رواية المشاغبة والظابط الفصل السادس
ياسين: بقا تعملي المقلب ده ده انتي طلعتي شيطانه بس ودره صعبانه عليا
ورده: انا خايفه بعد كل اللي عملناه ده ياسين ميرضاش يتجوزني
ياسمين: لا ديه بتاعتي انا اصبري هنزل اشوفهم تحت وارجعلك تاني
ياسين: انزل انا اجعد تحت ولا كاني سمعت حاجه
ياسين:
(ينزل ويجلس بجانب والده وعمه)
اسماعيل: شوفت اللي جري يا ياسين بت خالتك ملبوسه وغير كده كمان عريسها فاتها والبلد كلها بيجولو عليها معيوبه وعملت حالها مجنونه عشان فضيحتها متتكشفش خلاص انا راسي اتحطت ف الطين طاب اجتلها يا ربي ولا اعمل ايه بس
اسماعيل: (يخرج طبنجته) انا هطلع اخلص عليها وتغسل عاري
شحته: في ايه اجنيت ياك انته بتك اشرف من الشرف
سنيه: (تدخل وهي تبكي) بجا ده البيت اللي كان كله فرح ورجص اتجلب ميتم وحزن
اسماعيل: انا بجولك جدام جوز اختك وولده انا هخلص عليها بتك ديه اللي جابتنا العار انا مجادرش اجيم راسي ف البلد
سنيه: وهيا بتي عملت ايه بس منهم لله اللي اذوها
اسماعيل: اذت نفسها جولت انا بلاش علام لكن له تبعتيها شوفي بجا من اللي ضحك عليها البلد كلها بتتحدت ف شرف بتك
سنيه: جطع لسان اللي يجيب سيره بتي بتي اشرف من الشرف ديه معمولها عمل والشيخ كتر خيره جالنا مين اللي عملوه
ياسمين: ايوه يا عمي حميده مرت خالي ورجاء بتها هما اللي عملوا العمل
سنيه: والشيخ كمان طلع الطرحه بتاعت بتي اللي كانت ضايعه ليها مده
اسماعيل: كلام ايه ده
شحته: اسمع يا ابو ورده احنا بكره ف صلاة الضهر وأهل البلد كلهم ف الجامع هنطلب من شيخ الجامع أنه يخطب ف الناس ف صلاه العصر ونجيبو الشيخ اللي جال علي العمل ويحكي هو كل حاجه عشان نبريء بتنا
اسماعيل: بس انا مش مصدج الكلام ده
ياسين: سهله يا عمي هنجيبو مرت خالي وبتها ف الجامع ونحلفوهم علي كتاب الله وهما بجا يجولو كلام الشيخ ده صح ولا كدب ولا ايه ياست ياسمين
ياسمين: (تشعر بالقلق) اللي تشوفوه
ياسين: (في سره) وحياه امك لاربيكي يا ياسمين
---
ياسمين: طاب انا هروح اطمن علي ورده
ياسين: اه اطلعي اطمني عليها عشان تشوفي هتعملي ايه
ياسمين: اعمل ايه ف ايه
ياسين: له ولا حاجه
ياسمين: هو بيكلمني كده ليه يكون كشف حاجه له ده غبي وعمره مهبكشفني
(تتركهم وتصعد)
ياسمين: شكلنا كده روحنا ف داهيه
ورده: ليه حصل ايه
ياسمين: (تقص عليها كل ماحدث)
ورده: الله يخربيتك غرجتيني ياريتني مسمعت كلام منك لله
ياسمين: اخرسي بجا خليني افكر
(تضع يدها على رأسها) بس فكره جميله
ورده: جوللي يا نصيبه
ياسمين: اكتمي خليني انفذ خطتي
(تتصل ياسمين على الحباش)
ياسمين: هاه عرفت هتعمل ايه
حباش: انتي عايزه توديني ف داهيه انا مستحيل اعمل كده
ياسمين: حتي لو اديتك عشرين ألف غير العشرين بتوع امي وكمان هتطلب من امي سلسله دهب عشان تربط بيها الجن جاك جن لما يخربطك
حباش: بس أهل البلد
ياسمين: جاتك الهم ده انته هيتعملك دعايه ببلاش اخلص جولت ايه
حباش: خلاص حاضر اللي تشوفيه وربنا يسترها من عنده
ياسمين: تنفذ اللي جولتلك عليه بالحرف لا تزود ولا تنجص
حباش: حاضر والفلوس ها اخدها منك ازاي
ياسمين: بعد متخلص اللي طلبته منك هحولك المبلغ علي المحفظه بتاعتك
حباش: وانا هنفذ الخطه زي ما رسمتيها بجولك ايه متاجي تشتغلي معايا
---
ياسمين: اشتغل معاك طاب غور بس اشتغلت عليك بطنك ماتوعي ولا تستوعي يا حباش يا ابن هيا امك اسمها ايه
حباش: نواعم
ياسمين: (تضحك) يا حباش يا ابن نواعم ياله روح خدت وجت كتير وانته رغاي كده
حباش: اصل عاجبني مخك جوي ده انتي لو معايا نعملو ملايين معايزش منك غير انك تفكري بس
ياسمين: مجولنا لم دورك ناجصاك انا اه صح استني انته هتجول لخالتي أن لازم ياسين واد عزيزه يتجوز ورده ف اجرب وجت عشان هو من دمها وعشان الجن العاشق ميخلصش عليها جولها لو متجوزهاش ف خلال يومين اللي انته خدت العهد بيهم من ملك الجن يبجا عشيره الجن كلها هتلبس بتك وهيخلصو عليها وممكن كمان يخلوها تجلع هدومها وتمشي ف البلد تعجط الناس بالطوب وبعد كده الجن يخلص عليها اي خدمه فكره جديده ابجا انصب بيها بعد كده علي المغفلين
حباش: يا ابوي ديه فكره متاجيش علي بال الابالسه
ياسمين: ياله بجا اتصل بامي وخليها تاجيك وجولها هاتي ام العروسه الماءذيه معاكي
حباش: حالا هكلمها
ياسمين: اصبر اكيد هتجولك هجيب ابوها وعمها معاي جولها وماله هاتيهم وابجا اعملك كام حركه معفرته كده جدامهم وانته فاهم الباجي ياله روح وجعت مخي
---
حباش: بت شياطين انتي
ياسمين: طاب خلص ياله
(يغلق حباش الهاتف ويتصل على الست عزيزه)
حباش: لو سمحتي يا ام ياسين تعالي وهاتي ام العروسه معاكي
عزيزه: حاضر جايين اهو
اسماعيل: الشيخ ده؟
عزيزه: اه هو
إسماعيل: جوليله أننا هناجو معاكم
عزيزه: تعالو مش هيجول حاجه
(يذهبون إلى الحباش)
شحته: بجولك ايه يا شيخنا عاوزين نتجمعو ف صلاة العصر عشان تحكي الحكايه كلها لاءهل البلد وتبريء البنيه الغلبانه ديه
حباش: وماله ميجراش حاجه وربنا ياءذي المؤذي
عزيزه: وكمان حميده وبنتها هياجو ويحلفو علي كتاب الله
حباش: وانا كمان هحلف ديه سمعه بنيه
اسماعيل: الله يرضى عليك
(يخرج اسماعيل رزمة ماليه)
اسماعيل: خد يا شيخنا
حباش: له كتر خيرك
عزيزه: خد يا اخوي ده انته تستاهل الدنيا كلها
حباش: طاب في حاجه عايز اجولها انا حضرت الخدام وجالولي الحل الوحيد أن ورده تتجوز ياسين واد خالتها غير كده البنيه هتجن ولمؤاخذه هتجلع خلجاتها وتعجط الناس بالطوب وغير كده لازم الجواز يتم ف خلال يومين عشان العهد اللي انا خدته علي الخدام
عزيزه: وماله ده يبجا يوم المني
شحته: والله ده تبجا طاجه الجدر انفتحت لولدي
سنيه: (بحزن) طاب وياسين هيرضي يتجوزها ماانتو عارفين ياسين مراضيش يتجوز
شحته: له يتجوزها غصبن عنه
سنيه: يحلها ربنا
اسماعيل: متنساش معادنا ف الجامع ياشيخ
حباش: جبل صلاه العصر هتلجوني هناك إنشاءالله
---
(يخرج الجميع من منزل حباش، الرجال للمسجد والستات لمنزل سنيه)
ياسمين: هاه عملتو ايه
خالتها: (تقُص ما حدث)
ياسمين: اسمعو بجا لو عايزين ياسين يوافج يتجوز ورده يبجا انتي ياخاله تكلميه وانتي بتبكي وتتحايلي عليه وتجوليله حتي لو تتجوزها شهرين تلاته عشان أهل البلد وبعدين تطلجها
ياسمين: وانتي كمان يا اما فاهمين بدل ما البت تجنن مناجصينش فضائح وسط الناس بس عايزاكم تكلموه براحه
ياسمين: ومعلش يا خاله ابجي جوليله احب علي يدك ورجلك
ياسمين : معلش أن كان لك حاجه عند الكلب
عزيزه: جطع لسانك اخوكي كلب ده زينه شباب البلد كلها
ياسمين: طاب يا اختي هو راح بيتنا اتصلي بيه خليه ياجي
---
(تتصل عزيزه بياسين)
عزيزه: تعالي يا ولدي بيت خالتك عايزينك ضروري
ياسين: جسمي واجعني وعايز اريح يا اما
عزيزه: معلش تعالي بس وابجا ريح بعدين
ياسين: حاضر جاي اهو
ياسمين: اما انا هطلع اشوف ورده
سنيه: خديلها معاكي وكل خليها تسند جلبها
ياسمين: حاضر وبالمره اكلي لجمه معاها
عزيزه: روحي يا بتي ربنا يعدلهالكم
(تدخل ياسمين المطبخ، تعد الطعام وتصعد لورده)
ورده: بت حلال ده انا هموت من الجوع
ياسمين: تعالي اطفحي مشحططاني معاكي بس خلاص هانت ياسين جاي وامي وخالتي هيتحايلو عليه عشان يرضي يتجوزك
ورده: يارب يوافج
ياسمين: عيب عليكي انا خططي متخرش المايه
---
أما ياسين فكان قد وصل إلى منزل خالته
ياسين: خير يا اما فيه ايه
---
---
عزيزه: اسمع يا ولدي أنته لازم تتجوز بت خالتك
ياسين: بت خالتي مين
عزيزه: ورده هو في غيرها
ياسين: بس انتي عارفه يا امي اني مش عايز اتجوز ولابفكر ف الجواز من أصله
سنيه: احب علي يدك ورجلك استرنا يا ولدي بت خالتك سيرتها بجيت علي كل لسان اتجوزها وانشاالله تطلجها بعد شهرين ولا حاجه امانه عليك يا ولدي ابوها حالف يجتلها
عزيزه: لو ما اتجوزتش بت خالتك جلبي هيغضب عليك ولا توجف علي جبري ولا تاخد العزا في حتي
ياسين: ليه كده بس يا اما بعد الشر عليكي
(وقد أذن العصر)
شيخ الجامع: اسمعو يا أهل البلد في حد عايز يجولكم حاجه
(يأخذ الحباش الميكروفون)
الحباش: (يقص عليهم كل تم بينه وبين ياسمين)
(يحضر شحته حميده وابنتها)
شحته: بعد اذن شيخ احلفي يا حميده انتي وبتك علي كتاب ربنا انكم مروحتوش للحباش عشان نعملو عمل لورده بت سنيه
الحباش: انا مستعد احلف أنهم جوم عندي وادوني فلوس وجالولي اعمل عمل لورده واوجف حالها ومش ورده بس له ياسين وياسمين ولاد عزيزه
حميده: انته كداب
اسماعيل: خلاص احلفي علي كتاب الله أنه كداب
حميده: له محلفش
شحته: يبجا عملتي كده
حميده: اه عملت لهم هما التلاته عشان طالعين فيها وورده مرضيتش تتجوز شوجي ولدي وياسمين علي طول بتشتمنا وياسين مرضيش يتجوز رجاء
(يأخذ شيخ الجامع الميكروفون)
الشيخ: كده الحمدلله ظهر الحق وبتك يااسماعيل شريفه وعفيفه
---
اسماعيل: انا عارف ان بتي شريفه وعفيفه لكن فرحتنا اللي انكسرت دي ولا عريسها اللي فاتها ولا الجن اللي ف جتتها اهل البلد جميعا لازم حميده وبتها يرحلو من البلد
اسماعيل: حتي لو مشيو من البلد عجل بتي هيرجعلها منكم لله حسبنا الله ونعم الوكيل فيكم
عزيزه: جولت ايه يا ولدي
سنيه: خلاص يا اختي الكلام لهوش عازه ولدك مراضيش ببتي الحمدلله على كل حال بتي ليها رب كريم
ياسين: خلاص يا خاله انا هتجوزها وها أخدها تعيش معايا ف مصر
سنيه: (تبكي من الفرحه) الله يسترك زي ما هتسترنا الله يسعدك ويكرمك ياواد اختي
(يصل اسماعيل وشحته للمنزل)
ياسين: أبا بعد اذنك انا عايز اتجوز ورده
اسماعيل: (بفرحه) بتتكلم جد
ياسين: هو الجواز فيه هزار بس هنجول ف البلد أن ورده مسافره تتعالج ف مصر عشان عواد لوعرف اننا هنتجوز ميعملش معانا مشاكل ويجيب الحج علينا
شحته: كلامك عين العجل يا ولدي خلاص نسافرو كلنا مصر ونكتبو كتابكم هناك
اسماعيل: والله ملاجي كلام اجوله
شحته: ياراجل بتك هيا بتي وبعدين يعني واحنا نطولو الاستاذه ورده تبجي مرت ولدنا
---
عزيزه: خلاص هنتوكلو علي الله بعد الفجر ونوصلو يكون الصبح صبح نريحو و ياسين يكلم الماءذون ونكتبو الكتاب
ياسين: وماله حتي افسحكم ف مصر
سنيه: احنا هنرجعو ف نفس اليوم
ياسين: ابدا علي الأجل تجعدو معانا كام يوم وسامحوني مافيش دخله غير بعد كام شهر نكون اخدنا علي بعض وياسمين اختي هتجعد معانا
عزيزه: ياريت ياولدي يمكن ياجيها عدلها اسماعيل اللي تشوفه يا ولدي
---
سنيه: انا هطلع اجول لورده ولو انها ف دنيا غير الدنيا
ياسين: خلاص ياخاله البلد كلها عرفت المؤامره اللي اتعملت علينا
شحته: استني يا ام ورده شبكه ورده ومهرها وكل عوايزها من عيوني
اسماعيل: كتير كده ياشحته مليكش صالح انته البت بتي والواد ولدي
