعنا؟
لطفي: اه يا اما، انتي وابويا هتقعدو ف اوضه العمده.
اخواته: واحنا يا أبيه؟
لطفي: كل واحد يختار الاوضه اللي عايزها.
والد لطفي: بس اخواتك سبعه، اربع بنات وتلت ولاد غير اخواتك البنات المتجوزين.
ام لطفي: هما زمانهم علي وصول، يا تري ليهم مكان بعيالهم وجوازهم؟
لطفي: اه طبعا، البيت يساع الكل.
