 |
رواية بيت الراوي الفصل الخامس بقلم فيروز
_ انتِ حبيبتي
فضلت باصه في عيونه وانا مش واعيه لي اي حاجه و مركزه فيها بس
عامله شبه المغيبه!
_ يعني اي
_ يعني بحبك انتي و زملتي دا كان إعجاب و اكتشفت فيما بعد أن كل دا مكنش حقيقي انا الي مكنتش واعي و مركز
و اصحابي الحمد الله اني بعدت عنهم و انتي السبب علي فكره لما سمعتك بتكلمي ريم و مريم عن الصحاب و كنت قاعد ماسك التلفون بس. مركز معاكي
انتي هديه من ربنا ليا
انتي فاهمه يعني اي انتي طوق النجاه الي ربنا بعته ليا ، امي كانت بتدعيلي افوق و ربنا ينجيني من الدنيا بعتك ليا و كنتي سبب من الاسباب
من بعد ربنا
انتي مش مدياني فرصه اتكلم و لا افهمك حاجه بتصديني علطول مينفعش تحكمي من بره اسمعي
_ مينفعش
_ لي
لي مصممه تتعبي لي مصممه تغيري النهايه و تخسري!
_ ما النهايه خساره اصلا
_ لا مش خساره انتي الي عاوزاها تبقا كده فوقي !
اخواتك معاكي
و اهلك موجودين
انا معاكي و خلاص بقيتي مراتي !
هنعوز اي اكتر من كده الحمد الله والله
حتي يبلغ الحمد منتهاه
_في حاجات لازم اصفيها يا فارس
لازم باب امي و ابويا دة يتربس كمان
عاوزه اعيش
عاوزه اعرف اخد نفسي
عاوزه اعيط نفسي اعيط بجد ، عاوزه افتكر حاجات كتير
عاوزه اجواب كل الاسئله الي جوايا و الي كل يوم بتموتني
عاوزه ابطل الادويه و ادويه الاكتئاب و المهدئات و ارجع شغلي تاني
اتحرر من الوجع ، حاجات كتير اوي يا فارس انت مش عارف حاجه
_ هعرف. و هتعرفني كل حاجه بس مش دلوقتي
هنكمل مشوارنا و ندور علي مامتك و انا معاكي و مش هسيبك و كلوا هيتحل و احنا سوا
_ يعني انت بتحبني بجد و لا شفقه
_ بجد اقسم بالله، قوليلي بس انتي بتحبي شفقه
بقالي٣٠ سنه سنجل و بقالي سنه كاتب الكتاب علي الي بحبها و فاكره اني مش بحبها يخربيت التخلف !
مفيش بربع جنيه عقل والله
_ حاسه اني بتهزق سيكه
_ حاسه مش متأكده
مش بقولك مفيش بربع جنيه عقل
_ طب تصدق بقا كنت هقولك اني بحبك انت كمان بس كنت
بصدقك علشان خايفه علشان مائزكش بس انت حلال فيك الاذيه و مش قيالك حاجه
لفيت افتح باب العربيه
_ تؤ تؤ اهدي
قولتي اي
_ اني مش هكلمك
_ لا قبل الهري الي فات دا كلو
_ هري !
انت مسمعتش انا قولت اي كل دا !
_ لا عملت ايرور بعد انا بحبك دي
_ عملت ايرور لي !
_ اصل بعيد عنك عاوز اسمعها من ٣ سنين ي دكتوره
ربنا يرزق كل مشتاق يارب
_ ٣ سنين!
يارب
سكتنا شويه و احنا بصين لبعض و بنضحك _ يلا مش وقت
نحب في بعض
_ يلا مفسده اللحظات السعيده انتي
_ مش هفسدها في فرحنا ان شاءالله
_ ارجو من الله
فتحلي الباب و ركبت و بدأنا نتحرك
علي _ القاهره _
_ خدي كلي يلا
_ هات بقالي كتير مكلتش والله
_ اسبوع تكلي معلقه و تقومي
_ اسبوع !
عرفت ازاي
_ لا بصي انا راجل مرارتي مش مستحمله انا بقولك اهو هتفضلي كل شويه تتنحي كده مش هينفع
اه مركز معاكي مش بحبك اي الذكاء دا !
_ انا محبش كده اهدي علي نفسك شويه ها
_ حاضر
و يلا علشان الدوا
تنحت شويه و بصتله تاني و ضحكنا _ حاضر
واحده واحده بس اتأقلم
_ و مالو حاضر بس تتاقلمي انا اكره
كلت و خت دوايا و كملنا الطريق في هدوء و صمت انا بكرهه
بس حباه دلوقتي و مرتاحه فيه
مش خايفه و مش بفكر
هدوء و راحه و بس
_ تسمعي حاجه
_ و مالو
خد تلفوني عيش فيه
علشان عليه بلي لست من غير مزيكا نسمع براحتنا
و لا اقولك متشغلش انا مرتاحه كده
_ خلاص المهم انك مرتاحه
نامي شويه من الصبح شقيانه انتي
_ اه والله يبني من الصبح بجري منك و حرق دم و شويه دمي نشف و اي مرار طافح اقسم بالله
ربنا ميوريك
_ يارب مش حمل فرك انا انهارده اكتر من كده وراكي والله
ضحكت و سكت ثواني عدلت قعدتي مره واحده _ لا ثانيه
واحده بجد
_ اي دا في اي التحول دا
_ ريم و مريم نصبوا عليا !
ضحك بسخريه _ انتي لسه مستوعبه
_ والله لما اروحلهم
_ اهدي اهدي
_ اهدا والله لاطلع كل دا عليكم بس لما افوقلكم الصبر بس
و عاملين عليا حوار و فليم و لا و انا زي الهبله
و قال اي صعبت عليا و حسيت بالذنب. علشان قال اي بيقطموا فيك
ماشيي!!
ضحك
_ نزلني
_ هبل مش عاوز
_ بقولك نزلني
_ روح !
ضحكت و سكت و انا دمي محروق منهم
يا خساره تربيتي فيهم
_ هشغل حاجه وهوطي الصوت متقلقيش
اي رايك. تسلينا
_ علي راحتك
اداني التلفون افتحه و شغل البلاي لست بتاعتي و هدي الصوت
| ليه شديتنا الناحيه دي
قولها اي الدنيا دي !
و بتلف بينا و محتاسين مكنش في ضي قدامي
و اهو مشينا فيها علي عمانا ما بين عيوني مش ملينا!
و لي حكينا لناس مش سمعانا؟
قالو الحياه مش ديمالك
صوت الاغنيه بيتردد في ودني و الهوا بيطير شعري و ايد فارس مسكت ايدي و انا تبت فيها شبه العيله الي كانت تايهه و لقت اهلها فجأه و بدا يدندن مع الاغنيه و كل شويه يبصلي و انا اضحك و اغني معاه
شديني ليكي شديني حاولي دايما تلهيني و حبني زي مختيني
| نفسي اكون في حضنك ياما و تطبطبي عليا
و اخاف اكون لوحدي ياما ميسالوش فيا
ياما صعبت عليا نفسي و اهي حكمه الدنيا ! |
هربت دمعه من عيني مسحتها بسرعه و غمضت عيوني و رحت في النوم
