رواية شيخه عراقيه كويتية الفصل الثاني عشر بقلم جمانه السعيدي
وسام ..بعد العزا ماخلص والناس بطلت تجينا تقريبا حياتنا رجعت طبيعيه
اله خالتي حكمت الي شاده كوره وياا هل مسكينه
وتريد تنتقم منه بسبب زواج عمو رحيم
كانت تختار أعذار ودور المشاكل دواره
بلبدايه شيخه كانت ساكته بس بعدين انفجرت عليه
حكمت...يله كومي شمنتضره هذا البيت منو ينضفه
لو ترديني اخدمج
شيخه....الحين يايه
حكمت...تفضل بله وحده بدويه شلون راح اتفاهم وياها
مااكول بس الله يرحمك رحيم
يعني العرقيات شبيهن رحت ازوجت وحده بدويه
شيخه...انتي شفيج علي ادزين باكلام علي انا بشنو
اذيتج
حكمت...انتي كلج اذيه انتي وامج
شيخه...ترا انا كاعده بيت ابوي ماكاعده بيتج
حكمت...باعي خاف جايه طمعانه بلبيت ترا اني الي حصه حالي حالج فهمتي لو لا
تالي عمري تجي وحده مثلج اطلعني من بيتي بعد كل هاي السنيين ولله عوزي اذا ماعاجبج
ارجعي منيين مااجيتي
انا يله متحمله نفسي انوب انتي عليه
شيخه....ابوي كان يكول عنج بت اصل وكلبج طيب بس طلع غلطان
حكمت...اني بت اصل غصبا ماعليج فهمتي لو لا
شيخه...انا كنت بعيش هني بلعراق وعادتكم اهلي
بس بعد هذا الكلام
برد الكويت بس بعد ماأخذ حصتي من هذالبيت
انا ماابي اعيش هني دكيكه وحده بعد جذي
بروح ديرتي واعيش
انا ماكنت بيي هني بس ابوي غصب علي مااعرف شنو
الي هني بيكون متمسك فيه
حكمت...البيت انسي اخليج تبيعينا فهمتي لو لا
هذا بيت عمي وبيت زوجي
انت وين جنتي عايشه ارجعي ولله ماعندي بس انتي
وسام...دخلت ولكيتهن يتناكرن شيخه وخالتي
...هااا خير انشاء الله
حكمت..تعال شوف شلون طلع السانه وبانت نواياها
ماصارله شهر هنا بعدنا بسم الله الرحمن الرحيم
وتريد تبيع البيت وطشرنا كل واحد بمكان
حيه على امه الي اخذت الزلمه عشرين سنه ماخلته يجي يشوف اهله
شيخه...انا ماكلت جذي انتي الي بديتي وانتي الي
تبين تتهاوشين معي
وتكولين ردي منيين ماايتي انا كلت هذا بيت ابوي
وسام...انعلو الشيطان وعفو هذا الكلام
ترا زحمه هذا اول تعارف بينكم
شيخه...انا الي فيني مكفيتي ماابي اتهاوش
ابي اعيش وبس واذا كان الوضع هني بيضل جذي انا ارد للكويت
حكمت....غميته درب الي ايودي روحه بلا رجعه
شيخه...شفت شفت كيف اهي الي تبي المشاكل مو انا
وسام...خاله عيب ليش هيج اطلعون صوتنا كدام العالم
شيخه بت رحيم وهذا البيت بيته
الخاطر عمو رحيم لازم نحترم وجودها بلبيت
شيخه..اي جذي ناس تفتهم
حكمت...شنو قصدج اني ماافتهم
شيخه...انتي ليش مناشبتني جذي
حكمت...تفضل مناشبته ولج انتي شنو واني اناشبج
مدري اناشدج
انتي نعال مااخليج برجلي
وسام...هاي شلون طلابه ماتخلص اليوم
تعاي شيخه خل نطلع اخذج الاهلي شوفيهم الحد مآ خالتي تهدأ شويه ونرجع للبيت
شيخه...ماابي اروح اي مكان
وسام...افه تفشليني اريد اخذج الاهلي
شيخه.. مشان خاطرك بس
وسام...خالتي دخلت غرفته وشيخه دخلت بدلت وطلعت
لابسه رداء وشأل خالته على شعرها
طلعنا اني وياها نمشي بيت اهلي مو بيعيد بلشارع الي وارنا
كانت تمشي وهي ساكته
خطيه شيخه خسرت كلشي والنوب خالتي اجت نكمل عليه
ادري هي شنو ذنبه بلي صار
بعد عمو رحيم مات وهي بتنا وماعدها احد غيرنا
الله يسامحه خالتي
وصلنا واني دخلت قبله وصحت ماما امي تعاي هاي شيخه اجتج خطاره
ام وسام...هله هله بشيخه وجيته هله عمه تفضلي
وسام...التفت عليه شيخه وكالت
شيخه..اي جذي ناس تفتهم
ام.وسام...ادخلي عمه هله بيج
شيخه...هله فيج ربي يسلمج
ام وسام...نور البيت
شيخه..بيتكم منو فيكم
ام وسام اليوم تتغدين عدنا
شيخه... انتم اليوم طابخين نخي انا بشم ريحة نخي
ام وسام...شنو نخي عمه انا طابخه مركت حمص على لحم
شيخه...شو هو الحمص
ام وسام تعاي للمطبخ واني اواريج
وسام...راحت هي وامي للمطبخ ورجعت بيدها كاسه لبلبي
تاكل
شيخه..اي انتم اليوم طابخين نخي ولله طيب
وسام..انتم تسمون الحمص نخي
شيخه...اهو اسمه نخي انتم الله يهداكم شو حمص
وسام...انتم أسمائكم عجيبه غريبه
شيخه...انا بسألك سوال
وسام....تاكل وهي مستمتعه اي اسئلي
شيخه...امك وخالتك حكمت انت متاكد هنا خوات
وسام...ليش
شيخه..امك طيبه وحلوه بس خالتي حكمت عصبيه
وماتتفاهم ابد لا تزعل مني انا صريحه
وسام...امي محد اخذ زوجه منه خالتي حكمت امج اخذت عمو رحيم منه
شيخه...وانا شو ذنبي اذا ابوي حب امي وخذها
وسام...كلما خالتي تشوفج تذكر امج
وتتعارك وياج
شيخه...تتعارك يعني تتهاوش صح
وسام...اي صح
وسام...كعدنا نتغدا كلنا على فكره اخواني الكبار ثنيينهم ازوجو وطلعو من البيت باقي عندي اخ واحد عايش وياا امي وكان بعدا ماراجع من الكليه
كملنا اكل وشيخه صممت تغسل المواعين وياا امي
ام وسام...انتم ماعدكم خدامه
شيخه...لا ماعدنا خدامه امي كانت الله يرحمه تطبخ وتنضف الحاله
ام وسام..انتي ماساعديه
شيخه...انا مدلله ابوي الله يرحمه محد يكرب علي
ام وسام...نزلن دموع شيخه ومسحتهن
لا تبجين حبيبتي مقدر ومكتوب
وسام...خلصنا الغدا يله شيخه نرجع للبيت
شيخه...ابي اروح ال يدي
وسام...يله نروح البيت جدي
شيخه...انا حبيت يدي كلبه كثير طيب
وسام...هو هم يحبج
واحنا نمشي دك تليفوني باوعت هاله خطيبتي هلو حبيبتي
شيخه....انت لك حبيبته
وسام..اشرت براسي اي
حبيبتي توني اجيت من الشغل وتغديت شويه وارجع مره ثانيه
اي بليل امر عليج ميخالف
شيخه...كيف يعني بتمر عليه
وسام...خطيبتي واحنا عاقدين
شيخه...مبروك بس مأشوف خاتم خطوبه فايدك
وسام...اني انزعه لان اشتغل اخاف علي
شيخه...خطيبتك من هني من بغداد من الاهل
وسام...لا مو من الاهل بس من بغداد
شيخه...متى ناوين على الزواج
وسام...بعد محتاج فلوس حتى يكمل هذا الزواج
شيخه مااعرف ليش كنت حاسه نفسي منغوسه ومكدره
واني اسمع وسام يتكلم عن خطيبته
وسام...ممكن تحجيلي شلون عمو رحيم تعرف على امج وزوجه وبعد عندي سوال ماشفت اهل امج بعزا عمو رحيم
شيخه...كصة تعارف امي وابوي له علاقه بااهل امي
وسام...شلون
شيخه...ابوي الله يسلمك كان يشتغل دريول او انتم تسمونه سايق بيت يدي ابو امي
وكان كل يوم يشوفه وهو يوصله للكليه
حبه وحبته
تكدم له بس خوالي رفضو هذا الزواج لانا بيشتغل عدهم
يعتبرون روحهم من الناس الواصله
وعيب بحكهم يزوجون بنتهم الوحيده الواحد يشتغل عندهم
بس امي عندت تبي ابوي لانه تحبه
يدي كان عارف ابوي وعارف اخلاقه
وكف مع امي حتى هاي الزواجه تم
بس خوالي هددو يدي اذا بدريه بتزوج السايك الي عندنا
نحرمه من الورث
ومانبي نعرفه طول عمرنا
امي ساعته من كد ماتحب ابوي كالت انا ماابي الورث
ابي رحيم
يدي وكف معاها وزوجه ابوي
ومن ساعته وخوالي مكاطعينا اول كان يدي بيزونا
ويطمن علينا
بس يدي مات بحرب الخليج
ونكطعت اخبار خوالي وماعد عرفنا عنهم اي شي
وسام...هيج قصة حبهم قويه
شيخه...ابوي كان بيموت على امي وشايله من الأرض شيل
وسام...لا تحجين هاي القصه الخالتي حكمت
ترا تموتج خلاص
شيخه...ترا حكمت من حكه تغار ابوي الصراحه ينحب
واني ابي ازوج واحد مثله
وسام...ماكو واحد مثل عمو رحيم
شيخه...اي ولله وانت الصاج ماكو مثله ابد
وسام...يله وصلنا البيت جدو تبقين هنا ومن ارجع من الشغل اجي اخذج لان راح عليه الوكت
واخاف ارجعج للبيت تتعاركن انتي وخالتي
شيخه..خلاص انا بضل هني ومن ترد من الشغل تي تاخذني
وسام...حلو حجيكم اهل الكويت
شيخه...انا عراقيه وابوي عراكي الكلام الحلو عندكم يااهل العراك
عيوني كلبي بعد روحي
وسام...طبعا احنا اهل الغزل كله
يله ادخلي
وسام...جدووو وينك جبتلك شيخه
جدي...هله بلعزيزه بت العزيز هله الغاليه بت الغالي
هله بيج جدو
شيخه...هله يدي كيف حالك
جدي...تمام الحمد لله
وسام...اني طالع للشغل ومن ارجع بليل اخذ شيخه
جدي...الله وياك
