رواية روح أيوب الفصل الثالث عشر بقلم رحبة
-روح!
-تعالى يا أيوب أنا في المطبخ
دخل سلم عليا وابتسم
-ايه الروايح الحلوة دي
-ايه رأيك ؟
في صنية نجرسكو مستنياك مش هتدوق في حلاوتها ان شاء الله
-تسلم ايدك
هروح أنا بقا أغير وأصلي على م تجهز
وقفت أكمل السلطة والتليفون رن
-ايوا يا عمو ازي حضرتك
-ازيك يا حبيبتي
معلش يا روح خلى أيوب ييجي ياخدني عندكم ويجيبك تقعدي مع منال عشان متقعدش لوحدها
-ماشي بس خير في حاجه والا اي ؟!
-هي تبقى تحكيلك بقا
-ان شاء الله مش هنتأخر
-مين يا حبيبي
-دا عمو عايزني أروح لطنط وانت وهو تيجوا هنا
-ليه يعني؟!
-مش عارفه قالي طنط تبقى تحكيلي
بصلي بخيبة أمل
-طب والنجرسكو ؟!
ضحكت على شكله
-هتاكلها متخافش ،هاخد منها ليا ولطنط وهسيب الباقي هنا ليك ولعمو ابقى حط انت بقا
-ماشي يلا
وصلنا لقينا عمو واقف قدام البوابة
-خير يا بابا في اي ؟!
-استني شويه
اطلعي انت يلا يا روح ،معلش تعبتك
-متقولش كدا يا عمو مفيش تعب ولا حاجة
سوق براحة يا أيوب مع السلامة
-سلام!
طلعت طنط منال فتحتلي
-تعالى يا روح ! تعالى شوفي حماكى
-اي اللي حصل بس ؟
-اتأخر النهاردة في الشغل بسأله ليه بيقولي كنت بوصل زميلتي !يرضيكي؟!
-زميلته!مين ؟
حدفتني بالمخدة جمبها
-دا اللي همك ؟
-قصدي يعني سألتيه ليه ؟
-بيقولي كان معاها بنتها وأخوها والبنت كانت تعبانة ومفيش مواصلات
-طب م دا خير يا طنط وعمل إنساني بعدين أخوها كان معاها يعني مش لوحدهم
-أنا عارفة.إنك هتقفي في صفه ما هو حبيبك!
-انتم الاتنين حبايبي
لكن بجد عمو شكله زعلان وانت كبرتي الموضوع وهو مفيهوش حاجة أصلا!
-ولو برده !
مكلمنيش قالي قبلها ليه
سكتت وهي مضايقة وأنا قاعدة مبتسمة إنها لسه بتغير عليه!
هي عارفة إنها مجرد مساعدة وإن هما مكنوش لوحدهم والأهم إن عمو بيحبها!
فيه محاولة للمصالحة ربنا يوفقنا فيها ...بسم الله
-طب انت شاكه فيه بعيدا عن زميلته دي ؟
بصتلي بخضة
-لا طبعا ،دا أنا أشك في نفسي وهو لأ
أنا بس قلقت لما اتأخر ولما جيت اسأله حسيته مش مهتم فاضايقت بقا
لكنه حبيبي !
فضلت بصالها مبتسمة لحد ما هي أدركت اللي قالته
-أعمل فيكي اي ؟!
-ولا أي حاجة أنا بس سمعتك نفسك
هنقوم دلوقت ناكل النجرسكو اللي زمانها بردت دي ونستنى نشوف أيوب هيعمل اي !
وقعدنا وهي هديت وكل شويه تبص على التليفون مستنية خبر !
آه منك يا حماتي يا عسل انت
هي قامت تودي الأطباق وتليفوني رن
-روح !مش مصدق اللي سمعته
ضحكت
-صدق يا أيوب صدق
-بابا كدا كدا هيراضيها بس عايزين نعرف هي هديت والا اي ؟!
-مش واثق في مراتك والا اي ؟!
-أنا ليا غيرها
-تعالوا يلا متتأخروش
-ماشي ، عايزين حاجة ؟
جه في بالي حاجة خلتني أتغاظ
-أيوب هو انت وصلت واحدة زميلتك قبل كدا ؟!
اتخض
-اي؟! اللي جابنا هنا احنا ملناش دعوة يا روح بالله عليكي
-رد عليا !
شكلك متوتر ،ماشي يا أيوب وصلها براحتك بقا
سلام !
على الجهة التانية
-سلام!دي مبتهزرش !
-في حاجة يا أيوب ؟
-يلا يا بابا نروحلهم ماما هديت وأنا لبست
-ايه ؟!
-متشغلش بالك يلا
-مالك يا روح؟
-أيوب كلمني وزمانهم في الطريق روَّقي بقا
-أنا خلاص هديت الحمدلله
بس انت تمام ؟
-الحمدلله
الباب شويه وخبط وقومت فتحت
-عامل اي دلوقت يا عمو ؟
-الحمدلله يا حبيبتي
منال جوا؟
-ايوا في المطبخ ،ادخلها واتراضوا يلا
ضحك ودخل
-مفيش عامل اي يا أيوب ؟
بصيتله بضيق
-لأ
قربني ليه
-انتِ بتتكلمي بجد ؟
استهدي بالله كدا
-وصلت كام واحدة قبل كدا يا أيوب ؟!
-يا صبر أيوب !
يا بنت الناس هو أنا مكان شغلي فيه بنات؟
-لأ
-يبقى هجيبهم منين
بصيتله بصدمة
-يعني عندك النية !
لو فيه بنات هتوصلهم كل يوم وتنساني !
اتخض
-يا بنتي استني بس اي دا!
حتى لو فيه هوصلهم ليه ،من قبل م أعرفك أصلا مفيش بنات بتركب معايا العربية غير أهلى ومش بنبقى لوحدنا
-يعني أصدقك ؟
شدني من ايدي بخفة
-عندك شك في كلامي ؟
-لأ
-يبقى اهدي كدا يا ست البنات وتعالي نشوفهم
دخلنا لقينا عمو وطنط بيتكلموا وبيضحكوا واتصالحوا الحمدلله
-طب م كان من الأول
-شايفة ابنك مش هيسكت النهاردة
-روح هتسكته
-والله؟
يعني اي يعني روح هتسكتني
-أيوب !
-نعم يا روحي
كلنا ضحكنا وقعدنا سوا شويه وروحنا تاني
الحب يمكن بيروح مع الوقت لكن اللي بيحافظ عليه إنك تكبره بالمودة والرحمة والعشرة الطيبة والأهم يبقي يرضي ربنا فمتستغربش لو لقيت اتنين لسه الحب باقي بينهم بعد سنين من اجتماعهم سوا!🤎
-روح-أيوب 💗
-رُحْبَة💗
