 |
اسكريبت ليل ونور كامل بقلم روان سالم
ـ أنتِ بتعملي إيه؟
ـ أستنى بس هبهرك
ـ هتبهريني إيه بس، الله يلـ.ـعن القلب اللي يحبك يا شيخة!
قرب منها وخد اللي كان في ايديها:
ـ سكاكـ.ـين؟! بتلعبي بسكاكـ.ـين يا نور؟!
ـ أستنى بس يا ليل، ده أنا مخلصة باقة النت على الكورسات دي
ـ كورسات إيه لامؤخذة؟
ـ كورسات تعلم اللعب بالسكاكين
ـ ده أنا اللي هتعلم في وشك... أمشي من قدامي يا نور أمشي
ـ على فكرة أنت مبقتش تحبني
ـ حصل!
ـ وبقيت تكرهني
ـ ما أنا مبقتش بحبك يعني بكرهك! إيه الغباء ده؟
ـ كدا؟ طب أتفضل طلقني...
ـ لو تخيلنا إن أنا طلقتك.. مش هتلاقي حد يستحمل غبائك قدي، ثانيًا بقى أنا هقطع عنك الواي فاي وأبقي شوفي مين اللي هيبقا يدفعلك باقة النت الشهر ده، ثالثًا والأهم روحي حطي الغدا عشان جوعت
ـ غدا؟ احم... أصل يعني..!
ـ أستر!
ـ أصلي كنت مشغولة في كورس السكاكين ونسيت أعمل الغدا..
ـ وأنا هتغدى صفحة أربعة قسم تثبيت؟!
ـ الله! أنت مكبر الموضوع كدا ليه يا سِحس؟ ما تطلب من برا! هي أول مرة ولا أول مرة يعني؟!
اتكلم بصوت عالي بعد ما دخلت أوضة وقفلت بابها وراها بسرعة:
ـ طب افتحي بس عشان أوريكي التطبيق النظري للكورس بتاعك ده!
ـ مش فاتحة
- أفتحي يا نور خلينا نتفاهم
- لا أنا عارفاك هتتفاهم بالسكـ.ـاكين
ـ طب خليكي تتخللي جوا بقا!
قالها وهو بيبعد وبيقعد على كنبة قدام الباب، فتحت فتحة صغيرة وبصت عليه وبعدها فتحت الباب وطلعت وقعدت جنبه
ـ طب على فكرة والله الكورس كان جميل!
بصلها بهدوء، ثواني ومسك سكينة وبصلها وهي بصتله بخوف وقالت ببسمة متوترة:
ـ أنت أكيد مش هتقتـ'ـل مراتك حبيبتك، صح؟
قال ببسمة كبيرة:
ـ هبهرك!
