رواية علي حافة الثأر الفصل السابع عشر زينب نور
صرت اصرخ بكل قوتي ..
واتلبد منه بين الأثاث .. كطعلي جسمي وهو يضربني وكأني عدوته ..
على صوت صريخي صارت الباب الخارجية تندك والحراس يصيحون : استاذ شوان .. استاذ
ترك من ايده وتقرب مني لزمني من راسي : يمتى انطيتي نفسج احجييييييي
ابجي بهستريا بدون رد .. كام يصرخ جاوبيييييي
اندكت باب الغرفة اللي احنا بيها .. عاف شعري
زحفت وحشرت نفسي بالميز اضم نفسي منه ..
سحب ملابسه لبسهم وكام يصيح ع الخراس يطلعون برا ..
كمت من مكاني بسرعة وهو يصيح ، دفعت الباب وضربت القفل بسرعة .
كام يدك بالباب قوي وهو يكلي : افتحي الباب .. اليوم ما اتركج اذا ما اقتلج على اديااااااا اليوم اخليج اتبعين اختج السااااااااقطة .. تخونيني وويا منو ويا الحااااااارس .. اني تخونينيييييييي طلكت مرتي وتركت اطفالي دا ارضيج وانت تخونيييييني افتحي الباب اليوم اقتلج والله .. افتحي الباب
كاعدة ورا الباب ابجي بدون ما اجاوبه ..
بقى يصيح هواية بالباب وضربه .. اخاف وابتعد من الباب بس محاول يكسره او دفع ومكدر يكسره ..
من بعدها صوته صار يبتعد
واني ابعد بشعري من وجهي واشد بحيلي دا اكوم ..
تلزمت بالاثاث والحايط ومشيت للشباك ووجهي مليان دموع وملامح الخوف والألم واضحة بمعالمي .
باوعت شفت سيارة الحرس مالته انسحبت ..
كمت ابجي بقوة ونحيب .. صرت اتكي ع الحايط وامشي .. فتحت الباب على كيف واني اباوع ليكون هو موجود ..
طلعت راسي منا .. منا ماكو
رحت امشي واني اعرج .. ادور موبايلي وين ..
ملكيته بالصالة ماكو مشيت للمطبخ لكيته ع الكاونتر يم كيس الصيدلية .. اخذته واستندت للكاونتر واني ابجي بنحيب واحاول اطلع رقم احد من اهلي .. اول واحد خابرته .. عباس
رن وخلص الأتصال ومجاوب ..
دكيت على ماما بسرعة ..
من اول رنتين ردت : ها ڤيون ماما
دا تحجي سمعتني ابجي بنحيب واكول : الووو
- اسم الله بنتي شكوووو شصاير
- تعالي ماما الله عليج تعالي الحكيلي
- شصاير ويااااج وين انت
- اشوان اعتدى عليه ماما تعاليييييي
- عزه يمه بنتيييي وين انت
- ابيتي ماما تعااااي
دا احجي ويا امي صار اتصال ثاني دك عباس .. جاوبت وقطعت الاتصال ويا ماما واني مستمرة بالبجي واصرخ : تعال فدوة تعال بسرعة
فز وهو يكلي : شبيج فيان شصايرلج
- اعتدى علييييه اااااااااااااااا
كمت اصرخ بنحيب بجي من كل كلبي
هو مجرد سمع الكلمة مسمعت منه حجي ثاني كام يركض وبس صوت حركته والركض مالته اسمعه ..
تركت التليفون وكعدت بالكاع ابجي بكل قوتي ولامة نفسي
ما مر وقت هواية عباس دخل من باب الصالة يصرخ .. وينج فياااان .. وين انت
سمع صوت البجي مالتي اجا بركض ضرب باب المطبخ وهو داخل .. صرخ : شبييييج منو السوا بيج هييييج
-شوان
احجي والشهكة بصدري كوة تطلع الكلمة
لزمني وكام يهز بيه حيل : شسوالج شوان . احجي شسواااالج
-اعتدى .. اعتد
ارجف واشهك واحجي
-شنو يعني اعتدى احجي ريحيييييني شنو يعني اعتدى
دخلت امي : بنتي شصايرلها احجي شسويتلهاااااا
دفع امي حيل وهو يصرخ بيه : شسوالج ولج احجيييييي
كمت اصرخ وابجي والم بنفسي ..
كامتله امي تريد تدفعه ضربها بكفى ايده ميباوعها وهو يتقرب مني ويصرخ : اعتدى عليج ضربج لو اغتصبج فهميني شسوااااا
وامي تصرخ : كله من وراك يا وصخ ابتعد من بنتي عوووفها
وهو يصرخ : احجيييييييي ولج احجي حركتينييييي احجييي
حجاها وركلني برجله
كمت اصرخ وابجي وامي لمتني وهي تصيح ع الحراس : اخذوووه منااااه اسجنووووه
دخلوا السايق مالتها .. و الحارس مال بابا يحاولون يجروه ويتماطلون وياه دفعهم وهو يصرخ بيه ويكولي : ولج احجي شسواااالج احجييييي
-كلشي سوا بيه كلشيييي
- اغتصبج يعنيييييي احجيييي ولج كليليييييي
-ايييييييي
حجيتها واني اضم راسي بصدر امي منه
الحراس كاموا يجروه وهو يصرخ ويهدد وكام طلع من البيت .. وهو يحلف ويقسم بقتل شوان على ايده .
شالتني ماما والحراس ديساعدوها
طلعت ماما من لما خابرتها بسرعة مخابرة على باب .. وهي دا توكفني دخل بابا للبيت وهو يكول للحرس : وينها شصاير وياااها وينها
سمع صوت امي وهي تكولي بس اوكفي بنتي امشي على كيفج واني الالم بكل جسمي
وكف كدامي بابا وهو يصرخ : شصاير وياها منو مأذيها
- منو مأذيها وانت هاد جلابك عليها هاي امانتي اللي كتلي تبقى عنديييي هاي اللي بقت عندك هيج تسويييي بيها اليوم اسويها ظلمة عليك وهلى راسك حق بنتي اخذه من عيوووووونك
وهي تتصارخ وياه وهو يغلط عليها ديبعدها مني
هوسة صياح الم تعب محسيت غير اني اوكع بنصهم اتخربط ..
فورا تركوا المصايح بينهم وصاروا يتضاربون واحد يشيل بيا منا وواحد يجر بيه منا وابويه يصيح ع الحرس .
دخلوا الحراس شالوني ونقلوني للسيارة بسرعة ..
بابا رفض ياخذني لمستشفى خوفا من انو يصير كلام عنه وهو هستوا داخل سباق انتخابي بس ماما صارت تتعارك وياه ..
اخذني لمستشفى لشخص احد معارفه ..
وطلب تغطية خاصة لحالتي كون محد يعرف بيها ولا يشرف عليه الا اللي يثق بيهم .
دخلوني مستشفى اهلي ..
اول شي وقبل كلشي ماما طلبت يسوولي فحص ..
دخلوني غرفة خاصة واجتي دكتورة
فحصتني وفحصت جسمي وصارت تسألني عن وقت حدوث الحالة وشلون صارت .. الاثار بجسمي من شدة الضرب .. جدا كبيرة وبعضها تجري دم .. وفحصتني فحص داخلي اكدت بيه حالة الأغتصاب .. لكن دون وجود حيوانات منوية تستدعي لان ينطوني حبة مانعة للاخصاب لان حالة الاغتصاب صارت فقط اعتداء بدون اكتمال فعلي للحالة .
بساعة الحادث
كنت بحالة هستيريا صياح وبجي وارتباك وخوف وتوتر
مجنت هلكد حاسة بالم الجسد بقدر ما حاسة بالم الشعور لكن بعد ما دخلت المستشفى وفحصتني وانطتني مغذي .. الالم انتشر كل انحاء جسمي
الم فعليا مينحمل
كل عضم ومكان من جسمي أن من الوجع
كمت ابجي بنحيب مسموع وماما تحتضني وتهديني ..
بابا برا يسمعني ومنتظرة الدكتورة تكمل بمجرد ما طلعت .. دخل : بنتي فيان .. شسوالج بابا احجيلي
امي :- تحجيلك .. شتحجيلك هاااا
بقى شي مسواه هالكلب مالك .. الله ياخذك انت وياه وانتخاباتكم ومناصبكم وكل هوستكم هذه اللي مخليها براس هالمسكيييينة من اليوم وجاي تحلم توصل ظفر من بنتي انطيتك وحدة ممستعدة اضحي بالثانية حتى انت واقاربك تشبعوووووون بدم بناااااتي اطلع برا واترك بنتيييييي اطلع براااااا
يحاول يحجي او يتقرب مني وهي انصابت بحالة من العصبية كامت تدفع بيه وتحجي ..
عباس لما طالع مني .. رايح على بيت شوان ببغداد بس ملاكي .. مدوره ماكو .. راجع مخابر حتى يعرف اني وين كايليه عن مكان المستشفى .. متوجه علينا كبل
وماما وبابا يصيحون ..
دخل هو .. ويكولي : لج ارتاحيتي بالسويتي بيه .. ارتاحيتي
كامت ماما تدفع وتكوله : كلب نكس ابتعد منهااااا
لزمه ابويه وهو يكوله : انت شعندك ويا بنتي ولكككككككككك
شو تلازم ويا ابويه من ملابسه وهو يصرخ : بتك الف مرة كتلها كليلهم احنا متزوووووووجين وما كالتلككككككككك .. بتك خلتني يندااااااس عرضي واني ما ادريييييي
اندار عليه وهو يصرخ : اشرب من دمج بت الكلبببببببببب اني يدوسون عرضي وما ادريييييي .. طلعتي من بيتي وجيتي لبيت الكوااااااااااا* حتى ما يعرفوووون بيج متزوووووجه وتالي سودتي وجهيييييي
وهو يصرخ بابا جابه ببوكس على وجهه وتلازم وياه لما عرف هو متزوجي وماما التفت بيه وهي تحضني واني ضامة راسي بحضنها وابجي خوووف ووجع
دخلوا الحرس مال المستشفى بسرعة ..
طلعوهم ماما سدت الباب وراهم صياح بابا وعباس وهم يتقاتلون سبى المستشفى سبايا .. من بعدها اختفى صوتهم .
انطوني حبايتين ڤاليوم
حتى يهدأ عندي الوجع واسكن وانام ..
وبالفعل ممرت نص ساعة هديت بحضن ماما ونمت .
دخلت الدكتور ..
هدوء سألت : المريضة متزوجة ؟
الأم : ليش ؟
- لإنها حامل طلعت عدنا بالتحاليل .. متزوجة ؟
- عزا العزاج يفيان على هالعملة يربي دخيلك .
- ممتزوجة
- لا لا عيني متزوجة بس .. متزوجة بدون رضا اهلها .. ونريدها تطلك منه تروح تحبل منا .. دخيلك يربي .. شكد عليها فدوة لعينج
- ما اعرف لازم تسويلها سونار حتى تعرفون شكد عمر الجنين
المهم التقرير كامل للتقديم للقضاء ثبتت بيه الاغتصاب والاعتداء الجسدي والتعنيف اللي اتعرضتله الضحية .
- مشكورة حبيبتي .. بس دا اسألج وبيناتنا الكلام اني امها اكدر اسويلها عملية كورتاش .. بدون ما احد يدري
- بس هذه جريمة تنزيل الطفل وهو حي يعاقب عليها القانون .
-فدوة لعينج ساعديني لان اذا درو تصير مشكلة الله يخليج سبق وقتلوا بنية من بناتي ودفنوها غسل عار لما حبلت من اللي رادته وما اريد الموضوع ينعاد وياها
- قتلوها ! شنو هاي صدك تحجين
- والله وتسمع صوتج بالمكبرة حتى زيارة قبرها تحرمت علينا .
- والله ما ادري بس اذا اتحبين عندي دكتورة مسيحية تشتغل كورتاج بس تاخذ
- شكد متاخذ فدوة بس المهم تنزله
- هسه خلي اشوفلج رقمها وكوليلها من طرفي واشرحيلها الحالة .
انطتها الرقم وكالتلها : بامكانكم اتطلعون المريضة للبيت .. كملت المغذي .
- مشكورة ما قصرتي فدوة العينج حبيبتي .
طلعت الدكتورة وهي تباوع لفيان : شدا تسوين بنفسج لج بنتي شدا تسوين .. غلط غلطته اختج ليش دا تعيدي .. عفتي الدنيا كلها محلالج غير هالمهتلف .. الله يبناتي ميحلالكم البيه خير وين زبالة الزبايل تدوروها .
طلعت برا .. الحرس موجودين
اشرت الواحد منهم .. ركض الها : امري ست
- دلشاد وينه ؟
- راح ست .. بس كال ما اتأخر
- عسى روحه بلا جيه
جهزلي سيارة اسعاف ننقلها للبيت فورا .
- تمام ست تأمرين
راح لادارة المستشفى اتفق وياهم على سيارة اسعاف تطلع المريضة من المستشفى وتنقلها للبيت .
جهزوا سيارة اسعاف ..
واجت الممرضة حتى تبلغهم : السيارة جاهزة
- بنتي نايمة اطلبيلي من احد ينقلها من سريرها لسرير الاسعاف
- هسه ادزلج البنكالي
وكف دلشاد : شفتيها .. شفتيها لهالكلببببببة شمسوييييية متزوجته من ورا ظهرييييييي
- لان تعرف لو اجت كدامك ما راح تقبل .. حلال عليك من تجيب وحدة من الشارع مثل بيداء وتخليها زوجة الك .. بس حرام على بنتك .. لتلوم فيان وهي نسخة منكككككككك .. ثق بالله لو شعرة انمست من راس بنتي لا انت ولا منصبك ولا كل عائلتك يمنعوني من شرب دمك ... بنتي تبقى عندي وتحلم تشوفها ومن هاليوم تعتبرها ميتة
- جاية تعايرني بزواجي وانت اللي تركتي البيت وتبعتي نزواتج ورحتي اتزوجتي اكرم على سواد عيونه لو لمنصبااااا .. هااااا
لا بل هي شبهك وشبه تفكيرك الاعوج ونزواتج .. بناتج بالفعل شبهك
- اكرم يسواك ويسوى عشرة منك اقلها محرم بنته ١١ سنة ومنعها تكون عائلة بس حتى ترضى بالخادم مالته على حساب سنين عمرها وشبابها وحيلها .. شبقيت من فيان شخليت منهااااا وردة كبالك تذبل يوم يوم وتعيش ع المهدئات ومضادات الاكتآب ومهامك المهم انت والخادم مالك راضين
والله ثم والله التقرير عندي وخابرت محامي ومحد يوكفني عن سجنك وسجن خادمك لا ما اخليكم على حبل المشنقة ما اطلع اني امها ولا مطلعتها من بطني والله
- موضوع الحادث هذا اني اتصرف بيه .. موقفي حرج ووضعي صعب واني اعرف كيف اخذ حق بنتي من عيون اللي اعتدى عليهم واحاسبهم واحد واحد انت مالج علاقة بالموضوع روحي لبيت اكرم باشا .. انسي عندج بنت .. اني مسؤل عنها افتهمتي
- باحلامك والله ثم والله محد يلزمني على بنتي لا انت ولا الاكبر منها وحقها اطلعه من عيونك ويعونهم عبالك ما ادري انت الهليت شوان يسوي بيها هشكل حتى تنجبر ترجعلااااا
- ترجعلا ما ترجعلا هاي بنتي وهذا قراري انت مالج كل علاقة بيها اطلعي براااا
- بنتك متزوجة ... وازيدك من الشعر بيت حامل .. شترجع ها
روح افضحها واطعن بشرف بنتك وخليهم يكتلوها مثل الاولى رووووح .. والله
- فيان حامل ! انت دا تستفزيني لو هالكلام حقيقي
- دا اتفق مع دكتورة مسيحية حتى انزل الطفل بدون علمها اني ما ارضى لبنتي هالمهتلف الرابطة روحها بيه مثل لما ما ارضالها الخادم مالك .
- اني راح اتخبل .. فيان شلون كدرت تسوي كل هذا
- ظلمك هو الخلاها تاسس بيت من ورا ظهرك .. بنت كبرت وتريد عائلة وملكت غير هالمهتلف تتعلق بيه بسببك
-اسمعي .. الوضع لا مال نتعارك ولا نتخاصم خلينا نخلص من موضوع الحمل بعدها نحجي بموضوع الدعوى .. الطفل لازم ينزل باسرع وقت بدون ما اي احد يدري .
دا يحجي دك تليفونه باوع .. انطاه كتم
وهو يكول : شوان شرد واهله ديخابرون واني اعرف شلون ارجع حق بنتي منه
- ههه اضحك على نفسك بهالكلام شوان ما يتجرأ على فيان لو ما ماخذ الضوء الاخضر منك .
- امبلى طلب مني يرجعها وكال اضغط عليها شوي كتله ممكن لكن بدون ما اتذيها بس ارضى انو ياذيها ويعتدي عليها انت مجنونة كيف اسمح باذيتها وهي بنتي وشرفي .. شلون ارضى يعتدي عليهااااا ..
-هيانك دا تعترف بنفسك انت راضيلا يضغط عليها ممكن بالله شنو وسائل الضغط المسموحة عندك شكتلا يبتز بنتك حتى يضغط عليها لو بشنو يضغط هاااا انت الراضيلا وانت سبب هالحريمة ومو بنت ابوووويا لا ما حطيت اسمك بالقضية واحسبك متورط وتشوف
-كلامي مو وياج كلامي مع زوجج لو صدر منج اي موقف بخصوص بنتي والله لا اندمه والعب بيه فلقه
- طز بيك وبالدنيا كلها والله محد ميمنعني من حق بنتي لو مطرت الدنيا بتهديداتك متخوووفني
دا يحجون دخل البنكالي وهم جايبين سديا
اثنينهم سكتوا ..
من الجرجف شالوا فينا من السديا الهي عليها للسديا الثانية
ومشو بيها .. هي حست من شالوها بس راسها ثكيل بسبب الادوية كامت تصيح : عباس عباس
بصوت ناصي
ابوها دار عنها ومشى كدامهم للاسعاف
وصى الحرس يصعد ويا ابو الاسعاف حتى يدلوه بيتها
امها كالتله : لا تجي عندي بالبيت
ابوها : تبقى ابيتها مالها دخلة ابيت اكرم افندي دا يسوي سوالفها وتنكريها انت وتتنكريله
- احترم نفسك افتهمت اكرم اشرف منك
- ايوااا الشرف يخر من اذاناتو .. بنتي مالها كعدة ابيت غريب بيتها موجود عاجبج تكابليها انت امها ويحطوج على راسهم معاجبج .. امشي عنها اني احل موضوعها
- لا جيبلها بيداء دا تحطلها سم فد نوبه تا تخلص منها مو
- من الاخير عاجبج عاجبج معاجبج تصعدين ويا بنتج شوفينا كفا ظهرج
حجاها ومشى
هي صعدت بالاسعاف ويا فيان ولزمت ايدها
مشت الاسعاف بيها للبيت فتحوا الباب لسيارة الاسعاف دخلت جوا ونزلوا منها .. هي كعدت كالتلها : ماما اكدر انزل .. اتركوني
- لا اتدوخين خلي يوصلوج لسريرج
رفعوها ع السرير المحمول .. وشالوها صعدوها لغرفتها .. ليم سريرها .. رفعت ايدها دا تكولهم : اتوقفوا اني انزل
رفعت نفسها من السرير المتنقل لسريرها وامها وراها صارت ساعدتها وهي تسحب الغطا .. وام غيث دخلت : الحمدلله ع السلامة بنتي .. متشوفين شر ان شاءالله .. شلون وكعتي ؟
اندارتلها ماما : وكعت منين
دخلت باجي ...
ها عمة حبيبتي فيونة شلونج باجي
حجت امها : هم كالولج وكعت ؟
باجي : مو وقته الكلام فيون مريضة ولازم ترتاح
- اذا كانت لازم ترتاح فترتاح منكم مو من غيركم رجائا اتركوا بنتي بحالها
- بس اني مرت عمها ودا اطمن عليها
- وهسه اتطمنتي شكرا الج عزيزتي اتركيلها مجال دا ترتاح
ام غيث سوي شوربة لفيان دا تاخذ دواها وتستعيد عافيتها .
دا تحجي دخل دلشاد : الكل يطلع
- اولهم انت بنتي مو بحاجة تشوفك ولا تسمع كلامك مناقصة اذية بعد كل هالاذية اللي اتعرضت الها
- اسمعي .. لو ما طلعتي
- ما اطلع لو شما راح اتهدد ولو حاولت اتطلعني منا بالقوة ما ارجع والا دوريا الشرطة اسد بيها الشارع والله ولا اخلي الميشتري يتفرج على الاستاذ الكبير الفائز بالانتخابات ويتوعد الناس بالحفظ والصون وهو بنته مكدر يصونها وتركها بيد كلابه يعتدون عليها
- لك انت شنو من ليان متملين لوك لوك لوك لا تجبريني اسوي وياج امور والله وبالله اندمج
- يابه درووووح يندمني .. امشي اطلع برا بنتي متتحمل كلامك
- غصبا ما عليها تتحمل حسابها ويايا ما خلص .. الصار بيها ما يمحي ذنبها .. لج اني تتزوج من وراي ومنو .. تتزوج الحارس مالهاااااا .. هي سززززز شنو القصرته وياج بنت الذين مخليلج خدم وحشم ومنصب وناس شايلتج فوك جفوف الراحة تغدريني وتتزوجين واحد من وراااااي .. دمااااااغ سززززززز
- اتزوجت .. ما فعلت بالحرام مثل ما عمل بيها كلابك .. مالك علاقة ببنتي وبحياتها .. واذا دا نحاسبها وتووعدلها والله هسه اخذها من هالبيت واخلي شوفتها حسرة بكلبك
- منو اليهدد انت .. لج انت والاكبر منج اسحكه بقندرتي افتهمتييييي
- اني التسحكني .. شو تعال هنا منو هذه التسحكها
صارت باجي وام غيث بينهم .. ام غيث تجر بامها وباجي تجر بدلشاد تركها وطلع من الغرفة كامت تصيح طردتهم كلهم من الغرفة ..
فيان فاتحة عينها ع الخفيف مثل المخدر وتحت عينها الحمار وضح من كمية الالم والاذية اللي اتعرضت الها .
اندارت الها امها وهي تكولها : نامي اني يمج .. خيولون
نطقت كأنما سكرانة : عباس وينه
- وشعرفني بهالعلاس هذا .. تعارك ويا ابوج وكاله اخذها الاغتصبوها بعد ما تصيرلي مرة وعاف وطلع ..
- هو كال هيج
- مدا تشوفي لابوج متخبل .. رخصتي نفسج لواحد ميوصل سعر البرجلج يا بنتي بس شيفيد الحجي وانت بهالحال نامي الله يخليج بنتي نامي .
تجمعت الدموع بعينها بدون متبجي ..
تقربت منها امها وشالت المخدة وخلتها بحضنها وصارت تمسح على شعرها
نومتها بحضنها لحد ما رجعت غطت بنومها ..
ما كعدت لغير ثاني يوم امها نايمة يمها بالسرير كعدت على صوت الاتصال .. فزت وهي تباوع عبالها تليفونها ديدك .. طلع تليفون امها
كعدت امها وهي تسحب الموبايل ردت : ها كرومي
هلا بيك عيوني .. اسفة مكدرت اخابرك البارحة والله نايمة ....
تركت امها تخابر وكات تسحب بنفسها كوة وهي تنزل رجليها من السرير .. كعدت جسمها كله متكسر ومتأذي من الضرب اللي اكلته من شوان امس .
باوعت تليفونها مدت نفسها كوة وسحبته
كانت متوقعة راح تلكى كومة اتصالات من عباس .. بس اللي اتفاجئت بيه ولا اتصال واحد من البارحة لليوم !
كسر شي بداخلها
جانت دا تبحث عن خيط امل يحيها من الدمار اللي هي بيه بس ملكته موجود .. ارتكزت على اطراف السرير بأديها وهي تحاول تكوم
حجت امها من وراها : وين ماما
مجاوبتها كامت تمشي وتحاول تتلزم
كامتلها امها بسرعة لزمتها : وين دا تريدين ؟
- للحمام دا احسني قذرة جدا .. اثار القذر بعدها بجسمي مغسلت منها
- تحبين اساعدج بالغسل
- لا اكدر لوحدي
- دخلتها الحمام وقفلت الباب لزمت بالمغسلة وهي دا تبعد الملابس من جسمها وتباوع اثار الضرب اللي شرحت جسمها بالسواد والزراك .
صارت تعصف بيها ذاكرتها وهي تتخيل صياحها ولمساته وهو يتعدى عليها ويجردها من ملابسها ..
كامت تبجي ..
كعدت بالكاع انتجت ع المقعد الغربي وهي تبجي بنحيب بكل الم وانكسار .. كامت امها تدك الباب عليها .. وهي مدا تفتح الباب بس تبجي بطريقة هستيرية ..
صعد ابوها وصعد الحرس يحاولون يفتحون الباب مكدروا
راحوا جابوا نسخة من مفاتيح الحمام وفاتوا عليها .. هي تصرخ صريخ اللي فاقد .. تصرخ من كل كلبها من الالم
شالها ابوها وهي تكوله : ما اريدك اتركني .. انت مو ابويه عوووفني
كامت تجر بروحها وتتسحب منه وهو يحاول يلزمها وتصرخ .. دخلت انها بعدته عنها وطلعتم من الحمام .. وقفلت الباب وراهم ..
ساعدتها وهي تكولها : لتسوين هيج بنفسج فيان بنتي صيري قوية ..
- ماما اذوني هواية ماما .. كلش هواية اذونيييي
ماما دا اتأذى ماما ...
وتصرخ من كل كلبها بألم ..
دا اشعر بلمسات ادية القذرة على جسمي .. شلون انسى السواه بيه .. اريد اقتله ماما ميبرد كلبي لا بقتله ..
- اقتلي الله يبرد كلبج بقتلة بنتي .. بس وربج نرفع عليه بقضية نخسره الجواه والوراه ميشيل راسه العمر كله تعرفين شنو اغتصاب يعني اعدام لو مؤبد وربج ميخلص منها .
رفعتها من الكاع كعدتها ع الغربي .. وكام تنزعها بقميصها .. وهي تباوع جسم بنتها شلون نتأذي سحبت التليفون مال المي وصارت تصب على جسمها وتبجي ..
فيان باوعت لامها عيونها تصب ..
كامت تكولها : طلعيني من هذا البيت ماما
- راح اطلعج بس غسلي وارتاحي واكلي وصيري قوية وربج لا اخليهم يداورون على نفسهم والله .
غسلتها وسحبت البرنص لبستها ..
طلعتها وهي تصيح على ام غيث .. وام غيث متجي ملتهية بالخطار جوا اكو ناس يمه من اقاربه من هولير جاين من الصبح حتى يفضوها بيناتهم وام غيث ملتهية بيهم هي وبنتها وام فيان تصيح
كوة تسحبت وصعدت .. رزلتها ام فيان : انت وينج متسمعييين مو دا اصيح عليج شنو طرشششششة
- العفو ست والله جنت ملتهية بدون بضيوف الاستاذ دلشاد
- ومنو اولى ضيوف استاذ سلابات لو هالمسكينة الميتة بسببه عند منو تشتغلين عنده لو عدها
- اعتذر منج دادة مسمعت من الهوسة
- معناها فتحي اذنج زين مفهوووم
- تأمرين احبيبة شتريدين كليلي
- امشي جيبي سيار كهربائي وشسوار دا انشف شعرها وطلعيلي ملابس الها بالاول حتى البسها .. واستعجلي لتوكفيلي
- اي ست بالعجل
ركضت انطتها الشسوار والسيار سحبته من الخانة وكلته بالنقطة يمها وحطت واير الشسوار وشغلته .. وكفت امها تنشف شعرها بيه وفيان مرجعة راسها
طلعت ام غيث بجامة وكيمونة الها وكعدت يم رجليها تلبسها بالبيجامة .. كالتلها : لتعتين برجلها دا تشوفيها متأذاية
- لا يت على كيفي شوفي
حجت فيان : العفو ام غيث اني البس شكراً
- لا داده شنو القصة اني البسج
- لا لا اخذي راحتج
تركت ام غيث وامها تكوللها : سويتي ريوك لفيان
- ما اريد ماما
- البارحة مماكلة اليوم مماكلة هيج حتتمرضين .
- انطيني تليفوني ام غيث بلا زحمة
- اي داده
انطتها .. وامها ترفع بشعرها وتنشف
سحبت راسها بمعنى عوفيني .. وهي تطلع رقم عباس امها ركزت وياها على لمس اديها : دا تخابري ؟
مجاوبتها اتصلت بعباس ..
رن لحد ما خلص الاتصال ومجاوب .. رجع رن وهم مجاوب
كالتلها : شبيج بنتي هالهمجي متوقعه منه يتقبلج بعد الصار هسه حيطلع سوالف الغيرة والمرجلة براسج ويطلع الغيرة كاتلته وميكدر يتقبلج بعد شسيوي بيج الراده اخذه وانتهت متخيله يدخل ازمات وصراعات وعركات علمود شنو علمود يستقتل على وحدة مغتصبيها ولامسها احد غيره
- ماما لتحجين هيج ارجوج
حجتها وبجي وهي تشمر التليفون
- هذا الواقع بنتي تتخيلين منه يكدر يواجه ابوج ؟ لو يدخل بمواجهة ويهدد حياته وحياته اهله علمودج .. راح بنتي خلص اتقبلي هالموضوع ولا عاد تأذين نفسج بسببهم .
-اتركيني ماما
-لازم تاخذين علاجج
-ما اريد اتركينييييييي
-حتبجين وادمرين نفسح منو يسوى شوان لو اللي ترك بهالحال وشرد منو كولي ؟
-الله يخليج ماما كافي
كامت تبجي بقوة وامها تهدي بيها ..
صعد ابوها على صوت بجيها .. مقبلت امها يدخل
رجعت انطتها منوم .. حتى تنام وتهدأ لان من دا تكعد دا تتذكر وتتاذى اكثر وتبجي ..
نزلت جوا دلشاد طلع صار بوجهها كاللها : شوكت راح تنفذين العملية
-اي عملية
-للمصيبة اللي ابطنها اذا احد سمع هي متزوجة لو حامل راح ننفض سيرتنا لح تصير على كل السان تدرين لو لا حتى انت متخلصين ويعايروج بيها .
- ادري بس شلون نكدر نقنعها وهي بهالحال متاذيك مدا تكدر تكعد دقيقة بلا متبجي وتحرك بنفسها وتتاذى
- سويها بدون علمها ننقلها مثل ما سرينا بالاسعاف ونكولها اي سبب .. عملية حصى .. زائدة اي شي نوهمها ان الطبيب كال لازم تدخل العمليات فورا والترتيب عليه اني انسق هالموضوع بكل سرية ومحد يعرف .
- وتتوقع راح تمشي عليها هالموضوع
- بقيها ع الفاليوم لتكطعي منها خليها بحالة خدر لحد ما نتخلص من اللي ابطنها
- ولو عرفت ساعتها راح تتاذى باذيتنين
- وشمنتظرة تجيب نغل ونكولا هلا وننتظرة بالافراح
- لا اوكف عندك .. هي متزوجة شرعا فلتكعد تسطر على بنتي بهالكلمات
- يلا .. روحي للناس وكوليلهم هي متزوجة وحامل .. اقنعيهم اللي اطبنها شرعي وهم عاقدين بيناتهم اللهم يمتى عقدوا منوا العاقدلهم منو يشهد بزواجهم .. لا احد .. انت شنو دا تغشمين نفسج ؟
- بس هي من قبل ليصير هذا كله اجتي وكالتلي اتزوجنا وجانت ناوية تحجيلك
- هالكلام فارغ بنتج فعلت الحرام وعادت علط اختها نفسسسسه
- اذا عادته فبسببك
- راح نكعد نعيد ونصقل بالاسباب واحنا على ابواب فضيحة ؟ يكفي شوان ديكولهم هي مو بنت
- لا يا فوك شينة كرات عينه عمى بعينه فوك ما اععدى عليها رايح يفضح بعرضها وانت ساكتلا
- منو الساكت لو اني ساكت ومتهاون تلاكيهم كلهم من صباح الله على ابوابي .. هولير برمتها زلزلتها على راس شوان وهو هسه بتركيا مو بالعراق من البارحة طلع .. من مطار اربيل .
- هالحجي ميفيد باجر انت واقاربك بوس عمك بوس خالك وبنتي ضحيتي .. ما اتقبل هالكلام.
- نخلص من اللي ابطنها ونحجي بعدين .. هي هسه وين
- نايمة انطيتها حبوب منوم دا تتأذى بكعدتها
- جميل .. معناها خابري هاي الدكتورة شوفي وين هي حتى نروح نتفق وياها وشكد متريد يجرالها كوليلها
مشت وهي دا تطلع رقم الدكتورة ..
خابرتها كالتلها : اني حاليا بسفر يومين وارجع ويصير خير
ردت عليها : بس احنا مستعجلين
- اي شاسوي مو بيدي اني مسافرة حالياً
تركتها وحاولت تدور على دكتورة ثانية تسوي العملية
انطوها عنوان دكتورة بالكرادة خابرتها السكرتيرة مقبلت كالتلها لازم تجين للدكتورة وتحجين متحجي اتصال
تركت ام غيث يم فيان وراحتلها للكرادة
لما دخلت عليها كالتلها اليوم ما اكدر وباجر عندي مواعيد عمليات لازم على عكب باجر ..
كالتلها : لا اني مستعجلة
انطتها اسم دكتورة ثانية
خابرت عليها .. ردت السكرتيرة كالت طالعة
اضطرت تنتظر لثاني يوم .. للظهر خابرتها كالتلها : مو مشكلة اسوي العملية بس بالعيادة وشيصير مضاعفات متجيبون اسمي .. وانتم تتحملون كلشي
خابرت استفسرت عن الكورتاح بالعيادة
شافت الموضوع خطر وممكن يصير عدها نزف اثناء العملية تفقد بيه رحمها .. لازم تحت اشراف طبي حتى في حال صار اي عارض يكدرون يتلاحكولها .
رجعت خابرت الدكتور اللي مسافرة واخذت منها موعد بعد ٣ ايام ترجع وتسويلها عملية بمستشفى خاص بحجة الجنين ميت.
مرت ٤ ايام ...
وفيان تصحى تبجي ينطوها مهدئات ومنوم .. وترجع
تكعد بين الحين والاخر مثل السكرانة من كثر المهدئات اللي تتناولها .
عباس محاول ولا وصل ولا اتصل ..
وهذا الشي اللي يخلي فيان تطاوع اهلها وتاخذ منهم المنوم وتشرد من واقعها
اربعة ايام كفيلة
تخلي وزنها بشكل ملحوظ والسواد اللي جوا عيونها يغمق .. والنحول والتعب اللي بجسمها يبين عليها حجم الالم والاذية اللي دتمر بيها بهالفترة .
ابوها اعصابه نار
بين غضبه من فعلها وزواجها من ورا ظهره .. وبين حملها اللي مدا يعرف شلون يتخلص منه .. وبين اقاربه واهله وهم يحاولون يصفون الموضوع بينهم ومتطلع سالفة الاعتداء وديقنعون ابوها يزوجوهم بالعجل ..
وابوها مفكر ينزل الطفل ..
حتى يزوجها لشوان غصبا عنها بعد اللي سوته والفضيحة اللي اتسببت بيها .
بس ام فيان عرفت هو راح يلجى لتسوية الموضوع عرفيا .. ومراح يطلع حق بنتها .. فوكلت محامي واخذت فيان الصبح بحجة للمستشفى على حالتها دا تسوء وراح سوت توكيل للمحامي حتى يرفع دعوى ويتوكل عنها بقضية الاغتصاب ...
من بعدها ..
الدكتورة رجعت من السفر وانطتهم موعد حتى يجون ..
فيان جانت تحت الحبوب المهدئة فاصلة مدا تحس بالدينا شديصير .. لما تصحى ومتلكى عباس مخابرها لو حتى دزالها رسالة صغيرة ..
كعدت الصبح بيوم العملية ..
وهي راسها ثكيل كالتلها امها : لازم نروح للمستشفى
- المرة الفاتت توكيل هالمرة شنو ؟
- لصحتج ماما قابل تبقين هشكل
- وشبية اني ما اريد اعيش خليني نايمة بلكي انام وما اكعد واخلص
- مو حجي ماما لخاطري كومي ..
- ما اريد ..
- بنتي لمصلحتج ميصير
- منو كايلج اني رايدة مصلحتي .. كافي عوفوني وعوفوا مصلحتي الله يخليكم
تحجي وتدور : شتدورين
- تليفوني
- هم حتخابري ومراح يجاوب وتنهارين وتبجين وتتاذين الى متى بنتي راح تموتين نفسج
- معناها اخذيني اله
- اخذج وين ؟
- لبيته احجي وياه اني مالي ذنب باللي صار .. ليعوفني
- الما اجاج وانت بهذا حالج .. تروحين تتوسلين وتحاولين تقنعينه انت بريئة شبيج ماما انت شصاير لعقلج
- مضروب اخذيني على كد عقلي وخليني اروحله .
- تمام نروح للدكتور يجيك وضعج اطمئن عليج واوعدج اخذج لبيتهم وتشوفي وتحجين وياه بعد ؟
- دكتور شنو
- مستشفى خاص نچيك وضعج
- ما احس الي حيل امشي جسمي ماذيني
- واحنا ليش دنروح غير من وضعج هذا القالقني .. من ضرب حزام صارلج ٥ ايام مشلولة وبالفراش لا اكل لا شرب .. حتموتين
بالمناسبة .. ازاد اخوج خابر وتخبل لما سمع انت صاير وياج هيج وديكول تروحين يمه لايطاليا هم تشتغلين هناك وهم تبتعدين من جو العراق المشحون .
مجاوبتها وكمت لحيلي واني اتجى
احاول امشي بس مثل السكرانة جسمي يتطوطح منا ومنا .. دا اريد اثبت نفسي سندتني ماما ووكفتني : وين تريدين ؟
- للحمام .
دخلتني الحمام .. غسلت وجسمي وعقلي احسهم مبنجين
حتى الفكرة مدا تجي براسي صح احاول افكر بموضوع يتباشى واني افكر بيه واصفن اكول اني بشنو دا افكر وانسى
هذه الحالة تصير عندي من ارجع للمهدئات ومضادات الاكتئاب .. عقلي يتعب تصعب عليه الفكرة ابقى بس مبنجة حدي للحمام اقصى شي حتى شهية للاكل متبقالي .
نزلتني جوا ..
بابا غمز لامي .. وكانما ديسألها بعيونه
وهي هزت راسها .. مهتميت لمغامزهم وكعدت بالهول
حجه بابا وهو داير عني وزعلان ميحاجيني : استعجلوا يلا الحرس منتظرين برا .
امي : يلا حبيبتي
- اريد كوفي
- ميصير بنتي ميصير تاخذين شي
- ميصير اخذ شي ليش ؟
- قصدي كوفي مو زين عليج وانت بهالحال بنتي انت دم مباقي بيج وتشربين كافيين شيبقى بجسمج
- لا راسي ماذيني اريد كوفي
- نشربها هناك بالمستشفى بنتي امشي
باوعت لنور بنت ام غيث ..
روحي سويلي كوفي .. مشت كدامي
لازم اصحى من هالحالة ..
راحت دا تجيب نظرات ماما وبابا غريبة ..
رجعت راسي للتخم .. احس الدنيا تفتر بيه غمضت عيني ..
ماما دا تكولي : ع الطريق نشرب كومي
مدا اجاوبها ولا استجيب ..
ابويه صاح : فضوها عاد مو الحرس بالباب ..
- ايييي شبيدي مدا تشوفها لبنتك مدا ترد حتى .. حاجيها
خلال ما امي دا تحجي
ويشتغل الرمي ع البيت .. انكلب البيت كلاب
اني ركضت عليه وابويه ركض مدري وين وام غيث وبنتها ركضوا عليها .. والرمي فلس صار برا ..
دنكت بسرعة ورا القنفة
وامي حطت روحها عليه وهي تصيح : دخيلك ربي احمينا .. ياربي استرنا واحمينا الهي شديصيييير شكوووووو
اتوقف الرمي وابويه يصيح بعلو صوته
ونور تصيح وتبجي وام غيث تصيح حتى يسدون باب الهول مفتوح على ساعة طلقة تفلت منه للهول ..
رفعت راسي واني اكولها : شديصير منو ذولا ؟
- ما اعرف
صياح بابا برا والحرس ..
ام غيث كالت راحو وركضت ليبرا .. حتى تعرف .
واني اتجى بامي اريد اطلع اشوف شكو ..
وكفت بالباب والزم بيه .. واحد من الحرس متصوب برجله
وانخبصوا بيه بابا والمنطقة كلها طلعت على صوت الرمي ..
حجت امي : ام غيث منو شكو
- ما ادري ديكولون عمامه
- عمام منو
- عمام الحارس اللي اسمه عباس .. دكوا البيت
- اسم الله الستار وشعدهم ويانا شيردون ؟
- ما اعرف
باوعتلها : وعمامه ليش ديهجون علينا ؟
- ما ادري والله
بدقايق دوريات الشرطة شدت الشارع .. والدنيا انلكبت ابابنا وناس افواج افواج دا تجي باب البيت انفتح على مصرعيه .. نقلوا الحارس للمستشفى وابويه ويا الشرطة برا ديحجي وياهم ..
حجت ماما : اشوف لو نطلع افضل
- نطلع واحنا منفتهمين شي ؟
- وشراح نستفاد لو فهمنا فوك شينهم كوات عينهم عمى بعينهم فوك ما ابنهم عايفج وتنصل عن واجبه .. جايين الهم عين شكد ميستحون .
- زين ليش ديهجمون
- بنتي كومي خل نشوف صحتج كومي .
- ماما ما اكدر اجليها لغير مرة تعبانة راسي كلش دياذيني
- يا بنتي دكولي يا الله وكومي .. دمشي
كومتني غصب طلعتني من البيت
بابا امر احد الحرس يبعدني عن انظار الناس ويطلعنا بسرعة وهم شي كدامنا شي خلفنا
صعدوني بالسيارة واني راسي ذبحني
عقلي خامل وكاني صاحية من بنج ..
دخلت .. دكتورة بانتظارنا مو دكتور
ماما همستلها والدكتورة تفاجئت ما اعرف ليش
كل هذا اني دا احاول ما اركز واكول معليه وافكر اخلص من الدكتورة .. حتى اطلع اروح لعباس دا احجي وياه .
سوتلي سونار .. للرحم والكلى منا ومنا
استغربت .. كلتلها : ليش دا تسويلي سونار اني دا اتاذى من راسي مو من كلياتي او رحمي
حجت ماما : بسبب الاعتداء بنتي لازم نتأكد
سكتت .. بعدها رادت تسويلي فحص داخلي رفضت
ماما بقت تحاولي تقنع بيه ان هالشي يفيدني بالتقرير .. كلتلها : يلعن ابو التقرير اني ما اقبل بفحص داخلي ما اكدر
حجت الدكتور : عوفي الفحص الداخلي مو مهم بس هي عدها الحصى بكليتها جبيرة لازم تدخل عمليات فورا والا يصير عدها فشل كلوي .
ماما اتخبلت وهي تكوللها : دخليها معناها بسرعة
كتبت لي تحويل للعمليات
وماما كامت تخابر ببابا .. اني شعور ماكو .. حتى ارتباك وخوف وتوتر ماكو مضادات الاكتئاب دا تخليني روبوت ما اكدر اعبر عن شعور مجرد بس انسان يباوع .. ويستمع فقط ...
اخذت التحويل ماما
واتوجهت بيه لصالة العمليات فوراً ... يتبع
—————-
