 |
رواية حياة سيف الفصل السابع عشر بقلم بسملة حسن
خالد بزعيق: نعمممم يختي قولتي اي
داليا بستغراب: في اي يا خالد هو انا اتكلمت اصلا
خالد: اومال انتي متكلمتيش يعني
داليا: لا انا لسه هقولك انك احسن واحد عرفته في الدنيا دي كلها لقيتك بتزعق
خالد ضحك: قولي والله
داليا ضحكت علي ضحكته: والله
خالد: طب يلا علشان نتغده و نروح
داليا بتعب: لا مش مهم انا عايز اروح
خالد برفض: مفيش حاجه اسمها لا في حاضر و يلا تحبي تروحي تتغدي اي
داليا: يابني مش مهم
خالد بطريقه: ابنك طب يلا يا ماما علشان ناكل انا جعان
داليا ضحكت و راحت معاه
خالد راح مطعم و بدأو يتكلمو و يعرفو حجات كتير عن بعض و داليا اكتشفت حجات كتيره حلوه في خالد و اتمنت يكون شخص زي خالد في حياتها
سيف قرر يعمل حفله علشان يقرب من حياه تاني
ريم: اي ده انت هتعمل حفله يا سيف
سيف ببرود: ايوه
ريم بعصبييه خفيفه: طب ليه مقولتش هو انا مش مراتك
سيف: لا مش مراتي و خليكي فاكره اني متجوزك غصب تصليح غلطه عملتها مع أني مش فاكر حاجه اصلا
لكن اكتر من كده لا انتي زيك زي كرسي مرمي في البيت فاهمه
ريم بدلع حطت ايديها علي صدره: فاهمه يا حبيبي انا مش قصدي حاجه بس كنت تقولي علشان اجهز نفسي مش اكتر
سيف لسه هيزق ايديها
ريم بتعب مزيف: سيف الحقني و اغم عليها
سيف لحقها قبل ما تقع في الحظه دي شافتهم حياه
سيف و هو شايل ريم: حياه انا
بس حياه سابته و مشيت
سيف بعصبييه هي كانت ناقصه انتي كمان تتعبي اشوف فيكي يوم يا بعيده
كريمه كرييييييمه
كريمه جت تجري: ايوه يا بيه
سيف: تعالي فوقي الزفته دي
و حطها علي الكنبه و طلع عند حياه
دخل من غير ما يخبط
حياه بعصبييه بتحاول تداري نفسها
انت ازاي تخش كده المفروض تخبط
سيف بتوهان: في حد يخبط و هو داخل اوضه مراته
حياه بتوتر: اخرج بره عايز اكمل بقيت لبسي
سيف بيقرب ليها اكتر: كملي انا مش حد غريب ده انا جوزك ولسه هيقرب اكتر
حياه زقته بعصبييه: قولت اخرج بره اي مش بتفهم روح لي مراتك التانيه زمانها محتاجالك
سيف بيحاول يمتص غضبه: حياه حبيبتي افهمي
حياه بصريخ: بطل تقول حبيبتي انا مش حبيبتك فاهم ويلا اخرج بره
سيف خرج و كله غضب فكر يدخل لي ريم و يطلع عصبيتو كلها فيها بس نزل يشوف تجهيزات الحفله الي هتكون بعد يومين
عند ريم كانت بتفكر ازاي تخلي سيف ليها هي وبس و ازاي تخلي يطلق حياه و يكون ليها
خالد روح داليا و بداء يجهز لي الحفله مع سيف
خالد شاف سيف ساكت و دي مش عوايده
خالد: اي ده روميو ساكت لا لا كده في حاجه غلط
سيف: مش ساكت بس سرحان شويه و بفكر
خالد: و اي الي بيخليك تفكر ما الدنيا معاك كويسه
سيف ضحك بتريقه: كويس ايوه فعلا
خالد: قول الحمدلله اياً كان اي المشاكل الي عندك احمد ربنا
سيف: يلا علشان نخلص من ام الحفله دي
خالد وقفه قبل ما يمشي: استنا انت مش عامل (عقيقه)
سيف يستغرب: عقيقه ليه
خالد: هو اي الي ليه انت ملبوس بعفريت اسمه ليه دي سُنه مؤكده لازم تضحي شكر لي ربنا انو رزقك بطفل
سيف هز دماغه: طيب تعالي ساعدني في الحفله دي
خالد مشي معاه و هو حاسه انو في حاجه غريبه و بداء يجهز لي الحفله مع سيف لحد ما سيف قال
ما تعزم البنت الي بتكلمها
خالد بقرف: بت بكلمها هو انا شاقطها من جامعة الدول ليها اسم
سيف بتريقه: معلش يا خويا معرفش اسم المحروسه بتاعتك اسمها اي
خالد: داليا اسمها داليا
سيف: طيب يا خويا متنساش تعزم داليا بتاعتك
خالد بستغرب: طب انت عايز تعزمها ليه
سيف بكذب: ها مفيش بس عايز اخلي حياه تتعرف عليها فيها حاجه
خالد بشك: لا ابدا
و كلم خالد داليا و عزمها علي الحفله
لحد ما جه يوم الحفله
سيف دخل لي حياه الاوضه: سيف تنح في حياه
حياه كانت لابسه فستان طويل كله بني و نازل بي ديل من الضهر في اوفير و حاطه ميكب هادي و كانت جميله جدا
سيف بذهول: اي القمر ده يخربيت حلاوتك
حياه بكسوف:شكرا
سيف بحب: هو انا بقولك كده علشان تقولي شكرا مفيش شكرا مبين المتجوزين يا حياتي
حياه بتوتر: ها يلا علشان منتاخرش
سيف بحب مال عليها و باس خدها: يلا يا أمرتي
حياه اتكسفت و نزلت معاه
في نفس الوقت ريم خرجت من الاوضه
ريم بدلع: اي رايك يا حبيبي في الفستان
سيف بصلها بقرف: زبالة
ريم كانت لابسه فستان دهبي لحد الركبة و مبين اكتر ما يخبي
ريم: لي بس يا حبيبي دا انا خليت هاني البحيري يعملي الفستان علشان خاطرك
سيف بعصبييه: محدش قالك تعملي حاجه علشاني و هدي و كلم حياه: يلا يا حياتي علشان منتاخرش و هاتي ياسين
حياه نزلت و هي مبسوطه من سيف
و بداء الحفله و خالد جاب داليا
خالد لسه هيخش داليا مسكت فيه بخوف
خالد بستغراب: في اي يا داليا
داليا بخوف: بصراحه خايفه يا خالد عمري ما دخلت مكان زي ده و خايفه الي جوه يعملوني وحش او يتريقو علي لبسي
خالد مسك ايدها و باسها برقه: مين قال انو لبسك وحش ده انتي مفيش بنت في جمالك عارفه يا داليا انتي احلي بنت اشوفها عارفه ليه
داليا هزت راسها بي لا
علشان انتي طيبه من جوه و قلبك ابيض بس ناقص حاجه واحده بس و تكوني ملكه جمال العالم كله في نظري
داليا بستغرب: اي هي
خالد: تتحجبي عارفه ساعتها هتزيدي جمال فوق جمالك
داليا بستغراب: لي الدرجادي
خالد ابتسم: و اكتر من كده
قال تعالى:{وَلا يُبْدِينَ زِينَتَهُنَّ إِلا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ}. النور (31)
....................
قال تعالى :
{يَا أَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُوراً رَحِيمًا}. الأحزاب(59)
داليا بستغرب: يعني اي مش فاهمه
خالد بهدوء: (يعني مينفعش تظهري جمالك ولا حلاوتك للناس كدا كلها وتخلى الكل يتفرج ببلاش ربنا سبحانه وتعالى أمر السيدات بأخفاء زينتهم ليه بقا امرهم بكدا علشان محدش يطمع فيها ولا يدايقها بكلمه علشان كدا الحاجه الحلوه دي لازم تستخبى ومتظهرش غير لجوزك ان شاءالله غير كدا مينفعش و لما تداري شعرك مش هيبوظ شكلك ولا هيخلى شكلك مش حلو بالعكس هتبقي احلى واجمل بنت تشوفها عيني )
داليا بأحراج انا مكنتش اعرف كده
خالد: مش مهم المهم انك عرفتي
و يلا علشان منتاخرش اكتر من كده
و فعلا دخلت معاه الحفله
سيف شاف بنت بسيطه مع خالد و عرف انها هي دي داليا
قرب من حياه و وطه عليها: روحي سلمي علي الضيوف
حياه بستغراب: ضيوف مين
سيف: روحي وانتي هتعرفي بس خدي ياسين معاكي عشان مش مبطل فرك و شد فيا
حياه ضحكت و خدت ياسين و راحت لي خالد
خالد: ازيك يا حياه عامله اي
حياه ابتسمت: تمام الحمدلله
خالد: دي داليا
حياه سلمت عليها بحرارة: ازيك يا حبيبتي عامله اي انا حياه و ده ياسين ابني
داليا سلمت عليها بحب و بدأو هما الاتنين يتعرفو علي بعض
خالد سابهم و راح لي سيف
مالك في اي
سيف: هو ليه الستات بيحبوك انت مع أن انت مش غني ولا معاك فلوس و لا عربيات زي الي عندي بس كل حد بيحبك انت ليه ها ليه حياه كانت هتتجوزك انت
خالد: اولاً عمرها ما كانت المحبه بي الفلوس دي قبول من عند ربنا و تاني حاجه الستات الي بتقول عليهم دول الي كانت منهم مراتك حياه كانت هتتجوزني علشان تنساك و عمر ما كانت الرجوله بي الفلوس و العربيات المرسيدس الرجوله انك تخليها مش محتاجه حاجه انك تحافظ علي اهل بيتك انك تحمد ربنا علي كل حاجه اياًكان اي هي حته لو كانت وحشه لكن انت مش بتعمل كده عارف يا سيف لو الفلوس و العربيات دي كلها راحت مش هيفضل حد معاك عارف ليه علشان كله قريب منك بسبب فلوسك مش اكتر لو الفلوس خلصت مش هيكون حد معاك غير حياه عارف ليه
علشان بنت ناس وبنت اصول ومش بتفكر في فلوس هي الوحيدة الي حبتك و انت سواق حبت سيف السواق مش سيف الميليونير
حياه بتحبك بجد يا سيف ياريت تخلي بالك من مراتك و ابنك
سيف ينفع تكون صحبي
خالد ضحك: ياعم صحاب اي انت شقي
و كانت الحفله لذيذه لحد ما سيف شاف ريم ماسكه الفون و متوتره
سيف قرب منها براحه و سمع حاجه مكانش متوقع يسمعها
ريم: يعني اي متعرفش هو فين و ابنه الي في بطني ده اعمل في ايه دور علي عمر في اي مكان انتا لازم تلاقيه
سيف بشر: في جهنم الي هتروحي فيها معاه يا بنت ****
ريم برعب: سيف
في نفس الوقت حياه اغم عليها
خالد بزعيق: حيااااااه
سيف جري عندهم و شالها و طلع يجري بيها علي الوضه
سيف بخوف: اتصل بي الدكتور بسرعه يا خالد
خالد اتصل بالدكتور بسرعه
داليا دخلت عند حياه عشان تفضل جمبها لحد ما لدكتور ياجي
الدكتور وصل وابتدا يكشف عليها وداليا معاها
الدكتور خلص وخرج
الدكتور: متقلقوش هيا كويسه
سيف بزعيق: كويسه ازاي يعني انطق
الدكتور بخوف: هيا حامل يا أستاذ والأغماء دا شيء طبيعي في الشهور الاولى
سيف بصدمه: اي حامل
الدكتور: ايوه حامل
سيف: طب انا عايز *****
الدكتور بصدمه: 😳😳
