رواية صدفة عشاق الفصل العاشر
حازم ابتسم برفض ./حضرتك تقدر تشوفها دلوقتي . و انا مستني حضرتك هنا .
راشد رفع حاجبه باستغراب . و اتنهد بضيق و قام . ليلي رجعت علي سريرها بسرعه لما حست أن راشد جاي . راشد دخل و اتنهد بهدوء . /انتي تعرفي الدكتور يا ليلي .
ليلي هزت راسها بتوتر ./هو حصل بينا كام مقابله بس صدفه .
راشد ابتسم بهدوء ./ دكتور حازم طالب ايدك . و رافض يمشي غير لما يسمع رأيك .
ليلي اتنهدت بتوتر ./و انت شايف ايه يا بابا .
راشد اتنهد بهدوء. /انا شايفه بني ادم كويس و باين علي اخلاقه . الاهم من رأي هو رايك انتي .
ليلي هزت راسها و ابتسمت بهدوء ./و انا موافقه يا بابا .
راشد ابتسم بهدوء ./هطلع اقوله .
ليلي هزت راسها بهدوء و هي فرحانه رغم كل حاجه حصلت بسرعه .
راشد طلع و ابتسم بهدوء . حازم وقف و ابتسم بتوتر ./موافقه .
راشد هز راسه بهدوء ./ ربنا يتمملكم علي خير .
حازم اتنهد بفرحه و ابتسم بحب ./طب ممكن تطلع اكلمها خمس دقايق بس . و اخر الاسبوع هجيب اهلي و نقرأ الفاتحه .
راشد هز راسه بهدوء . و دخل لـ ليلي ./دكتور حازم عايز يقولك حاجه .
ليلي اتنهدت بتوتر و طلعت . راشد ابتسم بهدوء ./هسيبكم الخمس دقايق دول .
حازم هز رأسه بهدوء و هو عينه عليه لحد ما مشي . ليلي وقفت قدامه و هي بتفرك ايديها ببعض بتوتر . /كنت عايزني...
حازم قاطعها بهدوء لما سحبها لحضنه بسرعه . و غمض عينه بحب . ليلي دخلت في حضنه بصدمه . و غمضت عينيها و ابتسمت بهدوء . و رفعت ايديها بتوتر على ضهره .
حازم ابتسم بهدوء و همس لـ ليلي بحب . /بحبك اوي يا ليلي . انا معرفش امتى و ازاي كل حاجه حصلت بسرعه كده . بس اللي متأكد منه ان بحبك اوي . و ان هعمل كل حاجه تسعدك لحد اخر يوم في عمري .
ليلي اتنهدت بـ ارتياح . لحد ما حازم خرجها من حضنه و ابتسم بحب ./انا همشي و هاجي اخر الاسبوع عشان نقرأ الفاتحه . ليلي هزت راسها و هي مبتسمه بحب . حازم باس راسها بهدوء ./هكلمك كل شويه . و تردي عليا انتي فاهمه .
ليلي ضحكت بهدوء ./حاضر .
حازم سبها و مشي و هو حاسس انه عايز يفضل معاها من فرحته . ليلي دخلت جوه و هي بتاخد نفسها بسرعه و بتفتكر ازاي بيقدر يتغير معاها كده ..و مسكت تليفونها لما لقت ريماس رنت عليها كتير . و رنت عليها .
__________________________________________
ريماس ابتسمت بفرحه . بعد ما ليلي حكيتلها كل حاجه ./انا مبسوطه اوي يا ليلي . انا فرحنالك اوي بجد .
ليلي ابتسمت بفرحه ./و انا فرحانه اوي يا ريماس . انا يمكن لسه مش بحبه . بس انا مرتاحه اوي . لدرجة اني مكنتش عايزاه يمشي .
ريماس ابتسمت بهدوء ./المهم دلوقتي . عايزين ننزل نجيب احسن فستان لـ احلى عروسه في الدنيا .
ليلي ابتسمت بهدوء ./دي لسه قراية فاتحه . يعني لسه بدري علي عروسه دي .
ريماس بهدوء ./لا عروسه و أجمل عروسه كمان . و هنختار اجمل فست...
ريماس سكتت بضيق لما زين دخل الأوضه فجاه . ريماس اتنهدت بهدوء ./ليلي هقفل معاكي و اكلمك شويه كده .
ليلي بهدوء ./ماشي .
و قفلت معاها . ريماس بضيق ./مش انا قولتلك متعملش حركاتك المتخلفه دي تاني .
زين وقف بغضب ./مين دي اللي عروسه يا ريماس .
ريماس وقفت قصاده بعصبيه ./و انت مالك اصلا . مش كفايه حركاتك الغبيه هي وصلت بيك انك تروح تاخد البنت بالعافيه يا زين .
زين ضحك بسخرية ./يبقي هي العروسه مش كده . حازم اللي راح خطبها مش كده ..انا كنت عارف أنه هيستغل كل اللي بيحصل لصالحه بس مكنتش اعرف انها ماديه اوي كده .
ريماس اتكلمت بغضب ./انت تلزم حدودك و كلامك . ليلي مش شبهك يا زين . و اه هو حازم بيحبها و هي بتحبه . و هيحافظ عليها و هيسعدها اكتر منك ..انا فعلا مش مصدقه انت ازاي اخويا و أنا بنفسي اللي كنت بعرفك عليها .
زين وقف قصادها بتحدي ./مستحيل اخلي الجوازه دي تتم يا ريماس .
ريماس رفعت صباعها في وشه بغضب ./و انا مش هسمحلك تعمل ده . حتي لو علي حساب اني اخسرك . بس مش هسيب حقدك يدمر حياة بنت ملهاش اي ذنب .
الاتنين بصو لبعض بصدمه . لما عبدالله وقف قدام باب الاوضه بهدوء مخيف ./ايه اللي بيحصل هنا . و ايه صوتكم العالي ده .
زين اتنهد بتوتر ./مفيش يا ج...
ريماس قاطعته بهدوء ./لا فيه يا جده .
عبدالله بص علي زين بهدوء ./تعالي يا ريماس المكتب .
ريماس هزت راسها بهدوء و مشت من غير ما تبص لـ زين .
لحد ما دخلوا المكتب . عبدالله قعد بهدوء ./في ايه بقي يا ريماس .
ريماس اتنهدت بهدوء ./زين فهم تعليمات حضرتك غلط . و داخل مسابقه مع حازم العاصم ممكن يدمر فيها مشاعر بنت ملهاش ذنب . انا حذرته كتير بس هو مش راضي يبعد عنهم .
عبدالله اتنهد بهدوء. /احكيلي كل حاجه من الاول .
ريماس هزت راسها بهدوء . و ابتدت تحكيله كل حاجه .
عبدالله اتنهد بهدوء . هو مكنتش متوقع أن زين قلبه يتملي بالحقد من مجرد تحذير .
عبدالله بهدوء ./ و ليه مقولتيش من بدري يا ريماس.
ريماس بهدوء ./عشان كان عندى امل انه يتغير . و ان مطلاما رفضته خلاص هيبعد عنهم . بس زين هيفضل مصمم طول ما شايف ان حازم بيحبها .
عبدالله بهدوء ./امشي انتي ..و ابعتيلي زين .
ريماس هزت راسها بهدوء . و طلعت لقت زين واقف بضيق .بعد ما اتاكد انها حكت كل حاجه . ريماس اتنهدت بضيق ./جده عايزك .
زين اتنهد بغضب . و دخل لـ عبدالله .
عبدالله وقف قصادي بجمود ./مش عايز اسمع منك اي مبرر . كل اللي تعمله انك هتبعد عن البنت نهائي . و عيلة العاصم كلها يا زين . مش هتقرب من حد منهم تاني . و لو حصل و قربت صدقني انا اللي هقفلك . و هتشوف مني وش مش هيعجبك .
زين تتنهد بعصبية ./و الكلام ده عليا انا بس و لا عليها هي كمان .
عبدالله رفع حاجبه باستغراب ./تقصد ايه .
زين بضيق. /اقصد ريماس اللي رايحه جايه مع ايهم حفيد العاصم . و بيتقابلوا يوميا كمان .
عبدالله اتنهد بضيق ./اللي قولته يتنفذ يا زين . اتفضل أخرج بره .
زين اتنهد بغضب و مشي .
عبدالله قعد بضيق . و هو بيفكر في كلام زين .
__________________________________________
تاني يوم ...
في فيلا العاصم . كانو كلهم متجمعين على الفطار .
عاصم ابتسم بهدوء و هو شايف حازم مبسوط زي زمان .
عاصم بهدوء ./عندنا ميعاد اخر الاسبوع مهم و كلنا هنروح .
محمد بهدوء ./ميعاد ايه يا بابا .
عاصم بص لـ حازم و ابتسم بهدوء. /هنخطب لـ حازم .
جيهان و احمد بصو باستغراب . و احمد اتكلم ./خطوبه ايه و مين اللي هيخطبها .
جيهان اتنهدت بضيق ./و ازاي يا حازم متقولناش .
حازم ابتسم بهدوء ./ما أنا بقولكم اهو . هنروح نتقدم لـ ليلي اخر الاسبوع .
سالي ابتسمت بفرحه ./ليلي مدرسة سليم .
حازم هز رأسه بفرحه . جيهان اتكلمت بغضب ./انت الظاهر اتجننت . حفيد العاصم يتجوز مدرسه . انت سالت عليها تعرف أهلها مين . تعرفها ازاي عشان تخطبها .
احمد بهدوء ./جيهان عندها حق يا حازم . انت تعرفها امتي عشان تقرر قرار زي ده.
حازم اتنهد بهدوء ./اه اعرفها كويس . و روحت لـ باباها و حددت معاه ميعاد .
جيهان قامت بضيق ./و انا مش موافقه علي البنت دي . لا هي شبهنا و لا من مستواك . و باين انها عرفت تضحك عليك كويس .
عاصم قام بغضب ./احمد سكت مراتك و فكرها هي كانت مين . و احنا اخترناها من غير ما نبص علي أصلها . مفيش نقاش في الموضوع ده تاني . و لو حصل اي رد فعل مش كويس و احنا هناك . متزعليش من رد فعلي . كلنا هنروح نتقدملها و نتعرف علي أهلها .
و سبهم و مشي . جيهان بصت عليهم بضيق و طلعت اوضتها. و احمد طلع وراها .
محمد ابتسم بهدوء ./متشغلش بالك انت يا حازم . و مبروك مقدما .
سالي ابتسمت بحب ./مطلاما بتحبها خلاص كل حاجه محلوله . و البنت باين عليها كويسه فعلا .
حازم ابتسم بهدوء . و قام ./معلش عشان عندي شغل .
ايهم قام وراه ./استني انا جاي معاك .
و مشيو .
عند جيهان .
جيهان وقفت بضيق ./بدل ما ابوك يوقفه . موافقه علي قراره ده . بدل ما يشوفله واحده تليق بيه . جايبله حتة مدرسه .
احمد اتنهد بضيق ./بابا مجبش حد . حازم اللي اختارها بنفسه . و لو البنت مكنتش كويسه مكنتش حد هيوافق عليها . مش كل حاجه الفلوس و المظاهر يا جيهان .
جيهان أتنهدت بضيق ./خليك انت مش فاهم حاجه . البنت دي اكيد بتخطط صح . دخلت البيت علي طريق سليم و دلوقتي بتلعب علي حازم .
احمد قام بغضب ./بصي انتي تقعدي و تهدي و تفكري كده . ان حازم خلاص رجع لحياته الطبيعيه . و احنا ماصدقنا نفرح بيه . البنت كويسه يا جيهان و ابنك بيحبها يبقي خليكي بعيد عنهم . و تفرحي لابنك من غير اي كلام . انا مش حمل مشاكل مع بابا بسببك .
و سبها و مشي .
__________________________________________
حازم دخل عيادته و هو بيكلم ليلي . حازم ابتسم بهدوء ./و جده عرفهم انهارده و هنيجي اخر الاسبوع .
ليلي اتنهدت بتوتر ./حازم انت متاكد من كل اللي بتعمله ده .
حازم ابتسم بحب ./دي اول مره اكون متاكد يا ليلي . انتي مش فرحانه و لا ايه .
ليلي ابتسمت بهدوء ./لا فرحانه و متوتره و خايفه . حاجات كتير عكس بعض .
حازم اتنهد بحب ./ خلينا فرحانين و بس يا ليلي .
ليلي ابتسمت بهدوء ./طب انا هقفل معاك عشان هنزل اروح الشغل .
حازم ابتسم بهدوء ./ماشي خلي بالك من نفسك .
ليلي ابتسمت بكسوف ./حاضر و انت كمان .
و قفلت و هي بتبص علي نفسها في المرايا . و ابتسمت بكسوف و نزلت .
ايهم دخل لـ حازم . و حطله الاشاعات و التحاليل قدامه ./انا بقالي اسبوع مش عارف اتلم علي حضرتك . التحاليل بتاعتها طلعت و قولتلهم انهارده يبلغوها انها طلعت .
حازم هز رأسه بهدوء . و هو بيفتح التحاليل . و بلع ريقه بتوتر ./ايهم انت ...
ايهم اتنهد بضيق ./انا عرفت يا حازم . بس دلوقتي هي هتعمل ايه .
حازم قفل كل حاجه . و اتنهد بضيق ./معرفش و مش عايز اعرف .
ايهم رفع حاجبه باستغراب ./حازم دي...
حازم اتنهد بضيق. /ايهم انا رايح أخطب ليلي اخر الاسبوع . و بحبها اي حاجه تاني مش عايز اعرفها . بلغهم يدوها التحاليل و الاشعه و ربنا يشفيها .
ايهم هز رأسه بهدوء . و خد الحاجه من قدامه و مشي . حازم اتنهد بضيق و حط دماغه بين أيديه بتعب .
ووووو..
