رواية الضابط والحسناء ( كاملة جميع الفصول) بقلم روجمان

عندما تجتمع السلطه والقوة والجمال والمال 

ينولد رجل يعتبر نفسه فوق كل شيء

فوق الجميع

ولكن لايوجد قلب لايخضع

فكل القلوب لابد ان تتوجع الى ان تخسر او 

تربح

...سيدي 

....نعم

.....اكو وحدة برة تريدك

....منيه 

...والله سيدي مااعرفها

.....دخلها

نزلت عيني على الاوراق 

وداوقع وسمعت صوت الباب انفتحت ونسدت وخطوات اقتربت 

رفعت راسي شفت مرة جبيرة بس جان شكلها وملابسها مرتبه بس جانت علامات الخوف والارتباك ظاهرة عليها

....السلام وعليكم 

....وعليكم السلام 

تفضلي أمريني

....مايأمر عليك ظالم ان شاءالله

اريد منك خدمه وكون لاتردني

.....ادللي

....اني دلوني عليك وكالولي محد يحل قضيتج وينجدج

غير الضابط هشام وانت جبير والجبير الله

....أمريني

...يريدون ياخذون بيتي مني

....منو 

....والله مااعرفهم ناس اجوي لابسين قوط وسيارات عاليه كالولي هذا البيت رايدة فلان شخص ولازم ناخذه 

....معقوله 

....اي والله واني مااملك غير هذا البيت وبيت صغير عبالك جحر مأجرته واعيش منه  

...شنو اسمائهم اشكالهم 

......ماااعرف اني وبنتي بالبيت والله حفظنه والله خفت على بنتي 

.....لويش

....لان حلوة خفت لاياخذوها لان الله وكيلك عيونهم

طلعت عليها مااعرف بس الله حفظها منهم  

...وليش عود اجيتي عليه

....والله اكو واحد كلي عليك 

كلي ضابط شريف ورتبته جبيرة

روحيله بلكي يساعدج واني تعنيتلك واريدها من الله ومنك

.....انطيني عنوان البيت كتبي هنا بالورقه وروحي انتي واني منا لساعه اجيب قوة واجي اريد اشوف شنو السالفه 

بس اكيد البيت مالتج

.....اي والله بااسمي ورثي من ابويه

....اوكي 

انطيتها ورقه وكتبتلي العنوان وسويت اتصالاتي 

وكالووو ماكو هيج شي

راحت المرة وراها بساعه تقريبا رحت للعنوان الي كاتبته هو جان بيت صغير 

دكيت الباب فتحتها نفس هاي المرة

الجبيرة 

.....تفضل عيني بس ابو منو نصيحك 

.....ابو أدم

.....اهلا وسهلا تفضل 

.....يزيد فضلج

دخلت جان اكو طفل صغير ديلعب 

جان الطفل شعرة اسود طويل وابيض وعيونه كبار شكله حلو 

اول مادخلت ظل يباوع عليه 

شفت المرة دخلت جوة وردت طلعت 

....هما شوكت يجون علااساس

....كالو اليوم ساعه بالاربعه طلعون من البيت لازم نفرغه

...يله مابقى شي راح انتظر خلي اشوف شنو السالفه

.....الله يبارك بيك ويخليك 

....تدللين

دخلت وحدة منقبه ولابسه اسود

قدمتلي جاي اخذته منها 

وسمعت المرة دكلي

.....هاي بنتي 

اذكرت كالت بنتي حلوة خفت ياخذوها

....بنتج منقبه

....لا بس خفت عليها 

ماما،،،،شنو يعني البس نقاب 

....بنتي شفتي هذا السمين شلون يباوع عليج وعيوه اكلتج اكل 

....ماما شنو يعني ياخذني الدنيا تايها

....اي تاهت الدنيا يابنتي واني ماعندي غيركم

باوعت عليها ومجان مبين شي منها بس عيونها

راح الطفل عليها وشالته 

.....كتلها

......لتخافين انتو بحمايتي هسه

.....نشكرك 

ودخلت جوة

......هذا الطفل حفيدج

......اي. ابن ابني المتوفي يمنا هالفترة امه مريضه

....البقيه بحياتج 

....حياتك الباقيه ابني

كملت الجاي وطلعت

وكفت برة بالشارع وشويه وشفت سيارات طبكت 

نزل واحد يصيحو ابو صابر الوحش

‏تفاجأ من شافني ورتبك

اتقدم عليه

...سيدي شلونك

..... هلا زين

.....سيدي شعندك هنا

....انت شعندك هناً ليش متعرف هذوله يخصوني

....لاوالله سيدي مانعرف

.....وهسه عرفت

....بس سيدي اجايتنا أوامر من فوك ‏

....شوف اني وياك نعرف كلش زين ماكو هيج اوامر تجي من فوك 

تريد البيت اشتري ادفع فلوس واشتري غير هذا

لاتحلم تاخذة واني اوكف بوجهكم ترة

...لاسيدي احنا مانوكف بوجهك كلشي ولازعلك تعرف

احنا نحبك 

....اي زين لعد مااريدكم توصلون هنا دربالكم 

.....تدلل ولايظل بالك ولاشيل هم

.....الله وياكم

دخلت للكراج جانت البنيه وامها واكفين ديسمعون الكلام 

.....حجيت وياة بعد ميكدرون يتعرضولكم نهائيا

.....ماااعرف شلون اشكرك 

...ماكو داعي للشكر ماسويت غير واجبي

نداريت على هاي البنيه 

صار عندي فضول اشوف شكلها 

وبعدين استأذنت منها وكتلها

....اذا تريدين شي تعرفين وين تلكيني

وسلمت عليهم ورحت 

واول ماصعدت للسيارة شفت تلفوني كام يدك

رواء ادك عليه 

..... الو

.....حبيبي 

......هلو رواء 

....وينك علي مريض شوكت تجي دنودي للدكتور

.....اوكي هسه تحضري شويه واجي وادم هم حضري حتى نودي يم امي 

...اوكي انتظرك

....باي

.....باي

وسقت وصلت يم باب البيت وجان يدك تلفوني الثاني

فتحت التلفون بس ماحجيت

....هشام حبي جاوب 

هسام جاوبني حبيبي 

....شتريدين وسن اني موكتلج بطلي ادكين وتالي وياج

.....ماااكدر اعوفك تعرفني اموت عليك

.....بابا انتي مو عاقله ميت مرة حجيت وكتلج خلص

الي بينه انتهى 

....بس اني بعدني احبك

.....واني ماااحبج روحي شوفي حياتج 

...ماااكدر انت كل حياتي اني اموت بدونك حباب لتعوفني خليني اشوفك بس دقيقه وحدة

الله يخليك

....وسن ترة بديت اضوج وتعرفين من اضوج

شسوي 

بس راح ارد واكلج اني مااريدج خلص روحي شوفي دربج

حبي زوجي التهي بكليتج اني مااافيدج

.....مااكدر صدكني حاولت بس ماكدرت

...واني هم مااكدر

ودتحجي وسديت التلفون وغلقته 

وخليته بالجكمجه مال سيارة ونزلت

للبيت واول مادخلت تلكاني

ادم

....بابا

.....هلو حبيبي تعال شلونك

ليش مبرطم منو وياك

....ماما عاقبتني

...اكيد سويت شي 

....لا

....هسه نسئل ماما نشوف شسويت

...حبيبي اجيت يله احنا خلصنا خلي نروح قبل ميروح الدكتور

...يله انطيني علي

تعال بابا ادم اصعد بالسيارة يله حتى اشدلك الحزام 

رحت للسيارة وكعدت ادم 

وشديت الحزام 

وجتي رواء ورحنا للدكتور وكال مال تغير الجو 

فلاونزة 

وبعد هذا اليوم 

مشت حياتي كلش طبيعي 

ومرت سنه كامله هوايه دخلن لحياتي وطلعن

من حياتي

ولكن 

برغم انو عمري صار 37سنه بس ماحبيت ولا مرت وحدة

بحياتي لمست كلبي 

وخطفت روحي مني حتى زواجي كان زواج اعتيادي

زواج تكون نهايته بيت واطفال برغم انو رواء هوايه تحبني 

ومن اني اكعد يمها 

مترفع عينها من عليه متكدر ترمش 

من تكون بحضني احس كلبها راح يوكف 

اني مو مااحبها بس يمكن الحب شي والتعود شي

سنه كامله مرت على مساعدتي لهاي المرة 

واليوم واني بالمطعم ويا اصدقائي 

دخلت وحدة للمطعم 

كانت انيقه 

لفتت نظري من دخلت وبعدها شفتها كعدت هي وحدة وياها مرة جبيرة

ماانتبهت عليها زين 

وبعدها التهيت بالكلام ويااصدقائي 

ولكن بعدين سمعت 

....مساء الخير 

نداريت شفت هاي المرة ردت اعرف وين شايفها بس مذكرت

وجان وياها هاي البنيه  

....مساء الخيرات

....ذكرتني ابو ادم

... لاصغرن بيج بس لا ماعرفتج اعتذر

وباوعت على البنيه الي واكفه يمها

...اني الي اجيتك تقريبا قبل سنه وجانو يريدون ياخذون بيتي وانت ساعدتني 

....ها اي صحيح اذكرت اهلاوسهلا

....اهلا بيك طبعا مانسيت الفضل الي سويته ويايه

...لايمعودة الفضل لله وماسويت غير الواجب

....نشكرك طبعا شفتك وحبيت اسلم عليك و

صدفه حلوة

....فعلا صدفه حلوة

طول مااني احجي هاي البنيه تباوع عيونها ماشالتها من عليه 

....يله عيني عطلتك اخذ راحتك

...لاعادي الله وياج

...مع السلامه

،..مع السلامه

رجعت كعدت ويااصدقائي 

ظليت اطالع عليها من بعيد 

كلت معقوله هاي نفسها بتها 

اني مو من طبعي الحك ورا بنيه ابدا هنا يجين لحد يمي

بس هاي البنيه

جانت مبينه نعجبت بيه كلش

ابتسمت 

وكلت لنفسي عادي اذا راح تنظم ‏لقائمة معجباتي

ولمن دنطلع اني واصدقائي من المطعم حاولت اتاخر وطلعت بعدهم 

وطلعت الكارت مالتي بي رقم تلفوني وخليته بجيب السترة

ولمن شفت المرة الجبيرة كامت مشيت من يمها 

سمعتها دكلي

....ضابط هشام 

ضحكت ونداريت وبسرعه غيرت ملامح وجهي عود مامهتم 

......نعم 

.....ممكن رقم تلفونك اذا نحتاجك بشي 

...اي ليش لا

طلعت الكارت مالتي جان بي رقمي 

وخليته على الميز 

.....اشكرك

.....تدللين 

.....عادي اتصل بيك من اريد شي

..... اي عادي شكوبيها

اشرتلها بيدي وكتلها ،،،باي،،،

.....باي 

وعدلت سترتي ونزلت من درجات المطعم 

وعلى وجهي علامات الانتصار والغرور

وشفت اصدقائي دينتظروني وسلمت عليهم

ورحت للبيت 

من دخلت للبيت جان البيت هادىء 

واظلم

وحسيت رواء حضنتني من ورا 

....كل عام وانت بخير حبيبي

....ليش شكو اليوم

.....ناسي 

....شكووو 

.....اليوم عيد ميلاد زواجنا صارلنا هسه خمس سنين مزوجين

.....ها نسيت وبستها من خدها كل عام وانتي بخير 

.... وانت بخير بس معقوله تنسى اني كلت يجوز مسويلي مفاجئه

....لا ماذكرت تعرفيني اني مااذكر المواعيد 

....بس هذا عيد ميلاد زواجنا

....اي اعرف يله خلص اوعدج سنه الجايه اذكر

ونحتفل بي 

....يعني اليوم مراح نحتفل

....شلون نحتفل وساعه ب12بالليل

.....لاحبيبي اني رتبت كلشي نحتفل هنا بس باجر اجيبلي هديه

ابتسمت الها

...ميخالف 

....تعال حبيبي

كمشتني من يدي وصعدتني للغرفه مال نوم جانت الغرفه كلها ورد وشموع وعطر وموسيقى

وجانت رواء لابسه فستان قصير 

حلو

...شنو رأيك 

....حلو عاشت يدج

جرتني قوي وحضنتني 

.....احبك هشام 

.....اني هم 

.....ممصدكه صارلنا خمس سنوات ان شاءالله ميت سنه

....ان شاءالله

....هشام اريد اكلك شي بس موتزعل وتعوفني 

...شنو

....ليش احسك دائما بارد ويايه وكلامك ويايه قليل

.....هم رجعنه على نفس الموضوع 

....لاحبيبي بس اني احبك اريد اطمن 

.....من شنو

.. أطمن انك تحبني 

.....لعد ليش زوجتج اذا مااحبج

....هذا مفهوم الحب يمك

.....رواء راح تخلص هالليله. على خير لولا

....اكيد اني ماااكدر ازعلك 

.....راح اروح اغير ملابسي واجي 

....لتتاخر 

.....اوكي

رحت دخلت للحمام وغسلت ولبست ملابسي وطلعت شفتها كاعدة تنتظرني 

رحت طفيت الموسيقى وطفيت الاضويه ورحت 

نمت ومديت يدي الها وهي جتي نامت على يدي 

وبدت تتقرب اكثر مني 

☺️☺️☺️☺️☺️☺️

يمكن هي كانت تعيش ويايه كل لحظه بتملك وبحب وبسعادة يمكن شعورها

مختلف عن شعوري 

وخلصت هاي الليله بشكل جيد 

وكعدت الصبح كالعادة عندي دوام 

ورحت للدوام ولمن جنت دامشي حتى اروح لمكتبي دك

التلفون جان رقم غريب

جاوبت.

....الووو

.....صباح الخير

...صباح الخيرات نعم

.....اني رفل

....منو رفل

.....البارحه شفتني 

.....ها بنت هاي المرة اي اهلا وسهلا

....اهلابيك بس اني موبتها هاي تصير خالتي 

واني حبيت اتصل عليك خاف داعطلك على شي

....لا ماعندي شي دقيقه انتظري خلي ادخل للمكتب

.....اوكي

دخلت وذبيت مسدسي ومفاتيحي على المكتب 

....الو. اي وين جنتي تحجين

......ههههه بعدني ماحجيت شي

....اي اعرف راح تحجين 

.....هههههه شكد حلو واثق من كلشي

...اكيد اسمج رفل 

...اي 

...حلوو اي شكد عمرج 

....20سنه 

....او صغيرة 

....اي

بعدين ظلت تحجي وحسيت بملل صراحه زعطوطه 

ردت اخلص منها 

بس كلتلي

.....اني منار كلتلي عليك

.....منار منو

.....بت خالتي المرة الي ساعدتها

.....ها هي خالتج بس عدها بنيه وحدة مو

...اي صحيح 

....زوجت

....لا 

....هي منقبه مو 

....لا بس يمكن ظلت فترة خالتي تخاف عليها ولبستها نقاب

.....وينها هسه

....بيتهم غير

....هما نفس بيتهم بعدهم كاعدين بي

.....اي

عندي فضول اشوف هاي البنيه 

....اوكي اني هسه راح اروح عود نتحاجه بعدين

باي

.....تخابرني عود

....الله كريم يله باي

.....باي

وظل عقلي يودي ويجيب 

لازم اشوف ست منار 

وبعدها كمت اروح ليم بيتهم وكم مرة رحت بس ماشفتها ولامرة

وبعدها حاولت اوصل الها عن طريق رفل 

خابرت رفل 

وكتلها

..... هلو رفل اني حاب اطلع وياج 

....بس اني مااكدر اطلع وحدي 

....كولي لبت خالتج تجي وياج 

....قصدك منار

....اي 

.... مومتقبل

.... شوفيلج طريقه

....اوكي احاول

....اوكي شوفي وخابريني

سديت التلفون وكعدت اكول لروحي اني ليش 

مهتم هلكد واذا شفتها واذا ماشفتها 

ومنا اني مطول خلك ويا هاي رفل وهي ضوجتني

ظليت دايخ

وبعدين كلت حتى اذا كالتلي داريد اشوفك اكللها 

ماريد وبعد لتخابريني

وراحت رفل يومين ومامنها خبر

وبعدها جتي كالتلي اليوم اني راح اطلع ويا بيت خالتي 

واحب التقي بيك

من بعد تردد وافقت وجان الموعد العصر اول مرة اسوي هيج سالفه طبعا متعود الي اتعرف عليها تكون علاقتي بيها بلا 

هاي السوالف مال ختيلان وسوالف المراهقين

ولازم تعرف انو اني مجرد علاقه ماادور زواج

ولافدمرة تعرفت على وحدة مثل رفل

بس ماادري هالمرة شتغير

الصراحه هي ماجذبتني ابد بس حبيت ارجع اشوف هاي الي شفتها قبل 

دورات الفصول عند الانسان يصير قاتل 

ولكن كلت مااروح لان ماتليق بيه هاي الشغلات

وحاولت اشغل نفسي

ورجعت للبيت وظليت ويااطفالي بس ماكدرت

عبالك شي ديسحبني 

غيرت ملابسي وطلعت طبعا كان المكان 

مطعم وبي حديقه 

اول مدخلت

خابرتها 

....وينج

...انت وين 

...اني برة طلعي 

....هسه 

شويه وحسيت وحدة طخت يدي

....هلووو

....هلوو رفل

باوعت منا منا مجان وياها احد

انتي موكلتي اني طلعت ويا بيت خالتي

...اي

...وينهم

....جوة كاعدين اني سويت نفسي داروح للحمام

....وين كاعدين اشريلي عليهم

...ليش

...كوليلي وخلص

...اوكي

مشت واني وراها اشرتلي على ميز جان كاعدة عليه 

هاي نفسها المرة وبنيه بس مندارة ممبين منها شي

ضجت

كتلها 

....روحي رفل لحد يشوفج 

....شبيك 

...مابيه شي

شفتها دخلت جوة 

درت وجهي وطلعت شفت السالفه كلش متليق بيه

شنو كاعد الحك وحدة من كل عقلي داسوي هيج

رحت وجنت معزوم ويااصدقائي

وخلصت العزيمه ورجعت للبيت واول مادخلت للغرفه مال نوم وبديت انزع هدومي اجاني مسج

(((انت شنو مشكلتك انت المن تريد بالضبط او شتريد))

شفت رواء اجتي 

كمت طلعت من الغرفه ونزلت للحديقه 

كتبت مسج ودزيته

(((منو انتي))

(((اني منار ))

هلا والله

(((اي وشتريدين حضرتج)))

((انت شتريد))

دكيت عليها وبعد وقت طويل جاوبت 

..صباح الخير بماانو الوقت جاوز ال12بالليل

....صباح الخيرات

....اي تفضلي

...ياباشا انت الي كاعد تفتر يم بيتي وانت الي تعرفت على رفل وجنت تحاول توصلي وجانت بالمطعم تأشر عليه 

ياترى شنو الموضوع حضرتك شتريد مني بالضبط

....هههه وقابل شريد منج 

....والله ماااعرف كلي 

..... الحقيقه اني اريد اشوفج صار عندي فضول 

بس

...اول شي لاعبالك انت تكدر تلعب على كل البنات وتفر عقلهن 

وثاني شي عيب تقشمر بنيه وتستغل مشاعرها حتى توصل لغير شخص مثل مااستغليت رفل

وثالث شي ياباشا اني مو للعرض حتى يصير عندك فضول شوفني

وبالنسبه الي اشكركً على الي سويته سابقا بس 

مااريد اشوفك بعد ‏

تصبح على خير 

....وانتي من اهل الخير

وسديت التلفون

وكعدت اضحك صدك هاي البنيه بيها شي من اول مرة

لمحت بس عيونها ظلت بالي 

....هشام 

شفت رواء واكفه كدامي

...نعم

....شدسوي هنا

...مااسوي شي روحي نام 

...تعال نام

...منعسان 

...انت ويامن جنت تحجي

....من شوكت انتي تحاسبيني وتسئليني

...وليش مااسئل

...لا ن مامتعلم على هذا الموضوع

.....اتعلم بعد

وعافتني ومشت

...رواء

...ها

...عدلي اسلوبج ودربالج مرة ثانيه تحجين هيج ويايه

....بس اني

...كافي لتحجين روحي نامي