رواية عدوي الحبيب الفصل الرابع بقلم رزان عزالدين
-يعني انت شايف اني المفروض افصلها؟
-اه
-تمام، انتِ مفصوله ي جندية تغريد خالد الچافني
سلمي حاجتك...
عيوني اتسعت وانا مش فاهمة
ليه كان مُصر انه يخرجني من الجيش ودلوقتي فعلا قدر!!
يوسف طلع من الصفوف وقال بانفعال:
-بس ده مش عدل!!
دي اول مرة لينا كتدريب واكيد مش هنبقي متماسكين!!
حسام زاعقله بجنون:
-متدخلش في اللي ميخصكش!!!
يوسف صوته علي:
-لأ يخصني عشان ده ظلم!!
كل ده كان بيحصل وسط صدمتي اللي لسه مافوقتش منها، اللواء اتكلم:
-اخرسوااا!!
حسام بص ليوسف بغضب بعدين بص للواء وسكت
اللواء كمل:
-هستناكِ تسلمي حاجتك في المكتب ي تغريد
وانت ي يوسف مالكش دعوة بأي قرار اخده انا او حسام
سامع؟!
-تمام ي حضرة اللواء
اللواء مشي وانا لسه واقفه بحاول استوعب
اول ما مشي حسام بصلي
بصيتله وانا الدموع في عيني
-استفدت ايه لما بوظت حلمي اللي بشتغل عليه من سنين؟
قال بهدوء رغم حدته نظراته:
-دي حاجة مش هتفهميها دلوقتي
-والمفروض افهمها امتي؟!
سكت شوية وقال:
-لما ييجي وقتها
بعدين لف وقال للجنود:
-اجهزوا علشان نبدأ تدريب
كلهم راحوا ومتبقاش غيري انا ويوسف وحسام
يوسف كان واقف قدامي
حسام كام بيظبط الاسـ*ـلحة
وانا كنت باصه للأرض
رفعت راسي وبصيت ليوسف اللي كان باصصلي بحزن
-باصصلي كده ليه؟
-زعلان
-ليه؟
المفروض انا اللي ازعل
-زعلان عشان مش هشوفك تاني...
اتجمدت من كلامه وارتبكت
مقدرتش اسأل غير حاجة واحده
-ليه..؟
-عشان...عشان بحبك ي تغريد
-يوسف انا..
ملحقتش اكمل كلامه وفجأة حسام ضرب يوسف و وقع علي الارض ونزل كمل ضرب فيه
-حــســام!!!
حاولت احوشه عنه لغاية م هو بعد عشان متبقاش حته في وش يوسف سليمة وصرخ:
-لو شوفتك بتكلمها نص كلمة حتي لغاية م تمشي من المركز اقسم بالله م هسيبك حي!!
بعدين لف ومشي وهو متعصب
روحت بسرعة ناديت زمايلنا عشان يودوا يوسف للمركز الطبي وفعلا عملوا كده
إنما انا بدأت الم حاجتي وانا منهارة
كل حاجة حواليا بقت غريبة
اطردت من الجيش
يوسف بيحبني
وحسام؟ معرفش!!
حسام غريب!
مش قادره افهمه من اول م قال للواء اني مصلحش اكون في الجيش لحد م ضرب يوسف
خدت هدوم الجيش وعليهم الشارة واتوجهت لمكتب اللواء، او اتوجهت للمكان اللي هنهي فيه حلمي
الباب كان مفتوح مفتوح شوية وكنت سامعة صوت اللواء وهو بيزاعق لحسام بسبب اللي عمله في يوسف
خبطت علي الباب فاللواء سكت شوية بعدين قال:
-اتفضل
دخلت وحسام بصلي ووقف علي جنب عشان اعرف اعدي
حطيت الحاجة علي مكتب اللواء ووقفت وانا باصه للأرض
اللواء اتنهد بعدين اتكلم:
-انتِ كنتِ من اشطر الناس اللي شوفتهم في مسيرتي
بس بحكم ان العقيد حسام هو اللي بيدربك فأكيد شايف حاجات انا مش شايفها
صح ي حسام
حسام سكت شوية بعدين اتكلم:
-تغريد من افضل الجنود عندي
بس في حاجات مينفعش تبقي موجودة في صفات الجندي وللأسف عندها
و كمان انا...
وسكت فجأة
اللواء بصله بتركيز وقال:
-انت ايه ي حسام؟
حسيت انه ارتبك
-ا...انا مـ...مش شايف أنه يعني...اه مش شايف ان البنات تنفع في الجيش
بصيتله بقرف وقولت:
-البنات تنفع في الجيش عادي
بس حضرتك اللي بتقف ع الغلطة
بعدين بصيت للواء وقولت:
-بعد اذن حضرتك انا عايزة امشي
-اتفضلي
خرجت وانا شايلة شنطتي
واتوجهت للباب الرئيسي
-تغريد استني!!
بصيت ورايا
كان يوسف
وشه كان فيه تعاوير كتير
-يوسف انت كويس؟!
-اه انا كويس الحمدلله
بس كنت عايز اطلب منك حاجة قبل م تمشي
-قول
-انا عايز رقم والدك
-ليه؟
-عشان اتقدملك
-اهه...بس انا بصراحة مش عايزة اتجوز دلوقتي
-انتِ بتحبي حد؟
اتوترت وقبل م ارد فجأة لمحت حسام جاي من بعيد شوية وبيبص علينا بغضب
-يوسف!!
امشي بسرعة!
-ليه؟
-حـ...حسام
يوسف بص وراه ببرود ومتحركش لغاية ما حسام وقف قصاده
-خلصت مُحن؟
روح ع عنبرك
-لأ ي حضرة العقيد، مخلصتش
شد ع قبضه ايده وانا خدت بالي فاتكلمت بسرعه بتوتر:
-هو مقالش او عمل حاجة عيب ي حضرة العقيد حسام
كل اللي طلبه رقم والدي
-وانتِ هتيهوله!!
-اعتقد ان دي حاجة متخصكش!!
-لأ تخصني!!
-تخصك ليه؟!
-عشان...
عشان المركز م معمول للحبايب ده مركز تدريب للجيش!
-وهي هتفرق الدقيقه اللي هقفها معاه!؟
انت مالك بيا ي حسام!!
زفر بضيق وقال ليوسف:
-دقيقتين لو مالقيتكش جوا هتزعل مني
-تمام
وسابنا ومشي
يوسف بصلي وابتسم
-بتحبيه صح؟
-هو مين؟
-حسام
ارتبكت جدا
-لـ...لأ انت بتقول ا...ايه
-باين عليكِ ي تغريده
وكمان...باين عليه
-لأ طبعا ي يوسف
هو بيعمل كده عشان بيكرهني م اكتر
-وهو لو بيكرهك هيضربني عشان قولتلك اني بحبك؟
-عشان كان متعصب
ضحك وقال:
-انتِ هبلة والله
عمومًا اشوفك ع خير
سلام
-سلام..
مشي وانا خرجت من المركز
سيبت حلمي ومشيت
والحاجة اللي انا بحبها كانت السبب اني اسيبها...!!
ــــــــــــــــــــــــــــــــــــــــــــــــ
اول م قالها انه بيحبها الدم غلي في جسمي، ومحستش بنفسي غير بعد م شوهـ*ـتله وشه
لأ وبكل بجاحة بيطلب رقم باباها!
وكمان هي وافقت!!
كنت قاعد في الساحة ع اعصابي لغاية ما يوسف عدي
فجأة وقف وبصلي بعدين قال بهدوء:
-متقلقش
مادتهونيش
عملت نفسي بارد عكس الفرحه اللي جوايا وقولت:
-انا مالي؟
ضحك وقال:
-هتعمل نفسك مش مهتم بعد م اديتني علقه؟
ابتسمت غصب عني وقولت:
-معلش انا آسف
-مش معقول!!
العقيد حسام بذات نفسه بيعتذر!
-اسكت بقا عشان مديلكش علقه تاني
-خلاص بقا قلبك طيب
حسيت بندم اني ضربته فروحت طبطبت ع كتفه وقولت:
-انا غلطت لما ضربتك
-حصل خير الحب اعمى برضو
بصيتله باندهاش
-الحب!!
-اه الحب، انت فاكرني م عارف ولا ايه
-احمم، روح ناديهم وتعالي يلا عشان نبدأ التدريب
غمز وقال:
-حااضر
ومشي
هو انا مفضوح للدرجة بجد؟
خلصنا التمرين ودخلت العنبر عشان اتأكد انهم كاملين
العنبر كان مختلف
كان هادي جدا
مافيش ضحك زي العادة..
مافيش كلام..
مافيش تغريد..
عدي اسبوع، شهر، شهرين
والحقيقة وحشتني جدا
وحشتني ضحكتها
كلامها
نظرتها
عنادها
كل حاجة فيها وحشتني
والحمدلله اخدنا اجازة نروح فيها لاهلنا
لميت هدومي وركبت العربية
واتجهت لبيت اهلي وهي مش طالعة من تفكيري، والله م طلعت من تفكيري يوم واحد حتي..
اول ما وصلت استقبلني بابا
الوحيد اللي اتبقالي بعد وفاة ماما واخويا الله يرحمهم في حادثة
اول م وصلت سلمت عليه ودخلت اوضتي اغير واخد دش، وطلعت وانا ساكت
لأول مرة من ساعة م بقيت عقيد ماحكتلهوش عن اي حاجة
-مالك ي حسام؟
ساكت ليه؟
-مافيش يا بابا
-قول ياض انا سامعك
ضحكت وقولتله:
-الحوار بس انه في بنت شاغله بالي
-بجد!
غريبة دي، مين؟
-جندية كانت بتدرب معايا
وحبيتها..
حصلت مواقف خليتني بقيت خايف عليها طول الوقت فـ...
-فـ ايه؟
-فقولت للواء انها متصلحش تبقي في الجيش
-احكي، انا سامعك
حكيتله كل حاجة
-طب هي اسمها ايه؟
-تغريد، تغريد خالد الچافني
-خالد الچافني!!
-اه، اللواء
-هو...انت متأكد انك عايزها؟
لاحظت علامات الضيق اللي في وشه واستغرب
-هو في حاجة؟
اتنهد وقال:
-خالد الچافني كان صاحبي زمان، كنا اقرب اتنين لبعض من ايام ابتدائي
حصل بينا خلاف كبير ومن ساعتها مش بنتكلم
-ليه؟!
-اللي حصل انه...
@فلاش باك
-انت شايف انك صح ي خالد؟!
-علي اساس ان انت اللي صح ي ايمن؟!
-اه صح، عشان ماكونش انا قايلك علي سر ومحلفك باسماء ربنا الـ99 وفي الاخر تروح تقوله لواحده متسواش!!
-انا ماقولتش لحد ي ايمن!!
انت ازاي اصلا تصدق حاجة زي دي عليا!!
وبعدين انت اكتر واحد عارف اني مبكلمش بنات!
"أيمن على صوته"
-اومال ايه الاسكرينات دي يا خااالد؟!
-معرفش!!
-انا مش عايز اعرفك تاني!
-ولا انا يعم غور في ستين داهيه
"ومن اللحظة دي خالد الچافي وأيمن الجُهري متكلموش تاني"
@باك
-يعني بجد انتوا اتخاصمتوا علشان كده؟
طب وانا؟
وتغريد؟!
-حبك لتغريد مالهوش علاقه بيا انا وخالد
وهو عقله كبير كفاية انه يعرف حاجة زي دي
اللي انا عايزه منك انك تتأكد من حبك لتغريد
-ازاي؟
-شوف انت بقا ي حَبّيب
يا ترى، ايه الطريقة اللي تخليني اعرف اتأكد من حبي لتغريد...؟
ــــــــــــــــــــــــــــــــــــــــــــــــ
عدي خمس شهور
فتحت عيادة وبدأت اشتغل كدكتورة سنان
واندمجت في شغلي بسرعه
حسام وحشني؟
اه وحشني بس مش طايقاه
في يوم روّحت البيت اخيرا
-تغريد حبيبتي
-نعم يا بابا
-صحابي القدام عاملين حفلة بكرا وكله هيجيب مراتاتهم و ولادهم
امك هتيجي، تيجي معايا؟
-اوكي
-ماشي ي سكر
نمت واليوم اللي بعده جيه
لبست دريس نبيتي ولميت شعري ديل حصان وحطيت ميكب خفيف، كونسيلر وماسكرا وليب جلوس وبلاشر خفيف
-ايه الجمال ده
ماما قالتله بغيظ:
-وانا ايه يخويا؟!
-انتِ ست الجمال ي حبيبتي
قولت وانا بضحك:
-اوعاا بقاا
ضحكنا كلنا ونزلنا
ركبنا العربية و وصلنا لقاعة كبيرة اوي
دخلنا وسلمنا علي ستين شخص لغاية م بابا وقف وفضل باصص لحد و...ايه ده حضرتك؟!
ايه اللي جاب حسام!!
-بابا هو مين ده؟!
-أيمن الجُهري
صاحبي...او كان صاحبي
-ا...اقصد اللي جنبه
-مش عارف، ممكن ابنه
فجأة حسام شافني
اتردد شوية بعدين جيه اتجاهنا هو وعمو ايمن بخطواته الثابته اللي اتعودت عليها
عمو ايمن وقف قدام بابا واتنهد
-ازيك ي خالد...
بابا مردش عليه وخده بالحضن
فضلت انا وحسام باصينلهم ومبتسمين
بابا طلعه من حضنه وقال:
-وحشتني ي صاحبي
-وانت كمان وحشتني ي حبيبي
-تعالي بقا عشان نصفي الحسابات
-معاك اسـ*ـلحة؟
بابا ضحك بصوت عالي وقال:
-لأ متقلقش
بابا سلم علي حسام وعمو ايمن سلم عليا ومشيوا
-احمم
بصيتله وقولت بهدوء:
-ازيك ي حضره العقيد؟
-ما بلاش رسميات بقا
-بلاش رسميات ليه؟
كنت مين عشان اتكلم معاك براحتي؟
-تغريد انا...
-بعد اذنك
وسيبته ومشيت
قعدت علي طرابيزة فاضية عشان لو كنت وقفت ثانية كمان معاه كنت هضربه
هو بجد انسان مستفز لدرجة انه جاي يقولي بلاش رسميـ...
قطع تفكيري صوت ضرب نار وصويت
وفجأة النور قطع
صويت، جري، ضرب نار
وانا واقفه مكاني مش قادره اتحرك
وفجأة حد شدني وكتم بُقي بايده
-اهدي، انا حسام
شال ايده من علي بُقي براحه وشاورلي اسكت
طلع مسدسـ*ـن، ادالي واحد وخد التاني
-اتحركي معايا بهدوء
-الدنيا ضلمة انا...انا مش شايفة حاجه
مسك معصمي ببطء وبدأ يشدني وراه
روحنا لمكان معرفتش اشوف معالمه كويس
-اقعدي هنا لغاية م اجي
-ازاي!!
انا مش هسيبك لوحدك!
-متقلقيش، باباكِ لواء وهيساعدني
-بس انا...
زاعق:
-متعانديش!!
سكت وهو طلع
عدت دقايق من ضرب النار لغاية م النور رجع فجأة وكل الاصوات اختفت
طلعت براحه و وصلت للقاعة الكبيرة
بابا كان واقف مع حسام وسط جثـ*ـث كتير بيتكلموا
فجأة حسام شافني وجيه ناحيتي وبابا هز راسه بمعني "كله تمام"
-تغريد انتِ كويسة؟!
-اه..
بابا جيه وسألني:
-مشيتي ازاي؟
-حسام ساعدني
بابا بص لحسام بصدمه وقال:
-انت عارف انك ممكن تتفصل بسبب الحركه دي!؟
ابتسم وقال:
-عارف
بابا طبطب ع كتفه وقال:
-شكرا ي حسام
اسيبكوا تتكلموا شوية بقا
ومشي
بصيت لحسام وسألته:
-ليه هتتفصل؟!
-علشان وسط كل الناس اللي كان المفروض احميهم، حميتك انتِ بس
وده مخالف للقانون
-طب ليه عملت كده؟!
-عشان انتِ مهمة بالنسبالي ي تغريد
مستعد أضحي بحياتي عشانك
حتي لما خليت اللواء يفصلك كان عشان خايف عليكِ!
خايف تتأذي وانا ابقي مش عارف اعمل حاجه!
بعدين سكت شوية وقال:
-تغريد انا بحبـ...
فجأة رصاصـ*ـة اخترقت كتفه...
و واحدة تانية اخترقت جنبه...
و وقع علي الارض قدامي..
-حــســـام!!!!
شكرا لزيارتكم عالم روايات سكيرهوم
