رواية شيخه عراقيه كويتية الفصل السابع عشر بقلم جمانه السعيدي
وسام... جدي اجا ثاني يوم وكعدنا كلنا وبدأ يقنع خالتي
جدي..انت ليش ماموافقه البنيه بتنا ووسام اكثر واحد مناسب اله خافي ربج خلي رحيم بين عيونج
هاي امانه عندج شنو نقصه احجي فهمينا
حكمت...كله نقص وماتعجبني ومااريدها
جدي...لاتنسين انتي كاعده بيته اذا ازوجت واحد غريب راح تخليج تبيعين البيت وتجهولين طول عمرج
هي ووسام راح يراعونج ويتحملونج
انتي مريضه وكل يوم للطوارئ بعدين وسام اذا اخذ وحده غريبه منو يكول تقبل بيج وتتحملج
انتي ماشايفه نفسج شكد صايره عصبيه وعلى كلشي تسوين مشكله
بنات هلوكت يله نفسي وشيخه معدله وبت اصول
حكمت..مااريدها يعني مااريدها لا تضغطون عليه ترا اخذ عباتي واهج عوفوني كاعده وساكته
امها اخذت رحيم وهي تريد تاخذ وسام شنو يربي مكتوب علينا الغريبات ياخذن زلمنا
جدي...لا تتعززين علينا وافقي هذا الوضع احسن بلنسبه اللج شيخه ووسام اثنينهم منا وبينا
راح يتحملونج
حكمت...شنو يتحملوني اني شبيه
وسام خالتي طلعت من الغرفه
جدي...عوفوها مالكم شغل يوم يومين وتوافق غصبا ماعليه
لليل خالتي من العصبيه كامت ادخن بزياده ووكعت عدنا
كامت مااجر النفس نقلناها للمستشفى اني وشيخه
هلمره حالته أصعب من كل مره
بقينا بلمستشفى للصبح وياها والدكتور كال اذا ترجع ادخن يعني تنتحر
الصبح رجعنا للبيت كلنا تعبانين حيل بيومها ماطلعت للشعل وشيخه بقت يم خالتي بغرفته تخاف عليه
يومين ماطلعت للشغل بس مكابل خالتي خاف تشرب جكاير لان شيخه ماتكدرله ابد
حرب اني وياها على الجكاره كل شويه تتحجج تريد تطلع
اعرف سوالفه تريد تشرب جكاير وين ماتروح اني لازك اله
بس للحمام ماادخل وياها
صارت عصبيه نار وكامت تصيح وتغلط عليه علمود الجكاير حتى تضربني وتغلط على شيخه
ميخالف متحملين علمود صحته
بعد اسبوع طلع الموجر من واحد من المحلات واني خليت اعلان المحل للايجار
للعصر اندكت الباب فتحته لكيته ابو حسن صديق عمي رحيم جان يشتغل وياا بلكويت
سلمت علي ودخلته للبيت جوا طبعا هو جاي ياجر المحل
ابو حسن...اريد خالتك اعازيه اني جنت بلهند سويت عمليه الابني وبقيت هناك ٣ اشهر يله اجيت ايام الفاتحه ماكنت لا بلعراق ولا بلكويت رحيم اخ وصديق عزيز عليه
وسام...خاله ابو حسن يريد يسلم عليج
لبست عباته خالتي واجت كعدت يمه
ابو حسن..اعتذر اني جنت بلهند سويت عمليه الابني وماكدرت احضر الفاتحه اعذريني
حكمت..معذور وشلون صار ابنك
ابو حسن...الحمد لله
وسام...صحت شيخه جاي الابو حسن
ابوحسن...شيخه عدكم
وسام...اي بعد ابوها راح ماله مكان واحنا اهله مهمه يكون مايصير نخليه بديرة الغرب وحدها
ابو حسن...اي ولله اهل امه مقاطعينه بسبب عملت امه الي تكسر الوجه
حكمت...عملت امه شنو
ابو حسن...غير حبلت بيت اهله وطاح بيه رحيم المسكين كتله اشرد لا تورط نفسك يمعود لا تتحمل هلي المسوليه وحدك زوجوها الرحيم حتى يسترونه النوب طلعت حامل
ورحيم سجل شيخه بااسمه
حكمت...شلون شلون تحجي صدك يعني شيخه نغله مو بت رحيم
ابو حسن...انتم ماتعرفون شني رحيم ماصار عندا اطفال من بدريه لان بلولاده صار عدها نزيف وشالوو الرحم
شعجب رحيم ماحجالكم توقعت تعرفون
حكمت...بروح اهلك احجيلي كلشي من البدايه
وسام...بقيت مصدوم من كلام ابو حسن يعني شيخه مو بت عمو رحيم يعني مو بنت شرعيه
ابو حسن...رحيم تعرف على جد شيخه بعلوة المخضر وساعده مره وجدها اخذه يشتغل عدهم سايق
بعد فتره بتهم طلعت واحد ضاحك عليه وإخوانه رادو يذبحوها بس ابوها ماقبل بس هاي البنيه وعزيزه
قشمر رحيم وزوجه اله اني ماقبلت كتله ارفض اشرد بس هو
كال لا توقع هذا الزواج على الورق بس اخوانهاطردوهم من البيت ثنيبنهم
بعد شهر طلعت حامل وكان زواجهم كله باطل بقه رحيم ينام بمكان
وهي بمكان منا لمن جابت شيخه سجله بااسمه وزوج بدريه من جديد اني كنت شاهد على عقد زواجهم بس ماصار عندا اطفال لان بدريه بلولاده شالت الرحم
شني رحيم ماحجالكم اني عبالي تدرون
حكمت...رحمله والديك كلبي جان حاس هاي البنيه مو النه
الف رحمه على والديك
حكمت...شيخه شيخه تعاي بت الحرام جايه تضحك علينا تريد تاخذ البيت
ابو حسن...ترا البنيه ماتعرف وحتى اهل بدريه مايعرفون عبالهم بت رحيم
وسام...خاله على كيفج يكول ماتعرف
حكمت...اسكت انت فوكاها يريد يزوجها يريد يزوج وحده بت حرام ويجيبه تكعد ويانا
شيخه... سمعت خالتي بتنادي علي بس انا متعوده عليه
هي كل الوكت صوته عالي علي
حكمت...شيخه وين رحتي تعاي بسرعه
وسام.. خاله على كيفج
شيخه...نعم في شي
حكمت...انكشفتي بت الحرام كل شويه وكلتي ابوي رحيم
انتي منيلج اب بت حرام نغله
شيخه...وسام شفيه خالتي كالبه علي
حكمت...لان عرفت حقيقتج نصابه حراميه
شيخه...شصاير ابي افهم ليش كلكم علي
حكمت...تعاي اسمعي ابو حسن شيكوول
ابو حسن..اني اعتذر من رخصتكم
حكمت..ماتطلع اله تحجي كلشي كدامه مسويه نفسه فقيره
ابو حسن..اسف سببتلكم مشكله اترخص منكم
وسام...ابو حسن طلع بعد ماشعل البيت حريق الله يعلم منو راح يطفي
شيخه...اني مااسمحلج تغلطين علي شو بت حرام
حكمت..انت مو بت رحيم امج لا عبه لعب ورحيم ماكل المقلب
شيخه...وسام خالتي عن شو تحجي
حكمت...هسه أبلغ عليج حراميه نغله بت حرام
شيخه...انا بت رحيم هذا الرجال كذاب شو موبت رحيم
حكمت..حتى اهل امج متبرين منه من عملته السوده
يله برا برا البيت اني مااكعد بت حرام وياي بلبيت يله برا
شيخه...نزلن دموعي ماني كادره اصدك الي سمعته شو يعني انا بت حرام رحيم مو ابوي مااني مصدكه هالكلام ابد
حكمت...اطلعي برا مااريد اشوف وجهج كبالي اطلعي
شيخه...خالتي بتدفعني وطلعني برا البيت
وسام...خاله مو هيج فرجتي الناس علينا
شيخه..دخلت داري وقفلت الباب علي
حكمت...الحكلي وسام اختنكت الحكلي الله لا يرضا عليه بت الحرام راح تموتني اح اح اح
وسام...اخذت خالتي للمستشفى خلو له اوكسجين ساعه ورجعنا للبيت بس دخلت مالكيت شيخه ماخذه ملابسه وطالعه
وسام... خاله البنيه وين راحت كله بسبج ماله احد وين تروح
حكمت..الجهنم الحمره بت الحرام
وسام...حرام عليج انتي مريضه هاي البنيه اذا ضاعت بسببج
حكمت...لا تخاف عليه هسه تقلد امه تشوف واحد وتوكع براسه
وسام..اني طالع ادور عليه
حكمت...ولك اني اريد اموت تعوفني وحدي
وسام...اني احب شيخه ومستحيل أحمله مسولية شي ماله دخل بي سمعتي الرجال كال هي ماتعرف وانتي مصممه
ادمرين حياته
حكمت...خل تولي جايه تضحك علينا
وسام...طلعت بس مااعرف وين ادور عليه رحت للكراج بس مالكيته رحت الاهلي ماكو
رحت البيت جدي لكيت جدي كاعد بلشارع على كرسي
وسام... جدي هم اجت شيخه
جدي...شبيه شيخه
وسام.. اني راح احجيلك كلشي صار سولفت الجدي كلشي
جدي..اي الرجال كلكم ماتعرف ليش هجمتو عليه بعدين رحيم رجال وستر عرض بدريه رب العالمين يكول من ستر مومن بلدنيا ستره الله يوم الحشر
انا لو بمكان رحيم اسوي مثله شيخه شنو ذنبه تعاقبوه حكمت ترا طلعته من ماعونه
وسام...اني خايف عليه ووين ممكن تروح اخاف عليه
ممكن ترجع للكويت اروح اغير ملابسي والحكه حتلو راحت للكويت اروح وراها
جدي.. انت تحبه
وسام... احبه ومتاكد هي ماتعرف بهاي الشغله ليش نعاقبه على شي ماله ذنب بي
جدي...يعني متمسك بيه حتلو خالتك ماتريده
وسام...اي الاخر لحظه اريدها لا تعطلني جدي خل الحكه
بلكت بعدها بلعراق ماسافرت بس كون تقبل ترجع وياي
جدي...ادخل شيخه جوه بغرفتي
وسام..تحجي صدك دخلت لكيته ميته بجي بغرفة جدي
ليش تبجين ليش حبيبتي انتي
شيخه...انا ماكنت بعرف اهي اهي هاي الكصه كله مابعرف فيه اهي اهي انا عشت كل عمري وانا بت رحيم
اليوم يله عرفت انا وشو ذنبي
وسام...مسحت دموعها لا تبجين انا احبج انتي بت عمو رحيم ومعليه بكلام ابو حسن ومعليه بخاله حكمت انتي حبيبتي ولو الناس كله وكفت بو جهي انتي تبقين حبيبتي
شيخه...انا ابي اتأكد من كلام ابو حسن
وسام...واني اكول لا تتأكدين ولا شي اعتبري نفسج ماسمعتي شي كلامه مراح يغير واقعنا ابد
شيخه.. خاف تندم
وسام...اندم اذا ضيعتج من ايدي تزوجيني
شيخه...باوعت علي بستغراب ومسحت دموعي
وسام..هسه اجيب الشيخ واجي نزوج حالا واي واحد مايعجبه الوضع خل يضرب راسه بلحايط
شيخه...اي بزوجك انت هلي وناسي كلهم
وسام...طلعت لكيت جدي بعدا كاعد
وسام..جدي راح اجيب الشيخ ونعقد اني وشيخه
جدي...انت رجال والنعم منك
وسام...جبت الشيخ وعقدلنا اني وشيخه والشهود جدي واخوي من كملنا العقد
وسام..يله نرجع للبيت
شيخه..وخالتي
وسام..انتي زوجتي لازم تقبل بلامر الواقع
رجعنا للبيت لكيت خالتي مدخنه باكيت كامل من القهر والحركه وواكعه بلكاع
شلته واجرت تكسي ورجعته للمستشفى
الدكتور تخبل كال مااكدر اسويله شي حالته حيل تعبانه
مواكيد تبقى للصبح
انطاها ابره موسع للرئه وواوكسجين بس بليل صارت حيل زركه الطوارء كله التمت عليه
بس ماكدرو يسوون شي للصبح خالتي فارقت الحياة
أخذنها دفنوها بلنجف ووسيناله فاتحه
سر شيخه محد يعرف بي بس اني وشيخه وجدي وابو حسن الي مااعتقد راح نشوف وجه مره ثانيه بعد المشكله الي صارت
السر مات ومحد عرف بي ابد الكل يعرف شيخه بت عمو رحيم
بقينا عايشين بلبيت اني وشيخه بعد سنه يله سوينا حفله عرس وكانت شيخه حامل بالشهر الثالث بعرسنا
شيخه سحبت فلوسه من الكويت علي الفلوس الي اني مجمعهن وفتحنا مشروع خاص بينا احنا الاثنيين
صار عدنا بنيه وولد ثنيين الحمد لله والشكر
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
