رواية الفصلية الفصل الواحد والعشرون بقلم زينب نور
□□□□□□□□□
أمل:ضجت واكفه وحيدي بعد مراحت رواء لو رايحه وياها احسنلي جا من الوكفه هين ..بس ﻻاا شعندي اروحن وياهم اخوهه غريب ومايصير وهوة اصلا انه ضايجه منه وماخذه موقف منه المهم كلت للحارس انه راح ارجعن بلبدايه مكبل بعدين كال روحي اذا تندلين انه هم ماجذبت خبر شلت جنطتي ومشيت وصلت فرع فارغ مابي احد صراحه خفت بعدين كلت انه ماشيه ماشيه والباكي عله الله مشيت وجان اسمعن صوت ولد ثنين انه سرعت بلمشي
الشاب الاول:اخخ لك خوي شوف الطول يكطع
الثاني:اي اوووف لج يحلوة اوكفي بس دكيكه
أمل:انه سمعت هيج وطكيتهه ركضه اشو ماشوفن غير واحد سحب جنطتي وحاوطوني وبدو يشمرون بلجنطه من واحد للثاني وانه ابجي واتوسل بيهم ينطوني الجنطه واحد منهم راد يكظني وماشوف غير نمطل عل كاع من اثر الطكه الي اجته
حمزة:نزلت من السيارة وانه نار تطلع من عوناتي شفت شباب ثنين يتحارشون بيهه ومحاطويهه واحد ويحجون جحي اصﻻ مينكال وهيه خايفه وتبجي تريد تشرد وما يخلونهه
شطت من شفت واحد منهم يريدن يكظه ماحسيت عله روحي من ركظت ونطيته بوكس مطله بلكاع وزمخت بأمل
حمزة:امشي جدامي للسيارة ﻻ اكسر راسج
أمل:من الخوف ركضت للسيارة ودموعي ابد موجفت بس تنزل اعاين علي اشوفو كسرهم تكسر بلموت يله شردو انوب رجع علي صعد السيارة ونهد بيه
حمزة(بعصبيه):انتي ثووووله مسودنه شلوننننن تتحركين من يم المدررررسه والدنيه ضهر وليشششش من دززززيت عليج رواء مرضيتي تجين فهمينييييي هيسه شسوي بيج تدرين لو متئخر دكايككك ثانيه جان انتهيتي يو ﻻااااااا لج بابه فهمي انتي بتتتت ما يصير تطلعين وحيدج والدنيه مو امانننن...شفتهه زادت بلبحي نمرد كليبي عليهه ..(بهدوء) خلص سكتي كافي بجي...لج مو داكول كافي سدي البوري غركتي السيارة ...اشو انه كلتله هيج وهاي جان تنفجر بوجهي
أمل(بدموع):كله من ورا اهئ وراك انته اهئ ليش قبلت تعيفني اهئ انه من شفت رحتو وماكو احد يمي خف اهئ اهئ خفت ومشيت ارجع لل اهئ للبيت عبني ضليت وحيدي وما اهئ ومابكه احد اهئ اهئ انه شمدريني بلي راح يصير اهئ قابل اشم كفه ايديني اهئ اهئ روححح زعﻻنه منك ما حاجيك اهئ اهئ
حمزة:عفت كل الكﻻم وركزت عله شغلتين الاولى الكله من وراك والثانيه مال زعﻻنه ليش انه شسويت...اوكفي دكيكه انه شنهي الي سويته حته تزعلين مني جا هيج يعني كله عبني عفتج ومشيت
أمل:اهئئئئ ﻻ ليش صارلك شهر ما مبين مختفي وضل بالي عليك ليش هيج ها واخاف اسئل رواء عليك شهر كامل يا ظالم شهر اهئئئ انته ماكو هاي شغله بعدين انه ردت ادلل عليك من ما كبلت اصعدن وياكم دكوم تعوفني وتروحن وﻻ تجي تحجي ويه رواء عليه بصيغه النكرة عبالك مو مموجودة ليش هيج روووووح ما حاجيك بعد اهئئ اهئئ
حمزة:ماتحملت كلامهه هم صدمه وهم لزمتني الضحجه والمشكله انه مجدرت اضمهه طجيتته بضحجه اول مرة اضحجن هيج ...ههههههاي صدك تحجين هههههه يا يابة خرببب ههههههههههه
أمل:اشو انه خلصت جﻻم وهذه طكهه بضحجه ...اهئئئ لتضحج امشي رجعني للبيت جا انه ماريدن اشوفك بعد...كلت لتضحج كافي ..اههههههئئئئئ
حمزة:بلموت وجفت عن الضحج اعاين عليهه غاديه طماطايه من البجي ..أمل أمل لجج شو عايني علي بس احاجيج
أمل:ب(تنشيغه) ماااااااا اهئ
حمزة :لج بابه كافي بجي عايني وجهج شلون صار يله حبيبي كافي يله..انه حيوان وحقير وادبسز بعد ماعيدنهه اسف يله أملي أمولتي كافي يله حبيبي اششش اسفف
أمل:هديت شويه بس مسكتت
حمزة:هدئت شويه صراحه مردت استغل الوضع انو احضنهه لو ابوسنهه خفت ﻻ تنفر مني او تضوج عاد بس اخذت ايدهه ...عايني انه راح اوصلج لراس الفرع مالتكم وانتظرج لحد مدخلين للبيت واذا احد سئلج ليش باجيه كوليلهم ركض وراج جلب..مفهوم بنيتي
أمل:امم مفهوم
حمزة :وصلتهه لراس الفرع وصكد راحت للبيت وانه نتظرتهه من دخلت انه مشيت ماعرف بس احسن نفسي فرحان
أمل:وصلني للفرع مالتنه ودخلت للبيت صار بوجهي رامي رايد يطلع من شافني نصدم
رامي:لج هاي شرجعج وحدج وليش هيج شكلج ؟؟
أمل:نسيت اكلكم اليوم اكو اجتماع و بكيت بس وحدي بلمدرسه فرجعت وبلطريج ركض وراي جلب وانه خفت كمت ابجي واركض لحد ما ضيعته واجيت لهني
رامي:انتي مسودنهه لج لو صاير عليج شي هااا احجي
أمل:اسفه متنعاد
طلع علي ويوسف :علي:هاي شجاي يصير شبيج بوية أمل
رامي:الاخت راجعه وحيدهه وﻻ جن اكو اهل وراها
يوسف:شبيك رامي متشوفنهه وجهه مخطوف تعاي بويه
أمل:رحت يم الشيخ حضني وباسني من راسي شبيج بوية صكد راجعه وحديج وليش
أمل:اهئ نسيت اكلكم عنده اجتماع عبني جان عندي امتحان والتهيت واليوم بنهايه الدوام يله تذكرت بقيت انتظر وحدي والمدرسه لحد مراحن كل البنات انه خفت ورجعت وبلطرج ركضت وراي جﻻب وانه خفت بلموت شردت منهم
علي:صكد تحجين بويه يله كافي بجي تعالي خل ادخلج جوة وانته رامي ممنوع تزمخ بيهه مرة ثانيه متشوفنهه شلونن خايفه ومرعوبه البت
رامي:بس
يوسف:ﻻ بس وﻻ شي روحي بوية ويه علي ودخلي جوة غسلي واجليلج لكمه وبعد ﻻ تعيدينهه هلمرة سماح عبنج ماتعرفين وصغيرة المرة الثانيه عكوبه
أمل:حاضر التوبة
علي:هههه يله تعالي ام المصايب
أمل:دخلت وية علي من شافوني انصدمو بعدين عرفو وشتغلت الرزايل عادن علي سكتهن وكالهن صغيرة ماتعرف وكالي اروحن لغرفتي وانه صكد صعدت للغرفه ودخلت غيرت هدمي وغسلت وتمددت من الهبطه مالي نفس اجل .... ورة فترة سافر رامي هوة وزوجته بكه بس الشيخ يوسف وعلي باخر فترة صرت اتواصل ويه حمزة وعرفت روحي احبنه بس تواصلنه كلش ضعيف يعني بلسبوع مرة او ثنين نحجي عله كد السﻻم ويوميه اشوفه يم المدرسه خلصنه امتحانات والحمد لله نجحت عﻻقتي بحمزة يوم عن يوم تزيد وصراحه انه خايفه من هلشي قبل فترة راسلني وعترفلي بحبه وكال فترة ويخطبني بس انتظر علي فترة عبن جاي يكون نفسه ومنتظرني اتخرج من الاعداديه ونتزوج حته بيت عمي ميكون عدهم اعتراض انه هم ما عترضت علاقتي بي نضيفه ﻻ لمس ايديني عدى ذيج المرة بلسيارة وﻻ راد يشوفني وﻻ راد صورة وﻻ راد مكالمه فيديو وﻻ اي شي من الاشياء الي ديطلبوهه الشباب وكل مرة يكول انه اريدنج بلحﻻل وغراضي راح تضل محفوظه الي لحد مانتزوج وعود اكضي بيج التوبة جنت اخجل من كﻻمه من جان يشوفني يم المدرسه يستغل اخته من ممنتبهه يو يغمزلي يو يكلي احبج ومرات يدز بوسه بلهوة مرت سنه ومرت السنه الثانيه عاد مرة راسلني
عودة للماضي:
حمزة :حبيبي انه راح اتقدملج هلفترة بعد ماكدر انتظر
أمل:حبيبي احنه مو متفقين بس اخلص سادس
حمزة:حياتي انتي تكدرين تكملي يمي واضافه انه انه راح اساعدج بلدراسه هواي وهم راح تكونين يمي وهذه الاهم
أمل:حبيبي خايفه
حمزة:لتخافين يروحي مراح يصير شي ماشي
أمل:تمام بكيفك حموزتي
حمزة:هههعه ملعونه احبنج
أمل:وانه هم
عودة الحاضر:
وقبل يومين من ميجي يتقدملي علي انقتل وصارت الاحداث صراحه جنت ميته قهر علي جان اقرب واحد الي جان اخ واب وصديق وابن عم جان كلش مداريني يكلي انتي من ريحه عمي المرحوم ومثل بنيتي ﻻزم اداريج لحد متكبرين وازوجج بيدي واشوفن اطفالج والعبهم جنت اضوج من سيرة الزواج اكله ماروح لمجان جاعده عله كلبك جان يضحك ويكلي جعدي بعد بيتي جعدي هوة شعدنه غير أموله هيه بس وحده وخل تدلل
هوة جان يحب بت عم والدي اسمهه مسرة البنيه حبابه جانت محجوزة اله بس بعد منقتل بشكم شهر سمعنهه انهه تزوجت اهلهه مزوجيهه لواحد من كرابتهم الله يسعدهه ..المهم حمزة اجل السالفه لورة السنه مالت علي كال مايصير وعيب جا ابن عمج انجتل وأنه اجي اخطب انه ايدت الحجي وقبلت انو يتئجل عبني انه هم ما مستعده لهيج خطوة بحياتي المهم اجت ميار و حياتنه روتينيه كلش ..من طلعنه للسوك حته نحظر لخطبه مﻻك كتبتله رسايل كومة بس مرد وانه من يومين ادز واتصل وهوة ماكو ضل بالي علي المهم طلعنه وبنص السوك شفته يتمشه وويا وحدة وشارك الحلك من الضحكه هوة شافني اختفت ضحكته انه انصدمت ونكسر خاطر عود شنهي معناها اتصل علي وخايفه وتالي اشوفنه هين مكيف ومتونس وجاي يضحك والبنت الويا ﻻزمته من عكسه انه محبيت ابين انكساري ضحكت ضحكه( دليل عله الاستهزاء)جانبيه وعفتهم ومشيت دخلت للمحل الي بي البنات هوة هم مشه وراح انه بلكوة متحمله بس مضطرة امثل انه زينه عود جنت فرحانه بلطلعه تالي انكسر واهسي وخاطري والاهم كلبي ..رجعنه للبيت انتظرت يتصل او يبرر كلت منا لليل اذا متصل احظرة من كل البرامج وصدك صارت ب12بليل وهوة متصل عاد لزمت التليفون وحظرته من كل البرامج وطكيت من البجي وغطيت راسي بلحاف وابجي جوة اللحاف لحد مصارت ب3يله نمت من التعب مرت فترة وانه مضطرة امثل انه بخير واضحك واسولف واتعارك وية رامي والبنات حته ليعرفون انه بيه شي وصراحه انه خوش امثل ورة يومين كامت تجي رسايل من رقم غريب قريت الرسايل
1:أمل حبيبي ليش حاظرتني
2:أمل بوية فاهمه الموضوع غلط كفيلج العباس بس ردي وانه افهمج
3:أمل بالله العلي العظيم اذا متردين اكسر راسج ..
..
وو كومة رسايل فوك ال100رساله ومكالمه انه لزمت انطيته حظر وطلعت السيم كارت كسرته ونزلت لشيخ
أمل:شيخخ
يوسف:ها بوية
أمل:(بزعل)اكلك بس ما تعصب
يوسف:احجي بوية الج الامان ماعصب
أمل بسرعه:جنت انضف التليفون وفتحت البطاريه داطلع السيم كارت ونكسر (غطيت وجهي )
يوسف:ب(ستغراب )وشني الي كسرة جا
أمل:مو اجتني الحاله مال مسودنين واكو شي بداخلي كلي طلعي السيم كارت وانه سمعت كﻻم نفسي وطلعته بس (كمت انعي)بس انكسسسسر اهئ اهئ
يوسف:ههه الحمد لله والشكر اي والله روحي بوية وباجر اجيبلج جديد
أمل:سدوك(صدوك)
يوسف:اي بوية روحي يله
أمل:ماشي شكراً والله يحفظك ويخليك ويخليلك احبابك ومحبوباتك وعشيرتك واقربائك وربعك و...
يوسف:كافي كافي شكراً يله روحي
أمل:حاضر ...وصكد ثاني يوم جابلي جديد وفعلي الركم ودخل ركمه واركام الباكين وكال
يوسف:هاج بوية وانتي دخلي اركام ربيعاتج(صديقاتج)
أمل:حاضر وشكراً يا احلى شيخ وابن عم واخ بهلكون كلهه
يوسف:هههه بوية عفوا
أمل:عفته ورجعت عله غرفتي فتحت التليفون ومسحت كل البرامج ونزلتهه من جديد وسويت حسابات جديدة وكعدت كلشي انتهه هسه حمزة انتهه من حياتي ...ورهه فترة صار حادث ميار ورحت للمستشفى وياهم وانصدمت انه حمزة هوة الدكتور الجراح والمراقب عله حالتهه هوة شافني وعصب للستار بودة ينكض علي ويفترسني بس هم زين الكل جان موجود وراها بايام صحت ميار الفترة الي راحت مجان الي خلك بشي ابد وحمزة رايح راجع وانه اجي العصر يجيبني رامي وارجع بليل ويا لحد مصحت ميار وكتلهم ابكهه وياها وصكد انه ردت ابكه علمودهه مو علمود شي ثاني وصكد الشيخ بكاني يمهم ..ردت اروح للحمام جان يجرني حمزة(تذكرون الصار بذاك البارت محاجه اعيد) وراها رجعت لغرفه ميار وهم اجه حمزة (تذكرون الصار)...ثاني يوم راحت ميار دتسوي الفحوصات والتحاليل وانه بكيت يم غيث ورامي وكبل هاي جنت اتشاقه وية غيث اكيد عصب حمزة هيسه المهم انه احتاجيت الحمام كلش فكلت لرامي
أمل:رامي اريدن اروحن للحمامات
رامي:ماشي بس ﻻ تتئخرين
أمل:تمام ..مشيت ورحت للحمامات غسلت وردت اطلع جان تندفع الباب ويدخل حمزة انه صوفر وجهي ...أمل:انته شدا تسوي هين ﻻ احد يشوفك
حمزة:اي بله من صباحيات الله طاكه ميانه وضحك ويه ابن عمج هسه من اكطعج احد يكلي ليش
أمل:صراحه عصبني وانه منا شلون متحمله من طلعه السوك ومن السوا البارحه
اي انته مالك دخل بيه يا اخي انته حﻻل وانه حرام بعدين ترة غيث مثل اخوية رابين سوة حته ولعلمك احنه اخوة بلرضاعه ..المفروض انه الي اعصب منك مو انته
حمزة:بعصبيه يا أمة الاسﻻم انتي شبيج اريدن افهم ليش معصبه هيج
أمل:ها يعني ما تعرف بس تعرف تشرك الحلك منا ليهنا من الضحك والوياك تطك بلعلج وتجقجق بلكعب مالتهه وكيلو الحمرة الي بوجهه حمارة متحطه وكامشتك من عكسك وانته مكيف مو بس هاي تعرف كبل ﻻ تحاسبني حاسب نفسك ومن هذاك اليوم كلشي انتهه بينهه ﻻاعرفك وﻻ تعرفني
حمزة:ها طلعت السالفه علمود بنين
أمل:ودكول اسمهه جدامي بكل عين صلفه
حمزة: (ضربتهه راشدي)شوفي ولج لسانج تلزمي ﻻ اكصه وهيسه تروحين ﻻ يشكون تولين كدامي ومن ترجعين انه اتصل عليج وافهمج ﻻ تضلين تمسلتين من كيفج
أمل:انصدمت ضربني راشدي وعلمود منوي علمود بنين هانم ..من الصدمه مطلعت مني غير كلمة شكرا ً وعفته وطلعت والله لو تثالث الدنيا ما سامحه
حمزة:ضربتهه راشدي عبنهه تجاوزت علي ومجنت حاس بروحي ابد ..خرب هيسه انه شسويت اكيد زعلت فوك زعلتهه زعله يله اراضيه بعدين عود ..رحت كملت شغلي
أمل:رجعت يم الولد وانه حابسه الدموع كوة شويه واجه الشيخ وميار رحنه سوينه خروجيه المستشفى وطلعنه ومن طلعنه شفته واكف باب المستشفى يدخن وعينه صوبي انه درت وجهي عنه ومشت السيارة ورجعنه للبيت
.............
أمل:وهذه كلشي كوليلي شسوي هسه
ميار:تحجي وتبجي كسرت خاطري هيه علطول كتومه متحجي ابد جريتهه بيدي السليمه وحظنتهه وضليت امسح عله راسهه بعدين جريتهه وعدلت كعدتهه ومسحت دموعهه واشرتلهه عل مي
أمل:كمت جبتلهه مي عبالي تريدن تشربنه بس هاي قربتهه مني..ماريد
ميار:هزيت راسي ﻻ اشربي ..
أمل:اووف ماشي جيبي شربت المي عبن ريكي نشف ..اسفه ضوجتج وانتي توجج طالعه من المستشفى
ميار:خزرتهه واشرتله بشفايفي انجبي انتي اختي
أمل:ضحكت بقهر متكدر تحجي بس تحرك شفايفه انقهرت عليهه وعله نفسي هيه هم شني ذنبهه اجت فصليه وجاي تتعذب هين والله حرام ..انه رايحه يم النسوان ماشي
ميار:هزيت راسي اي
....
يوسف:دخلت ميار ورحت للديوان كعدت وياهم صار فترة مختفي وماعرفن شجاي يصير هين عاد صار وكت الصﻻة دخلت للمطبخ كتلهن يصبن الغدة لبين منصلي ورحت لغرفه ميار..دكيت الباب ودخلت وجان.....................
.......................................................................
شنو راح يصير بأمل وحمزة؟؟؟
وشنو راح يصير بشيخ وميار؟؟؟
شنو رائيكم بشخصيه حمزة حبيتو يو ﻻ؟؟؟
................................................................
