رواية صدفة عشاق الفصل الخامس عشر
فات اسبوع من غير اي احداث .
ليلي كانت عند حازم . بعد كانوا اختاروا كل حاجه . ليلي وقفت قصاد حازم . و اتنهدت بهدوء . حازم ابتسم بهدوء و هو بيكمل اللي بيعمله في المطبخ ./ايه يا حبيبتي .
ليلي اتنهدت بتوتر ./انا حاسه ان كل حاجه حصلت بسرعه .
حازم بصلها بطرف عينيه . قبل ما يسحبها من وسطها لحضنه . و حاصرها بين أيديه ./كملي كده .
ليلي رفعت صباعها في وشه بتوتر . /خلي بالك انت بقيت تتعدي حدودك . و احنا لسه مكتبناش الكتاب .
حازم ابتسم بهدوء و هو بيقربها منه اكتر ./ ما هو انا مستني يوم كتب كتاب ده بفارغ الصبر . عشان اتعدي الحدود براحتي .
ليلي رفعت وشها ليه و ابتسمت بهدوء ./تصدق انا اول مره اخد بالي من فرق الطول .
حازم ابتسم بخبث . و شالها بسرعه قعدها علي الرخامه ./كده مبقاش في فرق طول .
ليلي هزت راسها و ابتسمت بهدوء . حازم اتنهد بحب و هو بيقرب منها . ليلي بلعت ريقها بتوتر لما حست بـ قربه و غمضت عينيها و اتكلمت بتوتر ./الاكل هيتحرق .
حازم اتنهد بضيق و رجع يكمل اللي بيعمله . و ابتسم بحب ./تعرفي اني اختارتلك فستانك .
ليلي ابتسمت بهدوء ./بجد .
حازم هز رأسه بهدوء . و قرب منها و نزلها من علي الرخامه ./تعالي .
حازم دخل اوضته و في ايده ليلي . و مسك الفستان اللي كان فارده علي السرير ./اول ما شوفته حسيت أنه مش عايز غيرك .
ليلي ابتسمت بهدوء و هي بتمسك الفستان ./ده حلو اوي .
حازم ابتسم بحب ./عجبك .
ليلي هزت راسها بهدوء . و وقفت قدام المرايا و هي بتحط الفستان قدامها و بتشوفه عليها . حازم حضنها من ضهرها بحب ./مش عايزه تختاري شبكتك .
ليلي ابتسمت بهدوء و هزت راسها ./خليها مفاجأة منك . اللي هتختاره هيعجبني .
حازم ابتسم بحب علي هدوئها و بساطتها . حازم باس راسها بحب و هو بيبص علي انعكاسهم في المرايا ./يلا قيسي الفستان . و انا هستناكي بره .
ليلي هزت راسها بهدوء .
__________________________________________
حازم روح الفيلا بعد ما وصل ليلي .
حازم دخل و بص بهدوء لما لقاهم كلهم نايمين . و جيهان قاعده . و اتنهد بهدوء و متكلمش . جيهان اتنهدت بهدوء . و هي بتقرب منه./ايه يا حازم . من قبل الخطوبه و انت بتتغير معايا .
حازم ابتسم بسخرية ./والله يا ماما انتي عارفه حضرتك عملتي ايه .
جيهان اتنهدت بضيق ./يا حازم ليلي مش شبهك يا حبيبي . مش هتنفعك . انا معاك انها بنت كويسه و جميله . بس انت راجل . و طبيعي تنجزب لـ واحده جميله شويه . بس مش لدرجة الجواز .
حازم ابتسم بسخرية . و اتنهد بضيق ./انا مش متخيل انك بتفكري فيا انا كمان كده . ماما انتي كنتي بتتحايلي عليا عشان تشوفيلي عروسه . كنتي في كل حفله تفضلي توريني في دي و دي . و لما اخترت اللي بحبها بتقوليلي لا . و رفضاها من غير اي سبب .
جيهان اتنهدت بهدوء ./ انا كنت بتحايل عليك بس ده عشان اشوفك متجوز و مبسوط في حياتك . انت زمان لما اخترت كان ايه نتيجة اختيارك يا حازم . كنت هتبعد عني و عننا كلنا .
حازم اتنهد بهدوء ./ماما ليلي مش ندي . مستحيل تبقي ندي . ليلي غيرها و بتحبني . والله يا ماما ليلي عايزه تبعد لمجرد أنها حاسه ان وجودها ممكن يبوظ علاقتنا . عشان خاطري انا اديت نفسي فرصه اني احب . و سبت قلبي و حياتي كلها . و كل حاجه فيا أختارت ليلي . انا دلوقتي بعترف ان عمري ما حبيت ندي . عشان خاطري لو بتحبيني . ادي فرصه لنفسك انتي كمان تحبيها يا ماما .
حازم باس راسها بحب ./تصبحي علي خير .
و سبها و مشي . جيهان اتنهدت بهدوء و هي بتحاول تقتنع بكلامه .
حازم طلع اوضته . و اتنهد بهدوء لما لقي ندي بترن عليه .
حازم اتنهد بهدوء و رد عليها ./ايوه يا ندي عامله ايه .
ندي ابتسمت بهدوء ./الحمدلله يا حازم . انا كنت محتاجاك معايا بكره لو ينفع .
حازم اتنهد بهدوء ./هتروحي لـ الدكتور نفسه .
ندي بهدوء ./في دكتور تاني هروحله . و كنت محتاجاك معايا .
حازم اتنهد بهدوء ./ ماشي يا ندي . هعدي عليكي بعد ما اخلص شغل .
ندي ابتسمت بهدوء ./ماشي يا حازم هستناك .
و قفلت معاه . حازم اتنهد بهدوء و رمي نفسه علي السرير بتعب . لحد ما راح في النوم .
__________________________________________
فات يومين . مكنتش في اي احداث جديده .
حازم رن علي ليلي و ابتسم بهدوء ./ايه يا حبيبتي . خلصتي و لا لسه .
ليلي اتنهدت بتوتر ./خلصت اه . بس كل حاجه عماله تقع مني . و حاسه كل حاجه بتبوظ مني يا حازم .
حازم ضحك بهدوء ./ ليلي دي خطوبه عادي . مفيش داعي يا حبيبتي لـ القلق ده كله .
ليلي اتنهدت بضيق ./طب اقفل دلوقتي يا حازم . اقفل عشان انا مش لاقيه الفستان .
حازم اتنهد بهدوء ./ليلي الفستان بتاعك انتي مخدتيهوش . و هتروحي تلاقيه في اوضتك في الاوتيل .
ليلي قعدت بضيق ./ انا بتوتر من الزحمه . عارفه أقل حفله عندكم بتبقي عامله ازاي . و الموضوع ده موترني اوي .
حازم اتكلم و هو بيحط حاجته في الشنطه ./ليلي حبيبتي اعتبريهم مجرد مصورين . و انا هبقي معاكي . المهم دلوقتي انزلي هتلاقي العربيه مستنياكوا تحت هتاخدكم علي الاوتيل و انا هبقي في الاوضه اللي جمبك .
ليلي اتنهدت بهدوء ./حاضر .
و قفلوا .
جيهان ابتسمت بهدوء و دخلت علي حازم ./ايه يا حبيبي جهزت حاجتك .
حازم اتنهد بهدوء ./ بخلص اهو . بس ليلي متوتره و موتراني معاها .
جيهان ضحكت بهدوء ./معلش يا حبيبي عروسه بقي .
حازم هز رأسه بهدوء ./انا هنزل عشان علي مستنيني تحت . و ايهم راح يجيب ريماس .
جيهان ابتسمت بهدوء ./طيب يلا انا هاجي معاك .
حازم ابتسم باستغراب ./هو مش انتو هتستنوا شويه و لا ايه .
جيهان هزت راسها بهدوء ./لا انا حابه ابقي معاك . لو مش حابب خلاص .
حازم ابتسم برفض ./لا اكيد . يلا بينا .
__________________________________________
ايهم ركن عربيته قدام الأوتيل . و ابتسم بهدوء لـ ريماس ./ كلها اسبوع . و تبقي عروسه يا عروسه .
ريماس ابتسمت بهدوء ./ الدنيا دي قد كده . جمعتني انا و ليلي . و بسبب الحادثه عرفت حازم و انا عرفتك . و بسبب الحادثه بقينا هنا دلوقتي .
ايهم ابتسم بحب و مسك ايديها ./ ده احنا محتاجين نشكر الظروف و المواقف أنها جمعتنا ببعض .
ريماس هزت راسها بهدوء . ايهم ابتسم بضحك. /بس انا مش عايز اطول في الخطوبه . كام شهر كده علي طول .
ريماس سحبت ايديها و ضحكت و هي بتفتح باب العربيه ./نبقي نشوف الموضوع ده بعدين .
ايهم ابتسم بهدوء . و مسك ايديها قبل ما تنزل ./ بتحبيني يا ريماس .
ريماس ابتسمت بكسوف ./بعد الخطوبه .
و نزلت و سبته بسرعه .
__________________________________________
ليلي قعدت علي السرير بضيق . بعد ما وصلوا و لقوا حازم حاجز اوضه لـ راشد و نعمه لوحدهم .
نعمه اتنهدت بهدوء ./في ايه يا ليلي .
ليلي اتنهدت بضيق ./انا مش عايزه كتب كتاب .
نعمه اتنهدت بهدوء ./انتي فين مشكلتك دلوقتي .
ريماس دخلت عليهم و ابتسمت بهدوء ./ايه يا عروسه مالك .
نعمه اتنهدت بضيق ./شوفيها و انا همشي . عشان هي بقالها كام يوم علي الحال ده .
ريماس اتنهدت بهدوء و قعدت جمب ليلي . بعد ما نعمه مشت ./في ايه يا ليلي . انا شايفه أن مفيش داعي لكل التوتر ده . دي مجرد خطوبه .
ليلي اتنهدت بتوتر ./انا خايفه من مامته . حاسه اني بدي لنفسي مساحه اني ادخل حرب مش قدها .
ريماس ابتسمت بهدوء ./ليلي انتي مكبره الموضوع اوي . حبيبتي انتي من توترك و قلقك . مصورلك حاجات غلط .
ليلي اتنهدت بضيق و قطع سكوتهم . خبط علي الباب . ريماس اتكلمت بهدوء ./ادخل .
حازم ابتسم بهدوء و دخل عندهم . ليلي ابتسمت بفرحه لما شافته . و قربت منه بسرعه ./يا حازم اتاخرت اوي .
حازم ابتسم بهدوء و سحبها لحضنه بحب ./معلش يا حبيبتي كنت بظبط كام حاجه تحت . و طنط قبلتني قالتلي علي اللي عماله تعمليه .
ريماس ابتسمت بخبث. /هي كانت كده من دقيقتين .
ليلي اتنهدت بتوتر . و ريماس قامت و ابتسمت بهدوء./انا هقف بره بس مش كتير . خلصوا بسرعه .
حازم ابتسم بهدوء ./ و ياريت مدخليش حد علينا.
ريماس ضحكت بهدوء و خرجت .
حازم مسك ايدين ليلي بهدوء ./ايه يا حبيبتي . ايه اللي قلقك كل ده .
ليلي اتنهدت بهدوء ./الصراحه مامتك . انا بقيت خايفه من كل حاجه بينا بسبب اسلوبها معايا . و خايفه ده يغير طباعك بعد كده .
حازم اتنهد بهدوء ./ليلي انتي شايفه أن انا ممكن اتغير من ناحيتك في يوم من الايام . و ماما انا اتكلمت معاها . و ميهمنيش راي اي حد . عشان انا بحبك . فاهمه ده .
ليلي هزت راسها بهدوء و سكتت .
حازم ابتسم باستغراب لما جيهان دخلت ./ايه يا ماما في حاجه .
جيهان ابتسمت بهدوء ./ايه يا حبيبي . انا كنت جايه اتكلم مع ليلي شويه .
حازم و ليلي بصوا لبعض باستغراب . حازم ابتسم بهدوء ./طيب انا هسيبك يا ليلي مع ماما . انا في الاوضه اللي جمبك لو احتجتي حاجه .
ليلي هزت راسها بتوتر . و حازم سبهم و مشي و هو بيدعي أن مفيش حاجه تحصل . جيهان قعدت بهدوء و ابتسمت لـ ليلي ./تعالي يا ليلي .
ليلي قعدت جمبها بهدوء . جيهان اتنهدت بهدوء ./بصي يا ليلي انا هتكلم معاكي علي طول . انا مشكلتي مش معاكي انتي . انا مشكلتي في ابني . حازم لما بيحب بيبقي حد تاني . بتبقي دي نقطه ضعفها الوحيده . مفيش ام تتمني لابنها الضعف . عشان كده انا كنت بتمني أنه ميتجوزش عن حب . انا عارفه انك ممكن تفهمي غلط . بس انا ام و خايفه علي ابني .
ليلي هزت راسها بهدوء و هي متفهمه كلامها .
جيهان ابتسمت بهدوء ./بس انا مقدرش امنع سعادته . و مهما كان خوفي عليه . بس سعادته بالنسبالي مهمه اوي . و انا مقدرش أنكر انك غيرتي حاجات كتير في حازم و سليم . و ان ابني بعد ما عدي بتجربه فاشله . قدر يضحك من قلبه معاكي تاني .
ليلي ابتسمت بهدوء . و اتنهدت ./انا كنت فاكره حضرتك جايه تبوظي فرحتي .
جيهان ضحكت بهدوء ./انا مش وحشه للدرجادي يا ليلي . و قولتلك أن سعادة حازم اهم بالنسبالي . هسيبك دلوقتي عشان تلحقي تجهزي .
ليلي هزت راسها بهدوء . و جيهان مشت . ريماس دخلت بعدها علي طول . و قربت من ليلي . /ايه حصل . قالتلك حاجه .
ليلي هزت راسها و ابتسمت بفرحه ./يلا عشان الحق اجهز .
و قامت بسرعه و هي مبسوطه . ريماس ابتسمت بفرحه عليها .
ووووو...
