رواية همس الطفولة ( كاملة جميع الفصول ) بقلم اروي

-خير يا سليم بتحب جديد ولا اى 

-انتي مالك انتي ياغلسة ادخلي على اوضتك وسبيني اتأمل في القمر

-تتأمل في القمر بردو يا بن عمي 

قولتها وانا بغمز بخبث

-ادخلي على اوضتك يا ريم بدل ما اجي ازعلك 

-ومالو تعالى زعلني واما اروح اقول لعمي انك ليك فترة عينك مبحلقة في بلكونة سهام جارتنا الجديدة 

-روحي قوليلو هو قاعد في الصالة 

-يعني انت مش خايف

-لا

-تمام بس لي اتعب نفسي واروح لغاية شقتكم اى نعم هي في وش شقتنا بس انا هرن عليه

كنت لسا هرن بس سليم اخد مني تلفون

-سليم هات تلفون 

-لا شوفي هتقوليلو ازاى بقى

-سليم هات تلفون متهزرش معايا كدة

-طيب بس اوعديني مش هتقولي لأبويا حاجة

-ياسلام مانت طلعت بتخاف اهو 

-خلاص مفيش تلفونات

-لا مش هقول بس هات

قالي هو بيمد ايدو 

-وعد

-وعد

سحبت منو تلفون

-بس هو انت اي بنت هتشوفها هتفضل تبحلق فيها كدة

-دي مختلفة

-كل مرة بتقول كدة في الاخر هما شهرين بالكتير وعينيك بتزوغ لواحدة تانية 

-المرة دي مختلفة 

حاسس اني هتقدم خطوة 

قولت وصوتي بيترعش

-مختلفة 

-اة 

بصراحة اول مرة شوفت فيها انسة سهام حسيت براحة غريبة وكأن قلبي بيقولي هي دي وهكلم امي بس علشان اروح اتقدم بس مش دلوقتي انا مشفتش سهام غير كام مرة بس

حسيت ساعتها ان دموعي هتنزل لوحدها

-طيب تصبح على خير بقى

قولتها ودخلت اوضتي وقفلت البلكونة 

ودموعي كانت بتنزل بس كنت بمسحها روحت الحمام غسلت وشي وصليت قيام الليل 

ودعيت نفس الدعاوي بتاعة كل يوم

-يارب لو سليم خير ليا قربو مني واهدي واصلحلو حالو

 يارب ولو مش خير ليا ابعدو عني وامسح مشاعري اتجاهو 

قولتها وانا عيوني مليانة بالدموع

__________________________________________

تاني يوم الصبح صحيت على صوت امي وهي بتصحيني

-ريم 

-صباح الخير 

-صباح النور 

قومي يلا ورانا غسيل سجاد 

-اى؟ ازاى يعني 

انا ورايا كلية يا ماما 

-انهارده الجمعة يا قلب امك كلية اى 

عملت نفسي بكح وانا بغطي نفسي بالبطنية وبقول 

-انا تعبانة اوي انهارده يا ماما

-لا يا حبيبتي الحركات دي مش عليا خلصي قومي يابت

قومت وانا ببرطم 

-صباح الخير يا بابا

-صباح النور 

حضري نفسك و شمري هدومك علشان غسيل سجاد 

-بقى كدة بدل ما تقولي لا بنتي تعبانة وسبيهم عليا مكنوش كام سجادة يخسرونا بعض

-ادخلي يا قلب ابوكي شوفي الكام سجادة اللى بتكلمي عنهم 

بعدين انا راجل عظمة كبيرة خلاص

كنت هكمل كلامي بس قاطعني صوت ماما 

-بت يا ريم خلصي يابت علشان نلحق ننزل نعمل الغدا عند جدك مع مرات عمك

دخلت غسلت مع ماما السجاد وبعد ما خلصت شلت البرميل وهو كان نصو ماية من غسيل السجاد علشان اكبو في الشارع 

شوفت سليم تحت البيت وهو واقف بيغسل عربيتو 

اتعمدت اني اكب الماية على العربية وعليه

شافني سليم 

-اة يا ريم الكلب

في دقيقة لقيت الباب بيخبط 

-افتحي يا ريم

وانل كنت قاعدة باكل لب

وماما فتحت الباب

-خير يا بني في اى بتخبط كدة

-يرضيكي المنظر دة يا مرات عمي

-مين اللى عمل فيك كدة يابني

-ست الحسن والجمال اللى مخلفاها

وقعت عليا ماية مش نضيفة 

هي فين 

-جوة في الصالة 

كنت واقفة سامعاهم 

-كدة يعني يا سعاد بتبيعي بنتك قبل اول قلم

دخل سليم وهو متعصب 

-يا برودك 

اول ما شفتو كدة استخبيت ورا بابا

-خير يا سليم 

-خير فعلا

قولت وانا بحاول امثل 

-مين عمل فيك كدة

-يا سلام يعني متعرفيش 

-لا

بس لقيت امي بتقول

-يعني مش انتي ياريم

-اي؟ انا محصلش

انشاء الله اعدم سليم محصلش الكلام دة 

قولت كدة بس سليم كان بيجري ورايا في الشقة 

-خلاص ياولاد لغاية امتى هتفضلو قط وفار كدة

عيب عليكو انتو كبرتو

-قالها بابا 

وانا وقفت مكاني

-انت مش شايف يابابا هو اللى بيجري ورايا زي الاطفال 

بس سليم موقفش جري وانا استخبيت تاني ورا بابا

بس بابا زعق وقال

-ريم سليم خلاص

-اعتذري ريم 

-بس يا بابا

-اعتذري

-انا اسفة يا سليم مكنتش واخدة بالي

بصلي سليم بأبتسامة مصطنعة 

-محصلش حاجه ياريم خلاص

دخلت اوضتي وطلعت هدوم علشان اخد شاور وانزل عند جدو

دخلت اخدت شاور وطلعت البلكونة شوية شوفت سليم كان غير هدومو اللى اتبلت وركب العربية وبيكلم في التلفون عيني لا ارديا اتجهت لى هو بيكلم و بيضحك طلع من برة العربية تاني وبينادي على صاحبو

-يلا يا عمر

 ووسط ماهو مستني اتعصبت تاني لما لقيتو منزلش عيونو من بيت سهام قفلت البلكونة بعصبية 

-اوف ياربي

امتى هيحس

لغاية امتى هفضل احبو بس يا ربي

مسحت دمعتي اللى نزلت 

ونزلت عند بيت جدو 

__________________________________________

عند سليم.. 

-خلص يا عمر اي التأخير دة هنتأخر على صلاة 

-معلش لسا صاحي 

بس انت لي مدور العربية 

-لا مفيش كنت بغسلها وبجربها بس 

ركبت العربية وركنتها 

وروحنا الصلاة 

رجعت البيت كانو كلهم عند بيت جدي قعدت معاهم بس لمحت ريم دخلت المطبخ دخلت وراها

-هربيكي على حركة الصبح دي

-بسم الله 

خضتني

حركة اى 

بصلي بتعجب

-اة الماية 

بصراحة لمحتك كدة وانت متنح في بلكونة الجيران قولت اما افوقك 

وانت بقى سعيد الحظ ربنا رزقك بماية غسيل السجاد 

-فين عمي يجي يشوف الممثلة البارعة بنتو

"انا اسفة يا سليم مكنتش واخدة بالي" 

قولتها وانا بقلدها

وهي ضحكت

 ركزت في ضحكتها 

-طيب انا هطلع علشان جدو كان عايزني 

__________________________________________

روحت قعدت مع جدو شوية وبعدين طلعت 

وافتكرت شكل سليم وهو بيقلدني وفضلت اضحك 

قولت بتنهيضة

-لغاية امتى هفضل احبك وانت مش حاسس بيا يا سليم؟ 

بس وانا ببص على التلفون لقيتو مش تلفوني

 

-دة تلفون سليم 

نزلت تحت عند جدو 

-مرات عمي فين سليم 

-سليم طلع يا حبيبتي مع عمر 

فضلت معاهم تحت لغاية ما سليم يرجع علشان ارجعلو تلفون و اخد تلوفني لأنهم اتبادلو واحنا في المطبخ

كانت الساعة داخلة على واحدة بليل وكنت واقفة مستنياه في الشباك لما دخل كان واضح عليه انو تعبان نزل من العربية بعد ما ركنها وفضل باصص لبلكونة سهام 

اتنهضت بعصبية وانا ونازلة الشارع

-اذيك يا ريم

-اهلا يا استاذ عمر

-كام مرة اقولك يا بنتي شيلي الالقاب عمر بس 

بعدين بتحسسيني اني عندي حاجة وتمنين سنة 

ضحكت بخفة حاضر ياعمر

__________________________________________

بعد ماركنت العربية لقيت ريم واقفة مع عمر قدام العمارة وهي بتضحك

-ريم اي بتعملي في الوقت دة قدام العمارة 

بس حسيتها متجهلاني 

-خلاص تصبح على خير ياعمر

-اتعصبت اوي من تجهلها ليا 

مسكت اديها وطلعتها بالقوة

-براحة يا سليم ايدي

-انتي اى اللى طلعك في الوقت دة 

مش خايفة حد يشوفك في وقت زي كدة وكمان واقفة مع عمر وعمالة تضحكي افرض حد افتكرك غلط

-انت بتزعقلي كدة لى وطي صوتك

-مش هوطي يا ريم 

انتي كنتي واقفة لي الشارع الساعة واحدة بليل 

البيت كلو صحي من صوتي انا وسليم

-اى في يا ولاد صلو على نبي بس واهدو 

-اتصدق يا سليم بقى مش هقولك انا لى كنت في الشارع

قولتلو كدة ودخلت اوضتي 

ماما جات ورايا 

-في اى يا بنتي

-مفيش يا ماما انا عايزة انام

رميت نفسي على السرير ودموعي مش راضية تقف

-غبي طول عمرك غبي يا سليم عمرك ما عرفت مشاعري حواليك عمرك ما عرفت غيرتي عليك 

كملت كلامي وانا بمسح دموعي 

-بس خلاص مفيش اهانة بعد انهاردة وهندمك يا سليم 

قولت كدة ومحسيتش بنفسي 

__________________________________________

صحيت تاني يوم عيني محمرة ووارمة من البكي

دخلت غسلت وشي اتوضيت وصليت 

وفي كل سجدة امنيتي هي ان انسى سليم ومشاعري تختفي مش زي كل مرة اتمناها 

-صباح الخير يا بنتي

ابتسمت وانا برد لبابا

-صباح النور يا بابا

-تعالي يا بنتي افطري 

-لا يا حبيبي مش قادرة 

-يا بنتي هتنزلي كدة من غير حاجه تسندك

-معلش يا بابا مش قادره نهائي

قولت كدة ونزلت علشان الكلية 

-ريم استني

-خير يا سليم

-انا اسف صوتي علي عليكي 

-محصلش حاجه يا بن عمي 

-بعد اذنك علشان متأخرة 

-ريم 

-نعم

-تعالي اوصلك 

-انت ناسي اني معايا عربية 

سبتو ومشيت ركبت عربيتي 

عديت على مها صاحبتي 

-اى يا بنتي فينك

 مش بتردي لي؟ 

-اووف فكرتيني تلفوني انا وسليم اتبادلو وفي وسط الخناقة نسيت اخدو منو

-خناقة اى 

تحكيلي

حكيت لمها كل حاجةمن اول ما تلفونات اتبدلت لغاية ما سليم كلمني انهاردة

 هي صاحبتي من بدري وتعرف عني كل حاجه 

-انتي عارفة لولا اني اعرف حكايتك مع سليم كنت قولت انو غيران 

-سليم يغير عليا 

كملت كلامي وابتسمت بسخرية

-سليم ممكن يغير على اى مؤنث سالم ماعدا انا 

شايفني اختو الصغيرة 

بس خلاص تعبت يا مها مش قادرة 

__________________________________________

لما مشيت ريم ظهر صوت تلفونها في جيبي

نسيت ادهولها

لما شوفتو امبارح انا وبغير هدومي

ركبت العربية وطلعت لكلية ريم 

لما ركنت لقيتها عند باب الكلية 

-ريم

-سليم انت اى اللى جابك هنا

-نسيت اديلك دة

قولتلها كدة وطلعت التلفون من جيبي

اخدت تلفونها وادتلي تلفوني

-مكنش لازم تتعب نفسك يا سليم كنا هنتقابل وهاخدة

-انا قولت ممكن تحتاجي في الكلية وغير كدة صاحبتك كانت بترن

-اة قالتلي 

-بعد اذنك دلوقتي ورايا محاضرة

قالتلي كدة ومشت 

روحت الشغل بس تركيزي في ريم لما بتزعل مني بصلحها وبترجع زي الاول بس المرة دي لا 

قاطعني صوت رامي صاحبي

-سليم 

-رامي انت امتى دخلت 

-امتى دخلت انا ليا ساعة واقف قدامك بناديك وانت ولا هنا

مين اللى واكل عقلك المرة دي

-بنت عمي 

-بنت عمك حتى دي مش عتقها يا بني

-يا عم لا دي زي اختي

ريم دي ربنا عوضني بيها علشان مكنش عندي اخت زي ما بتمنى مش بس اخت دي صاحبة وجدعة كمان

اكتر حد لو حكتلو عن حاجه هبقى مطمن وواثق انو استحالة تروح تنطق حرف

-طيب يا عم ربنا يخليكم لبعض 

بس خلي بالك ان اكتر حد بتقول عليها زي اختي بتدبس وتتجوزها

-اى الكلام الاهبل دة 

انت كنت عايز اى صح 

-اة نسيت استاذ اشرف بيقولك خلصت المقال اللى كان عندك 

-اة 

خدو

مشي رامي ورجعت افكر في ريم 

-اصالحك ازاى 

سبت الشغل ومشيت وقفت قدام سوبر ماركت 

وجبت اكتر نوع شوكولاتة ريم بتحبو 

رجعت البيت خبطت لشقة عمي 

-اهلا يا سليم يا حبيبي ادخل

-لا يا مرات عمي مش قادر وعايز انام كنت عايز اسألك ريم رجعت

-لا يبني لسا 

بس ادخل استناها جوة يا سليم 

-لا والله مش قادر هبقى اكلمها شوية 

-ماشي يبني ربنا يصلح حالكم 

دخلت شقتنا وعقلي موقفش تفكير في ريم رميت نفسي على السرير ونمت من التعب 

صحيت بعدها على اذان العشاء اتوضيت وصليت 

ولعت سجارة ودخلت البلكونة استناها

عدى عشان دقايق وطلعت

طلعت بأسدلها كالعادة بس مش بخفة دمها هي اصلا متجهلاني 

-غريب

-اى هو اللى غريب 

-اول مرة تشوفيني بشرب سجارة ومتزعقليش او تهدديني انك هتقولي لأبويا او جدو

اتكلمت وهي بتتنهد

-مش فارقة اعمل اللى انت عايزو كدة او كدة مش هتبطل اصلا

رميت السجارة من ايدي واتنهدت وانا بقولها

-ريم انتي لسا زعلانة مني

-فارقة معاك 

-اكيد

انتي اختي

انا اسف عارف اني اتسرعت بالحكم وعليت صوتي 

كملت كلامي وانا بطلع شوكولاتة اللى جبتها

-واعتبري دي عربون صلاحنا

بس هي مشدتهاش مني زي كل مرة لا فضلت باصة قدامها مش عايزة تبص في وشي وبتقول

-انا مش زعلانة يا سليم علشان تصالحني 

-كل دة مش زعلانة اومال لو زعلانة هتعملي اى

بس هي مردتش عليا 

-تصبح على خير يا سليم

دخلت حتى من غير تبصلي

دخلت على اوضتي وبحاول استوعب هي لى بتعاملني كدة على كلامها انها خلاص مبقتش زعلانة

نمت وانا بفكر فيها 

__________________________________________

صحيت تاني يوم فطرت ونزلت الكلية بقيت اتجاهل سليم بشكل مستمر 

رجعت البيت كان اذان المغرب بيأذن اتوضيت وصليت 

بس شوفت ان المطرة نزلت طلعت على السطح 

وانا بتفرج على شكل الغروب والمطرة نازلة 

-اى يا بنتي اللى طلعك في الجو دة

قالها سليم من ورايا

بس انا مرديتش عليه

مسكني من ايدي وهو بيقول

-يلا ننزل هاتخدي دور برد كدة

بس انا فلت ايدي 

-خلاص يا سليم

 تفرق معاك اى اتعب او لا

ازعل او لا 

روح وقعد شوية في بلاكونتك واتأمل في بنت الجيران 

وسيبني يا سليم

قولت كلامي ودموع نزلت من عيني

بس لقيتو بيبتسم بخفة 

-ريم هو انتي غيرانة 

مشيت وسبتو بس هو مسك ايدي وكرر سألو تاني

-انتي غيرانة صح

-لا مش غيرانة وابعد عني 

-واضح انك مش غيرانة خالص فاضل بس وشك يفرقع

اتكسفت اوي لما قالي كدة وفلت ايدو وجريت نزلت لتحت دخلت اوضتي 

باخد نفسي بصعوبة مش قادرة استوعب انا قولت كدة ازاى

رميت نفسي على السرير على امل اني انام وانسى بس طول الليل افتكر شكلو هو بيقولى

"ريم انتي غيرانة" 

بسمع صوت دقات قلبي

صحيت تاني يوم مكنتش قادرة انزل الكلية 

واخدت دور برد 

قطعني صوت رسالة من التلفون من سليم

-اطلعي البلكونة 

-يا لهوي 

لبست الاسدال وطلعت 

وانا بمثل اني مش قادرة اتكلم علشان تعبانة

-صباح الخير 

-صباح النور 

-مال صوتك

-واخدة دور برد بس من امبارح 

-اةة 

-طيب اى رأيك ننزل نركب عجل زي زمان

-ها دلوقتي 

-اة الساعة سابعة الصبح والجو حلو 

-طيب وشغلك

نفس دور البرد اللى جالك جالي ما انا كنت معاكي 

-بس انا مبعرفش اسوق عجل يا سليم وانت عارف كدة

-ومالة هعلمك عندي استعداد اعلمك لغاية ما اموت زي زمان

هزيت راسي بالموافقة 

ودخلت لبست 

__________________________________________

-اركبي 

-يا سليم هقع كدة 

-يا ستي هسندك يلا 

وفعلا كل ما احس اني هقع زي كل مرة امسك في سليم

-على فكرة انا مزعقتلكيش بسبب سرعة حكمي

-انا زعقتلك بسبب لما شوفتك مه عمر حسيت بنار في دمى انك بتضحكي معاه وبعديها بقيتي معايا كدة كنت بشوفك اختي يا ريم بس دلوقتي اتأكدت انك استحالة تبقي اختي عمري ماشفت فيكي حاجة وحشة دايما معايا مش ضدي 

ولما فضلتي متجهلاني حسيت بفراغ وانتي اللى بتملي الفراغ دة

انا بحبك يا ريم 

واسف على اى مرة كسرتك من غير ما اقصد او حتى اقصد 

حسيت ان دنيا بقت هادية وكنت قاعدة على العجلة مش مصدقة اللى بسمعه ونزلت دمعه من عيني

 

-هو انت اللى زيك ببحب يا سليم انت كنت كل شوية بتعجب ببنت شكل افرض عملت كدة معايا 

كنت هكمل كلامي بس هو قطعني

-عمري ما هعمل كدة على فكرة انا كل مرة فعلا كنت عايز اتقدم دايما كنت بحس حاجة جوايا بتقولى لا في اخر لحظة كنت بدور على قدري برة مكنتش اعرف ان ربنا كتبهولى جوة حياتي وانا زي الغبي معرفش 

انا فعلا بحبك يا ريم 

مكملتش علشان اى واحدة فيهم علشان كنت بشوف مميزاتهم 

بس معاكي حبيت عيوبك قبل مميزاتك 

عصبيتك ورخامتك ليا و نصحك وخوفك عليا كل حاجه حبيتها فيكي 

-ولو قولت مش موافقة 

-يبقى هسيبك توقعي من العجلة ومش هسندك

قالي كدة وسابها 

-خلاص يا سليم موافقة 

مسك العجلة تاني قولتلو وانا مكشرة 

-هونت عليك يا سليم افرد وقعت دلوقتي 

-لا ياقلب سليم 

بس بعد كدة تسمعي الكلام على طول 

قالى كدة وهو قرص خدي

-الا صح مقولتيش بقى عنديكي دلوقتي 21سنة ولسا بتقعي من العجلة 

-علشان اللى بيعلمني شخص غبي 

-بقى كدة

-اة 

طيب اهو قالي كدة وهو بيزيد السرعة