رواية الفصلية الفصل العشرون بقلم زينب نور
أمل:قبل سنتين جنت طالعه من الامتحان ودانتظر الاستاذ رامي يمر عليه عبن الخط مايجيني اليوم فواكفه انتظر طلعت صديقتي رواء
رواء :ها أمل شو واكفه هين شنهي ما جاج الخط جا؟؟
أمل:ﻻ اليوم ميجي معطل الافندي راح يجي عليه رامي ابن عمي ..انتي شلونج بلمتحان؟؟
رواء:زينه انتي شلونج
أمل:ﻻ زينه حته ضامنه الدرجه
رواء :زين اكلج حب بس هاج الكتب بس اروح للحمام وارجع عشر دقايق
أمل:ماشي جيبي يسي السيد مسويتني الحمال الخاص مالتج
رواء:اي طبعاً جا شلون يله رايحه هههه
أمل:ديله ولي ... راحت رواء وبقيت واكفه ورة دقيقتين هيج شي وصلت سيارة مضلله وكفت كدامي انه دنكت راسي شوية وصار ضل فوك راسي رفعت راسي وشفت شاب ضخم حنطي وﻻبس نظارة شمسيه وﻻبس قميص خردلي وبنطرون زيتوني ورافع شعرة نوعاً ما المهم وكف كدامي وكلي
حمزة :ممكن تندهيلي عله رواء احمد كوليلهه اخوج
أمل:رواء راحت للحمامات شوية وتجي
حمزة:تمام
أمل:ضل واكف يمي انه وخرت عنه وكفت عله صفحه شويه وطلعت رواء
رواء:هاا حمزة اجيت
حمزة:اي يله تعاي وراية شغل كومة عفته واجيت علمود جنابج الموقر
رواء:ماشي لتمنني علفل احترمني كدام صديقتي
حمزة:امشي بله كﻻم زايد يله
رواء:هيسه بس خلني اجيب غريضاتي من صويحبتي واجي
حمزة:ماشي جا انه منتظرج بسيارة
رواء:تمام...شكراً امولتي عاشت ايدج ويله غريضاتي نطياني والله وياج
أمل: هاج اخذي بس مو صوجج صوج الحمارة الي جانت منظرتج وﻻزمه غراضج يله ولي باي
رواء:هههههه باي صخلتي اشوفج باجر
أمل:هههه باي ...ضليت فترة الامتحانات يوميه اعاين اخو رةاء يجي يوصلهه الصبح ويرجع ياخذهه وعيونه علي انه طول هلفترة ممهتمه وﻻ شي خلصنه عطله الاسبوعين مال نص السنه وبدينه دوام اول يوم داومت وصلني الخط ونزلت لكيته واكف ومنتجي عله سيارته من نزلت عدل وكفته وضل يعاين علي انه تجاهلته ودخلت للمدرسه خلصنه دوام وطلعت شفته واكف بس ميعاين علي ومعصب وراها ختفه فترة اسبوع ما شفته والاسبوع جر اسبوع ثاني والاسبوع الثالث لحد الشهر هوة ماكو انه كمت من اوصل للدوام اعاين ماكو ومن اطلع نفس الشي هم ماكو ضل بالي فكرت اسئل اخته بس بعدين تراجعت لحد ما صارت الامتحانات النهائيه بعدلهه سبوعين جان عدنه اجتماع أولياء الامور وانه الثولة ناسيه اكول للخط يجيني وﻻ كايله ﻻحد بلبيت فضليت واكفه جان جتي رواء
رواء:حمارة (حشاكم)شعدج واكفه هين ..صدك مني راح يجي عليج
أمل:والله يا زماله(حشاكم) نسيت اكوللهم اكو اجتماع وراح اضل هنا مصلوبة لحد الوحدة اله ثلث علما يجي الخط لو واحد من الساده الكرام(تقصد رامي او اي واحد من ولد عمه:* بذاك الوكت جان علي اخو يوسف عايش)
رواء:خوش خوش انه راح يجي عليه حميزة
أمل:فز كلبي من سمعت اسمه وكتله شنهي منهي الي راح يجيج
رواء:شبيج زماله(حشاكم) اخوي حمزة شنهو ماتسمعين عدل يمسودنه
أمل:ها ﻻﻻ مو هيج بس شوي شردت
رواء:هممم كتيلي ...باعي ذكرنا القط كام ينط وهاي اخوي اجه
حمزة:سﻻم عليكم
أمل ورواء:وعليكم السﻻم
حمزة:شعدجن هني واكفات
رواء:جاي انتظرك والاخت هني جاي تنتظر الخط
حمزة:شنهي ماراح يجون اهلهه
رواء:ﻻ ناسيه دكلهم
حمزة:همم خوش يله دخلي وجيبي صاحبتج وياج
رواء:تمام
أمل:ضوجني يتكلم وعبالك انه ما موجودة ضجت كلش منه
رواء:تعاي حمارة يله ندخل ﻻ يروح يعصب واذا عصب يا ساتر استرنا من عصبيته
أمل:وانه شكو ادخل روحي انتي يله ولي
رواء:لج امشينه يله والله راح يسطرني سطرة العباس
أمل بعصبيه:جاي اكلج دخلي انتي معليج بيه
رواء:شبيج انه شكتلج يولي المهم انه داخله والله اليستر بسم الله الرحمن الرحيم
........
حمزة:ها جيتي شو تئخرتي..عاينت وراها ماكو بنت المشعول(يقصد أمل)شو وحدج وين صويحبتج
رواء:والله كلتله تدخل وياي مارضت وصارت عصبيه وزمخت علي عاد عفتنهه انه ودخلت واجيت
حمزة:انشعلت بت اللذين انه اعلمهه شلون عصبتني..يله امشي انه مستعجل اريدن ارجع لدوامي وراي كوم شغل
رواء:اي امشينه تعال اول شي نروحن عله ام الفيزيا
حمزة:يله
..........................نجي نتعرف عله حمزة .......... .......
سﻻم عليكم انه اسمي ابو الحمزة ويندهوني حمزة عمري27سنه انه دكتور جراح كدرت اثبت كفائتي اول ماتخرجت وكدرت اصنع الي اسم بين الدكاترة انه شكلي عيوني رصاصي مخلوط بعسلي طويل وجسمي مرتب ﻻ انه ضعيف وﻻ سمين مهتم بي علطول اكل صحي ورياضه بحيث كدرت ابني جسمي بفترة مو كلش طويله شعري وسط ﻻ هوة طويل وﻻ هوة كصير لونه جوزي خشبي عندي شوارب ولحيه علطول مرتبهن خشمي طويل وحاد وبس نجي لطباعي انه عصبي بارد بس حنين بشكل متملك للحاجه اي شي اريدنه ﻻزم احصله ولو الثمن جان حياتي اهم الاشخاص بحياتي هم والدي والدتي الله يحفظهم واخوي يامن واختي رواء الصغيرة اهلي مصار عدهم بعد رواء اطفال اصﻻ رواء صارت بعديامن ب 6سنوات يعني انه عمري جان 15من انولدت رواء احبهه بشكل فضيع من توصل الشغله يم اهلي انكلب وحش المهم مرة رحت اجيبن رواء من مدرستهه جان اول يوم امتحانات وصار شكم يوم ادرس بيهه شلعت ام كلبي بس هيه شاطرة تلكفهه بسرعه جنت خايف ﻻ متجاوب المهم وصلت المدرستهه شفت وحدة شايله كتب رواء ومدنكه راسهه انه رحت يمهه وكتلهه تندهلي رواء كالت انو رواء راحت للحمامات شوي وترجع وراحت وكفت عله صفحه بعيد عني عجبني تصرفهه اجت رواء وحاجيتهه كالت اخذ غريضاتي من صويحبتي واجي كتلهه ماشي صعدت بلسيارة واعاين عليهه شلون تحجي وتضحك ويه رواء كلت الله يحفظهه صعدت رواء وبديت اسئلهه عل الامتحان وشجاوبت طلعت مجاوبه الحمد لله عاد صرت يوميه اوصل رواء الصبح وارجع عليهه من تخلص ويوميه اشوف صاحبتهه تجي مدنكه راسهه وتطلع مدنكه راسهه وﻻ مرة شفتهه رفعته امانت الله البنت حليوة وتدخل الكلب بدون استئذان صارت العطله الاسبوعين وانه حترك كليبي عليهه اضن انو مجرد اعجاب او هيج شي ماعرفن مادري بهل جم يوم شصيرلي بس افكر بيهه وكت الاجل ووكت الاشرب ووكت الي اريد انام حته بحلامي صارت تطلعلي شسوي ماعرفن المهم خلصن هلسبوعين وانه كلبي عله نارر بس اريدن اشوفهه اول يوم دوام بعد العطله كعدت من وكت كمت غيرت مﻻبسي وتكشخت الي يكول عندي عرس ورحت صحيت رواء وكعدتهه ونزلت كبلهه انتظرهه جوة اتريكت وي الوالد والوالده ونزلت ست الحسن والجمال اخذته ورحت وصلت عند المدرسه ب7ونص دخلت رواء وانه ضليت واكف بلبرد انتظ الي اسرت كليبي اجه الخط مالته ونزلت منه انه عدلت وكفتي وبتسمت الهه اشو هاي دنكت ودخلت للمدرسه صراحه مضجت من تصرفهه او ضجت نوعاً ما بس عجبني ثكلهه صعدت سيارتي وحركت بتجاهه المستشفى وصلت دخلت سلمت ورحت لمكتبي مراجعين وهوسه وراها صار وكت العمليات رحت جانت عندي عمليه ب9ونص الصبح دخلت كملتهه الحمدلله نجحت وطلعت من طلعت اجاني استدعاء من المدير رحت وجان انصدم انه معتدي عله واحد من الاطباء وجاي انطي ادويه بكيفي والعب بحياة الناس صارت هرجهه شكبرهه خلتني افور كبيت للستار ورفع كتاب للوزارة بهل شي وصار تحقيق بنفس اليوم بدو بي خلص دوامي رحت اجيب رواء بس انه معصب فوول اخذتهه ورجعت مر شهر وانه مشايف بنيتي اي بنيتي بهل شهر عرفت انه احبنهه واريدهه تصيرن ام جهالي المهم كبل يوم من الاجتماع مال رواء طلع التحقيق وجان ناصفني والدكتور المشتكي جان بس يريد يزيحني ويخليهم يطردوني ويسحبون شهادتي لسبب الانانيه عله شني انه هو ﻻزم يكون بمجاني بس انه اخذته هه والله يا الله جا هوة الواحد براسمن يصعد غير براس الفقرة والاوادم المهم رجعت جنت مكيف وانه شهر كامل مدخل البيت انذار دخلت للبيت جان اخوي يامن كاعد بلستقبال
يامن:يا هله اشو وجهك منور اليوم غير الشهر الفات عافس وجهك عفس
حمزة:تسكت ﻻ اعفس وجهك انته الثاني
رواء:هلو حبيبي حمزة
حمزة:هله بعد كلبي هله برويحتي شلونج شلون دوامج
رواء:انه زينه ودوامي زين وامتحاناتي بعدلهه 10تيام وباجر اجتماع اولياء الامور شوفو مني يجيني باجر
حمزة:هه ماشي بعد كليبي انه باجر اجيج
رواء:تمام
حمزة:سلمت عله اهلي وصعدت انام ميت تعب متكسر صار شهر اركض من هين وارجع من هين ادمرت رحت سبحت وطلعت تمددت ودانام وجت بالي اميرتي باجر راح اشوفهه
كعدت الصبح رحت لدوامي ودانتظر ايصير وكت الاجتماع حته اروحن اشوفهه صار وكت الاجتماع بعد ما نوريت ور رحت طلعت بسرعه اخذت اجازة زمنيه ورحت وصلت لكيتهن واكفات يم الباب رحت حاجيت رواء وتعمدت ﻻ اعاين عليهه مع انه كلبي موجر عليهه وتعمدت احجي عنهه بصيغه النكرة حته اضوجهه وفعلاً ضاجت وضوجتني وياها ..رحت سئلت عله رواء وطلعت عاينت بعدهه واكفه بمجانهه كلت الرواء
حمزة:رواء روحي كولي الصاحبتج خل نوصلهه احسن ما تضل واكفه
رواء:ماشي
رواء:اكلج أمل يكول حمزة تعاي نوصلج احسن ما تضلين مصلوبه هين
أمل:رواء روحي منا احسنلج ترة روحي طالعه
رواء:فدوة لخاطري تعاي حبابه
أمل:اذا وتتحركين من مجانج راح اكوم اصلبج واطكج طكه معدله ما بعدهه طكه
رواء:دروحي مو صوجج صوج الثوله الي دتحجي وياج
أمل:..ﻻ رد
رواء:رجعت يم حمزة وكتله متقبل تجي عاد صار عصبي وكال
حمزة:صعدي يله خل نولي
رواء:ماشي
حمزة:وصلت رواء ورجعت عل مدرسه مالكيتهه كلت اخاف احد اجه عليهه نزلت عل الحارس سئلته
حمزة:اكلك جانت اكو طالبه واكفه هين وينهه
الحارس:قبل شوية راحت للبيت عبن اهله تئخرو عليهه
حمزة:انته شلون تخليهه تروح وحيدهه المهم منين راحت
الحارس:راحت منا
حمزة:عفتهه ورحت صعدت للسيارة ورحت بتجاهه الطريق الي اشر علي الحارس وادور عليهه مثل المسودن وانه اغلي شفت شي خﻻني افور واغلي غلي نزلت من السيارة علسريع ورحت .................................
........................................................................
شنو راح يصير هسه بأمل؟؟
شنو شاف حمزة؟؟
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
