رواية شيخه عراقيه كويتية الفصل السادس عشر بقلم جمانه السعيدي
شيخه..وسام فج خطوبته مع هاله وكان هذا احلى خبر اياني من دشيت للعراك لليوم
وسام حنيين وطيب ويستاهل بنت تحبه مثلي مو مثل هاله كانت بتتكبر علي
انا مع وسام صرنا كل الوكت مع بعض
بنكعد بلساعات نتكلم ونضحك ونطلع كل يوم بليل البيت يدي لو البيت خاله سناء
كنت حاسه نفسيته صارت احسن وايييد احسن عن كبل
بلاول من كان مع هاله
كان طول النهار مهموم ومغندب
الحين غير كل النهار يضحك ويتكلم معي
الحين يروح للشغل الصبح وباجي النهار بيكون بلبيت
بعد شهر واحد من فج خطوبته من هاله
تغير شكله وصار مرتاح اكثر من كبل
وسام....فصخت خطوبتي من هاله حسيت نفسي صرت احسن قبل كنت مضغوط طول الوقت اروح للشغل الصبح والعصر وماارجع اله بليل
والهم كاتنلي واحسب حساب الفلوس
حتى ماأخذ استراحه ابد
كل الفلوس الي احصله ادخل بيه سلف حتى لا تصير كدامي واصرفه
من تركت هاله حالي كله تغير كمت اشتغل بس الصبح
والعصر اسبح وابدل واطلع اتونس
الفلوس الي تجيني من شغلي على إيجار المحلات عايشين خير من الله
قررت فلوس العرس الي جمعتهن افتح بيهن مشروع
بسيط حتى يكون عندي عمل خاص بيه
بس اني اكثر شي مريح حسيت بي بهاي الفتره
تعلقت بشيخه وتعلقت بشخصيته حسيته مميزه
دخلت كلبي بدون اسئذان
شخصيته كلش بسيطه
وجودها بحياتي وقربه مني ماخلاني حسيت بلبعد بعد هاله
او تندمت على فصخ الخطوبه
اول ماادخل تستقبلني ببتسامه وتكعد تحجي كلشي مر عليه واني كلش انطلق من اشوفه
اذا دخلت وماشفته ابقه ادور عليه وكأنه تكمل وجودي بهاي الدنيا
بعد خمس اشهر من فصخ خطوبتي من هاله كنت حاس اني احب شيخه وهي اكثر وحده ممكن تكون شريكة حياتي يعني اذا ارتبطت بيه راح تكون حياتنا خاصه بينا احنا الاثنين بس محد ؤدخل بخصوصياتنه
مو مثل هاله اهله كلهم كانو يدخلون بحياته ويقدرون عنا
وسام...شيخه
شيخه...هله
وسام ...بلمهلي اريد اسئلج سوال
شيخه...اي
وسام...شنو مواصفات فارس احلامج
شيخه...اهم شي يكون عندا حصان ابيض
وسام...ولج لا احجي صدك
شيخه..طيب حنون يحبني وبس
وسام...يعني عادي اذا ماعندا فلوس يعني مو كلش ماعندا فلوس بس على كد حاله
شيخه...انا ماافكر بلفلوس حنا بنجيب الفلوس مو هي اجيبنا اهم شي ارتاح من اتكلم واعيش معا وخلاص
وسام....زين انتي حبيتي العراق
شيخه...العراك واهل العراك انا احس نفسي هين ببن اهلي وناسي
وسام.... زين تمام شنو رائيج بيه
شيخه...عدا راسك مربع كل شي تمام
وسام...اااه اني راسي مربع يل ككو
شيخه...وشفي الككو تعرف ان الكوكو اهم ماده بتهدي الواحد المعصب وتحسن نفسيته كيف انا الحين لمن اكعد
اتكلم معاك ترتاح نفسيا
وسام...ولله صايره لوتيه
شيخه...وشو اللوتيه
وسام...يعني محد يكدر عليج
شيخه.....ولو الي يعيش معكم اكيد محد يكدر علي
وسام...وشفينا حنا
شيخه...ردينا للتطنز
وسام...انتي بديتي تحجين علينا
شيخه...انا بكول انتم تعلمون الواحد كيف يكون كوي ويعرف يرد بسرعه
وسام...تزوجيني
شيخه...كيف كيف ماسمعت زين
وسام...تزوجيني اني هم ابن عمج لا تفوتين الفرصه
شيخه...وباطلع ابني راسه مربع نفسك
وسام...واني تطلع بنتي كوكو نفسج
شيخه...خلاص اني موافكه
وسام...تحجين صدك
شيخه...انا غبيه ان فوت الفرصه علي انا الي معجبه فيك من زمان
وسام...وليش ساكته
شيخه..كنت ناطره هبل يتحرك ويحس فيني تعرف هبل
المصري مااغيره
وسام...هذا احلى خبر سمعته تعاي نفرح خالتي
وسام.. اخذت شيخه من ايدها ورحت الغرفة خالتي خاله خاله حكمت تعاي عندي الاج خبر بمليون اني وشيخه راح نزوج
حكمت...شنو شنو طبعا لا والف لا خوش عليه امه اخذت رحيم وهي لحكتني على الولد الي ربيته ابد مااقبل
ازوجك كاوليه ولا هاي
وسام...اني عاجبتني واريدها وماازوج غيرها
حكمت...اله اني جوه التراب يله
وسام...الله عليج لا اضيعين فرحتي اني وياها
شيخه...الحين صج تكدرت من كلام خالتي ابي اعرف هي ليش جذي مناشبتني
انا شو الي سويته عشان تكرهني
وسام....راح ابقه وراج منا لمن توافقين شيخه بت عمي واني احبه ومااريد غيرها
حكمت...أخذها وزوجو بعيد عني فهمت لو لا
وسام...حضنت خالتي خاله حبيبتي ام كلب الطيب شلون نزوج وانتي ماتكونيين ويانه
حكمت...اي وحده اله هاي مااقبل بيه ابد
شيخه زعلت وديشت داري
وسام...يمه ليش زعلتيه الخاطر عمو رحيم هاي بنته الوحيده ليش ازعليه ترا اني احبه صدك ومراح ازوج غيرها
حكمت...انت شبيك ماتعرف تختار يعني من هاله الهاي بابا
افهم ازوج وحده تليق بيك
وسام...محد تليق بيه غير شيخه واني هلمره زعلت من صدك
رحت الغرفة شيخه دكيت الباب
شيخه...هله فتحت الباب
وسام...لا ازعلين من كلام خالتي
شيخه...ابي اعرف ليش هي مناشبتني جذي انا شو ذنبي
انا انولدت مااعرف ابوي مزوج وحده غير امي
الحين لوكان ابوي موجود جان عرف كيف يردها عد حدها
هي مستكويه علي عشان اني وحيده
وسام...افا وحيده واني وين رحت
شيخه..انت تحبه ومتعلك فيه وماتكدر تكسر كلامه
وسام...انتي نسيتي اني احبج واني الي اختاريتج
وراح ادافع عن هذا الحب الاخر نفس
ثاني يوم رحت الجدي حتى يدخل وينقذ الموقف
وسام..شلونك جدي
جدي..الحمد لله بخير اذا انتم سالمين
وسام...اريدك بموضوع مهم
جدي...اي كول
وسام...اريد اخطب شيخه وخالتي حكمت ماتقبل
جدي..تحجي صدك
وسام...طبعا صدك
جدي..الف مبروك وخالتك ليش ماتقبل
وسام...ثارات قديمه
جدي..انت كبرت بعيني شيخه امانة عمك رحيم ولازم نحافظ عليه
وسام...وخالتي شلون ترا ولله طلعته من ماعونه شوف هاي شيخه زغيره بس عقله اكبر من عقل خالتي حكمت
شكد تتعدا عليه خالتي بس تسامح وتسكت وتعدي
ذاك اليوم خالتي تمرضت ضلت كل شويه تروح تطمن عليه
تكول هاي من ريحة ابوي
وخالتي رغم كل هذا ماتقبل تسكت وتعوف البنيه بحاله
جدي...هاي غيرة النسوان الله يستر منه تغار من بدريه وهي ميته وتحقد على بته
ماتكدر تجاوز هذا الوضع يعني بدريه ماتت وهي تغار منه
وسام...هسه شلون اني اريدها وهي موافقه وماعدها اي طلبات
نزوج بيتنا بس اشتري غرفة نوم وهي ماعدها اي طلبات
حتى اكدر افتح مشروع بسيط بباقي الفلوس الي مجمعهن
واشتغل شغله حره احسن مااشتغل عامل عد الناس
اليسوه والمايسوه يتئمر علي
جدي...ولا يهمك باجر اني اروح عليه مايكون خاطرك اله طيب اعتبر شيخه صارت اللك
انت الي تستاهله
وسام...دنكت بست ايد جدي الف رحمه على والديك جدي
انت احلى جدو بلدنيا
جدي..ليش ماجيت شيخه وياك
وسام...بقت تنضف بلبيت باجر اذا حصلنا الموافقه نجي هنا نلبس الحلقات يمك
انت تلبسنا حلقاتنه
جدي....حضر الحلقات وخلي الباقي عليه
