رواية الفصلية الفصل الرابع عشر بقلم زينب نور
ميار:بعد مرور يومين اليوم عقد القران والخطوبه مالت مﻻك والكل مخبوص ومن البارحه الكل اجوي هنا عبنه بيت الشيخ ونص راحو لبيت عمهم ابو فارس (العريس) واحنه صارلنه من نخطبت مﻻك لحد هيسه نكرب كرب مصاير
افنان:ميار هاي بعدج هين امشي روحي غيري مﻻبسج راح تبدة الاوادم تجي
ميار:ماشي هيسه رايحه
أمل:ميار تعاي بغرفتي جيبي غراضج حته نبدل ونتمكيج لين بعد شويه راح يصير هجوم مسلح من قبل البنات وشكراً
ميار:هههه هسه جايتج بس اجيب مﻻبسي واصعد
أمل:في نتظاركي يا اختاه
ميار:هههههههه
"""""""""""""""""""
الشيخ :اليوم خطوبه مﻻك والكل مخبوص واحنه هم من الصبح جبنه ذبايح وذبحنه وجبنه طباخ حته يطبح للعالم قابل وين النسوان يكدرن يطبخن لكل هل عالم ...اليوم مشفت ميار طبعاً صار يومين مشايفهه عبنه ثنينه مشغولين اني ويه الزلم وهيه ويه النسوان بس يله هانت مبقه بس جم ساعه وتفض هاي الهوسه واروح اشوفهه ... دخلت اغير مﻻبسي شفت أمل بوجهي
أمل:كوه شيخ
الشيخ:يكويج بوية بس سونلي طريج اردن اصعد للغرفه
أمل:فوت شيخ كلهن بلستقبال كاعدات يحشن
الشيخ:ماتصيرلج جارة ﻻ والله
أمل:ابد ابد ههههه
الشيخ:عفتهه وصعدت دخلت الغرفتي سبحت عل سريع و طلعت لبست دشداشه بيضه والمحزم والغترة لون جوزي وبيهه تطريز ذهبي بنهايه ولفيتهه لفه خليجيه ولبست ساعتي والمحابس وتعطرت واخذت العصا مالتي وطلعت من الغرفه وانه ودانزل صارن البنات كلهن كدامي
..هله شيخنه اشلونك عاش من شافك
...هله بشيخنه هله بجبيرنه شلونك ليش هل فرة مجاي نشوفك بس صراحه حقك اكيد تخاف عله نفسك ﻻ يحسدوك عله هل جمال هههه
الشيخ:هله ابوية انه زين ومخايف عله نفسي مجرد عندي اشغال و مفاضي( طبعاً كومه حجن وسلمن وانه رديت عليهن بهل جم جلمه وعفتهن ..ادري يتعمدن يطلعن جدامي عبنهن يردن يلفتن نظري بلجي انعجب بوحدة منهن واتزوجهه بس هنه ما يدرن انو وحدة بس هيه الي ساكنه بالي وخيالي اوووف مشفته بس اريدن اشوف شﻻبسه هل بنت المشعول
يله خلني اطلع ﻻ يفكدوني ويظلون يدورون علي
"""""""""""""""""""""""""""""""
ميار:صعدت غيرت مﻻبسي بغرفه أمل ومن طلعت أمل كالت
أمل:خرببب بعرضج لج شني هاي طلعتينه كسر عمي هاي لو انه زلمه جان حبيتج وخطبتج وتزوجتج وخلفت منج فروخ ونعجز سوة
ميار:هههه ﻻ جديات عاد مو لهل درجه
أمل:حبيبه ﻻ جديات وﻻ بيبيات تقبلين تزوجيني ان قبلتي قولي نعم وانت وكيلي
ميار:هههههعهه نعم وانت وكيلي بس وين خاتم الخطوبة وانه عندي شروطي
أمل:جا خايبه تشرطين علي انه ميت حرمه تتمناني(بصوت خشن ورجولي)
ميار:هههه واني مو من الميه ويله كافي بعد خل نخلص تعاي حطيلي شوي مكياج بس ﻻ تطوخين هواي
أمل:شوفي دادة انتي سلميني نفسج ومعليج بلباقي
ميار:تمام الله اليستر
بعد ربع ساعه مكياج وربع ساعه التسريحه
أمل:ها شني رئيج
ميار:بصدمه هاي مني لج شسويتي كلبتيني عل بطانه يعني صدج هاي انه
أمل:ﻻ الشيخ يوسف ههه ﻻ جد شلونه شغلي عجبج
ميار:يجنن يجنن شكراً عله هلشي
أمل:يله كومه البسي اكسسوا ات مناك بلعلبه شوفي ياهو اليرهم للفستان والمكياج ولبسي واهم شي لبسي الحجل يطلع عليج فظيييع
ميار:تمام هسه اشوف
بعد نص ساعه
أمل:شوفيني شلون طالعه
ميار:تخبلين تموتين يله امشي ننزل
أمل:اوكفي خل البس اكسسوار شي
ميار:تمام
افنان:بنات يله عفيه بسرعه نزل...اللهم صلي على محمد وال محمد لجن وين جابر وصابر اشو ما همه
ميار:مني جابر وصابر
افنان:قصدي عليجن كبل ما تتكشخن وتتعدلن جنتن جنجن صابر وجابر
أمل:ﻻ يا طايحة الحظ
افنان:يله هسه شوفوني شلون طالعه
ميار:حلوة تخبلين
افنان:اووي يروحي وانتي احله ... هسه يله امشن ننزل البيت جوة نخبص
ميار وأمل:اي يله امشي
............................في مكان اخر.......................
..اسمعني ولك تروح تجيب الولد من... وتجي ليهنا وهوة وياك واريدة يشبهه ..... او ينطي شبهه بحيث محد ........
...حاظر شيخ
....اووي حياتي شبيك معصب (بمياعه)
.. لج انه كاعد عله نار واريد ابردهه بلي اسمه يوسف عود مسوي روحه شيخ علينه وهوة فرنك ميسوة وذوله كاعدين يسختون
....اعصابك حبيبي شني رايك هاي عصبيتك تطلعهه هسه بلفراش
..ههه والله وسويتيلي واهس دكومي هزيلي هل خصر وراها نروح نطلع ام العصبيه بلفراش مو يدلل الحلو
....هههاي مو من عيوني كلني الك حبيبي وهاي هززينه
..ايي عفيه بيج ولكك امشي جيبلي شرب خل اتونس
...حاظر شيخي
.......................بيت الشيخ.........................
وحدة من النسوان :اكلج عيني مني هاي الي لابسه فستان احمر
الشيخه:هاي زوجت الشيخ يوسف
..هاا قصدج الفصليه الي اجتكم
الشيخه:هيه هنا مو فصليه كتلج وارجع اعيد هاي زوجت الشيخ فهمتي
..اي اي شيخه السموحه منج
..............
ميار:طبعاً اسمع النسوان بينهن يتهامسن ويحجن علي عله ابو فصليه وابو متكشخه وتفرفر وحدة منهن سمعته دكول
...والله عبالي وحدة من كرابتهم كلت اخطبهه ﻻبني تعرفن هوة دكتور وواصل يلوكله هيج بنت ومن سئلت الشيخه تعرفن شكالتلي
الثانيه:شني شكالتلج
..كالتلي انو هاي زوجته وموش فصليه هين وفشلتي
الثانيه:والله حقه الشيخ هيج جمال بيده ويضيعه بس انه اكلكم فترة ويشمرهه ورة ماتجيبله الوليد شي اكيد يريدن يتزوج وحدة من مستواة شيخه وبنت شيوخ قابل ما يبكه عل فصليه
.. اي والله صدكتي
.........
ميار:اسمعهن بس ماكدر اردن عليهن هناك وجابو مﻻك من الصالون بس الصراحه الحق ينكال طالعه حلوة وهيه مﻻمحه هم نازكه بس ضخمه يعني لو مختارة غير بدله جان رهمت عليهه بس مو هاي مدري شلون طبت بيهه وهيه شوي سمينه المهم معلينه بيهم كعدت والنسوان اجت تبارك شويه واجو اهل العريس ودخلت امه وخواته وخالاته يهوسون ومبين الفرح بعيونهم عاد عدت نص ساعه وكالو جيبو مﻻك ديعقد عليهه ابن عمهه ... عقد عليهه وخلص وصوت الهلاهل بكل مكان والجكليت جنه حصو يتشمر عل رووس عاد شوي وكالو راح يدخل ابن عمهه واخوتهه وعمهه ابو العريس عاد كبل رحت لبست صايه وشال والاكثر سوو مثلي بس بنات العم والعمات بقن قسم وقسم ﻻ لبسن عاد اول شي فات العريس وابو وراها فات اخوانه عاد باركولهه اخوانهه وعمهه وهوة هم لبسهه الذهب ووكلهه كيك وكعد شويه وطلع عاد الناس الغربه باركت وراحت بقت بس الكرابه انه تعبت فرد مرة عله وكفت الوحدة عطشت اريدن اروح اشرب مي رحت للمطبخ واني وداشرب دخل الشيخ بس شني عيونه تطاير شرار اجه سحبني من ذراعي وصعدني فوك بلغرفه شمرني كال
الشيخ:انتظري بس يرحون الاوادم وحسابج بعدين اجه انطاني راشدي وطلع قفل الباب وراه
.........بعد تلث ساعات..........
ميار:صار تلث ساعات وانه بلغرفه والبيت صار هدوء يمكن الخطار راحو بس اريدن اعرف شني مسويه وهيج تعامل وياي ...مرت ربع ساعه ونفتح الباب ودخل وسد الباب وراه وقفله واندار علي انه كمت وبقيت ارجع ليورة وهوة يتقدم وعيونهه حمر شرار واعصابه بارزة وقابض عله ايدة توني اجيت احجي وجان ينطيني راشدي وجرني من شعري
الشيخ:لج ساق..... كح......ممض بيج الملح والزاد لج تخونيني بيتي وهاي يحجي وهوة يض بني وضل يغلط ويفشر اشكال الحجي والسب والشتم طلعني وحدة مو شريفه وبت حرام ووووو واني جوة ايدة ﻻ حول وﻻ قوة اخر شي كسر الكﻻص ورجع شالني من شعري وكالي
الشيخ:لج انه بشنو قصرت وياج هاا فهميني كلشي نطيتج وحبيتج تالي هيج اتجازيني فهمينييييي وضربني راشدي وكعت عل كزاز وبعدهه محسيت بشي
الشيخ:من شفته اغمه عليهه عفتهه وطلعت مجنت منتبهه عل كزاز الي جواها وﻻ اتذكرته لين بذاك الوكت جنت نار بكبرهه فطلعت وقفلت الباب وانه ودانزل صارت الشيخه بوجهي باوعت علي وعله ايدي الي كلهه دم وكالت
الشيخه:ضربت ميار مو
الشيخ:شيخه رجاءً لتدخلين شغله بيني وبين حرمتي
الشيخه :ﻻ ادهل وغصبا ما عليك امشي وراي للغرفه ماريد احد يسمع
الشيخ:بس شي...
الشيخه:كلت كدامي يله
الشيخ:حاظر
الشيخه:ادخل وسد الباب وراك
الشيخ:ماشي
الشيخه:تعال حذاي اكعد
الشيخ:مشيت ورحت يم الشيخه كعدت بدون كﻻم
الشيخه:وهسه كلي ليش طكيت البنت وشني سوت
الشيخ:اوف اووووف سمعي............................
..................
علمود شنو الشيخ ضرب ميار؟
شنو رئيكم بتصرف الشيخ وهل يا ترى اكو شي صاير ويا خﻻ يضرب ميار بهل همجيه هاي؟؟
.........................................
