رواية كسر القلب الفصل الثامن 8 بقلم داليا منصور الفرجانى

 رواية كسر القلب الفصل الثامن بقلم داليا منصور الفرجانى

سهر بكره زقت فرح وهي بتقول: 

- امشي من قدامي وانا اقولك جاية هنا ليه.. 

وقفلت الباب وهي بتقرب على فرح وتقول: 

- انا مش هسيبك يا حرباية يا خطافة الرجالة جاية تخطفي مني حبيبي كل الناس هنا عارفين انه ليا انا وبس وانتي جاية تسرقيه مني.. 

فرح باستغراب: 

- اسرق مين يا مخبولة انتي ده راجل بكامل عقله هسرقة كيف عاد عيل برياله هو لسرقه.. 

سهر مسكتها من طرحتها وظهرت خصلاتها الحربر الصفرة وكانت بتتوجع سهر قالت بكره: 

- انا مش هخلي فيكي حاجه يحبها فيكي مش عارفه عملاله ايه انتي اه حلوة بس مطلقة وسمعتك في المكان كله انك مطلقة وعلى حل شعرك ليه جاية تاخدي ده مني اشمعنا ده والا انتي الرمرة مجبتكيش غير مع نور حبيبي... 

فرح بصريخ: 

- همليني يا مخبولة ايه اللي عتعمليه ده انا اشرف من حرمة شبهك همليني.. 

نور كان في شقته وسمع صوت صريخ قال باستغراب: 

- ياترى ايه ده ومن شقة مين.. 

خرج وسأل امه وهو بيقول: 

- مين بيسرخ كدا في ايه.. 

سهى بتوتر: 

- ها لاء مفيش دي اكيد خالتي سلمى بتضرب بنتها زي كل يوم مانت عارف.. 

نور باستغراب: 

- لاء الصوت ده متأكد اني عارفه ميا في المية... 

ولم ركز قال بصدمة: 

- ده صوت فرح اللي بتسرخ وجرى على شقة فرح لانها جنب شقتهم وسهى وماجدة والكل راح وراه ومعظم سكان العمارة.. 

.. فرح زقتها وهي بتحاول تجري وبتقول: 

- همليني ايه اللي رايده تعمليه معايا عاد.. 

سهر من كرها مشافتش قدامها وجريت مسكت السك"ينة اللي جنبها اللي جنب الكنبة اللي في الصالة وجريت على فرح وهي بتقول: 

- مش هسيبك يا خطافة الرجالة... 

فرح شافت السك"ينة في اديها صرخت وخبت وشها وهي بتسرخ بس فجأة.... 

.... عند عابد: 

 بصله بخوف وهو بيقول: 

- نعم يا عابد بيه رايد مني حاجة قبل ممشي امال.. 

عابد بصله بخبث وقال: 

- اه خد دول شوية فلوس لزوم حلاوة الكلام اللي قولته وانا ممنون ليك قوي على اللي قولته ده.. 

الولو مد اديه ياخد الفلوس وجرى عابد من وراه قال بكره: 

- مهسبكش واصل يا حيوان كيف تبلغني باللي عملته رايد تفضحني عاد كيف ما خلصت من مرتي الشوم هخلص منك انت كومان... 

... بره اوضت عابد كانت نجمة واقفة وسمعت كلام عابد وهي بتقول: 

- ياترى ايه اللي عتفكر فيه يا عابد رايد تبقى مجرب وتقضي عمرك في السجن امال... 

دخلت نجمة لعابد وهي بتتدلع وتقول: 

- عابد وين كنت طول اليومين اللي فاتوا اتوحشتك قوي.. 

عابد بابتسامة: 

- قلب عابد المشاغل لعينها يا بت عمي جليل رايدة ايه مني دلوقيت مش فاضي اياك.. 

نجمة بحزن: 

- اخص عليك يا عابد تزعلني منك كده ليه عاد انا عطمن عليك بقالك اكتر من شهر غايب عن البيت بتروح فين عاد... 

عابد بزهق وهو بيقول: 

- يوه بقولك ايه عاد يا نجمة اخلصي مش رايد وجع في نفوخي زيادة.. 

نجمة بدلع: 

- حقك عليا يا ولد عمي بس رايدة منك طلب عنتجوز ميتا اما الكل بقى يسألني السؤال ده مش خابره اقولهم ايه عاد.. 

عابد بزهق: 

- نجمة حبيبتي انا ورايا شغل ياما قوي اهتمي بنفسك وهاجي بنفسي اتجوزك رايده حاجه تاني امال.. 

هزت نجمة راسها بلاء وهي بتقول: 

- لاع مريداش حاجة بس كنت رايدة اقعد معاك هبابه اتوحشتك قوي.. 

عابد بابتسامة: 

- وانتي كومان اتوحشتيني قوي همي روحي اعمليلي كباية شاي تظبط نفوخي لأنه عيوجعني قوي... 

هزت نجمة راسها وخرجت وعابد لقى تليفونه بيرن: 

- الو مين معاي.. 

مربوحة على التليفون: 

- انا يا عابد بيه كيفك كنت رايداك في مصلحة امال.. 

عابد باستغراب: 

- وايه هي امال المصلحة دي.. 

مربوحة: 

- مش هقدر اكلمك اهنيه واصل كنت ريداك تيجي تشرب كباية شاي ونتحدت اشوي... 

عابد: 

- هاجي اقفلي انتي... 

وقفل التليفون وهو بيقول: 

- انا مش خابر الحرمة دي كيف عخلص منيها بس لازم استحمل عاد علشان الارض فعلاً تستاهل اضحي بالعالم كلياته..  

... عند مربوحة كانت قاعدة واول مـ الباب خبط وجريت تفتح الباب وهي بتقول: 

-يا مراحب بعابد بيه اتفضل... 

عاعابد دخل بغرور وهو بيقول: 

- قولي رايدة مني ايه عاد مش فاضي لحديتك الماسخ دي... 

مربوحة بخبث: 

- اقعد بس وهقولك كل حاجه مستعجل ليه عاد... 

ونادت على سناء بتها وهي بتقول: 

- بت يا سناء هاتي الشاي لعابد بيه همي يابت... 

خرجت سناء وهي شايلة الشاي وبتقول: 

- انا ها ياماي والشاي اهو.. 

حطت الشاي وناولت عابد الكباية وهي بتقول: 

- اتفضل يا عابد بيه كبايتك الشاي وسكر زيادة كيف ما بتحب.. 

عابد خد الكباية وشكرها وبص على مربوحة وهو بيقول: 

- ها قولي ايه اللي جيباني علشانه.. 

مربوحه: 

- بتي يا عابد بيه.. 

عابد استغرب وبص على سناء ورجع بص على مربوحة وهو بيقول: 

- مالها بتك عاد جايباني كل ده علشان تكلميني على بتك يا مرة انتي اتخبلتي..

مربوحة: 

- بقولك بتي رايداها تتجوز وراجل كبير قوي متقدملها فكنت بأمن مستقبلها وانت طلاما جوز فرح كنت عوزاك تحاول تدور عليها علشان ناخد نص الأرض واكتبها بأسم بنتي الغالية علشان جوزها يصدق انها غنية... 

عابد بصدمة وقف وهو بيقول: 

- عتقولي ايه يا مخبوله الارض ملك فرح مرتي بس.. 

مربوحة بخبث: 

- مين اللي قالك اكده يا عابد بنتي ليها نص الأرض كيف فرح وصابرين بنات اخوي...

عابد اتعصب وهو بيقول: 

- امال كيف الارض كلياتها بأسمي وفرح وقعتلي على الكلام ده... 

مربوحه: 

- يبقى كلامك كلياته كدب لأن فرح نفسها دارية بأن ليها نص الارض بس والباقي ملك بنتي.. 

عابد وقف وهو بيفكر ويقول في سره : 

- كيف حصل كده كيف والبنت دي هي وامها هياخدوا نص الأرض اللي رايدها اني مستحيل اسمحلهم بده واصل انا لازم اتصرف بأي طريقة.. 

وقال بخبث: 

- لكن كيف عتجوزي بتك وهي رايده تتجوزني وباين عـ عيونها اها.. 

مربوحة بصت لبنتها بخبث وسناء اتصدمت وهي بتقول: 

- الكلام اللي عتقوله ده صوح يا عابد بيه انا مش مصدقة الكلام اللي عتقوله أبداً... 

مربوحة باستغراب: 

- ها هتعمل ايه عاد حتى لو بتي ريداك... 

عابد: 

- هتجوزها ونكتب عليها حتى لو دلوك انا مقدرش ابعد عن سناء واصل دي قمر.. 

سناء وهي بتقول: 

- همي يا بت جيبي شرباط وقولي للعالم كلياتهم ان عابد بيه هيتجوزك.. 

عابد كان بيقول في نفسه بكره : 

- انا لازم اخلص منهم كلياتهم انا مصدقت اخلصت من وش الفقر هلبس في التانية امال انا لازم اتصرف باي طريقة واخليهم بمضولي تنازل واخلص من الجوازة دي ... 

.... عند صابرين سمعت اللي حصل وهي بتقول: 

- عيخططوا يا خيتوا ليخالوا عابد يتجوز سناء انا مش خابرة كيف عيعملوا اكده وانتي مش باينلك مطرح واصل لازم اعمل حاجة لوقفهم مستحيل اسمح بده واصل يحصل معاكي يا خيتي، انا هوقفك يا مربوحة عند حدك بكفياك ظلم لحد كده لازم ندوقك اللي كنتي عتعمليه فينا عاد... 

الفصل التاسع من هنا