رواية المشاغبة والظابط الفصل الثاني عشر
سيف: خلاص وصلنا.
ياسمين: طيب انا هطلع واتوكل أنته علي الله.
سيف: طيب اللي يريح حضرتك.
لتصعد ياسمين الي شقه أخيها لتبدل ملابس والدتها ثم تمسح وجهها من المكياج وترتدي ملابسها وتذهب الي المستشفي وتاءخذ معها ملابس لورده ثم تخرج وتغلق الباب لتسحب الاسانسير لتنزل الي مدخل العمارة
ياسمين: الحمدلله محدش شافني.
وهنا يتصل بها والدها
شحته: انتو ف انهو مشتشفي عشان احنا وصلنا؟
ياسمين: اسمها مستشفى الامل، اساءل عليها مشهوره جوي.
شحته: طيب اديني هساءل.
ياسمين: هيا جريبه من شجه اخوي.
شحته: بت خالتك عامله ايه؟
ياسمين: كويسه عملت العمليه.
شحته: اطمنو يا جماعه ورده عملت العمليه الحمدلله.
---
وأثناء قياده شحته للسياره كان يساءل عن المستشفي ليدله شخص عليها
شحته: الحمدلله المشتشفي ف الشارع الجاي.
ليصلو الي المستشفي ويدخل اسماعيل مسرعا ليساءل عن ابنته ليبلغوه برقم غرفه ابنته، وهنا يدخلون عليها
سنيه: ورده بتي الف سلامه.
ورده بتعب: انا زينه يا اما الحمدلله… بس انتو مين اللي جالكم؟
شحته: ياسمين كت بطمن عليكم جامت جالتلي.
عزيزه: اجر وعافيه يا بتي.
ورده: الله يكرمك يا خاله.
وهنا تصل ياسمين الي المستشفي
ياسمين: حمدالله علي سلامتكم، مالكم واجفين كده ليه؟ ما اهي زي الجرده اهي.
ليضحكو علي ياسمين
---
ياسمين: الدكتور مجالش هتطلعي من هنا أمته؟
ورده بتعب: بكره انشاء الله.
سنيه: خلاص انا هبيت معاها.
شحته: تعالي معايا يا ياسمين.
ياسمين: حاضر.
ليخرجو من الغرفه
شحته: تعالي وديني الحسابات عشان ادفه حساب المشتشفي.
ياسمين: الحساب ادفع خلاص.
شحته: مين دفعه؟
ياسمين: ابا تعالي نروحو الكافتيريا عايزه اتكلم معاك.
شحته: تعالي انا كمان مصدع وعايز اشرب جهوه.
لتذهب ياسمين مع والدها الي كافتريا المستشفي
---
ياسمين: ابا مش انا بتك حبيبتك؟
شحته: ونور عيوني كمان.
ياسمين: انا لجيت فتي احلامي.
شحته: لجيتي ايه؟
ياسمين: مش احنا اصحاب ومش بنخبو علي بعض حاجه؟
شحته: اه طبعا.
ياسمين: طاب انا هحكيلك كل حاجه.
لتقص ياسمين علي والدها كل ما حدث
شحته: عمرك مهتعجلي ابدا انتي، يطلع منك كل النصايب ديه. بس انتي كده زعلتيني منك عشان اللي عملتيه مع اخوكي، انا ربيتك علي كده؟
ياسمين: أصله كسر نفس ورده وهيا غلبانه وبتحبه من زمان.
شحته: كتي اتصرفتي بعجل، مش تضري اخوكي ف شغله.
ياسمين: خلاص اخر مره، المهم هعمل ايه ف كل النصايب اللي انا عملتها؟
شحته: والله يا بتي انتي وجعني نفسك ف مشاكل كتيره، طاب جوليلي دلوك لما نروحو البيت والناس اللي شافوكي علي انك ام ياسين لما يشوفوا امك هنعملو ايه؟
ياسمين: إن كان علي مرت البواب هجولها كت بهزر معاكي، لكن اللي اسمه نبيل ده شكله معجب بالبت ورده.
شحته: طاب ما كده حلو، خلي اخوكي البارد يغير، وانتي بجا الاول حلي النصيبه اللي عملتيها لسيف ف شغله، ومتعمليش مجالب تاني بكفايه يا بتي ولا اخدك معايا البلد.
ياسمين: له خلاص مش هعمل مجالب تاني، حرمت يا أبا.
شحته: طاب تعالي نروحو نشوفو بت خالتك.
ياسمين: حاضر.
ليذهبو ليطمئنو علي ورده ثم يذهبو الي منزل ياسين
ياسمين: اما اطلعو انتو وانا هشوف ام فردوس اصلي كت مشيعاها تجيبلي حاجه.
شحته: طاب شوفيها بس هاتي المفتاح.
ياسمين: اهو.
لينركوها ويصعدو ف المصعد، لتنادي ياسمين علي ام فردوس
ياسمين: يا ام فردوس!
ام فردوس: خير ياشابه، عايزه حاجه؟
لتضحك ياسمين
ياسمين: اه عايزاكي.
لتقص عليها ياسمين ما فعلته
ام فردوس: غير مصدقه… يعني حضرتك اخت الاستاذ مش الست والدته؟
ياسمين: مخلاص بجا، جولتلك كت بهزر.
ام فردوس: والله ده انا صدجتك.
ياسمين: بس اوعي ياسين اخويا يعرف، ده ممكن يدبحني فيها.
ام فردوس: سرك ف بير ياست الحجه.
ياسمين: اسمي ياسمين، انسي الحجه ديه خالص.
ام فردوس: حاضر يا انسه ياسمين.
---
لتتركها ياسمين وتصعد الي شقه أخيها
ام فردوس (بطمع): الحق اتصل بسيف بيه وأعرفه، واكيد هيديني مبلغ محترم… الا البت النصيبه ديه، طاب والله ديه تنفع تمثل ف السيما.
لتتصل ام فردوس علي سيف
سيف: خير يا أم فردوس، جماعه استاذ ياسين فيهم حاجه؟ اه صح، ديه مرات ياسين ف المستشفي.
ام فردوس: في مفاجاءه كبيره بس عايزه الحلاوه.
سيف: حاضر هبعتلك فلوس بس طمنيني، مفاجاءه ايه؟
لتقص عليه ام فردوس كل ما حدث
سيف: انتي واعيه بتقوللي ايه؟
ام فردوس: اه والله يابيه زي مبقول لحضرتك كده، طلعت اخت الاستاذ مش والدته، وهيا لسه معرفاني عشان أهلها جم من البلد بس قالتلي مقولش لمخلوق.
سيف: اه يا بنت المجنونه… طاب اسمعي، اوعي تعرفيها انك قولتيلي حاجه، سامعه؟ ده أمر.
ام فردوس: حاضر يابيه والله ماهاقول حاجه… بس الحلاوه؟
سيف: ليكي عندي حلاوه كبيره اوي.
ام فردوس: شاالله تعيش يابيه.
ليغلق معها سيف الهاتف ويتحدث مع نفسه
سيف: بقا معقولة يطلع منها كل ده! بس عجبتني ودخلت عليا والله… برافو عليها. طيب يا انسه ياسمين، انا هوريكي الجنان علي أصله… ده انتي جيتيلي ف ملعبي.
---
ليتصل علي والدته
سيف: ست الكل فينك دلوقت؟
والدته: ف البيت، انته اللي فين؟
سيف: ف الشغل… بقولك ايه، عايز اقابلك بعيد عن البيت.
لتضحك والدته
والدته: ميعاد غرامي ده ولا ايه يا ولد؟
سيف: لما اقابلك هتعرفي.
والدته: انا هروح النادي.
سيف: وانا هسبقك علي هناك… سلام يا روح قلب ابنك.
والدته: وانته نور عيون امك يا مجنون.
اما في شقه ياسين كانت ياسمين تجلس تخطط كيف ستوقع حنتيره ف شر أعماله
ياسمين: اول حاجه اعملها لازم يكون معايا سلاح بس اجيبه منين… اه بس مافيش غير كده، اخد طبنجه ابويا، وبعد كده ارسم علي حنتيره اني اخت ياسين واتصاحب عليه واطمنه اوي من ناحيتي، وبعد كده اظبطه وهو متلبس… ياسلام علي افكارك يا بت يا ياسو.
ياسمين: بس ياتري هما هيمشو أمته… كان لازم يعني تتعبي ياست ورده.
وهنا تسمع صوت امها تناديها
عزيزه: تعالي اتعشي، جهزت العشا.
ياسمين: طيب جايه يا اما.
ليمُر الليل ويأتي صباح جديد وها هو موعد خروج ورده من المشفي
اما سيف بعد أن قص كل شيء علي والدته ضحكت كثيرا
والدته: اكيد هيا ديه فتاه احلامك… مجنونه زيك.
سيف: اه يا امي نفسي اشوفها وهيا ياسمين علي الحقيقه.
وبعد أن خرجت ورده من المشفي وذهبت معهم الي منزل ياسين ليقابلهم نبيل أمام الاسانسير
نبيل (بهيام): الف سلامه عليكي يا انسه ورده.
ورده: الله يسلمك، هو ياسين وصل بالسلامة؟
شحته: لسه يا ولدي، انا أبوه وده جوز خالته وديه خالته.
نبيل: أهلا وسهلا بيكم، نورتو القاهره، في اي خدمه اقدر اقوم بيها؟
شحته: كتر خيرك ياولدي.
ليصعدو الي الشقه
ياسمين: حمدالله على سلامتك، عامله ايه؟
ورده: الحمدلله.
شحته: خلي امك تسويلها شوربه.
ياسمين: امي عملتلها فروج مسلوج وعملت غدا للكل.
شحته: فيها بركه والله.
سنيه: تعالي يابتي خشي اوضتك عشان تريحي.
ياسمين: ديه عمليه بمنظار يا خاله مش جرح متخيط.
ورده: عارفه انا… كان نفسك يخيطوني؟
سنيه: بعد الشر عليكي يابتي، والله بجيتي زي البدر ليله تمامه.
ياسمين: ادعيلي يا خاله خليت البوصه عروسه.
ليضحك الجميع علي ياسمين وهما يسمعو صوت طرق علي الباب
ياسمين: ده ياسين اخوي جاه يا أبا.
شحته: حمدالله على سلامتك يا ولدي.
ياسين: الله يسلمك يا أبا… خير، فيه حاجه ولا ايه؟
سنيه: اصل ورده عملت عمليه ولسه جايبنها من المشتشفي.
شحته: خش اطمن علي مرتك.
ليدخل ياسين علي ورده ووجهه مكفهر
ياسين: الف سلامه عليكي.
ورده: الله يسلمك.
لينظر اليها ياسين باءنبهار
ياسين: انتي مين؟
ورده: سلامه النظر… انا ورده.
ياسين: اصل شكلك اتغير خالص… هما اللي بيعملو عمليات بيحلوو كده؟
ورده (بكسوف): كتر خيرك.
ياسين: انا بتكلم بجد.
ورده : معلش متزعلش من ياسمين انته عارف ان مخها طاجج
ياسين : يسافرو بس الجماعه وربنا يجدم اللي فيه الخير
الاب شحته : ياسين تعالي في حد بيساءل عليك
ياسين : جاي يا أبا
ليخرج ياسين ليجد نبيل ف انتظاره
نبيل : حمدالله على السلامه
ياسين : الله يسلمك تعالي خش
نبيل : انا عايزك ف موضوع مهم اوي
ياسين : طاب خش هنتكلمو علي الباب
ليدخل نبيل
ياسين : خير في حاجه
نبيل : بصراحه ومن غير مقدمات انا طالب ايد اختك
ياسين : وانته شفت اختي فين
نبيل : امبارح ف الاسانسير مع والدتك والنهارده مع والدك وجوز خالتك
ياسين : طاب عن اذنك ثواني
ليخرج ياسين الي ابيه
ياسين : هو انتو جيتو أمته
والده شحته : جينا امبارح
ياسين : طاب نبيل صاحبي شاف ياسمين وعايز يخطبها
شحته : بتمثيل هو مش جصده علي ياسمين جصده علي ورده مرتك
ياسين : ورده ازاي ده بيجول اختي يا أبا
شحته : ده مجلب من مجالب اختك
ياسين : جسما بربي لاربيها انا خلاص حطيت صوابع ايدي ورجلي ف الشج منها وش الاءذي ديه عن اذنك يا أبا اروح اشوف الحزين ده كمان
ليخرج ياسين ويتحدث مع نبيل
ياسين : ثواني هنادي علي اختي عشان تشوفك
وبالفعل ينادي ياسين علي ياسمين
ياسمين : عايز اي
ياسين : جسما بربي لاربيكي واعرفك مقامك
ياسمين : اسمع بجا مش هتجدر تعملي حاجه ايويا هنا وممكن يكسر عضمك
نبيل : الله امال فين العروسه
ياسين : هيا ديه اختي
نبيل : لاء انا قصدي علي البيضا ام شعر اصفر والدتك قالتلي انها أختك
ياسمين : لتضحك ياسمين انته شربت المجلب علي العموم اللي انته جاي تخطبها ديه تبجا مرت ياسين
نبيل : لا يا اختي والدتكم قالتلي انها أخته
ياسمين : ما اهو انا اللي كت عامله امي اصل اخويا كان مسافر فعملت نفسي ست كبيره عشان محدش يطمع فينا
ياسين : ربنا ياخدك اروح منك فين بس والله ما حد هيحلك من ايدي لو كان مين
لتضحك ياسمين عد يا معلم كده تلاته صفر لصالح ياسو
ليجري ياسين خلفها
نبيل: يا ولاد المجنونه يعني العروسه طلعت مراته معلش ماليش ف الطيب نصيب
الراوي: ليخرج نبيل من الشقه دون أن يشعر به أحد
ياسمين تدخل غرفه سيف وقفلت الباب بالمفتاح
ياسين: يعني هتقعدي ف الاوضه طول عمرك مسيرك تطلعي واكسر عضمك
الراوي: لتسمع ياسمين صوت رنين هاتفها
ياسمين: ايه ده الجمر سيف
لترد ياسمين: ايوه يا ولدي
ليضحك سيف: اخبارك ايه ياامي وأخباره الانسه ورده ايه
ياسمين: بتمثيل الحمدلله زينه وخرجت من المشتشفي
سيف: طاب كويس واخبار حضرتك ايه
ياسمين: كويسه
سيف: اصلي بصراحه حكيت لوالدتي عن حضرتك وقالتلي لازم تعزمها عندنا
ياسمين: كتر خيركم مافيش داعي
سيف: لا والله ابدا ده انا هااجي اخد حضرتك بنفسي
ياسمين: وبعدين بجا بعدين في الورطه ديه
سيف: بتقوللي حاجه يا امي
ياسمين: له سلامتك طاب اجولك اصبر بس يومين لغيت ما ورده تشد حيلها ويكونو ناسها سافرو بالسلامه
سيف: بس امي عازمه حضرتك بس يعني انا اسف
ياسمين: وماله بردك يومين كده وابجا اكلمك
سيف: تحت امرك يا امي
الراوي: ليغلق سيف الهاتف مع ياسمين
سيف: ايه ده ديه ظهرتلي علي الفيس ادخل علي حسابها واعرف كاتبه ايه
الراوي: وبعد أن دخل سيف علي ايميل ياسمين
سيف: ايه ده كاتبه انا ياسمين طبيبه بيطريه وعزباء عشان لسه ملاقيتش ابن الحلال اللي يدخل قلبي
مواصفات فتي احلامي مجنون ومطرقع وفاكك ودمه خفيف ولازم يكون وسيم
سيف: اما اشوفها بتتابع ايه ايه ده توم وجيري مغامرات ومقالب وتامر حسني مطربها المفضل
البت ديه شخصيتها قريبه اوي مني
بس انا المفروض اتكلم مع ياسين وافهمه كل حاجه
الراوي: ليتصل سيف علي ياسين
ياسين: اهلا يا صاحبي عامل ايه
سيف: الحمدلله تمام بقولك انا عايز أخطب اختك
ياسين: وانته شفت اختي فين انته كمان
سيف: انا كمان قصدك ايه
سيف: اصل حصل…
الراوي: ويقص عليه ياسين كل ما حدث بينه وبين نبيل
ليضحك سيف: سامحني بس اختك ديه مجنونه علي الاخر
ياسين: ما انا عارف حاجه مش جديده المهم
سيف: طاب اسمع انا هحكيلك كل اللي حصل انته عارف انك صاحبي واخويا
ياسين: اكيد بس قوللي شوفت الزفته ديه فين
الراوي: ليقص عليه سيف كل ماحدث
ياسين: اه يا بنت ال انا خلاص هموت منها
سيف: يا عم بعد الشر عليك
ياسين: يعني كدبو عليا ومرات البواب هيا اللي عملت كل حاجه ده غير مجالبها ديه خليتني اتحبست يومين
سيف: ايه؟ اتحبست؟
ياسين: هحكيلك
الراوي: ليقص عليه ياسين ما فعلته ياسمين
ليضحك سيف حتي تدمع عيناه
و مستغرق ف الضحك
سيف: معلش سامحني مش قادر معدتي وجعتني من كتر الضحك
ياسين: بتضحك والله نفسي اموتها
سيف: طاب ايه رءيك نتفق انا وانته ونربيها
ياسين: انته مجنون؟ عايزني اتفق معاك علي اختي؟ هيا صحيح تعبتني اوي بس ف النهايه ده اختي
سيف: يا ابني انا حبيتها وعايز اتجوزها بس لازم اخد بتاري منها الاول
ياسين: انته متاءكد انك عايز تتجوز ياسمين؟ اختي اللي كانت عامله أنها امي؟
سيف: اه متاءكد وف كامل قوايا العقليه كمان
ياسين: يا ابني ديه هتجلبلك عيشتك وتجننك
سيف: عارف عشان كده حبيتها اصل النسخه التانيه مني… هاه قولت ايه؟
ياسين: انا موافج بس مترجعش تشتكي بعد كده ولو حبيت ترجعها انا مبرجعش… انا ما هصدق اخلص منها
سيف: لا يا حبيبي مش هرجعها
ياسين: تكتبلها مؤخر خمسه مليون عشان لو حبيت تطلقها متعرفش عشان المؤخر كبير
سيف: انته ناسي انا مين وابن مين
ياسين: اه صح خلاص نكتب ف الجسيمه البضاعه المباعه لا ترد ولا تستبدل
سيف: يا ابني والله اختك ديه فتاة احلامي
ياسين: مجدرش اجولك غير ربنا يعينك عليها
سيف: بس نربيها الاول
ياسين: وانا موافج بس هااخد رءي ابوي الاول
سيف: طاب ايه رءيك تيجو تشربو معايا القهوه ف القسم عشان انا نبطشيتي لمده يومين
ياسين: انا مستعد اروح اخر الدنيا بس اخلص منها خلاص بكره بعد العصر هجيب ابويا وناجو نشربو الجهوه معاك
ليضحك سيف ايه يا ابني شويه تتكلم قاهري وشويه تتكلم صعيدي ايه حكايتك خليك علي لهجه واحده
ياسين: اعمل ايه بس اختي جننتني
