رواية شيخه عراقيه كويتية الفصل الرابع عشر بقلم جمانه السعيدي
وسام...دك تليفوني هاله تتصل لاياربي نسيته
...الووو حبيبتي اسف نسيتج خالتي تخربطت وأخذته للمستشفى وهسه رجعنا سبحت وجاي اتعشى
هاله...اي نسيتني موو
وسام...مو متقصد صدكيني خالتي اختنكت وأخذته للمستشفى وانشغلت عنج اني اعوضج غير يوم
هاله...لو الله ياخذ خالتك جان ارتاحيت كلما نتواعد
تطلعنا صفح
انا يمته اشوفك بله الصبح شغل والعصر شغل بليل خالتك
انت هم محسوب عليه خطيبي
شوف العالم النهار كله ملتهين يفترون ويتونسون
واني باقيه منتضره حضرتك يمته تفرغ وتتصل عليه
وسام...شنو هذا الحجي بعدين مااسمحلج تحجين على خالتي هاي امي ربتني وتعبت عليه
شنو قابل اللعب النهار كله هالك نفسي بلشغل وحسره عليه الطلعه حسره النومه بسبب اهلج
طلباتهم تكسر الضهر
وانت هسه جاي تكملين عليه
ابدال ما تخففين عني حضرتج ماراضيه مو
هاله...انت شنو مذكر انت الي قبلت بهذا الوضع انت من البدايه كلت بس يقبلون اهلج مستعد اسوي اي شي
ولمن قبلو هسه جاي تتذمر
وسام...اني مامذمر اني اكلج اشتغل من الصبح لليل
ومن رجعت لكيت خالتي تعبانه اخذته للمستشفى
انتي ترديني على مزاجج
اشتغل واجمع فلوس واطلعج تتونسين واتصل طول النهار اتغزل بيج
ترا اني مو مو سوبر مان
اني شاب عادي حالي حال باقي الشباب
هاله...لا انت متغير مستحيل تكون انت وسام الي اعرفه
شكووو خاف هاي البدويه غيرت عقلك
لو عدها كم فلس تريد تنسحب من خطوبتنا
شوف وسام ولله العظيم عليه وعلى اعدائي
اني صار ٣ سنوات متحمله كلام اهلي علمودك
تمشي عدل وياي لا اسود عيشتك
وسام...شبيج شنو هذا الكلام انت تخبلتي شنو شايفتني اركض ورا الفلوس
لو ميت على الفلوس ماخطبتج
جان شفت وحده غنيه وخطبته
مو صار ٣ سنوات افتر مثل الناعور علمود طلبات اهلج الي ماله داعي
سدي التليفون وفكري بكلامج زين قبل لا تحجين
فهمتي لو لا
وسام...سديت التليفون بس صرت عصبي فعلا صايره لا تطاق
شيخه...بدون مااقصد سمعت كلام وسام مبين اكو مشكله بينه وبين خطيبته
خطيه كل هذا تعبه وهي ادور مشاكل
دش داره بينام واني دشيت دار خاله حكمت ابي اطمن عليه
كربت عليه تتنفس صوته عالي
غطيته وكنت بطلع من داره اول ما درت ويهي
كان وسام واكف عند ضهري
وسام...دخلت غرفتي اريد انام بعدين اذكرت اروح اطمن على خالتي جمانه السعيدي
نزلت جوا جان اشوف شيخه واكفه تطمن عليها وغطته وطلعت
وسام...هااا
شيخه...كنت بطمن عليه
وسام...انتي كلبج جبير
شيخه...هاي من ريحة ابوي
وسام...انتي اصيله
شيخه...تسلم
وسام.....تصبحين على خير
شيخه...انت من اهل الخير
وسام...ردت اصعد على الدرج
شيخه...دكيكه ابي اكولك كلام
وسام...محتاجه شي كولي
شيخه...لا انا ابي اساعدك
وسام..نزلت حواجبي تساعديني
شيخه...اي ابي اساعدك
بنكعد هني ابي اكولك شي مهم
وسام...اي كولي اني هم النوم راح من عيني بسبب هاله
وسام..كعدت
شيخه...ابوي اخر أيامه الله يرحمه
وسام...الله يرحمه
شيخه..كان بيمع كم دينار يفتح فيهم مشروع هني بلعراك
هذول الفلوس ابوي حطهم بااسمي بلبنك
كانو هذول الفلوس همه الي يمعهم من تعبه كل هاي السنيين
انا بروح الكويت ايبهم وايي بعطيك اياهم مشان تعرس
انت وهاله
وسام...ابتسمت كلت بكلبي شيخه ماصارله فتره طويله هنا
وقدرت تعبي وتريد تساعدني
بلفلوس الي عافهن عمي ضمان اله
وهاله واهله صار ٣ سنوات يشوفوني اركض وماملحك
ومايرضون يرحمون حالي
شيخه...انت وين سرحت انا بكلمك انا بعطيك الفلوس هديه انت تعبان وبيضيع شبابك وانت تشتغل ليل مع نهار
وسام.... كل يوم تفاجئني اكثر انتي من شنو مخلوقه
شيخه...انا الله صانعني من طين اسمر
اطلع فيني حتى انت اكشف مني
وسام...بس عندج كلب يسوا الدنيا ومابيه
شكرا اني رجال وراح اشتغل وازوج
فلوسج انتي أولى بيهن
شيخه...انت بس اسمعني
وسام... لا مااسمع انتي كفو منج بنيه بالف رجال
شيخه...الفلوس ترد بس البشر مايرد
وسام... شكرا يااحلى شيخه بلدنيا
تصبحين على خير
شيخه...انت من اهل الخير
وسام...ثاني يوم اتفاجئت بهاله جايتني للشغل واكفه ومخصره هاله شجابج هنا
هاله...اريد اشوف شغلك
وسام...عيب الكل عينه عليج
هاله...شلون تقفل التليفون بوجهي من اكول متغير
ماكذبت
وسام... جاي تشوفيني اللعب مثلا
هاله...اي اذا تتصل عليه مايتاخر هذا العمل العضيم
وسام...خلصيني شتريدين الكل عينه عليج
بعدين انتي شلون طالعه هيج
شنو هذا اللبس الضيك والمكياج
هاله...توك يله شفتني هو هذا لبسي من زمان
وسام...لا قبل ماكان هذا لبسج ليش متغيره عليه
هاله...المده طالت واني ضجت تعرف شنو ضجت
ماكو خطوبه أطول هلكد روحي بزعت ترا
وسام... الحل بيدج انتي واهلج خففو طلبات واحنا نزوج
طلباتكم تعجيزيه
اريد الكاونتر احدث موديل اريد الصاله طراز خاص
اريد غرفة النوم تركي
اريد الفراش ايراني اريد بيت وحدي
ترا بيت خالتي جبير ومنطقه حلوه ومااثتت اثاث حلو ومرتب يصير نزوج عادي وبعدين نكون نفسنا شويه شويه
هاله...لا عيوني هذا الكلام جديد عليه
اني مااصير جنة خالتك واعيش وياها بنفس البيت
تريدني اني اخدم خالتك
خالتك الي البيت مايندخل من ريحة الجكاير
تحجي صدك
تعرف اني منو واهلي منو
كل صديقاتي ازوجن ضباط ودكاتره شهر العسل
بدبي والغرفه مصريه
والذهب واللماس مغطيهن
واني حمضت صار ٣ سنوات انتضر ولله اعلم شكد بعد راح انتضر
وسام اشتعلت نار من كلامه صدك متغيره هاي شبيه
صايره ماديه هيج
وسام....باعي هاله اني ماجبرتج تنتضريني اذا تردين تنسحبين
ماعندي مانع تكدرين تشوفين حياتج وياا واحد غني
وعندا فلوس
اني رجال بسيط مااكدر اغركج بلذهب
لو اخذج الدبي لو اشتري غرفه مصريه
هاله...انت تكدر تسوي كل ذني بس انت ماتريد
البيت الي كاعدين بي اذا انباع يجيب فلوس ماله عدد
بيعه وخل نزوج
وخالتك تشتري مشتمل تكعد بي هي وهاي البدويه
وسام....تحجين صدك هذا البيت مو اليه حتى ابيعه
هذا بيت خالتي وشيخه
ترديني اجهول خالتي تالي عمرها وهي مريضه واطلعه من بيته علمود حضرتج تسافرين الدبي
فكري زين اذا تشوفيني مو مستواج تكدرين تنسحبين بكل بساطه
هاله....هاا هيج صار ااحجي
وسام...اي وهسه تفضلي لان أمة محمد كاعد تتفرج علينا
وبعد لا تجين هنا
هذا المكان مو من مقامج
وسام...دارت وجه وراحت واني حسيت راسي راح بتفجر يمكن ضغطي صعد بسبه
مديري للعمل شافني لازم راسي وشاف شلون احجي وياا هاله
...مبين تعبان روح ارتاح وتعال العصر
وسام...مابيه شي
...روح ارتاح وتغدا وتعال العصر
وسام ...شكرا استاذ
جمانه السعيدي
شيخه...الصبح اول مافجيت عيوني رحت دار خالتي حكمت
ماكو داخل الدار
البيت كله مافي خالتي
شويه وردت من برا وهيا شاريه سكاير
شيخه...صباح الخير خالتي كيف حالج اليوم
حكمت..مالج شغل لا تسوين نفسج حنيين عليه
شيخه...شو هاي السكاير ترا انتي البارحه كنتي بتموتين
من السكاير
حكمت...تموتين انتي شتريدين مني ولي لا بارك الله بيج
من الصبح مصبحه عليه بلموت
شيخه...دخلت خالتي داره وصكت الباب
الله يهديج بس صحتج اولى
كنت بحضر الفطور شويه ودش وسام راد من الشغل
كان باين علي تعبان
شيخه...هله ولله في شي
وسام....لا بس شويه تعبان راسي يوجعني
شيخه...خلاص نفطر مع بعض
وسام...مااكدر خالتي كعدت
شيخه...اي بداره
وسام.دخلت غرفة خالتي ريحة الجكايرماليه المكان
بس شافتني طفت الجكاره
هااا خاله شكلنا
حكمت...ليش رجعت
وسام...تعبان
حكمت...صاير شي
وسام....اجت هاله للشغل وتعاركنا اني وياها
حكمت...ذبحتنا بهاله شنو قحط نسوان مبينه متكبره هي واهله وراح تشلع كلبك
اني اكول اعبر النهر مادام ضيك
عوفه هسه احسن ما تزوج ويصيرون الاطفال وبعدين تتندم
هاله ابد مو بسيطه مغروره وتباوع للناس وتريد تقلدهم
صدكني راح تطلع كلبك
وسام... اني هسه انطيته فرصه اخيره اني هم مااكدر اتحمل اكثر
شغل ليل نهار ولله تعبان
شيخه...خدرت الشاهي ودشيت عليهم
سمعت وسام يكول انطيته فرصه اخيره اني هم مااكدر اتحمل اكثر
عرفت انه بيتكلم عن خطيبته
الله يهداهم بس
الي خطيبه وسام شلون بتركه مااعرف
حكمت....هااا خاله اذنج يمنا تردين تسمعين شنحجي
احنا تالي عمرنا طلعلنا جاسوس داخل بيتنا
وسام...لا تحجين على شيخه البارحه اجت تطمن عليج قبل لا تنام
حكمت...يمه خاف تريد تخنكني اعرفه تربد تموتني وتخلص مني
همزين عرفت حتى اقفل غرفتي عليه بليل
وهذا الجاي مااشربه خاف مخليه بي شي
شيخه...الله يسامحج خالتي انا بشربه
وسام... ولله لو تصالحن اني بخير
حكمت....لو تموت مااحبه هي كوه
