رواية روح أيوب الفصل الثامن بقلم رحبة
-أعملك قهوة؟
-لأ
-دي قهوة بحليب أو بحبيب
انت وراحتك!
-مش كان شاي
-بس انت مبتحبوش!
بصلي وابتسم ورجع كشَّر تاني
امم هنصالحه ازاي بقا؟!
-أنا آسفة
-علي اي ؟ هو انت غلطتي ؟!
-لازم أعترف يعني ؟
-دا أساس الاعتذار إنك تعترفي بغلطك
مثلت كإني بتكلم في مايك وقولت وأنا بعد علي صوابعي
-واحد مكنش ينفع أنزل من غير م أقولك
-اتنين مكنش لازم أتأخر برا وأخضك عليا لما جيت ملقيتنيش
-تلاتة كان لازم أرد لما كلمتني وأعمل حساب لقلقك وإنك زوجي العزيز
هديت وقولت بنبرة حنينة عشانه وبس
-أربعة حقك على قلبي ، ميهونش عليا زعلك والمرة الجايه هاخد بالي ان شاء الله
ضحك !
لقد انتصرنا الحمدلله!
-عارف إنك مش قاصدة لكن بجد قلقت عليكي افتكرت حصل حاجه عشان كدا ملحقتيش تكلميني ودماغي قعدت تلف
-خلاص بقا قلبك أبيض !
بعدين لو حصل حاجه حلوة أو لا قدر الله وحشه هكلمك على طول ان شاء الله
بصلي وابتسم بتسلية
-ودا ليه؟
كنت هرخم عليه بس مرضتش وقولت
-عشانك حبيبي ، يهمك أمري وأحب أتسند عليك وأشاركك
ربنا رزقني بيك زوج وحبيب وصاحب وسند ،مليش غيرك انت وأهلي بعد ربنا !
كان يهمني يتراضى ،ميحسش إنه مش فارق أو إنه ملوش لازمه عشان دا مش حقيقي
ساعات الواحد بيتصرف تصرفات تضايق اللي قدامه من غير قصد ،مش عيب إنه يعتذر ويبرر خصوصا لو الشخص اللي قدامه يستاهل !
-ما شاء الله!
بقينا بنقول كلام حلو اهوه
كان هادي ومبتسم وعيونه فرحانة
-متتعودش على كدا بس !
-ايوا كدا انت روح مراتي
ضحكنا وقولت
-مش زعلان؟
-مبزعلش من روحي ،أعاتبها ونتصافى لكن عمري م أشيل منها بإذن الله
ضحكتله
-تشرب قهوة؟
-بحبيب؟
-ولحبيب 🤎
-روح-أيوب💗
-رُحْبَة💗
الفصل التاسع من هنا
