رواية سهام الهوي الفصل الثامن عشر 18 بقلم نوره عبد الرحمن

قبل أن تمتد يده ليضر*بها جذبها سالم لتختبئ خلفه. 

سالم : شكلك ناسي انها مراتي.. ويدك دي لو اتمدت عليها هقطعهالك...

تشبثت سهام بثيابه من الخلف هامسة بخوف : عشان خاطري متتخانقش معاه ياسالم ..

مصطفى: والله طب وريني كده ولسا هيمد يده يشدها من وراه مسك سالم هدومه وقاله بتحذير : اخزي شيطاني يامصطفى وامشي من هنا

مصطفى: مش همشي الا وهي فيدي

سهام برجاء : سيبه ياسالم عشان خاطري 

سالم بغضب : اطلعي اوضتك ياسهام.

سهام بدموع: ارجوك يامصطفى ارجوك.كفايه.

لكنهما كانا بيضر*بان بعضهما بغ*ل لحد ما اتصدموا بسهام على الأرض واغمى عليها

جري عليها سألم حاول يفوقها مش بترد شاله وطلعها اوضتها .. مصطفى حس بالقلق وطلع معاه مكنش عارف يتصرف أو يعمل ايه..

مصطفى بقلق : خلينا نوديها المستشفى .

سالم بص ناحيته بغيض وقال : مفيش داعي ده كله من التوتر وهي اصلا مش ناقصه بعد الحمل..

مصطفى بصدمه : سهام حامل..

سالم: لو سمحت كفايه لحد كده انا مش عايز ازعلها اكتر خد بعضك وامشي يامصطفى وياريت متجيش هنا لحد ما تفوق لنفسك..

مصطفى كان مصدوم ازاي هي حامل وخرج من البيت وهو تايه ..

اما سالم... قعد جمب سهام عالسرير وقال بابتسامه : خلاص مشي كفايه تمثيل..

سهام فتحت عينيها وقالت بكسوف : هو انا مفضوحه لدرجادي..

سالم بضحكه على شكلها : اطمني اخوكي محسش بحاجه بس ياريت بلاش تعملي كده عشان انا كنت ا

هصدق.. واتخض عليكي بجد..

اتعدلت وقعدت عالسرير وقالت بضيق: اعمل ايه انتو مسكتوا فبعض وومكنتوش بتردو عليا.. اضطريت اعمل كده .. عشان انت كنت متعصب جدا..

مسح وشها بكفه وقال: اتعصب عالناس كلها إلا عليكي انتي ..

عضت شفتيها بخجل لتقول بهمس : مش عايزاك تتخانق مع مصطفى تاني عشان خاطري .. هو والله طيب بس بيسمع لمراته وهي مش بتحبني مش عارفه ليه

سالم بتوجس : ايوا صحيح انا كنت هسألك هي مرت مصطفى بتقربلكم..

سهام : ايوا تبقى بنت خالي ... لكن هي مش شبه خالي. ابدا..

سالم : طيب هما اتجوزوا ازاي وامتى 

سهام : مش فاكره انا كان عندي ١٢ سنه بس وكنت مشغوله باللعب والمدرسه..

سالم : هممممم

سهام : انت بتسأل ليه..

سالم بابتسامه وتهرب : كده بس فضول . هو اخوكي مش مخلف ..

سهام : عنده ياسر عنده خمس سنين .. فضلو عشر سنين مخلفوش .. لكن ربنا مكسرش في خاطر مصطفى ورزقه ياسر .

سالم : ممممم

سهام : مالك بتفكر بأيه..

سالم : متشغليش بالك انتي ياحبيبتي.. المهم تكوني بخير ومتفكريش بأي حاجه تانيه .

سندات رأسها بحضنه وقالت ربنا يخليك ليا.. بس انا عندي طلب .

سالم : طلب واحد بس ..انتي تؤمري .. 

سهام : عايزه ازور امي .. هي وحشاني.. واكيد مصطفى هيبلغها باللي حصل ... 

سالم : معنديش مشكله لكن مصطفى مش هيمسك فيكي..

سهام : متشيليش هم انا هروح الصبح وهو هيكون في شغله. .

سالم : ماشي ياروحي هوصلك تفضلي هناك ساعتين وارجع نروح سوى .

حضنته بحب: ربنا يخليك ليا يارب..

باس عينها وقال وميحرمنيش منك. .

***********

تاني يوم وصلها سالم بيت ابوها 

اول ماشافتها امها حضنتها : انا كنت هجي عليكي ياحبيبتي الف الف مبروك.. ياضناي..

سهام: الله يبارك فيكي وحشتيني يمه.

الام : وانتي اكتر .. من شويه كنت بقول لاحمد يوصلنا انا وهمسه عندك..عامله ايه في الحمل ..

سهام : الحمدلله .. سكتت شويه ققالت يمه.

الام : قلب امك ..عايزه ايه في حاجه نفسك فيها اكله حاجه تشربيها..

سهام : لا بس انا كنت عايزه اعرف ابويا عرف اني حامل..

الام بحب : ايوا وفرح قوي حتى أنه هو اللي قالي تروحي تشوفيها لو محتاجه حاجه .. يمكن تكون مكسوفه من جوزها..

سهام بسعاده اول مره ابوها يهتم بيها كده : بجد يمه..

الام : اه والله انتي استني هيجي وهتشوفي بعينك..

في الوقت ده نزلت همسه مرات احمد // بنت جميله عندها 21 سنه اتجوزت احمد بعد حب دام سنين لكن من غير ما يتكلموا مع بعض حب في العيون بس.. //

همسه بعتاب : كده اتصل بيكي كل يوم متقوليش انك حامل .

سهام : معلش ياهمسه انشغلت والله 

همسه : احمد من اول ماعرف وهو مبسوط عشان هيبقى خال ..

سهام : ياحبيبي ياحمد والله وحشني..اووي.

احمد ،: وانتي وحشاني اكتر...ده كان صوت احمد اللي باس راسها وبارك ليها ..

وقرب من همسه باس أيدها وقال : حبيبتي من اديكي الحلوه دي عايزك تعمليلنا كوبايتين شاي. يعدلو المزاج.

همسه بحب : عنيا ثواني و هيكون جاهز .

قعد احمد لما مشيت همسه قدام سهام وقال : احكيلي يا سهام ايه حكاية الخطف اللي بيقول عليها مصطفى...

سهام اتكلمت وقالت كل حاجه حصلت معاهم وأنهم كانوا عايزين فلوس وأشواق كانت مخطوفه معاها.. وأنهم هربوا قبل مايوصل سالم عليهم

الام : ياحبيبتي يابنتي الحمدلله انك انتي وابنك لسة بخير..

احمد: انتي معرفتيش حد فيهم..

سهام : لا والله هو واحد اول مره اشوفه لكن كان وشه باين.

احمد : لو هتشوفيه هتعرفيه ..

سهام : ايوا يااحمد بتسأل ليه ..

احمد : لا مفيش .. بسأل بس.. الحمدلله انك بخير..

همسه بابتسامه : الشاي وصل..

احمد : تسلم ايدك ياست البنات..

همسه بزعل: اي ده انت طلبت الشاي وهتمشي...

احمد بتهرب : معلش جتلي مكالمه مستعجله ياروحي. بالهنا.

همسه بانزعاج : انت كل مره يطلعلك شغل انا مش عارفه اقعد معاك دقيقتين على بعضهم يا احمد.. عجبك كده ياسهام ..

سهام : ايه ده انت لحقت تزعلها يااحمد

احمد : وانا اقدر دي بس بتتدلع .

سهام بابتسامه : ان كان دلع يطلعها ...

احمد : احم تعالي ياهمسه عايزك..

طلعت همسه معاه عالباب بزعل.:. عايز ايه..

احمد بعد شعرها : يعني ينفع تقلبي وشك فيا وانا جوزك وحبيبك كده..

همسه بدلال : بس انت هتمشي وهتسبني وانا من ساعت متجوزتك مش عارفه اقعد.معاك ساعتين على بعضهم..

احمد حاوط خصرها وقال بحب: منا الليل كله في حضنك مش كفايه..

همسه لعبت في زراير قميصه بدلال : لأ مش كفايه عشان انت بتوحشني ..

احمد : لا لا لا انا مش حمل دلعك ده يابنت عمي..ولسة هيبوسها خرجت سنيه من وراهم بضيق وقالت مفيش اوضه تلمكم والا ايه ..فاكرين نفسكم عايشين لوحدكم بالبيت ده .

همسه بعدت بسرعه واحمر وشها. وهربت وهي بتقول انا هروح اشواف سهام .

احمد بص ليها بضيق وخرج وسابها .. وهو بيقول يارب الصبر من عندك يارب ..

***********

زين : حا*دثة عربيه مش عايزه يقوم منها عايش..لكن عايزها تبان حادثه عاديه. 

الراجل : حاضر يا باشا لكن المهم الفلوس تكون عندي ..

زين : ماشي هديك نصهم وبعد ماتنفذ هديك الباقي ديل ..

الراجل : ديل. قولي المكان والزمان واعتبر اللي طلبته هيكون 

**********

سهام بعد مارجعت البيت دخلت عليها والدته زينه .

زوجة يعقوب ،: عامله ايه ياسهام والحمل عامل معاكي ايه ..

سهام : كويسه الحمدلله لكن بتعب شويه ..عشان نفسي بتغم عليا كل شويه ..

زوجه يعقوب : دي بسيطه انا عندي وصفه هتستعمليها. هتبقي زي الفل بعدها..

سهام ببرائه : بجد ياريت والله عشان والله يتضايق اووي من الأعراض دي .

زوجه يعقوب : استنى هقول للبنت زينه تعملنا انا وانتي منها ننزل الجنينه ونشربها هناك 

سهام: ماشي هغير بس واحصلك 

زوجه يعقوب : متتأخريش 

وفعلا نزلت سهام عشان تاخد من العشبه اللي وصفتها مرات يعقوب نزلت الجنينه وقعدت معاهم وكانو بيهزروا وبيضحكوا...لكن فجأه حست سهام بمغص شديد وبدأت تتوجع لكن ...

********

في الشقه اللي بيتقابل فيها زين وسنيه كان سالم قاعد مستني حد دخلت سنيه ووووو

الفصل التاسع عشر من هنا