رواية الفصلية الفصل السادس عشر بقلم زينب نور
بعد مرور خمس ايام
يوسف؛صار خمس ايام وميار لحد هسه مكاعدة وإنه مكابل غرفه العنايه وكاعد نبضهه ضعيف بعد العمليه بتلث ساعات توقف النبض وبلموت يله رجعو ومن رجع رجع ضعيف وبهل خمس ايام مرتين تﻻثه يتوقف النبض ويرجعو هم بلكوة الدكتور كال انو تمسكهه بلحياة كلش ضعيف وماعدهه اي ارادة للحياة وأنه كلبي محروك عليهه والعن نفسي الف مرة عله سوايتي السودة طلع الدكتور من الغرفه ركضت عليه
يوسف:بشر دكتور
الدكتور:شوف أستاذ احنه هسه رجعنه النبض بصعوبه جبيرة كلش منا لخمس ساعات اذا مصحت فراح نعلن انو هيه دخلت بغيبوبه اشبهه بلموت السريري وراح نظطر انو نشيل الاجهزة والمعروف ان الي تصير وياهم هاي الحاله يميطولون ربع ساعه ويموتون
يوسف:انته شجاي تحجي دكتور ابوس ايدك كول غيرهه سوو كلشي في سبيل ترجعلي وابيع الفوكي والجواي اذا تريدون بس انتو خلوهه تعيش
الدكتور:صدك شيخ احنه سوينه الي علينه بس الاصابه برأسهه كلش خطرة يعني انتو بذاك الوكت لو متئخرين ربع ساعة لخ جان فقدنه المريضه
يوسف:زين دكتور اكدر اشوفهه فدوة
الدكتور:اسف متكدر عبن تعرف انو هاي غرفه عنايه وﻻزم يرتاح بيهه المريض
يوسف:دكتور بس 10دقايق مو أكثر رجاءً
الدكتوربقله حيله:افف تمام بس عشر دقايق وﻻ ثانيه زيادة
يوسف:صار دكتور تسلم
الدكتور:الله يسلمك
يوسف:صاح الدكتور عله ممرضه اجت تنطيني هدوم ﻻزم البسهه يله ادخل يم معشوكتي بس شني هاي الممرضه مبقت شي مسوته حته تجذب انتباهي بس انه مبحاله بالي حاليا بس ميار خايف ﻻ افقدهه حته غير اموت وراها
الممرضه بمياعه:تفضل شيخي كملنه
يوسف:مجاوبتهه دخلت للغرفه وصارت ميار كدامي ملفله تلفلف اليد والرجل مجبسه وراسهه ملفوف وخدهه هم عبنه داخل بي كزاز ووجهه اخخ يا وجهه مزورك تزورك هوة وباقي جسمهه الطالع من الغطه
يوسف:ميارتي حبيبي يله كعدي شتاقيت لعيونج صدكي انه اسف عسه بيدي الكسر وﻻ تنمد عليج يله حبيبي كعدي وشني تريدين تسوين بيه سوي ضربيني وزعلي عليه بس ..ب..س لتعوفيني(تشحرج صوتي ونزلت دمعه من عيني)ميار فدوة كعدي خل نبدي حياتنه من جديد اريدج تنسيني الي عشته والتعب والاذيه الي صارت بحياتي ميارتي كعدي وخل نتمم زواجنه واخلف منج جهال تدرين انه جنت كارهه الزواج والنسوان بشكل جبير بس من دخلتي لحياتي خليتيني اعشكنج واريدن اكضي العمر كله وياج صرت ماشوفن بعيوني غيرج وكل النسوان اختفو من حياتي يله حبيبي كعدي خل احجيلج الصار وياي واكلج السبب الي خﻻني أمد ايدي عليج يمن كسر بيدي كون عساهه نكصت كبل ﻻ تنرفع عليج يله حبيبي اريد اسولفلج كلشي يخصني تدرين جنت مقرر ورة خطوبة مﻻك اخليج تنقلين غريضاتج لغرفتي وراها اخليج تحبيني وراها اعقد عليج محكمه وتسجلين بسمي للأبد وراها نتمم زواجنه وراها تحبلين مني وراها تجيبين وراها نجيب بعد اطفال ونكبرهم ونزوجهم ونبقه بس راسي وراسج تشيليني بكبرتي واشيلج بكبرتج كل يوم اتخيل حياتنه شلون راح تصير بس حظي والماضي مجاي يعوفوني يله حبيبي كعدي
م....
الممرضه:خلص الوكت استاذ يوسف رجاءً صار ﻻزم تطلع
يوسف(مسحت دموعي وكمت بست راس ميار وبست حلكهه وطلعت بدون مارد عل ممرضه)
يوسف:ضليت كاعد كدام الغرفه اهلي كلهم هنا الشيخه وأمل وافنان وام محمد يقرن قرآن مﻻك كاعده عله صفحه تصفح التليفون رامي راح يجيب مي وجاي بيت عمي ابو فارس هم اجو البنات وامهم كاعدين يقرن ادعيه وقرآن مبين عليهم الخوف زوجة عمي مرة طيوبة ومسالمه الى ابعد حد والبنات طالعات عليهه يحبن ميار المهم عمامي الباقين اجو بس مجابو حريمهم وياهو اليسئل شلون هيج صار الشيخه ترده دكله جانت تنظف الدرج واكو بنهايته كزاز وتزحلكت ووكعت وهم يسكتون ماعرف ان صدكو او ﻻ هذه الشي ميهمني ..كاعد اقرة ادعيه بكلبي وقرآن وادعي ربي يأخذ من عمري وينطيهه بس هيه تكعد ويحفظيالي ماحس غير ايد صارت عله جتفي
غيث:لتخاف يخوي تصحه وتنسه وتعيشون وتصير هاي سوالف انته بس لتكدر نفسك
يوسف:ماكدر ماكدر غيث الصار بسببي هيسه بس خل تصحه والله كلشي ماريد عسما تكول نطيني روحك راح انطيهيا بس خل تكعد
غيث:تكعد يخوي تكعد انته بس ادعي ربنه واهل البيت وإن شاء الله ميردوك
يوسف:ان شاء الله...اجه رامي جايب جاي وماي
رامي:هاك شيخنه اشرب ماي صارلك خمس ايام ﻻ شرب وﻻ اكل كاضيهه بس جكاير مو هيج راح تموت نفسك
يوسف:حل عني رامي مناقصك اني وبعدين ماريد شي مالي نفس
ابو فارس:ابوي انته عندك ايمان بالله يو ﻻ
يوسف:شي اكيد عندي
ابو فارس:جا انته مئامن بقدرة صدك مريتك اذا صحت تريد من يداريهه بله اذا انته هسه متاكل هيه راح تصحه بئذن الله وﻻ سمح الله انته توكع يله بوية انته تعتبرني مثل ابوك اسمع كﻻمي وكوم اكل لكمه واشرب مي وتعال
يوسف:تنهدت تنهيدة طويله وهزيت راسي وكمت رحت للكافتيريا اخذت جاي وبسكت كعدت اكل بس مالي نفس بالي كله يم معشوكت كلبي ورفيجه دربي اخخخ ياربي دخيلك طالبهه منك اريد ترديالي دخيل اسمك يامن تقول له كن فيكون دخيلك ربي رجعهه اليه واسمك ماعيدهه مرة ثانيه وامد ايدي عليهه ..كملت ورجعت لردهه باقي بس ربع ساعه وتنتهي المهله الي نطونياها الدكاترة وانه حاط كلبي بشيشه مرت خمس دقائق واشوف الاطباء والممرضين اجو ركض طبو للغرفه صراحه اول شي اجه بالي انو هيه ماتت وعافتني المشكله انو محد يقبل يحجي كلهم طبو واشوفهم من الجام مجتمعين عليهه ومغطيهه فممبينه ضليت انتظر ربع ساعه وراها نص ساعه وهمه ماكو اخر شي زمخت
يوسف:ادري جا شجاي يسون كل هل وكت طولو هواي
الشيخه:عله كيفك يمه ﻻ يروح يصعد ضغطك جا هذه شغلهم وشو شصار وياها وتئخرو انتظر ييمه الصبر مفتاح الفرج ادعيلهه دكوم بسﻻمه
يوسف:زفرت الهوة بقله صبر وحيله وضليت مرابط الغرفه بنتظار احد يطلع يطمني او يبرد كلبي بس ﻻ حياة لمن تنادي ماكو ورة شي نص ساعه ثانيه طلع الدكتور ركضت عليه
يوسف:بشر دكتور
الدكتور:الف مبروك وحمدلله عله سﻻم مدامتك هيه تعدت مرحله الخطر وبس ربع ساعه ننقلهه لغرفه خاصه وطبعاً هاي الحاله تعتبر من الحالات النادرة جداً انو صحت وتصير صدف قليله مثل هل حاله مادري شني الي خله نبضهه يستعدل بعد مجان شبهه معدوم ... حمد لله عله السﻻمه مجدداً ومتشوف شر ان شاء الله
يوسف:طرت طرت من الفرحه ممصدك الكاله الدكتور وضليت اردد الشكر لله الف حمد وشكر مرديتني خايب ..اتشكرت من الدكتور وضليت منتظر لحد ما طلعوهه من غرفه العنايه والاجهزة وياها ونقلوهه لغرفه خاصه
رامي انه رايح استفسر عن وضع ميار الصحي
رامي:اوك تمام احنه هنا يمه لتخاف
يوسف: تمام وانه هم مراح اتئخر
يوسف: رحت لدكتور ودكيت الباب وكال
الدكتور:تفضل
يوسف:سﻻم عليكم دكتور اجيت استفسر عن وضع زوجتي ميار بلا زحمه
الدكتور:اي طبعاً تفضل
يوسف:زاد فضلك دكتور ممكن تشرحلي شلون صارت ميار
الدكتور:شوف شيخ هيه صح تعدت مرحله الخطر بس بعدنه منعرف اذا هل حادث راح يبقي اثار او ﻻ
يوسف:شلون دكتور مفهمت جا
الدكتور:شوف شيخ احتمال الحادث بعتبار صارت الضربه قوية على منطقه الرأس والراس اخطر مكان بلجسم فحتمال يصير نزيف داخلي او احتمال شلل نصفي او احتمال يئثر على اعضاء جسمهه او اي شي ثاني يضهر نتيجه الصدمه من الحادث ايصير كرد فعل من الدماغ او من الحادث نفسه
يوسف: ضليت صافن بوجهه الدكتور ﻻ اخذ وﻻ انطي .زين دكتور هسه شراح يصير
الدكتور:شوف شيخنه احنه منكدر نحدد شي اله لمن تصحه حته نسوي تحاليل واختبارات نشوف انو اذا الحادث ترك اثار او ﻻ
يوسف:زين شكد نسبه تئثير الحادث عليهه
الدكتور:كتلك وارجع اكول احنه منكدر نحدد شي لحد ما تصحى مدامتك
يوسف:تسلم دكتور
الدكتور:هله بيك الله يسلمك
يوسف:طلعت من غرفه الدكتور .. وانه صافن انه مستعد اتحمله طول العمر اذا نشلت او صار شي ثاني بس خايف عليهه ﻻ يرجع عليهه ويئذيهه هل شي وانه من راح تتئذه انه هم راح اتئذه ...وصلت للغرفه ودخلت شفتهم كلهم كاعدين اله هيه نايمه عمامي وولدهم من عرفو صارت زينه وتعدت مرحله الخطر رجعو لبيوتهم بقه بس غيث واهلي كاعدين بلغرفه ننتظر ميارتي تكعد اوووف
ورة ساعه صحت ميار رأساً ركضت عليهه ..ميار حبيبي تسمعيني
ميار:صحيت بس احس بوجع يسري بجسمي واكو اصوات يمي بس مذا اكدر اميز من الوجع
يوسف:راح رامي صاح الدكتور بسرعه واجه اجه الدكتور وبدة يفحصهه
الدكتور:ميار تسمعيني
ميار:هزيت راسي اي بس حركه خفيفه
الدكتور:زين انه راح اسويلج اختبارات واشوف شلون صرتي
..نغزت رجلهه اليمنه راسا سحبتهه وعل الرجل الثانيه هم نفس الشي زين حركي ايدج
ميار:حركت ايدي ثنينهن بس عله كيف
الدكتور:زين ميار هاي شكد اشرت عله رقم اربعه
ميار......
الدكتور:ميار جاوبيني هاي شكد
ميار:........
الدكتور:اشوو بابه بديت افحصهه
الدكتور:..............................
.............................................................
شنو صاير ويه الشيخ ؟؟؟
شبيهه ميار؟؟؟
وشراح يصير وياهم؟؟؟
.................................................................
