رواية الجميلة والوحش ادم واحلام الجزء الثاني الفصل العاشر
عند ادم
تحت بيت سيف
ادم عند عربيته مستني سيف يجيب كام حاجه ف شنطته
سيف نزل من البيت وراح ل ادم
ادم /وريني جبت ايه من فوق
سيف/هيكون ايه ي ادم بيه شويه لبس ..الله اعلم حضرتك واخدني ع فين ف قولت أعمل حسابي..ولو مش مصدقني اهو
وفتح له الشنطه يوريه ان مفهاش حاجه
ادم/قرب
سيف/ي ادم بيه ا
ادم بصله
وسيف قرب منه
وادم بدأ يفتشه
سيف/صدقني مش هتلاقي حاجه
ادم طلع من جيب الجاكيت ماط_وه صغيره
ادم فتح الم_طوه وبصله
سيف/مش سهل انت ي ادم بيه برضو
ادم قفل المط_وه تاني ورماها ف باسكت الزباله ال جمب العماره
وبدأ يفتش سيف تاني
سيف/انا مش عارف حضرتك بتعاقبني ولا بتحميني بس صدقني مبقاش معايا حاجه تانيه
ادم طلع من جيب سيف المحفظه و الموبايل
ومن الجيب التاني الباسبور
ادم/دول هيفضلو معايا ل فتره
سيف /هو انا هتسجن ولا ايه ..انا أيه ال يجبرني ع كدا بقي مش فاهم
ادم/ال كف ال خدته من ابوك
سيف/
ادم/واضح ان دي مش اول مره تنضرب من بباك...ف كل ما دماغك توزك افتكر الكف دا والا دا مش هيبقي اخر مره تنضرب فيها..اتفضل اركب
سيف ركب العربيه بغيظ وحط شنطته الصغيره ورا
وادم حط محفظه وموبايل وباسبور سيف ف جيب البدله وكان هيركب موبايل ادم رن وكان احلام
ادم/الو
احلام /ادم انت فين
ادم/ ورايا شغل وقدامي شويه وراجع البيت
احلام بعصبيه/ادم متكدبش عليا انت مش ف الشغل
ادم بغضب/وطي صوتك ي احلام ..هكون فين يعني لو مش ف الشغل
احلام بعصبيه/والله قول ل نفسك..بتكدب عليا وتقول رايح الشغل وانت مش هناك اصلا وانا اتأكدت من فراس..ي تري انت فين بقي ومع مين وانت اصلا مكلمتنيش من الصبح لما اتصلت بيك مردتش وبعتلي مسدج قولت لي انك مشغول لما تفضي هتكلمني ومكلمتنيش
ادم بعصبيه /قولت بطلي جنان ووطي صوتك متخلنيش اعلي صوتي ف نص الشارع..انا ساعه ونص وهبقي ف البيت نبقي نكمل كلامنا لما ارجع
احلام /
سيف ف العربيه بيبص ع ادم وهو بيتكلم ف الموبايل ومتعصب بس مش سامع ادم بيقول ايه بسبب ازاز شباك العربيه المقفول
احلام/لاء ي ادم ولا هنتكلم ف البيت ولا برا البيت..سلام
وقفلت المكالمه ادم اتنهد بغضب وحاول يهدي
وفتح الباب وركب العربيه وحط حزام الامان
وبدأ يسوق
بعد نص ساعه
ادم سايق ع طريق سريع و سيف جمبه مش عايز يتكلم وهو باين عليه متعصب كدا
ادم موبايله رن وكان ياسين
ادم رد/ايوا ي ياسين
ياسين/ادم مش انا وانت اتفقنا اني هروح الشهر دا الساحل مع صحابي..احلام قولت لها كدا ع الفطار بتقولي لاء مفيش سفر انا خايفه عليك..ايه بقي الكلام دا
ادم/ايوا انا متفقتش معاك ع حاجه انت عارف ان مامتك بتخاف تسيبك تسافر مع صحابك الصيع دول ع طريق سريع ٣ و٤ ساعات وبالذات بعد الحادثه ال حصلت من سنه
ياسين/ي بابا هو انا عيل صغير علشان اروح اقول ل صحابي مش هاجي معاكم الساحل علشان بابا مش موافق؟ ترضهالي يعني ي ادم
ادم بغضب /اه ..ومش عايز كلام كتير قولت مفيش سفر لوحدك..يلا سلام
وقفل المكالمه ورمي الموبايل ع التبلوه
سيف بص ل ادم ال باين عليه الغضب
سيف/احم ..بقالنا اكتر من نص ساعه ف الطريق ي ادم بيه..احنا رايحين ع فين
ادم/
سيف/من شويه كنت بتتكلم ف التليفون ومتعصب لو في حاجه شخصيه ..سبني ولما تخلص مشاكلك وتحلها نتقابل يعني
ادم سايق وساكت
سيف/انا مش عارفه ايه ال حصل مع بابا علشان يطلب منك تحميني..في صفقه بينكم ولا حاجه؟تخليص حق دا ولا ايه
ادم بصله ووقف العربيه ع جنب بغضب
ادم/انزل
سيف/حضرتك فهمتني غلط
ادم بغضب/انزل من العربيه
سيف/صدقني كان قصدي ا
ادم بعصبيه شال الحزام ل سيف/انزل من العربيه يالا ..دا ال كان ناقصني اخد بالي من عيل..انزل
وفتح الباب ل سيف علشان ينزل
سيف نزل
ادم بغضب/يلا امشي.. شوف هترجع بيتك ولا القسم ولا هتعمل ايه
سيف/!
ادم/اقفل الباب
سيف قبل الباب
ادم بغضب/عيل قليل الادب
وشغل العربيه تاني ومشي
سيف/ي ادم بيه
سيف بص حواليه لقي نفسه ف نص طريق سريع ومش معاه جنيه ولا حتي موبايله
سيف بينده ع ادم/ي ادم بيه
وشاور له من بعيد
سيف/لحظه استناني بس
وبدأ يروح وراه
ادم اتنهد وبدأ يهدي العربيه
سيف راح ل عربيه ادم بسرعه وادم وقف العربيه ف جمب
سيف بص ل ادم من الشباك بمعني اركب؟
ادم فتح له الباب وسيف ركب
ادم بغضب/مش عايز اسمع منك نفس نهائي
سيف /احم حاضر
وحط حزام الامان تاني
وادم رجع يسوق وعدي تلت ساعه
سيف/قولتلي مش عايز تسمع صوتي بس..حضرتك داخل يمين شكلنا رايحين منطقه نضيفه ..طب ع الاقل كنت قولت لي اشتريت لبس اشيك
سيف شاور ع مكان
سيف/بس في هنا استراحه فيها كل حاجه ممكن نقف نشتري ال احنا عايزينه
ادم/
سيف/فهمت. حتي التسوق ممنوع .طب ع الاقل نقف ع جنب ندخل الحمام
ادم بصله
سيف/هي الحاجه دي ب ايدنا طيب
ادم/الصبر يارب
ووقف ف جمب عند الاستراحه ومسك تليفونه من ع التبلوه لقاه هيفصل شحن
ادم نزل وسيف نزل
ادم/ساكت ليه
سيف/مش حضرتك مانعني اتكلم
ادم/طيب انا رايح اشحن الموبايل دقيقتين ف البنزينه..روح اشتري ال انت عايزه وارجع ع هنا
ادم كان هيمشي لقي سيف واقف وباصص له
ادم وقف/انت بتبص ع ايه
سيف راحله/مش هتديني فلوس..حضرتك خدت محفظتي وتليفوني ..اشحت طيب ولا ايه
ادم طلع محفظته من جيبه و اداله فلوس
سيف اخدها
ادم/٥ د وترجع مكانك
ومشي
سيف اتنهد/تحت امرك
ادم راح يشحن الموبايل
بعد شويه
عند سيف واقف عند ال بنت ال بتعمل قهوه
البنت/حضرتك قررت هتشرب ايه
سيف بابتسامه/اه طبعا..قررت من بدري
البنت ابتسمت ب اعجاب
سيف/ايه رأيك ف القهوه ال ساده..طعمها حلو
البنت ابتسمت/اه حلوه
سيف /لو كانت حلوه زيك هشربها وانا مغمض
البنت ابتسمت ومسكت الكوبايه علشان تكتب عليها اسمه
البنت/اسم حضرتك
سيف/هاتي عنك متعبيش ايدك الحلوه دي ..انا هكتبه
واخد منها الكوبايه والقلم والبنت ابتسمت
سيف/هكتبه ب نفسي..وهكتب تحب اسمي رقم تليفوني
وبدأ يكتب ع الكوبايه
ادم راح له وهو بيتكلم مع البنت
ادم/انت بتعمل ايه ؟
سيف بصله/احم ..تحب اجبلك قهوه انت كمان ..القهوه هنا حلوه
ادم/جاوبني انت بتعمل ايه عندك
البنت ابتسمت ل سيف/بباك حابب يشرب حاجه
ادم بص للبنت وبص ل سيف
سيف بص ل ادم وبعدين للبنت
سيف/كدا هزعل منك والله..مفيش شبهه بينا حتي قد كدا..مش حلوه منك
ادم بص ل سيف بغضب/امشي قدامي حالا
سيف/حاضر
سيف ابتسم للبنت
سيف/كتبت لك اسمي ب المناسبه ..المره الجايه هكتب لك رقمي
البنت ابتسمت
وسيف مشي وادم راح وراه بنفاذ صبر
بعد المغرب
في الكومباوند
بعد ما الكل اتغدي
احلام و ناهد بيشربو شاي و ياسين ويحيي معاهم
و فريده قاعده ف الصالون التاني بترسم تصاميم
عند ادم سايق وجمبه سيف
وصل الكومباوند وسيف كان بيبص ع الكومباوندات الفخمه والعربيات اخر موديل والمناطق الراقيه
ادم ركن العربيه قدام الكومباوند بتاعه
وحد من البودي جاردات راح فتح الباب ل ادم بسرعه وادم نزل واعطاله المفتاح يركن العربيه وسيف نزل
ادم/خليك هنا شويه وراجع لك
سيف/تمام
وادم دخل البيت
وراح الصالون ل احلام وناهد وياسين و يحيي
ادم/مساء الخير
الكل رد معادا احلام/مساء النور
يحيي/احم ازي حضرتك ي عمي
ادم /الحمد لله ي يحيي
ناهد ابتسمت /اهلا ب حضرتك ي استاذ ادم
ادم/اهلا بيكي
ادم/تعالي ي احلام محتاج اتكلم معاكي
احلام من غير ما تبص ل ادم/انا قاعده مع ناهد شويه
ناهد ابتسمت/روحي ي احلام انا كدا كدا هشرب الشاي وهمشي كفايه اوي كدا النهارده
ادم طلع فوق واحلام قامت وراحت وراه
ياسين موبايله رن وقام
ياسين/واحد صاحبي عايز عربيتي هطلع ادهاله وارجع متمشيش الا لما ارجع اسلم عليك
يحيي/ماشي روح
ياسين/عن اذن حضرتك
ناهد ابتسمت/روح طبعا ي حبيبي
عند سيف واقف ف الجنينه
بص ع اوضه رسم فريده بابها ازاز وشفاف والباب مفتوح
سيف /خلينا نعرف شويه عن ادم الحديدي وبيكون مين
وبص حواليه ملقاش غير بودي جارد بيتكلم مع الأمن عند البوابه
سيف راح دخل اوضه الرسم دي وقفل الباب وراه
سيف بص حواليه وبص ع اللوح ال مرسومه/ايه الرسومات الجامده دي
ولقي مرصوص ع الطربيزه صور ل ادم وفريده ورولا وميرا وفي صور ل ياسين و احلام
سيف بص ع صوره مجمعه ال تلت بنات ومسكها
سيف/اااه وعندك بنات كمان..مشاء الله عليهم حلوين والله
وحط الصوره مكانها
ومسك صوره ياسين
سيف/انت اكيد ياسين ال كان بيكلمه ف العربيه
وحط الصوره تاني و بص حواليه
سيف/هلاقي معلومه عنك ازاي ي ادم الحديدي دلوقتي
في غرفه ادم واحلام
دخلو الغرفه وادم قفل الباب
ادم بغضب/انا عايز افهم ايه الجنان ال بتعمليه دا
احلام بصتله بغضب/انا ال ف الاخر طلعت مجنونه يعني..يعني انت مكدبتش عليا وقولت لي ف الشغل وانت مش ف الشركه من اول اليوم..والله اعلم مع مين
ادم بغضب/هو الشغل بالنسبه لك ف الشركه بس؟ما انتي عارفه اني مشغول ف ز_فت ٦٠ الف حاجه..وكنت ف مشوار واكيد كنت هيحكيلك لما ارجع..بس انتي الله اعلم مين بيملي دماغك ب الأفكار دي
احلام ربعت ايدها وقالت بعصبيه/انا مش عيله صغيره ي ادم علشان اي حد يملي دماغي
ادم بغضب/قولت ١٠٠ مره متعليش صوتك قدامي وواضح فعلا انك مش عيله صغيره..وبعدين لو مكنتش ف الشغل هكون فين
احلام بغضب/بتخوني مثلا
ادم بغضب /لا حول ولا قوة الا بالله ..انتي عايزه تجننيني...هو انا عمري خونتك ولا فكرت ؟ انا طول ال 24 سنه مفكرتش اعمل كدا حتي ..ايه ال هيخليني اعمل كدا دلوقتي
في الصالون تحت
ناهد دخلت الحمام
رولا نزلت من غرفتها وهي بتربط شعرها كعكه عشوائيه
يحيي قام وراح لها
يحيي ابتسم/انا وماما شويه وهنمشي عايزه حاجه
رولا ابتسمت/لا شكرا
يحيي/هتيجي الجامعه بكره
رولا/مش عارفه والله بس هكلمك بكره اكيد
رولا سمعت دوشه ف اوضه الرسم بتاعت فريده
رولا/استني ي يحيي كدا
ودخلت الغرفه لقت سيف واقف ف نص الاوضه
رولا صرخت بصدمه
سيف /ينهار ازرق..اهدي طيب
رولا بتصرخ/حرامي
وبدأت ترمي عليه حاجات من الاوضه وسيف بيحاول يتفاداها
سيف بخضه/ايه ي مجنونه ال بتعمليه دا ...اهدي ...انا وربنا مش حرامي
رولا بغضب مسكت شمسيه مقفوله ورايحه تضربه
رولا بعصبيه /اطلع ي حرامي برا البيت
يحيي دخل الغرفه بسرعه لما سمع صراخ رولا و فريده دخلت وراه بسرعه
يحيي ل رولا بسرعه /في ايه ي رولا ايه البيحصل
فريده بصدمه/مين دا
يحيي بص ل سيف/انت مين...اياك تتحرك من مكانك انت فاهم
سيف/لا حول ولا قوه الا بالله ..ي جدعان فيه ايه ال حصلكم اهدو انا مش حرامي
رولا قربت منه بغضب وهي ماسكه الشمسيه وعايزه تضربه/فهمني انت بتعمل ايه ف بيتنا ي حرامي انت
فريده بخوف ع رولا /رولا اوعي تقربي منه
سيف بيحاول يفهمهم/اهدي شويه لو سمحتي خليني اشرح لكم انا مش حرامي ومش مستخبي انتو فهمتو الموضوع غلط..نزلي البتاعه ال ف ايدك دي بقي
فريده/انت عارف مين صاحب البيت دا علشان تجرؤ تدخله اصلا
سيف/انا جيت مع ادم بيه اصلا ل حد هنا
يحيي/انت كداب
رولا بغضب/انت اكيد سمعت اسم بابي ف مكان ف بتقول اسمه وخلاص اما انت كداب مش جاي معاه ولا حاجه
سيف/صدقوني انا مش حرامي ومعرفتش الاسم من برا زي ما بتقولي انا جاي معاه فعلا ...تعالو نسألو لو مش مصدقين..مش فاهم ايه الغلط ال عملته
وهرش ف دماغه بتوتر
سيف/احم دخلت البيت ب الصدفه زهقت وانا واقف برا بصراحه
رولا و فريده و يحيي بصو لبعض
بعد شويه
يحيي ماسك سيف من دراعه وخارجين ومعاهم رولا طالعين ع الجنينه لحد ما فريده تنادي ادم ويتأكدو سيف دا تبعه ولالا
سيف وهما ماشيين/صدقوني ال بتعملوه دا غلط كبير ادم بيه امر اني متحركش من مكاني ..سبوني اطلع أقف مكاني استناه زي ما كنت
رولا/طالما انت تبع بابي كنت بتعمل ايه ف بيتنا بقي ي محترم..هتستني هنا لحد ما بابي ينزل وتواجهه ونتأكد اذا كنت حرامي بجد ولالا
سيف وقف/انا مش فارقه معايا بس ادم بيه هيتضايق لما يشوفني معاكم
يحيي زقه بغضب /طب اطلع يلا لحد ما نشوف
سيف بصله/بص طريقي كان طويل..و اليوم مش احسن حاجه..ماشي انا فاهم انك عايز تعمل راجل قدام البنات بس لو لمستني مره كمان ايدك هتوحشك
رولا /كأنك اتوترت لما عرفت انك هتواجهه بابي
سيف/لاء ابدا انا مش عايز ادم بيه يتضايق بس
وقعد ع طربيزه ف الجنينه براحه
سيف/ادم بيه فين طيب اتأخر ليه
رولا اتنهدت بغضب وندهت ع مدحت بودي جارد ف الخمسينات
مدحت راح لهم
مدحت/أمري ي رولا هانم
رولا /عمو مدحت ممكن تقعد معاه 5 د بس مع يحيي لحد ما اشوف بابي فين وارجع ..يحيي متخلهوش يمشي
مدحت /حاضر
يحيي/ماشي متقلقيش
رولا دخلت البيت
ومدحت سحب كرسي وقعد جمب سيف
ومدحت ويحيي واقفين بيبصو ل سيف
فجأه عدي من قدامهم الخادمه كانت مطلعه قهوه للامن
سيف/ايوا جت ف وقتها والله هاتي هاتي تعالي
الخادمه راحت له باستغراب واعطته القهوه
سيف/تسلم ايدك والله
والخادمه مشيت وسيف بيشربها براحه وهو ساند ضهره ويحيي باصص له بغضب
يحيي/خليك معاه ي عم مدحت لحد ما اشوفهم اتاخرو ليه
مدحت/ماشي ي ابني
سيف/روح روح ي سوبر مان احنا قاعدين سوا هنا متقلقش
يحيي بصله بغضب ودخل البيت
سيف بيحاول يسحب كلام من مدحت
سيف/احم ..هو ادم بيه ديما عصبي كدا
مدحت/لا مش ديما والله دا أطيب حد ممكن تقابله .بس هو معذور برضو
. أشهر رجل اعمال ف مصر عنده ٢٠٠ الف حاجه تتعمل ف الشغل و ٢٠٠ الف حاجه محتاجه وجوده هو شخصيا دا غير عياله ال مطلعين عينه ..يعني لو انا مكانه كنت اتجننت من زمان
سيف/اها..ربنا يكون ف العون والله
مدحت/قولي انت تقرب ل ادم بيه ايه
سيف/والله ي عم مدحت انا لسه شايفه النهارده ل اول مره..مش انت اسمك مدحت برضو
مدحت/اه
سيف/بس ابويا قالي انه كان شغال معاه زمان
مدحت/ايه دا معقوله؟انا شغال هنا من اكتر من ٣٠ سنه..بباك اسمه ايه اكيد هعرفه
سيف/اسمه إبراهيم الناصري
مدحت ابتسم/لالا اكيد بتهزر..دا انا اعرفه ي ابني كنا صحاب زمان واحنا شباب لما كان بيشتغل معايا هنا..انت ابنه بجد
سيف/اه تخيل
مدحت/قولي صحيح هو عامل ايه دلوقتي..خرج من الحبس ولا لسه
سيف/انت عرفت منين انه محبوس؟
مدحت/اي حد كان شغال مع ادم بيه هنا عارف ان ابراهيم الناصري ادم بيه طرده من الشغل وبعدها اتحبس بس الشاهده لله ادم بيه مسابوش ولا ساب عيلته من وقتها
سيف بغضب /انت بتقول ايه...ادم الحديدي طرد ابويا و ابويا ف ال سجن بسببه
في الكومباوند
فريده دورت ع ادم وسألت دادا رحمه وقالت انه ف الاوضه فوق
فريده طلعت بسرعه وراحت الاوضه وكانت هتخبط سمعت ادم واحلام بيتخانقو
فريده اتوترت وقلبها دق واتضايقت.. اكتر حاجه بتأثر فيها هي واخواتها خناق ادم واحلام مع بعض لان علاقتهم دي حاجه كبيره اوي بالنسبه لهم ونفسهم لما يتجوزو يبقي علاقتهم حلوه وكلها حب وود واحترام زي علاقه ادم واحلام وبالذات ان ادم معود عياله انه يعبر بحبه ل احلام قدام عياله عادي
فريده نزلت من فوق بتوتر
رولا راحت لها/في ايه ي فريده فين بابي
فريده/ا
سيف بغضب وعصبيه دخل البيت
سيف بعصبيه/ي ادم الحديدي
وراح ل فريده ورولا وهو بيزعق
سيف /فين ادم الحديدي
رولا وفريده بصوله بصدمه
سيف بعصبيه ل رولا/بقولك فين ابوكي انطقي
رولا بتوتر وخوف/ا
يحيي راح لهم بسرعه وضرب سيف بوكس
يحيي/هو انا مش قايلك اوعي تقرب لهم تاني..ابعد وإياك تقرب
سيف بغضب/هو انا قولت لك ايه ي ح_يوان
ومسكه من هدومه بغضب
يحيي بغضب/قولت ايه
سيف بغضب ضربه بوكس ف وشه ومناخيره نزفت ورولا شهقت بصدمه وفريده حطت ايده ع فهمها بصدمه
سيف بغضب/انت مبتفهمش ب الكلام شكلك
رولا بخوف/لالا يحيي اهدي
يحيي قام من ع الارض وضربه بوكس
يحيي بعصبيه/قسما بالله ل اندمك ع ال عملته
سيف بغضب/مش قولت لك بلاش المرجله ال عاملها دي يالا
وضربه بوكس تاني وفريده راحت تنده ادم بسرعه
فريده /بابي
و الخدم اتلمو
ويحيي و سيف فضلو يضربو ف بعض
ورولا عايزه تفرق بينهم بخوف ومش عارفه
رولا ندهت ع ادم بخوف/بابي
سيف ويحيي وهما بيتخانقو رزعو بعض ف ازاز الجنينه الشفاف وكسروه ووقعو ع الارض وبيتخاقنو ع الارض ورولا واقفه مصدومه
ناهد طلعت من الحمام بسرعه وراحت لهم
وياسين دخل البيت لما سمع الخناق راح لهم بسرعه
ياسين بصدمه/ايه دا ..ايه ال بيحصل
وحاول يفض الخناقه ما بينهم ويقوم سيف من ع يحيي وقومه فعلا
ناهد بخوف ع ابنها راحت له
ناهد/يحيي ايه ال بيحصل
ويحيي كان عايز يروح يضربه بغضب ناهد منعته بخوف وبتحاول تطمن عليه
سيف بغضب عايز يضربه وياسين ماسكه مانعه
سيف بغضب/عامل نفسك راجل دلوقتي جاي تسترجل عليا ...متخلقش ال يمد ايده عليا ويضربني يالا
ياسين بعصبيه/بس خلاص اهدو ... اهدي بقي انت كمان
ناهد بخوف/مناخيرك بتنذف خلينا نتطمن
يحيي بغضب/انا كويس ي ماما
ناهد بتوتر/ياسين اتصل ب البوليس
ياسين بعصبيه/انا محتاج افهم انت مين وايه ال جابك بيتنا
رولا بتوتر/لقيته فجأه ف البيت وقالي انه جاي مع بابي
ادم واحلام نزلو من فوق بسرعه وراحو لهم
يحيي بغضب/دا واحد كداب وحرامي محدش يصدقه
احلام بخضه/ينهار ابيض ..في ايه ال بيحصل
ياسين/انا جيت ع صوت الخناق والازاز المتكسر مش فاهم حاجه
ادم بص ل سيف بغضب
احلام بتوتر/ادم مين دا..اتصل ب البوليس
ادم/اهدو ..مفيش داعي للبوليس.. هو جاي معايا
احلام ب استغراب/مين دا ي ادم
ادم مسك دراع سيف بغضب/هفهمك بعدين
ادم بغضب/امشي قدامي حالا
سيف مشي
ادم/ياسين قول لحد يجي يغير الازاز دا
ياسين/حاضر ي بابا
وادم راح ورا سيف
ناهد بتطمن ع يحيي بقلق ومسكت وشه
يحيي/انا كويس ي ماما
احلام بقلق ل رولا وفريده/انتو كويسين صح..حصل لكم حاجه..فين ميرا
رولا بقلق /اه ي مامي كويسين
و راحت ل يحيي تطمن عليه
فريده /ميرا لسه مرجعتش من الكورس
احلام اتنهدت وراحت تطمن ع يحيي/قولي ي حبيبي انت بخير..اجبلك تلج
ياسين راح يتطمن عليه /وريني
يحيي /مفيش حاجه ي جامعه خلاص انا كويس
قدام الكومباوند
سيف ماشي بغضب و ادم راح وراه
سيف بغضب/عمر ما حد قدر ينصب عليا
ادم بغضب/ايه ال انت هببته دا
سيف ماشي بغضب مبيردش
ادم بعصبيه/بتكلم معاك يالا أقف
سيف وقف قصاده بغضب /نعم
ادم بغضب جهوري/انت مفكر نفسك مين يالا...احنا اتفقنا ع كدا؟ كنت بتعمل ايه جوه وسط عيلتي فهمني؟
سيف/انت كدبت عليا
ادم بعصبيه شاور ع الكومباوند/الجوه دول ولادي انت فاهم..ممنوع مخلوق ف الدنيا دي يقرب عليهم.. او يفكر يأذيهم او يخوفهم...غير كدا ضربت الشاب دا .. مين ال ادالك الحق
سيف بغضب/انا فهمت انت مين ي ادم الحديدي وافتركت كل حاجه..عرفت كل حاجه
ادم بغضب/اركب العربيه
ومسك دراعه بغضب/امشي قدامي
وراحو عند العربيه
سيف بعيند/مش هروح معاك ف حته
ادم بغضب/اتزفت اركب
وفتح باب العربيه
سيف/
ادم بغضب جهوري/اركب يالا
سيف ركب العربيه وادم رزع الباب وراح يركب
وساق علشان يروحو يتكلمو ف مكان هادي
بعد شويه ادم سايق و سيف جمبه
ادم وهو سايق بغضب/انا نفسي افهم ايه ال حيونه ال أنت فيها دي ..اعمل فيك ايه بعد ال عملته قدام عيلتي فهمني
عايزني احبسك هنا طول الوقت ؟قسما بالله اعملها... احطك ف مكان تحت الارض ..وحراسه مشدده 24 ساعه...الشمس مش هتشوفها..مش دا ال انت عايزو؟جرب تعمل كمان غلطه واحده...غلطه واحده بس ...مش هيفرق معايا حد واحول حياتك ل جحيم
سيف بغضب/زي ما عملت ف ابويا صح..هتعمل فيا زي ما عملت ف ابويا...انا افتكرت كل حاجه..افتكرتك ي ادم بيه..انت المسؤول الرئيسي ف حبس ابويا.انت البني آدم ال سرق عيلتي مني..قولي هددت ابويا ب اي بقي علشان يحطني امانه عندك..قولي كل حاجه
ادم بعصبيه ركن العربيه ف جمب
ادم بعصبيه/اخرس مسمعش صوتك ..كل ال كلام ال بتقوله دا مش صح ..ابوك لما ساب الشغل معايا راح اشتغل مع ناس مش تمام .ولما طلبو منه يضحي بنفسه ويتحبس ويلبس تهمه والا انت واخواتك هتتأذي وافق يتحبس من غير ما يفكر.. فضل هناك ب ارداته علشانكم...عمل كدا علشان يحميك انت واخواتك
سيف/مستحيل اصدقك ابدا
ونزل من العربيه بغضب و ادم اتنهد وحاول يهدي ونزل من العربيه
ادم /بباك عمل كدا علشان يحميك ويبعدك عن الطريق ال_زفت دا
سيف/مش مصدقك ...ومتقربش مني
ادم اتنهد وحاول يهدي
ادم/تمام.. انا هخليك تكلم بباك بنفسك
ادم اتصل ب محمد بيه علشان يجيبو ابراهيم يتكلم مع ابنه
و قفل المكالمه ومنتظر اتصال ابراهيم
وسيف واقف ف جنب بعيد عن ادم
موبايل ادم رن
ابراهيم/ادم بيه
ادم/ابنك عرف انت اتحبست ليه..اتكلم معاه وخليه يعقل علشان صبري بدأ ينفذ معاه
ابراهيم/حاضر
ادم اعطي الموبايل ل سيف وادم وقف عند العربيه بعد عنه
سيف/الو ..بابا..هو رجل الأعمال دا بيقول ايه..بعد ما هو اتسبب ف حبسك جايبني امانه عنده؟لو مهددك ب حاجه اوعي تسمع كلامه
ابراهيم/سيف..انا ال اترجيت ادم بيه ياخد باله منك..محدش هددني..كل ال قالهولك ادم بيه مظبوط..ومش هو السبب ف حبسي اصلا انت فاهم غلط بالعكس..دا ادم بيه ليه فضل كبير عليا وعمري ما هنسي ال عمله معايا
سيف/ايه
ابراهيم/انا كنت شغال مع ادم بيه وبعدين لما سبت الشغل معاه اشتغلت مع ناس بسببهم انا اتحبست و انا اختارت اني اتحبس علشان احميكم ..يعني ادم بيه ملوش ايه علاقه دا بالعكس...هو فضل طول السنين دي واقف جمبي علشان غلاوه عمك رضا الله يرحمه وبعت ل مياده فلوس كل شهر علشان تاكلو وتتعلمو بس انت متعرفش دا لان الفلوس كانت بتوصل ل مياده ..الكلام ف القديم ملوش داعي دلوقتي
انا وادم بيه اتفقنا انه هيحطك امانه عنده علشان تبعد عن الطريق ال و** ال انت ماشي فيه..نفذ أوامر ادم بيه .والباقي مشكلتي انا مش مشكلتك
سيف/ازاي مشكلتك انت بس..طب وانا؟ ال حرمتني منك كل السنين دي؟سبتني يتيم من غير ام ولا اب..طب سيبك مني..اخواتي الصغيرين..حتي هما حرمتهم من وجودك ليه..كان ممكن تعمل اي حاجه تانيه غير انك تختار تتحبس.. كان ممكن تأخدنا ونسيب البلد مثلا..ليه اختارت الاسهل وانك تبقي تحط طوع ناس ***زي دي
ابراهيم اتنهد بوجع/زي ما قولت لك ي سيف ..الكلام دا ملوش لازمه دلوقتي..انت امانه عند ربنا وبعدين ادم بيه..مع السلامه ي ابني
وقفل المكالمه
سيف/بابا..بابا الو
سيف نزل الموبايل من ع ودنه ومسح وشه ب ايده
ادم راح له و سيف اعطاله الموبايل
ادم/لو اسألتك خلصت..يلا نرجع الكومباوند
سيف هز راسه بموافقه
ادم/يلا امشي
وراح ركب العربيه وسيف ركب جمبه وانطلقو
ف الكومباوند مساءا
ادم و سيف ووصلوا البيت
وراحو الاوضه ال جمب الكومباوند وادم فتح الباب و
سيف دخل الاوضه
وكانت صاله فيها كنبه وتلفزيون وحمام واوضه فيها سرير ودولاب و كورنر ل شاي والقهوه وادم دخل الاوضه
ادم/دي اوضتك...هتقعد هنا لحد ما نشوف هنعمل معاك ايه..ومتحاولش تطلع من الكومباوند من غير اذني
سيف هز راسه و قعد ع الكنبه
ادم كان هيمشي
رجع تاني
ادم بصله/انت كويس صح
سيف بص ل ادم/اه كويس
ادم /انا عارف ان الموضوع صعب ومش سهل ع حد..ومش بلومك...بس من النهارده طريقي هو طريقك..معندكش حد توثق في غيري انا نهائي..انت فاهم صح
سيف/فاهم...انا بس عايز اطمن اخواتي عليا خايف يكونو بيتصلو وموبايلي مع حضرتك
ادم/متقلقش لو اتصلو هجبلك الموبايل تطمنهم..تصبح على خير
وطلع برا الاوضه
سيف قام وخلع جاكيت البدله.وقعد ع السرير وهو سرحان
سيف ف سره/من اليوم ورايح انا معنديش اب..ال ميفكرش ف عياله ويرميهم كدا ب ارداته ميستاهلش يكون ابويا...مش فاهم ازاي قدر يعمل كدا
ف الكومباوند
في غرفه ميرا
نايمه ع السرير ف النص و جمبها رولا من ناحيه وفريده من ناحيه وحكو لها ال حصل
ميرا بصدمه/ينهار ابيض ..كل دا حصل وانا ف الكورس
رولا بغيظ/اه شوفتي..جه بوظ لنا اليوم قليل الزوق
فريده/ويحيي ال اكل ضرب دا صعبان عليا والله
ميرا/ما طبعا..لازم يدافع عن صحبته بلاش حبيبته علشان رولا هانم بتضايق
رولا/ايوا فعلا هو صديق عيله وزميلي ف الجامعه وبس
فريده لما افتكرت خناق ادم واحلام اتضايقت
رولا بصت لها/مالك ي فريده في ايه
ميرا/اكيد مخضوضه لسه من ال حصل صح
فريده مرضيتش تضايقهم وتقول لهم ان ادم واحلام اتخانقو علشان ميزعلوش
فريده/اه مفيش حاجه انا بس مستغربه ال حصل
رولا/هو غريب فعلا
الباب خبط
ميرا/ادخل
ادم دخل الاوضه يطمن عليهم
ادم/لسه منمتوش
فريده /اه ي بابي تعالي
وكانو هيقومو
ادم/خليكم زي ما انتو..انا جاي اطمن عليكم بس قبل ما تنامو
وباس راسهم
ادم/انا عارف انكم اتخضيتو من ال حصل النهارده. حقكم عليا
فريده/وانت زنبك ايه بس ي بابي هتعرف منين ان كل دا هيحصل..بس مين الشاب دا اصلا
رولا/ايوا هو مين فعلا..غريب بجد
ادم اتنهد/دا ابن واحد كان شغال معانا هنا زمان..وهو هيفضل معانا هنا فتره هيعيش ف الاوضه ال جنب البيت..لحد ما شوف هشغله فين
رولا/متهزرش ي بابي هو الهمجي دا هيعيش جمبنا هنا
ادم/اه فتره مؤقته لحد ما انقله يعيش ف مكان تاني ..ومتقلقوش مش هيعيد ال هو عمله دا تاني
فريده/متقلقش علينا احنا كويسين.. اتخضينا بس شويه وخلاص
ادم/ماشي..تصبحو ع خير
وحضنهم
البنات بابتسامه/وانت من اهل الخير
والتلاته باسو خده وادم ابتسم
وطلع برا الغرفه والبنات رجعت تنام تاني
عند احلام ف الغرفه
غيرت هدومها وقاعده ع الكنبه بترسم تصميم وقلقانه ع ادم ال مرجعش لحد دلوقتي
ادم دخل الغرفه وخلع الجاكيت بتاعه بتعب..مرهق ومن اول اليوم واقف ع رجله
احلام مقدرتش تتجاهله بزعل وهو باين عليه الإرهاق كدا
احلام بصتله /انت كويس
ادم هز راسه ب اه/هدخل اخد شاور
وخد هدوم من الدريسنج ودخل الحمام واحلام اتضايقت من نفسها انها اتخانقت معاه النهارده والله اعلم ايه ال كان مشغول فيه النهارده وهي دماغها كانت ف حاجات فاضيه.
بعد شويه ادم طلع من الحمام بعد ما اخد شاور
احلام قامت من ع الكنبه وراحت حضنته
ادم حضنها ب قوه وباس راسها
ادم/وحشتيني
احلام/انت كمان وحشتني اوي..مشوفتكش من اول اليوم ولا احتي اتكلمنا
ادم/انا اسف ..حقك عليا.. انا اسف
وطلعها من حضنها وباس راسها وخدها وشفايفها
احلام/انا ال اسفه ي ادم علشان زودتها عليك وانت مشغول وتعبان
ادم عدل لها شعرها ومسك وشها ب ايده وباس راسها
ادم/متعتزريش ي عيون ادم..انا ال مقصدتش ازعلك ابدا او اتعصب عليكي
احلام بحزن/انا عارفه ان انا زودتها عليك وانت راجع من الشغل تعبان وبتعمل ١٠٠ حاجه ف نفس الوقت ..بس خوفت تكون بتخوني. انا مقدرش استحمل حاجه زي دي ي ادم
ادم بص ف عيونها /انا اخونك انتي؟ والله العظيم مقدرش اعمل كدا ولا حتي افكر..انا بعشقك ومبقدرش اعيش من غيرك ..بعشق عيونك وضحكتك وحتي جنانك دا وغيرتك عليا ال بتخليكي تعملي تصرفات شبه الاطفال بالضبط..وكل حاجه فيكي..عيني مستحيل تبص ل واحده تاني وعقلي ميقدرش يفكر غير فيكي
وباس شفايفها ورقبتها
احلام ابتسمت بحب/انا بحبك
ادم /وانا بعشقك
وباس شفايفها
ادم/لما اتصلتي بيا الصبح كنت ف مشوار مهم وكدا كدا لما ارجع كنت هحكيلك كل حاجه...انتي عارفه اني مبخبيش عليكي اي حاجه
احلام ابتسمت وحضنته وآدم حضنها ب قوه وباس راسها
ادم/لسه زعلانه مني
احلام حضناه بقوه /مقدرش ازعل منك
وآدم ابتسم وحضنها بقوه وباس راسها ورقبتها
احلام/قولي هو مين الولد ال اتخانق ف بيتنا تحت دا
ادم طلعها من حضنه ومسك ايدها
ادم/تعالي احكيلك
وخدها وقعدو ع الكنبه
وحكالها كل حاجه من اول ما ابراهيم طلب يقابله
احلام مسكت ايد ادم/بس انت ملكش زنب ف اي حاجه..حتي ابراهيم دا متحبسش بسببك ..هو عمل غلطه ف الشغل وانت مشيته وهو ساب الشغل معاك وراح اشتغل مع ناس تانيه مش كويسه واتحبس بسببهم
ادم/بس انا ال طردته.لو مكنش طردته مكنش اضطر يشتغل مع الناس دي علشان يصرف ع عياله
احلام مسكت وش ادم وبصت ف عيونه/انت ملكش زنب ف اي حاجه ي حبيبي متلومش نفسك...انت ايه ال هيعرفك انه اول ما يشتغل مع ناس تانيه هيعمل حاجات وحشه ويتحبس بسببها؟ دا انت حتي بعد ما سابك وراح ل ناس تانيه واتحبس انت مسبتوش ولا سبت عياله وكنت مهتم ب مصاريفهم من بعيد وإبراهيم عارف دا..انت ملكش زنب ف حاجه والله
ادم/تفتكري
احلام ابتسمت/انا واثقه .انت مفيش زي قلبك ولا حنيتك ومستحيل تأذي حد عن قصد ابدا
ادم مسك ايدها ال ع وشه وباسها وحضن احلام بقوه واحلام حضنته بابتسامه
