رواية شيخه عراقيه كويتية الفصل الحادي عشر بقلم جمانه السعيدي
وسام....خل احجيلكم شويه عني
بعد سفر عمو رحيم اني صرت رجال البيت
خالتي حكمت كانت تكول انت رجال البيت تاخذني وياها
الاي مكان تروحله
وتعتمد عليه بكلشي من جنت زغير
وابد ماتحرمني من اي شي كنت اعرف هي مو امي
واعرف هي مايصير عدها اطفال
بس اني حيل متعلق بيه
احبه اكثر من امي الحقيقيه خصوصا هي ماتخلي شي بخاطري
واي شي اريده اجيبه اليه
بعد سقوط النظام منطقتنا صارت منطقه تجاريه
ونفتحت بيه محلات جبيره
وأسعار البيوت بيه صعدت
قبل جنا عايشين على خياط خالتي والفلوس الي بدها عمو رحيم النا وجدي ابد مامقصر ويانه بشي
خالتي حكمت تعبت من الخياط وعيونه مو مثل قبل
والتدخين تعبه حتى لبست نضاره
اقترح عليه جدي تبني بلواجيه محلات وناجرنه احسن مامكسور ضهرها على الخياط ٢٤ ساعه
وكل الوقت تشكي من مفاصله
خالتي كانت شاطره وطول الفتره الي سافر بيه عمو كانت تشتغل وجمع فلوس بالاضافه للفلوس الي يدزهن عمو رحيم
لان جدي ماكان ينسانا بلمسواك ابد
واحنا نفرين كلشي يكفينا
المهم خالتي طلعت قسم من الفلوس الي مجمعتهن وبنت محلات ثنيين كبار بلواجه واجرتهن
بعد إيجار المحلات بطلت تخيط لان تعبت كلش
اكثر الفلوس الي كانت مجمعتهن صرفتها عليه بلكليه
منا لمن تخرجت
سنة ٢٠٠٧ من الكليه لان عندي سنتين رسوب طول مشواري اراسي
بلكليه تعرفت على بنيه تدرس وياي وصارت ببنه قصة حب من تخرجت رحت خطبته وعقدنا
واني حاليا اشتغل واجمع فلوس علمود نزوج اني وياها
صار ٣ سنوات مخطوبين
اكيد راح تكولون هواي ٣ سنوات
الصراحه اهله عدهم طلبات تعجيزيه بلمهر والسكن والذهب
البنيه متمسكه بيه واني هم احبه
جاي اشتغل ليل نهار حتى نزوج اني وياها ونستقر
لمن وصلنا خبر وفاة عمو رحيم بحادث سياره حيل انفجعنا علي
كنت متصور خالتي قويه ومايهزها اي شي بلدنيا
خصوصا واني اشوفه تشتغل ومكافحة كل هاي السنيين
وشلون محافظه على نفسه وعلى سمعته
بس من سمعت خبر وفاة عمو رحيم ماكدرت توكف على حيله كل الوقت تدعي القوه وان هي نست عمو رحيم
مثل ماهو نساها وراح ازوج وحده غيرها
بس الحقيقه خالتي بعدها تحبه ومنتضرته كل هذا الوقت
بااخير فتره عمو رحيم وصل خير الجدي راح يرجع للعراق
يريد يرجع ويستقر هنا لان تعب من الغربه طول هاي السنيين
كنت احس اللهفه بعيون خالتي وهي تنتضر رجعته يوم يوم
بس القدر أقوى منه ومن عدنا كلنا
اجا خبر وفاته خالتي كامت تعيط بدون وعي
تعيط بشكل هستيري
حضنته وحاولت اهديه بس حالته كانت صعبه
وكانما اكو حزن بكلبه صار سنيين وكانت تننضتر تنفجر
وطلع كل الحزن الي بداخله
جدي اقترح انجيب الجنازه وندفنه بلعراق وبعدين نقيم العزا
من سمعته كال اسافر للكويت
وسام...جدي اني اروح وياك
جدي...لا ابقى يم خالتك لا تعوفه وحدها
وسام...لا جدي انت تعبان مومال تسافر وحدك اني اجي وياك
ثاني يوم سمعنا الخبر سافرنا للكويت
يعني وصلنا ثالث يوم للعزا هناك
خطيه شيخه منهاره فدمره علي وعلى امه عيونه حمر
وارمه من البجي
وصوته رايح الله يساعدها شلون فقدت امه وابوها بنفس اليوم
المهم بقينا هناك يومين واحنا نتوسل بيه ترجع ويانه للعراق
لان بقت وحيده هناك
اني ماشفت اهل امه بلعزا الله اعلم شنو ضروفهم
بالاضافه هي تكول ابوي وصاني ارجع اعيش بلعراق
اربع ايام واحنا نقنع بيه تجي ويانه
يله قبلت تجي للعراق ويانه
طول الطريق وهي ساكته وحزينه وكل اشويه اشوفه تمسح دموعه
الحد ماوصلنا للبيت
خاله حكمت ماكانت مرحبه بوجودها بلبيت
يعني سلمت عليه سلام عادي وعازته بااهله وخلاص
البنيه مبين عليه الانكسار
امي الحقيقه وعماتي ونسوان اقاربنا بقن كاعدات يمه ويسولفن عليه
وهي حتى ماله خلك تحجي مدنكه وتبجي
طلعت خالتي حكمت واني طلعت وراها
وسام...شبيج خاله شنو الموضوع
حكمت...من شفته ضجت
وسام...ليش خاله خطيه
حكمت...هاي امه اخذت رحيم مني وغربته ٢٠ سنه وحتى مااجه للعراق ولا مره حتى يشوفني لو يطمن عليه
مع العلم هو من طلع
كال استقر وارجع اخذج تسكنين وياي
وسام...وهاي البنيه شنو ذنبه ترا امه الي اخذت عمو رحيم مو هي
حكمت...ماتشوفه ماتشبهنا ابد اكيد تشبه امه
كلما اشوفه راح اذكر امه وشسوت بيه
وسام...خاله ترا البنيه مكسوره على كيفج وياها ومابقاله واحد بلدنيا غيرنا
رب العالمين يكول ارحمو من في الأرض يرحمكم من في السماء الرحمه حلوه
حكمت...مااكدر مااحبه يعني مااحبه
وسام...الله بهديج
لليل الكل رجع البيته وهي كاعده بمكانه حتى اكل ماقبلت تاكل
طلعت شويه ورجعت شفته غافيه بمكانه
مرجعه راسه ليوره ونايمه
وسام...خاله جهزتي غرفة شيخه
حكمت...شيخه على شنو شيخه الله يرحم عمك
مالكه غير هذا الاسم
وينه وين الشيخه
وسام...اي غرفه اله خطيه تعبانه ونايمه وهي كاعده
حكمت...الغرفه الفوك
وسام...بس الغرفه الفوك مامجهزينه وبيها كومه غراض
شلون تنام بيه
حكمت...ولله هذا الي عندي
وسام...راح افرشله بغرفتي اليله واني انام يمج بغرفتج علما ارتب غرفته
حكمت...وليش خابص نفسك بيه
وسام...هاي صاحبت البيت لا تنسين هذا البيت اله
بعدين هي هسه حزينه
وحتلو مو ذني كلهن نعتبره ضيفه علينا
اذا يجينا ضيف مانكرمه اخر كرم
حكمت...اني راسي يوجعني من البجي بكيفك مالي شغل
بيك بس لا تتوقع اني راح اخدمه بيوم من الايام
وسام رحت رتبت غرفتي وغيرت الجرجف
ورحت عليه
وسام....شيخه شيخه اسمعيني
راسا كمزت وعدلت شاله على راسه كانت لابسه رداء اسود
وخاله شال اسود على راسه
وسام...اسم الله تعاي نامي بلغرفه الثانيه ارتاحي انتي نايمه وانتي كاعده
هزت راسه وعدلت شاله واجت وياي دخلت للغرفه
واني رحت جبت جنطته واجيت خليته بلغرفه يمها وطلعت
ثاني يوم ماطلعت من غرفته
وسام...خاله شوفي البنيه ماطلعت من غرفته
حكمت...ماتشوف النسوان داخله طالعه اني مشغوله
وسام...براحتج
رحت دكيت الباب شيخه شيخه اسمعيني
ردت عليه بصوت ضعيف
شيخه...اي بسمعك
راسا فتحت الباب ووكعت من طوله
وسام...الله شبيج شيخه حاجيني شبيج
البنيه عبالك جثه وهامده
على صوتي كل الي بلبيت اجمعو عليه
اخذناها للمستشفى
عدها هبوط بلسكر والضغط من قلة الاكل
الدكتور انطاها محلول مالح حتى يرفع الضغط
وصاني نوكله حتلو بلغصب
اهم شي تشرب عصير
مايصير تفقد وعيها هيج
اني وجدي وامي سناء رحنا وياها للمستشفى
وبقينا هناك منا لمن استعادت وعيها
يله رجعنا للبيت
جدي...مايصير هيج جدو لازم تاكلين موزين عليج
شنو تردين تنتحرين
سناء...حبيبتي اكلي وصيري قويه ابوج لو موجود مايقبل يصير بيج هيج
وسام...هاا صرتي احسن
شيخه...الحمد لله
