 |
رواية خلف الاقنعة الجزء الثاني الفصل الحادي عشر بقلم منة الله الجزار
مالك كور ايده بغضب.. وفي سره.. انت اللى بتستدعي الضرب… وخلاص كان هيضرب سامر بس جات صافيه وكانت واقفه علي الباب.
صافيه بحزن وقلة حيله.. يلا ياولدي الناس هيستنونا.. ومشيت
مالك هز راسه ومشي وراها.
كان الكل جاهزين وسامر فضل يستفز في مالك.
سامر بستفزاز.. لوكه هتركبي معايا صح؟
مليكه.. بهدوء.. اي حاجه يا سامر.
سامر راح فتح ليها الباب وشاور ليها انها تدخل وهي ركبت وقفل الباب وراح ركب هو كمان.
نديم وطارق وياسر وسعديه ركبو سوا وصافيه مع مالك.
صافيه بهدوء وكان جواها نفسها انه يقول مش مستعد.. مالك انت مستعد للجوازه دي ولا انت واخدها عند.. عشان يا ولدي القرار مينفعش الرجوع فيه.
مالك اخد نفس عميق وطلعه وبص قدامه للحظات ورجع بص ليها تاني.. متاكد ياستي.
صافيه غمضت عيونها بحزن وبعدين فتحتهم.. امشي ياولدي.
مالك مشي وهما وراه.
❤❤❤❤❤
عند ياسر
❤❤❤❤
طارق بغيظ.. هو الواد ده مابيفهمش صح؟
نديم لاول مره توافقه الرأى.. فعلاً بجد معصبني وتعرفو اللى معصبني اكتر المهبوله اللى هتسيبه يضيع من بين يدها دي بجد عاوزه افتح نفوخها.
سعدية.. بحزن.. مليكه بتدفع تمن حاجه حصلت زمان وللاسف احنا فكرنا ان اللى ما’ت خلاص ما’ت واندفن لكن راجع تاني.
طارق مكنش فاهم حاجه وبيبص عليهم بشك ونديم بدأ جسمها يترعش زي مكان بيحصل فيها قبل كدا.
طارق بشك.. هو انا ليه حاسس ان الموضوع ده ليه علاقة بحد قريب من مالك.
سعدية بخوف انه يكون فهم.. لاع ياولدي بس سامر ده بلوة وانى خايفه علي مليكه منيه قوي.
ياسر بهدوء ووعيد.. ماتخفيش ده لو قرب عليها هطلع روحه بيدي.
❤❤❤❤❤
عند مليكه.
❤❤❤
كان سامر عمال يقول نكت ليها عشان تضحك بس هي كانت في عالم تاني مكنتش اصلا سامعه ولا حاسه باي حاجه.
وقفو في الاشارة وجات عربية سامر ومالك قصاد بعض مالك نزل الازاز وشاف مليكه بصه علي الطريق وسامر راح منزل الازاز هو كمان ومليكه استغربت لي بينزله وبصت علي مالك لقته بيبص عليها ولقيت سامر بيطلع لسانه لمالك بستفزاز ومالك ضغط علي سنانه بغيظ… وبعدين سامر بعت بوسه في الهوا لمالك… الاشارة اتغيرت.. ومالك زود السرعه وسبق سامر.. سامر اضايق لانه كان هو اللى في الاول وزود السرعه.
مالك كان بيقفل عليه الطريق مش مخليه يعرف يطلع او انه يسبقه.
مليكه بستغراب.. سامر هدي السرعه شويه.
سامر زود السرعه مليكه صرخت.. اااععع قولتلك هدى شويه.
سامر بغيظ.. مش شايفه ابن عمك واخد الطريق كله لوحده.
مليكه.. بطل تعانده وهو مش هيعناد معاك هدى بقولك.. العربيتين بقو قصاد بعض تاني.
مليكه بغضب.. اقف بقولك.. وفتحت الشباك وزعقت.. مالك اقف انت كمان.
مالك وقف وسامر وقف وياسر استغرب وقفو لي؟بس هما منزلوش.
مليكه نزلت وراحت ركبت مع مالك مالك طلع لسانه لسامر ومشي.
سامر كان منغاظ اوي منها.
صافيه بستغراب.. في اي؟
مليكه ربعت ايديها بغيظ.. مزود السرعه وانا بخاف ومكنش سامعني بسبب احدهم.
مالك بص في المرايا واتكلم بسخرية.. احدهم هو متركبنيش الغلط ادام هو مابيعرفش يسوق بيركب عربية لي؟
مليكه بغيظ.. هو انت لو مردتش يجري ليك حاجه.
مالك بغيظ.. واستفزاز.. اه.. طالعلك.
مليكه بغيظ.. طالعلي لي ان شاء الله كنت لساني طويل وانى مخبراش.
صافيه ومالك في نفس اللحظه.. حوصل.
صافيه كانت بتضحك عليهم.
مليكه بغيظ.. حتي انتي ياستي واقفه معاه وكملت بتمثيل.. مانى لو ليا حد كان واقف ليه بس انى كله جاي عليا واتصنعت انها بتعيط.
مالك بتمثيل وهو بيقلدها.. تراني اتأثرت شوفتي ياستي دموعي مش قادر اوقفها ازاي؟
وضحك عليها.
مليكه خبطته في كتفه بغيظ.
مالك بتصنع الوجع.. ااه اي عضم ضرب كتفي ايه يابت انتي اكتر واحده بتاكلي و كلك عضم.
مليكه بغيظ.. هو اني باكل من جيبك ياك.. انى باكل من خير ستي وابوي مش باكل من جيبك.
صافيه لقت الدنيا هتشيط اكتر.. استوب خدو استراحه وبعدين اتناقروا عاملين كيف الفراخ.
مالك ومليكه بصو لبعض في المرايا بغيظ.
بعد فترة وصلو البيت عند جاسمين.
طبعاً كان مالك جايب ورد وشكولاته معاه.. مالك نزل وراح فتح الباب لصافيه ونزلها وقفل الباب تاني.
وجه يفتح لمليكه لقا سامر بيفتح ليها الباب نفخ بضيق.
سامر مد ايده لمليكه عشان تتعلق في دراعه وعيون مالك كانت عليهم كان في سره.. هشيلها ليكي لو عملتيها.
مليكه بخبث واستفزاز.. وحطت ايدها في دراعه.. واتكلمت ببتسمه.. يلا يروحي.
مالك بغيرة في سره.. دانا هطلع روحك بس الصبر عليا.
ومشيو وهو طلع لبيتهم وكان بيعدل هدومه وبص عليها واتكلم بستفزاز.. لوكه الاستايل حلو انتي بنت واكيد عارفه انا كدا حلو.. وغمز ليها.. عشان جاسمين بس.
مليكه ببتسمه واسعه.. قمر يالوكه جاسمين اول ما هتشوفك هتقول نكتب الكتاب علي طول.
كان الكل بيضحكو عليهم.
مالك بغمزه.. عارف اني قمر.
مليكه.. قمر بالستر ياخويا.
فتحو ليهم الباب واهل جاسمين رحبو بيهم وطبعا مالك اداها الورد لجاسمين ودخلو كلهم كانو قاعدين.
ابو جاسمين.. نورتونا ولله ازيك يا مالك يابني.
مالك ببتسمه.. الحمدلله ياعمي حضرتك عامل ايه؟
مامت جاسمين دخلت وزغرطت ومعاه جاسمين ومعاهم العصير وقدامت جاسمين العصير ليهم وراحت قعدت جانب مالك.
مليكه في سرها.. يارب عدي اليوم ده علي خير عشان مرتكبش جر’يمه.
مالك كان قاعد وعينه عليها وكان بيستفزها.. وطبعا بنتنا عاقله وفقعت مرارته برضو 😂
ياسر بهدوء.. طبعاً حضرتك عارف احنا جاين لي؟
ابوها.. ببتسمه.. طبعاً وجاسمين دي بنتي الوحيدة ومعنديش غيرها في الدنيا دي كلها وانى اول لما مالك كلمني رحبت قوي بالاخص انى عارفكم من زمان.
ياسر.. جاسمين كيف بناتي بالظبط وان شاءلله احنا مش هنختلف.
ابوها.. طبعاً. واتفقو علي كل حاجه.
ابوها.. نقرا الفاتحه بقى. بسم الله الرحمن الرحيم.
والكل قراو الفاتحه… مليكه مكنتش شايفه قدامها.
مليكه في سرها بقهر.. خلاص بقيت بتاع واحده تانيه يا مالك.. ربنا يهنيك.
مالك في سره.. انت بتعمل ايه انت اللى عاوزها غير دي انت بتعك ايه وكمل بحزن.. واللى عاوزها مش عايزني.
صافيه في سرها.. عندت يا ابن انس بكره هتندم وساعتها الغفران مش هتوصلو.
سعدية.. في سرها.. يقلبي عليكي يابتي بتحضري خطوبة حبيبك حقك عليا.
سامر كان فرحان انه اخيرا الحاجز اللى كان بينه وبين مليكه خلاص اتشال ومبقاش في حاجه تمنع جوزاهم.
جاسمين في سرها.. عارفه ان الفرحه دي اخرتها وحشها بس النصيب.
خلصو الفاتحه وقعدو يهيصو ليهم.
طارق كان بيبص لمالك بسخرية.
ونديم مكنتش طايقه ولا طايقه مليكه ونفسهم تضربهم الاتنين.
ياسر كان بيبص لمليكه بقهر.
ام جاسمين قومت مليكه ونديم عشان يرقصو.
طارق شد نديم من ايديها بغيره.. اسف ياطنط مراتي مابترقصش.
ام جاسمين.. خلاص تعالي يا مليكه انتي ارقصي معانا ده فرح اخوكي برضوو.
مالك كان هيعترض بس مليكه قامت.. طبعاً ياطنط ده الاخ الوحيد اللى لينا ولازم نهيص ليه بس شغلو اغاني حلوة.
جاسمين كانت مصدومه.. وهمست لمالك.. ده اكيد اخر يوم في حياتنا مليكه هتفجر’نا كلنا مالك مكنش سامعها اصلا وكانت عيونه عليها وكان بيكور ايده بغضب وعروق ايده بدات تظهر وغلامات الغضب بانت علي وشه.
ام جاسمين.. جابت طرحه لمليكه وحزمتها.. وشغلت اغاني ومليكه رقصت…. جاسمين حطت ايدها علي خدها وبزعر.. ياساتر استر ونجي من المهالك احيييييييه.
نديم لما شافت وش مالك كدا حبت تستفزه… وصقفت بصوت عالي… ايون يابت ياجامده عسل يابت يالوكه ايون هزه يمين وهزه شمال لولولوي.
طارق قلدها لما غمزت ليه وحتي صافيه برضو عملت كدا والكل كان بيشجعها……………. لحد ما مره واحده وحصلت كارثة هزت البشريه 😂😜
