رواية سهام الهوي الفصل الخامس عشر 15 بقلم نوره عبد الرحمن

رجعت ورى بخوف لما شافت اخوها مصطفى متعصب وبيقرب منها عشان يضر*بها.. لكنها اتصدمت لأول مره بأبوها واقف فوشه ويدافع عنها

الاب : هتعمل ايه ..

مصطفى بغضب : انت مسمعتش بنتك بتقول عني. ايه ..

الاب : وانت سمعت..

مصطفى..

سهام بدموع وارتجافه : والله مقولتش حاجه يابوي والله سنيه كدابه .

سنيه بكدب : انا كدابه .. ربنا يسامحك يا سهام.

سهام عيطت اكتر واتدارت بابوها اللي وقف فوش مصطفى ..

الاب : عاوز تضر*بها يامصطفى 

مصطفى : بنتك بتغلط فيا وانا اخوها الكبير .

الاب بغضب : بسالك عاوز تضر*بها 

مصطفى سكت مكنش عارف أبوه عاوز يوصل لحد فين . .اول مره يشوف أبوه بيدافع عنها .

الاب لف وشه وبص لسهام وقال : روحي شوفي همسه .. سهام مصدقت قالها امشي وراحت جري.

بص الاب لسنيه وقال بأمر : وانتي روحي شوفي الضيوف ..

سنيه بتوتر :حاضر ياعمي. وخرجت وسابتهم.

الاب مسك مصطفى من قميصه وشده ليه وقال: كنت شايفك في اللي كنت بتعمله في اختك زمان انك بتحاول تحميها وتحافظ عليها .. إنما شكلك خدت على ذل*ها واها*نتها ... هتفضل كده لحد امتى ...

مصطفى: يابوي دي..

الاب بغضب : اخرس .. انا عايزك تبقى سندها .. عايزها لما الدنيا تحور عليها تجري عليك..

زمان لما كنت بقف جمبك كنت شايف انك بتحافظ على شر*فنا وسمعتنا. ..

إنما دلوقتي ايه عذرك.. عاوز تض*ربها بس عشان مراتك قالتلك كلمتين... لو جرالي حاجه اختك مين هيقف جمبها مش انت اخوها الكبير انطق ..

مصطفى : يابوي دي بتكر*هني وغلطت عليا 

الاب : سمعتها قالت الكلام ده 

مصطفى..

الاب اخر مره تسمع كلام مره ... الست لو تحب تفرق بين الأب وابنه فبلاش ترمي ودنك لمراتك... 

مصطفى..

***********

سالم بقلق : انتي كويسه ..

سهام كانت ساكته طول الطريق ولما دخلت الأوضه غيرت ودخلت سريرها عشان تنام من غير ما تنطق ولا كلمه حست بيه بيمسح شعرها. 

سهام بتعب : عاوزه انام..

سالم: في حاجه حصلت في الفرح شكلك متضايقه .

سهام معرفتش تقول ايه غمضت عينها بخنقه وقالت : ممكن تسيبني انا تعبت في الفرح النهارده..

سالم: لو في حاجه مضيقاكي اتكلمي انا بسمعك..

سهام : لا مفيش ..تصبح على خير .

باس شعرها وقال تصبحي على خير . 

وسأبها ونزل مكتبه... لكنه اتفاجأ بزين خارج يتسحب من البيت وهو بيبص حوليه .. وقرر أنه يشوف هيروح فين وفعلا حصله وقف زين قدام سيارة اجره واتصدم سالم لما شاف سنيه مرات مصطفى نازله وحضنته وهو باسها وطلعت معاه في العربيه وراحوا شقه مفروشه ..

*********** 

اليوم التالي ..

سالم معرفش ينام طول الليل زين بيعمل ايه في وقت متأخر مع مرات مصطفى في شقه مفروشه فضل مستني زين لتاني يوم الظهر ولما وصل وقف فوشه : كنت فين ..

زين بسخريه : بتسأل ليه اوعى تفتكر انك بجد بقيت مسوؤل عننا وخدت مكان ابويا ياسالم 

سالم بانفعال : انت بتعك يازين والمفروض ترجع مكان مجيت انا دلوقتي فهمت جدي ليه أصر انك تسافر ومترجعش ..

زين : والله طب تؤمر بحاجه تانيه يا بوي قالها بسخريه ..

سالم بانفعال : انا مش بهزر من بكرى هترجع تسافر يازين وده اخر كلام عند

ولسة زين هيرد عليه بغضب .

تلفون سالم رن وكانت نمرة اشواق رد عليها 

سالم : ايوا يااشواق.

ليأتيه صوت رجولي ساخر: هي المزه صاحبة الفون اسمها اشواق..

سالم باستغراب : انت مين .

*** : طب واللي معاها اسمها ايه اصلهم لسا نايمين

سالم بانفعال : انت مين وايه اللي بتقوله ده...

**** : استنى هبتعتلك صورهم عشان تتطمن عليهم بس يكون في علمك مش هيفضلو بخير لو ما نفذتش طلباتي ... وصلو صور لأشواق وسهام وهما مربوطين ومغمى عليهم...

 اتجنن سالم وقال : انتي مين يا *****

**** تؤ تؤ تؤ بلاش تش*تم عشان متعصبش. وانا لو اتعصبت هكلمك فيديو كول وهمو الاتنين بحضني .

سالم بغضب : هق*تلك وعزت جلال الله لاقتلك لو لمست شعره منهم

زين : في ايه ..

سالم 

الفصل السادس عشر من هنا