رواية حكاوي الليل الفصل السابع 7 والاخير بقلم رنا سليمان

_جواز؟!..... جواز اية دا يا ماما اللي بتتكلمي عنه

_جواز اياد من كارما يا يُسر......هو انتي متعرفيش ولا اية......انا افتكرتك عارفه.....انا شكلي بوظت الدنيا خالص ولا اية

_لا يا ماما انا كنت عارفه من الاول.....اياد قايلي من اول يوم انه بيحب كارما وانه هيتجوزها بس كان مستني الوقت المناسب

_يعني انتي عارفه؟!

_ طبعا عارفه يا ماما.....بس هو مخلي الموضوع سر علشان خايف ل بابا يزعل أو يحصله حاجة

كان واضح عليها انها مصدومة

_الله يا حبيبتي انا شايفة انك لازم تطلبي الطلاق منه.....انا مش فاهمه انتي ازاي عارفه انه متجوز عليكي ومكمله معاه بردو

_انا وهو اتفقنا على الطلاق يا ماما.....بس مستنين لما حالة بابا تبقي احسن علشان تبلغه بالخبر قبل ما ناخد اي خطوة

_دي احسن حاجه ليكي يا يُسر.....انا خايفه عليكي يا حبيبتي من كسرة قلبك لو فضلتي على الحال دا 

_عارفه يا ماما

_طيب يا حبيبتي.....بقولك اية اوعي تقولي ل اياد اني قولتلك اي حاجه

_حاضر....من عنيا

قرب علينا

_طب اية.....هتفضلوا قاعدين في المطبخ هنا وسيبنا لوحدنا ولا اية

_لا ابدا......دا احنا خلاص كنا جايين حالا اهو يا حبيبي

_طيب يا حبيبتي.....بابا كان عايزك.....روحي شوفيه عايز اية

_حاضر يا حبيبي

سبتنا ومشيت.....قرب عليا.....اتكلم وهو مبتسم

_تسلم ايدك.....الاكل كان تحفة

_صحة وعافية

_هو في حاجة ولا اية يا يُسر.....هي ماما قالتلك حاجه دايقتك

_ها.....لا ابدا......انا بس تعبانة شوية

_مالك يا يُسر....في أية

_مفيش حاجه يا أياد.....تلاقيني بس علشان واقفه في المطبخ من الصبح فيمكن علشان كده

_طيب تعالي اقعدي وانا هجيب الكيكه والشاي واجي

_طيب خد انت الصنية بتاعت الكيكه دي وانا هجيب الشاي واجي

_ماشي

فتح باب الشقه ودخل قدامي وشاورلي اني ادخل......دخلت وانا ماسكة فستان الفرح في ايدي وعلي وشي ابتسامة..... قفل الباب وجاه وقف قدامي.....فضلت باصة في الارض ومبتسمة

_طيب بصي يا يُسر.......انا عمري ما حبيتك ولا هحبك في يوم.....الجوازة دي تمت علشان نرضي بيها بابا ربنا يشفيه.....لكن انا مستحيل انا افكر في اني احبك في يوم من الايام......انا بحب واحده تانية......هي اه سابتني وراحت ل غيري.....بس اكيد هتفهم أن محدش غيري حبها ولا حد هيحبها قدي....هي اكيد هترجع في يوم.....انا عارف اني مكنش ينفع اقول الكلام دا انهارده......لاني عارف ان دا اليوم اللي بتتمناه اي بنت وبيكون اسعد ايام حياتها......بس انا مكنتش هستني لبكرة علشان اقولك الكلام دا.....علي العموم كلها شهرين تلاته وهطلقك وكل واحد فينا يرجع ل حياته من تاني...... أن شاء الله تلاقي بعدها شخص يحبك وتحبيه.....انا كده خلصت اللي عندي..... تصبحي على خير

سابني ودخل الاوضة......قعدت على اقرب كرسي ودموعي بدات تنزل......كنت مصدومة ومش مصدقة اللي سمعته.....انا من صغري وانا بحب اياد وكان نفسي يكون من نصيبي...... انهارده كان اسعد يوم بالنسبالي علشان اتجوزته وبقي ليا خلاص.....قدر في لحظه منه يكسر قلبي ويفوقني من الحلم الجميل اللي فكرت نفسي هعيش فيه......بس انا مش هستسلم لا.....انا لازم احاول معاه مرة واتنين لحد ما يحبني.....مش هيأس ولا همل غير لما يحبني

دخلت الاوضه التانية وغيرت الفستان.....حاولت اني انام طول الليل لكن معرفتش.....قومت من على السرير......خرجت حضرت الفطار.....بدأت احط الاكل على السفرة ومع اخر طبق كنت بحطه كان بيفتح باب الاوضه وبيخرج منها.....بصتله وابتسمت

_صباح الخير.....كُنت لسة هدخل علشان اصحيك.....يلا الفطار جاهز

اتكلم وهو واقف مكانه

_شكرا.....مش عايز

راح قعد على الكنبة ومسك الريموت علشان يفتح التلفزيون......قربت منه وقعدت قدامه

_اياد.....احنا لازم نتكلم

_اعتقد أن مفيش كلام يقال بعد اللي انا قولته امبارح

_بالعكس يا اياد....انت قولت اللي عندك وانا سمعتك امبارح وجاه الدور انك انت اللي تسمعني

اتعدل في قعدته وبصلي.....اتكلم بزهق

_اتفضلي....خير عايزه تقولي أية

_بُص يا اياد.....انا مقدرة اللي حصلك وانك شخص حب واحده مكنتش ليه من البداية وقلبه اتوجع بسببها.....لاني زيك

بصلي بعدم فهم 

_يعني اية انتي زيي؟!.....هو انتي حبيتي قبل كده 

هزيت راسي ب اه

_طب وهو؟!

_مش مهم......المهم.....انت قولت اننا كلها شهرين تلاته وهتطلقني وتحاول ترجع ل حبيبتك.....انا عايزه اطلب منك اننا نتعامل ك أصحاب في الفترة دي

_مش فاهم

_يعني لما ترجع من شغلك نقعد مع بعض حبة نحكيلك يومك كان ماشي ازاي تقولي اللي مدايقك نقعد نتفرج على فيلم.....نعمل اي حاجه يا أياد.....انا هبقي قاعده هنا طول الوقت وهبقي مخنوقة ومحتاجة اني اقعد مع حد واتكلم معاه.....اية رايك ؟!

فضل باصصلي وساكت

_موافق يا يُسر.....بس انتي كمان تحكيلي على اي حاجه مدايقاكي في اي يوم

ابتسمت ب فرحه

_موافقة 

_طيب يلا نفطر بقي لاني بصراحه جعان اوي

_يلا بينا

روحنا علشان ناكل......كُنت فرحانه علشان وافق......فرحانة اني هقضي معاه وقت اكتر وهنتكلم اكتر......انا واثقه ومتاكده انه هيجي يوم ويحبني.....وانا هفضل مستنية اليوم دا بفارغ الصبر......عدا تلات شهور......كلامنا كل يوم كان بيزيد وقعدتنا مع بعض بقيت بتطول اكتر......بعد ما كان بيقوم ينام علطول بقي بيقعد معايا اكتر.....كان بيحكيلي عن أي حاجه مدايقاه......لو كان عنده مشكله في شغله كنت بقعد واحلها معاه 

كنت واقفه بحضر الاكل على السفرة قبل ما يجي.....سمعت الباب وهو بيتقفل..... خرجت من المطبخ وانا في ايدي الاطباق

اتكلمت وانا بحط الاكل على السفرة

_حمدلله على السلامة

_الله يسلمك

_ادخل غير هدومك عقبال ما احضرلك الاكل

مسك ايدي....بصتله ب استغراب.....اتكلم وعلي وشه ابتسامه

_غمضي عينك

غمضتها وانا مش فاهمه حاجه

_فتحي

فتحت لقيته ماسك سلسه في ايده عليها حرف ال y 

اتكلمت ب فرحه وانا باخدها من ايده

_دي ليا انا يا اياد

ابتسم وهز راسه ب اه

_انهارده اترقيت في الشغل......وانتي اكتر واحده تعبت معايا التلات شهور اللي فاتوا دول

_دي جميله اوي يا اياد بجد.....شكرا بجد بس مكنش ليه لزوم تتعب نفسك

_دي اقل حاجه تستحقيها يا يُسر 

بصتله وعلي وشي ابتسامة فرحه.....لبست السلسله وانا فرحانة

_يُسر هو انا ممكن اسألك سؤال

_اسأل طبعا يا اياد

_هو انتي لسة بتحبي الشخص اللي حكتيلي عنه

_انت لسة بتحب البنت اللي سابتك قبل جوازنا

سالت السؤال دا وكان عندي امل بسيط أنه يرد ب لا......كان نفسي يقولها وانا ساعتها كنت هقوله أن هو الشخص اللي حبيته وان مفيش غيره دخل على قلبي.....بس لتاني مرة قلبي يتوجع بسببه لما سمعت رده

_اه طبعا بحبها يا يُسر.....اية اللي هيخليني محبهاش يعني 

_وانا كمان لسة بحبه

_هو كمان بيحبك صح؟!

_معرفش.....ميهمنيش اذا كان بيحبني ولا لا.....المهم اني بحبه وعايزاه يكون مبسوط.....سواء انا في حياته أو لا

_يبخته بحبك ليه يا يُسر....اه صح انا نسيت اقولك.....ماما وبابا هيجوا يوم الخميس علشان يقضوا اليوم معانا

_اهلا وسهلا بيهم

_انا هدخل اغير هدومي واجي علشان ناكل

_ماشي

دخل غير هدومه.....حطيت باقي الاكل على السفرة وقعدت مكاني.....طلعت غبية......افتكرت انه بدا يحبني.....طلعت غلطانة لانه لسة بيحبها وعمره ما هيحب غيرها

جاه اليوم اللي اهله هيجوا يتغدوا معانا فيه...... حضرت كل الاكل اللي عمو وطنط بيحبوا وعملت كيكه علشان نحلي بيها.....من ساعة ما وصلوا وعمو كان طول الوقت بيعاملني كأني انا اللي بينته مش مرات ابنه

_اوعي يكون الواد اياد بيزعلك يا يُسر

_ازاي بس يا بابا....دا اياد شايلني جوا عينه الاتنين.....ربنا يخليه ليا يا رب

_يا رب اشوفكم دايما مبسوطين كده يا بنتي

_يا رب يا بابا يا حبيبي

مسك ايدي وابتسملي.....كملنا اكلنا.....خلصنا اكل وطول الوقت ومامته بتدايقني بكلامها ونظراتها ليا...... بدات اشيل الاكل.....جات وهي شايله طابقين في ايديها

_عنك انتي يا ماما انا هشيل الاكل.... حضرتك اتفضلي اقعدي وانا هجبلكم الكيكه واجي

_اصل كنت عايزه اتكلم معاكي يا حبيبتي شوية

_اتفضلي يا ماما.....في حاجه

_مش كان المفروض تاخدي بالك من جوزك وبيتك يا يُسر يا حبيبتي بدل اللي انتي فيه دلوقتي دا

اتكلمت ب استغراب وانا برتب المطبخ

_ماله اللي انا فيه بس يا ماما

_يا حبيبتي انا مش عايزاكي تخبي عليا حاجه.....انا عارفه كل حاجه من الاول

وقفت قدامها بعدم فهم

_بخبي اية يا ماما.....واية دا اللي انتي عارفاه من الاول

_عارفه يا حبيبتي أن اياد اتجوز عليكي الاسبوع اللي فات

بصتلها بصدمة

_انا بجد مش مصدقه.....دا انتو مكملتوش تلات شهور متجوزين.....معقول لحق يتجوز عليكي بالسرعة دي يا يُسر

_جواز؟!..... جواز اية دا يا ماما اللي بتتكلمي عنه

_جواز اياد من كارما يا يُسر......هو انتي متعرفيش ولا اية......انا افتكرتك عارفه.....انا شكلي بوظت الدنيا خالص ولا اية

_لا يا ماما انا كنت عارفه من الاول.....اياد قايلي من اول يوم انه بيحب كارما وانه هيتجوزها بس كان مستني الوقت المناسب

_يعني انتي عارفه؟!

_ طبعا عارفه يا ماما.....بس هو مخلي الموضوع سر علشان خايف ل بابا يزعل أو يحصله حاجة

كان واضح عليها انها مصدومة

_الله يا حبيبتي انا شايفة انك لازم تطلبي الطلاق منه.....انا مش فاهمه انتي ازاي عارفه انه متجوز عليكي ومكمله معاه بردو

_انا وهو اتفقنا على الطلاق يا ماما.....بس مستنين لما حالة بابا تبقي احسن علشان تبلغه بالخبر قبل ما ناخد اي خطوة

_دي احسن حاجه ليكي يا يُسر.....انا خايفه عليكي يا حبيبتي من كسرة قلبك لو فضلتي على الحال دا 

_عارفه يا ماما

_طيب يا حبيبتي.....بقولك اية اوعي تقولي ل اياد اني قولتلك اي حاجه

_حاضر....من عنيا

قرب علينا

_طب اية.....هتفضلوا قاعدين في المطبخ هنا وسيبنا لوحدنا ولا اية

_لا ابدا......دا احنا خلاص كنا جايين حالا اهو يا حبيبي

_طيب يا حبيبتي.....بابا كان عايزك.....روحي شوفيه عايز اية

_حاضر يا حبيبي

سبتنا ومشيت.....قرب عليا.....اتكلم وهو مبتسم

_تسلم ايدك.....الاكل كان تحفة

_صحة وعافية

_هو في حاجة ولا اية يا يُسر.....هي ماما قالتلك حاجه دايقتك

_ها.....لا ابدا......انا بس تعبانة شوية

_مالك يا يُسر....في أية

_مفيش حاجه يا أياد.....تلاقيني بس علشان واقفه في المطبخ من الصبح فيمكن علشان كده

_طيب تعالي اقعدي وانا هجيب الكيكه والشاي واجي

_طيب خد انت الصنية بتاعت الكيكه دي وانا هجيب الشاي واجي

_ماشي

اخد الصنية وانا روحت وراه بالشاي......باقي الوقت اللي كانوا فيه كُنت قاعدة مصدومة ومش مصدقة اللي ماما قالته ......مش عارفه ازاي قدر انه يخبي عليا ويعمل كده.....طيب لية مجاش وقالي اننا نطلق وراح يتجوزها......حقيقي انا مش فاهمه حاجه

روحنا انا وهو علشان نوصلهم

_ابقي خلي بالك من يُسر يا اياد.....حطها في عينك..... ياما انا اللي هقفلك.....فاهم؟!

مسك ايدي وباسها

_دي في عنيا يا بابا....متقلقش

_المفروض تقول ل يُسر تخلي بالها منه يا حاج مش العكس

_تعمل اللي هي عايزه تعمله فيه براحتها يا داليا.....ويبقي يفكر يعملها حاجه.....هو حر

ابتسمت انا وهو

_متقليش يا ماما.....اياد في عنيا انا كمان

_انا مش عارف انتو مصممين تروحوا لية انهارده متخليكوا انهارده وبكره تروحوا

_م انت عارف يا اياد.....ابوك مش بيرتاح غير في سريره

_طب على الاقل خلوني اوصلكم بالعربيه

_لا خليك جمب مراتك واحنا هناخد تاكسي ونروح.....يلا تصبحوا على خير

_وحضرتك من اهله

نزلوا.....قفل الباب وراهم وانا كنت دخلت علشان اروق البيت

_تسلم ايدك يا يُسر......الاكل كان تحفه بجد.....بابا وماما كانوا مبسوطين

_كان واضح عليهم فعلا

كُنت هدخل المطبخ بس هو مسك ايدي

_مالك يا يُسر.....اية اللي مدايقك

_مفيش يا اياد.....مانا قولتلك من تعب اليوم

_يُسر......متحاوليش تكدبي عليا...... قوليلي اية اللي مدايقك

_مفيش حاجه يا أياد صدقني

_احنا اتفقنا من اول يوم ان لو في حد مدايق من حاجة يجي ويحكيها للتاني علطول.....احكيلي انا سمعك

في لحظه كنت هقوله اني عرفت انه اتجوز عليا.....بس سكت لان ماما قالتلي متكلمش.....ولاني كُنت مستنية أنه يجي ويقولي هو......قعدت على اقرب كرسي وانا بحاول ابعد نظري عنه

_اصلي بصراحه اتبعتتلي رسالة دايقتني شوية

_رسالة اية دي

_صاحبتي بعتتلي ان كرم اتجوز

_بجد؟!......اقصد يعني اتجوز امتي

_من اسبوع.....لما عرفت ادايقت شوية

_ربنا يسعده.....تعرفي أن كارما كمان اتجوزت......افتكر انهم مكنوش من نصيبنا من الاول.....ربنا يسعدهم في حياتهم ويسعدنا احنا كمان في حياتنا الجاية

_ان شاء الله

_انا هقوم اساعدك في تنضيف البيت

_اياد

_نعم

_مش عايزه تقولي حاجه

_ها......لا ابدا يا يُسر.....هكون عايز اقولك اية يعني.....يلا علشان نكمل تنضيف وندخل ننام

_يلا

كملنا تنضيف في البيت وكل واحد فينا دخل اوضته علشان ينام......عدا شهر وانا مستنية منه انه يتكلم ويقولي انه اتجوز كارما أو حتي يفتحني في موضوع الطلاق بس مكنش بيعمل كده......بالعكس معاملته ليا كانت بتتحسن واهتمامه بيا كان بيزيد يوم بعد يوم.....مكنتش فاهمه حاجه

الساعه كانت ٣ الفجر.....كان بيخبط على باب الاوضه جامد......قومت وانا خايفه وقلقانة.....فتحت الباب بسرعة لقيته واقف بيعيط جامد

_مالك يا اياد في أية

_بابا يا يُسر بابا

_ماله بابا فيه اية

_ماما اتصلت بيا وبتقولي انه تعبان اوي.....واني لازم اروح دلوقتي واجيب معايا دكتور....انا خايف اوي عليه يا يُسر

_متخافش يا اياد.....أن شاء الله هيبقي بخير.....روح البس وانا كمان هلبس ونروح نجيب دكتور علشان يكشف عليه.....ان شاء الله هيبقي كويس متقلقش

لبسنا احنا الاتنين ونزلنا بسرعة...... واحنا في الطريق اتصلنا بدكتور صحبه وجالنا على البيت.....كُنت اول مرة اشوفه ضعيف وبيعيط كده......عمو دا احن قلب ممكن نقابله..... كان بالنسبة ليا اكتر من اب .....اياد طول عمره من وهو صغير بيحبه اوي.....عنده استعداد يعمل اي حاجه علشان يرضيه

كُنا وقفين مستنين الدكتور يكشف علي بابا ويطمنا..... كشف عليه وقام قرب مننا

_طميني يا احمد بابا ماله

_انا عارف انك مؤمن بقضاء ربنا يا اياد..... البقاء لله

_لا....انت اكيد بتهزر معايا يا احمد.....بابا مستحيل يسيبني.....هو عارف اني بحبه ومقدرش اعيش من غيره

قرب منه.....قعد على الارض ومسك ايده.....بدأ يتكلم من وسط عياطه

_بابا علشان خاطري قوم يا حبيبي.....قوم واوعدك اني عمري ما هزعلك وهعلك كل اللي انت عايزه والله

قعدت جمبه وحطيت ايدي على كتفه وانا بعيد

_اياد....اللي انت بتعمله دا مينفعش......دا قضاء ربنا......ربنا شايف ان كده احسن ليه.....اللي انت بتعمله دا مش هيغير حاجه

_بس انا بحبه يا يُسر.....مش هقدر اعيش من غيره

_وهو كمان كان بيحبك اوي.....بس مش هينفع اللي انت بتعمله دا......عياطك دا مش هيرجع يا اياد..... علشان خاطري خليك قوي علشان خاطري..... علشان تقدر تاخد بالك من ماما كمان

كانت قاعده بره الاوضه بتعيط ومش بتتكلم......مسح دموعه وقام قعد جمبها ومسك ايديها وباسها

عدا اسبوع وهو بيحاول يقف على رجله.....من الدفنه للعزا وهو مش مستوعب ولا حاسس ب اي حاجه......مكنش بياكل ولا بيشرب غير كل فين وفين......كان حابس نفسه في الاوضه بتاعت بابا ومش عايز يقابل حد.....حتي العزا مكنش عايز ياخد

دخلت عليه الاوضه وانا في ايدي صنيه الاكل.....قفلت الباب وقربت منه

_اياد الاكل جاهز

اتكلم وهو مديني ضهره

_مليش نفس....اطلعي واقفلي الباب وراكي

سيبت الصنيه على الترابيزه وقربت منه.....مسكته من ايده وخليته يبصلي

_انا عايزه افهم انت اية حكايتك.....بقالك يومين ولا بتاكل ولا بتشرب.....اوعي تكون فاكر أن بابا كده هيرجع ويبقي وسطينا من تاني.....تبقي غلطان اللي انت بتعمله دا مش هيوصلك غير للموت وبس يا اياد

_يكون احسن لما اموت على الأقل هكون روحتله

_لا لو بتفكر بالطريقة دي يبقي علي اية تموت بالبطيء

كان في علبة دوا موجودة على الترابيزة اخدتها وقربت منه.....مسكت ايده وحطيتله علبة الدوا في ايده

_اتفضل اشربها كلها......او اقولك...... رمي نفسك من الشباك......ولا دورلك على اي حاجه تموت بيها نفسك وتكون مُت كافر

رماها على الارض واتكلم بعصبية

_قولي كده بقي......انتي عايزة تخلصي علشان تروحي لحبيب القلب بتاعك

_حبيب القلب بتاعي؟!.....هو انا لو كنت عايزة اروحله كنت هفكر في طريقه اخلص منك؟!......لية مانا كُنت طلبت الطلاق منك..... على الأقل كنت هتروح ل الست هانم مراتك التانيه.....اللي مهنش عليها تيجي وتعزيك حتي في ابوك اللي مات

_اية الكلام الفارغ اللي بتقوليه دا......هانم اية ومراتي مين يا يُسر.....انتي اكيد اتجننتي

_عندك حق.....انا فعلا اتجننت.....اتجننت لما وافقت اعيش معاك وانا عارفه انك بتحب غيري......اتجننت لما بردو كملت معاك وانا عارفه انك متجوز عليا......اتجننت لاني حبيتك.....بس خلاص انا وانت لازم نعقل ونتطلق.....عن اذنك

كنت همشي.....مسك ايدي بعصبية

_استني هنا.....جواز اية اللي بتتكلمي عنه دا يا يُسر.....انا مش فاهم اي حاجه؟!.....هو انا لو متجوز عليكي هخبي لية؟!......مين اللي قالك الكلام الفارغ دا

_انت لسة بتحاول تكدب وتخبي؟!...... ماما قالتلي كل حاجه لما كانوا عندنا 

_ماما هتقولك كده ليه يعني أنا مش فاهم..... وبعدين هو انا هخاف منك يعني علشان اتجوز عليكي من وراكي يا يُسر

سحبت ايدي من ايده بعصبية

_دا اللي بحاول أفهمه.....لما انت بتحبها اوي كده وعايز تتجوزها.....ليه مطلبتش اننا نطلق زي ما كُنا متفقين وروحت اتجوزتها.......لية اتجوزتها عليا من الاول

_بردو هتقوليلي اتجوزت عليكي يا يُسر

الباب اتفتح......مسحت دموعي وبصيت عليها

_اياد انا عايزه اتكلم معاك شوية

بص عليها.....بدأ يتكلم بعصبية

_فعلا يا ماما.....احنا محتاجين اننا نتكلم ضروري.....ماما هو انتي قولتي ل يُسر اني اتجوزت عليها؟!

_ايوة قولتلها......مش دي الحقيقه بردو ولا انا متهيألي يا اياد؟!

_حقيقه اية يا ماما......امتي انا قولتلك اني اتجوزت علي يُسر أو حتي بفكر في الموضوع من الاساس

_مش محتاج تقولي......مش دا كان اتفقنا من الاول..... احنا اتفقنا من الاول انك هتنفذ كلام ابوك وتتجوزها علشان دا كان شرطه علشان يكتب كل املاكه ب اسمك وبعد كده هتطلقها وتروح تتجوز كارما......مش كده ولا انا غلطانة يا اياد؟!

بصتله ب صدمة......كان واقف ساكت وباصص في الارض 

_ساكت لية مترد عليها......انت فعلا اتجوزتي علشان الفلوس يا اياد؟!

_اومال انتي فاكره اية يا حبيبتي......مفكراه متجوزك علشان سواد عيونك ولا علشان واقع في حُبك....... وبعدين ما انتي عارفه من الاول انه متجوزك علشان يرضي ابوه وانه بيحب كارما من الاول......مالك مستغربه لية دلوقتي

بصيتله ب حزن...... الدموع كانت مالية وشي......اتكلمت وانا باصه عليه

_عندك حق......انا كُنت عارفه من الاول......بس معرفش انه واطي للدرجة دي.....انا كُنت فاكرة انه اتجوزني علشان بابا الله يرحمه كان عايز كده وهو علشان بيحبه وافق على طلبه.....بس مكنتش اعرف انه اتجوزني بمزاجه علشان ياخد فلوس بابا

_وهي فرقت معاكي اوي يا حبيبتي

_طبعا فرقت......انا من اول يوم لما قالي انه عمل كده علشان بيحب بابا وخايف على زعله احترامته لانه بيحب اهله وبيحاول يعمل اي حاجه علشان يراضيكم ......حتي لو كان على حساب سعادته....بس دلوقتي نظرتي اختلفت ليه واكتشفت انه شخص اناني مبيفرقش معاه غير الفلوس وبس

قرب مني.....مسك ايدي

_صدقيني يا يُسر انا حبيتك والله.....منكرش اني في الاول اتجوزتك علشان الفلوس بس والله انا حبيتك......حبيتك اوي يا يُسر......انا كُنت مستني فرصة مناسبة اني اعترفلك بحبي لاني كُنت طول الوقت خايف انك تضيعي من ايدي وتطلبي الطلاق في اي لحظه......بس صدقيني مكنتش اللحظه المناسبه

_ودي كدبة جديده بقي ولا اية يا أياد......هو انت فاكر اني هصدقك

_هو انت لسه هتمثل يا اياد.....مخلاص اخدنا اللي احنا عايزينه وابوك كتبلك كل حاجه ب اسمك وبقيت صاحب كل حاجه من بعد ابوك ما مات......اوعي تكون فاكر انها بتحبك......لا يا اياد دي وافقت على الجوازه علشان علشان طمعانه فينا وفي فلوس ابوك مش علشان بتحبك لا......سيبها وارجع لحبيبتك

_انا بجد مش مصدقه طمعك وجشعك دا.....بابا مكملش اسبوع ميت وانتي بتفكري في الفلوس والاملاك انتي وابنك.....انا حقيقي اسفه اني احترامتك في يوم واعتبرتك زي امي

بصيتله ب حزن

_واسفه اني حبيتك في يوم واعتبرك شخص يستاهل الحُب دا......انا هروح اقعد عند بابا لحد ما ورقة طلابي توصلي

_لا يا يُسر...... علشان خاطري متمشيش.....انا مش هقدر اطلقك ولا اعيش من غيرك......انا بحبك يا يُسر 

_وانا مبقتش احبك يا اياد

سيبتهم ومشيت......جاه ورايا....كنت نازله على السلم ......نزل ورايا وحاول يوفقني.....مسك ايدي

_يُسر......يُسر علشان خاطري متمشيش.....انا مش هقدر اعيش من غيرك.....انا اسف والله انا من يوم ما حبيتك وانا نسيت الفلوس ونسيت كارما.......نسيت كل حاجه ومبقتش بفكر غير فيكي

_كفاية بقي..... انت اية مش بتزهق من الكدب

_يا يُسر والله انا ما بكدب انا بحبك بجد

_وانا مبقتش عايزه الحب دا ولا عايزه اعيش معاك لحظه واحده بعد كده......انا حقيقي ندمانه اني حبيتك يا اياد......ابعد عني وطلقني ارجوك

سيبته ومشيت......روحت عند بيت بابا......دخلت اوضتي.....فضلت اعيط وانا مش مصدقه اللي سمعته منهم......عمري ما كُنت اتخيل أنه يعمل كده علشان الفلوس......مش قادره اصدق اني عيشت مع شخص اناني ومبيحبش غير نفسه وبس

عدا شهرين......مكنتش اعرف عنه حاجه طول الشهرين دول...........رغم اللي حصل دا بس لسه في جزء في قلبي بيحبه ومش قادر يكرهه

كُنت قاعده في اوضتي.....الباب خبط

_ادخل

بابا دخل وقفل الباب

_يُسر حبيبتي.....في حد عايز يقابلك برا

_حد مين يا بابا

_مقلش اسمه يا حبيبتي.....بس بيقول انه عايزك ضروري

_طيب يا بابا.....خمس دقايق و هطلعله

_ماشي يا حبيبتي

خرج وقفل الباب وراه......قومت غيرت هدومي وقومت علشان اشوف مين عايزني......خرجت من الأوضة لقيتها في وشها.....وقفت مكاني.....كُنت ببص عليها وانا ساكته.....قرب مني وطبطب على كتفي

_لازم تسمعيها يا حبيبتي.....يمكن تغيري رائيك بعد كلامها

سابنا ومشي.....قربت منها وقعدت على الكرسي اللي قدامها......كانت باصة في الارض

_عارفه انك مش طايقاني دلوقتي ولا حابة انك تشوفيني..... بس انا محتجالك......انا واياد محتجانلك اوي يا يُسر

_غريبة.....مكنش دا كلامك اخر مرة يعني

_كُنت غلطانه......مكنتش اعرف أن اياد بيحبك للدرجادي.....اياد من يوم ما سيبتيه وهو حياته ادمرت..... اياد من يوم ما سيبتيه مبقاش بيروح شغله اكله بقي قليل......مبقاش ينام من كُتر تفكيره فيكي.....انا كُنت مفكره انه هيحبك للدرجه دي يا يُسر

_والمطلوب مني؟!

_تيجي معايا دلوقتي نروحله يا يُسر.....اياد مش هيبقي كويس غير لما تسامحيه وترجعيله علشان خاطر عمك الله يرحمه ارجعيله يا يُسر وسامحيني وسامحيه

فضلت باصه عليها وساكته 

كُنت قاعده على الكرسي جمبه وهو نايم على السرير ومش حاسس ب حاجه حواليه.....في نفس اليوم اللي كانت عندي فيه......جالها مكالمه من احمد صاحبه بيقولها انه في المستشفى ومحتاج نقل دم......مكناش نعرف اي حاجه عن اللي حصل دا واية سببه.......اول ما سمعت كده نزلت من البيت......اخدت تاكسي وصلني للمستشفى...... جات ورايا بتاكسي تاني......فصيلتي كانت نفس فصيلته.....اتبرعتله ب الدم وفضلت قاعده جمبه مستنيه انه يفوق

_للدرجة دي بتحبيه؟!

_دا واجبي اللي لازم اعمله.....ملهوش علاقه اذا كنت بحبه أو لا

_اسفه يا بنتي

بصتلها ب استغراب

_كنت فاهماكي غلط دول الفترة اللي فاتت دي....كنت فاكره انك قبلتي تتجوزيه علشان فلوسه وبس

_كلامك دا مش هيفرق حاجة دلوقتي.... أن شاء الله اول ما هيفوق ويرجع ل بيته هتخلصي مني للابد

_ايوة يا بنتي بس.....بس اياد بيحبك....وانتي كمان بتحبيه

_كُنت ......كُنت بحبه.....لكن دلوقتي لا.....وجودي جمبه دلوقتي علشان هو جوزي ولازم اكون جمبه في الوقت دا.....لكن اول ما يفوق ويقف على رجله تاني هنتطلق

_يا يُسر اياد موجود هنا علشان حبه ليكي وخوفه انك تسيبيه

_المفروض كان يفكر في دا قبل اللي عمله فيا.....ارجوكي بلاش نتكلم في الموضوع دا دلوقتي......خلينا نأجله لحد ما يفوق ويبقي كويس

هزيت راسها ب ماشي وفضلت ساكته

عدا اسبوعين.....خرج من المستشفى وبقي كويس

_حمد لله على سلامتك يا اياد

ابتسم وهو باصص عليا بحب 

_الله يسلمك يا حبيبتي 

_الحمد لله انك رجعت لأهلك والناس اللي بيحبوك من تاني 

_لو انتي مكنتيش موجوده مكنتش هبقي هنا من تاني يا يُسر

=دا واجبي وكان لازم اعمله يا اياد.....افتكر بقي جاه الوقت أن كل واحد فينا يروح ل حاله يا اياد 

_انتي لسه مصممه على الطلاق بعد كل اللي حصل دا يا يُسر.....لسه مش واثقه من حبي ليكي لحد دلوقتي

_لو كُنت مكاني هتعمل نفس اللي بعمله يا اياد

_لو كُنت مكانك كُنت هسامحك يا يُسر لاني عارف انك بتحبينا......احنا مش ملايكه علشان نكون مبنغلطش......احنا بني ادمين ولازم بنغلط ونتعلم من غلطنا ونعترف بيه......انا غلطت في حقك واعتذرتلك وقولتلك اني بحبك......من يوم ما سيبتيني وانا حياتي اتشقلبت وحياتي كانت هتنتهي بسبب ندمي على اللي عملته دا بس بردو انتي مش عايزه تسامحيني ومفره اني بضحك عليكي لسة وبمثل......انا مش فاهم انتي ليه مش عايزه تصدقي حبي ليكي يا يُسر

_علشان خايفه......خايفه اديلك فرصه تانيه وافتحلك قلبي من تاني وتكدب عليا تاني وتطلع مبتحبنيش......ساعتها قلبي هيتكسر يا اياد ومش هقدر اسامحك أو انسي اللي عملته دا يا اياد......انت مفكر اني مبسوطه كده؟!......انا عايزه اسامحك وارجع تاني بس مش قادره

_واية اللي مانعك يا يُسر..... فهميني بس اية اللي مانعك......طالما انا وانتي بنحب بعض......اوعدك والله ما هكسر قلبك في مرة يا يُسر اوعدك اني هحب وعمري ما هزعلك مني تاني....بس انتي ارجعي يا يُسر وخليكي جمبي

_يعني توعدني يا اياد اني لو رجعت عمرك ما هتكسر قلبي من تاني......توعدني انك هتحبيني بجد

_اوعدك ان عُمر حبي ليكي ما هيقل في يوم

_طب والفلوس اللي بابا كتبهالك قبل ما يموت

_مش عايزاها.....مش عايز اي حاجه غيرك يا حبيبتي

ابتسمت......مسك ايدي وباسها

_بحبك

_وانا كمان......بحبك

ضحك وحضني