 |
اسكريبت بلال وبيان كامل حبيبة المصري
"بقى أنا اتجوز مدرس عربي؟
أنـا اتجوز واحد كل ما اقوله حاجة يقولي اعربيلي الجملة دي؟
أنا اتجوز واحد معقد!".
- جتك وكسة أنتِ التانية، ما أنتِ مدرسة انجليزي و اللي يشوفك وأنتِ بتصححي يقول ملبوسة من اللي بتعمليه.
رديت بغيظ :
- ما هم اللي بيجننوني، بيكتبوا طلا'سم مش حروف وكلمات.
- خلاصة القول يا بيان، هتقعدي معاه يعني هتقعدي معاه.
- يا مامـــا.
- أنسي يا عين أمك.
~~~~~~~~~~~~~~~
- مَن مَن مَن مَن؟؟.
- بيان مدرسة الإنجليزي.
- ماذا ماذا يا أمي؟
اتزوج مِن مَن تُدّرِس اللغة العدوة؟
هذا مستحيل.
- هو عشان أنت مدرس عربي تقلبلي على الدبلحة!.
- معذرة، اسمها لغة عربية ليست عربي تلك!.
- وطيلي كده يا واد.
نزلت لمستوى طولها فلقيتها مسكت ودتي وقالت بحدة :
- اتكلم عدل يا بلال بدل ما اديك فوق دماغك زي زمان.
قولت وأنا بحاول أفلت منها :
- سيبي ودني يا ست أنتِ، ودني هتبوظ.
ابتسمت بتشفي وقالت بعد ما سابتني :
- ما كان من الأول، لازم تتجاب من ودانك يعني!.
- يعني بالله عليكِ يا مؤمنة، ينفع اكون في السن ده و اتجاب من ودني زي العيال الصغيرة؟.
- اه ينفع، عشان تسمع الكلام و تبطل لماضة.
- يا صبر.
- عارف؟
لو قلبتلي قرد هتروح تشوفها يعني هتروح
أنا بحب البت دي و بإذن الله هجوزهالك.
- يا ماما دي حرقتـ'ـلي شعري و فتحتلي دماغي وأنا صغير.
- معلش يا حبيبي كانت صغيرة وأنت كنت عيّل غلس بتاكل حلوياتها و تشد في شعرها.
- ماشي يا أمي ماشي،
~~~~~~~~~~~~~~~
- مرحبًا بالعد'وة.
قولتها بسخرية، أه ما أنا وهي دلوقتي قاعدين نتعرف على بعض، عشت وشفت ..
فقالت بسخرية هي كمان :
- أهلاً بالمدبلَچ اللي خارج من مسلسل تركي.
- دمِك يلطش.
- على الأقل أخف من دمَك.
- ملبوسة.
قولتها بغيظ فقالت هي ببرود :
- مدبلچ.
- على الأقل مش ملبوس والشارع كله بيسمع صويتي من التصحيح.
- لا خلي حد غيرك يقول الكلام ده يا بلال، ده أنت صوتك وأنت بتقول ..
"خسئتم أنتم و مَن علمكم العربية يا أصحاب نقوش الجاجات" بيسّمع الشارع كله.
- خسئتِ أنتِ الأخرى.
قولت بنفاذ صبر :
- بص بقى أنا مش عايزة اتجوزك ولا طايقاك.
لاعبت حواحبي و قولت :
- القلوب عند بعضها.
- مش هتجوزك.
- ولا أنا طايقك برضو ولا عايز اتجوزك.
بصيتلها و بصيتلي وقولنا بإصرار :
- مش موافقين.
بعد سنة و نص ..
- يلا يا عرسان هنتأخر على الفـــرح.
كنت واقف قدامها منبهر
بقى العد'وة تبقى قمر كده!
لا لا دي تقول للقمر قوم وأنا انور مكانك.
- يغتي كوتي، عريس كوتي خالص يا ناس.
قالتها وهي ماسكة ايدي و بتضحك.
فقولت :
- مش قدام الناس يا بيان، هيبتي هتروح.
ضحكِت وقالت :
- يعني من وراهم عادي يا بلال؟.
- عادي و أوي كمان.
- طب ايه مش هتخرج بقى؟.
مسك أيدي و نزلنا، و في العربية قالي وهو مبتسم :
- احلى حاجة عملتها اني عملت الفرح منفصل
نص للستات و نص للرجالة
عشان محدش ينفع يشوف القمر ده غيري.
ضحكت وقولت :
- اللي يشوفنا كده ميشوفناش في أول الخطوبة واحنا مش طايقين بعض.
- على ما عقدتي منك فكت شوية، يا شيخة ده أنا وأنا صغير من كتر ما كنت بخاف منك أمي كانت بتقولي هتنام ولا اجيبلك بيان؟.
ضحكِت بصوت عالي وهي بتبصلي بعدم تصديق
فقولت :
- لا بجد أنتِ كنتِ ر'عب طفولتي حرفيًا.
- أنا يابني؟
ده أنا كنت طفلة كيوتة.
- بطلي كذب يا ماما
أنتِ كنتِ متشردة
كنتِ بتجري وراها بعصاية المقشة
فتحتيلي دماغي
حرقتيلي شعري
كان ناقص تعلقيني مكان سيخ الشاورما وتبقى خلصت.
- اسم الله عليك كنت نسمة يا بلال
ده أنت قرفتني في عيشتي
شعري وكنت بتقطعه في ايدك من كتر ما بتشده
أكلي كنت بتاكله
كنت بتخلي الكلاب تجري ورايا
و مستكتر عليا أخد حقي؟.
~~~~~~~~~~~~~~~
تمت
